將軍澳私/居上車盤討論區（9)

係囉，其實9球都未必買到兩房，或者只買到啲無咁靚嘅盤

入過去睇，唔知點解覺得似元朗非市中心啲低密度新樓
環境係好正，但無揸車都真係爭啲咁
不過前一排見到有人係fb賣車位最平130萬，唔知真定假

低層？

係呀, 低層內園公園泳池景

內園泳池又接受到喎！咁幾抵玩！

睇下點理解防守力呢樣野

先唔講換樓成本
如果從實用性黎講，一步到位買三房都無話唔好，大跌市時，就算點跌，我間屋有咁大都仲可以夠用

但如果買一/兩房，又難賣走時，就焗住繼續住
仲要唔知坐幾耐先惡頂
當然，可以選擇雙租加少少錢住大啲
不過我諗買得樓既人都係唔想成日搬同埋有自己鐘意既裝修
講投資我覺得買樓唔係最佳選擇

仲有山竹個陣

如果有小朋友要考慮清楚，可以既話要買梗廚，你會唔放心佢係廚房個位到行/爬，之後應該係房數目，如果你唔想小朋友同姐姐一齊訓，建議買3房，即使得1廁，小朋友細個唔可以自己一個訓，細單位啲房好細，2大1細訓會好迫，同埋佢大左你都想比間房佢，當然你可以先買2房再換3房，但成本高，stamp都唔平，有左小朋友洗費會多好多，讀書、車、車位等等，仲有早期既陪月同埋後期既Disney 加食飯，你間屋仲要比管理費、差餉、地租，將軍澳站既話，將中將廣君傲灣可能真係比較合適，如果要新樓就要去返你唔會考慮既康城

無錯細3房真係進可攻退可守，起碼可以住到細路仔6歲，跟著呢兩年二人世界住大啲都爽yy，湊仔wfh都仲有間書房
仲要兩房如果長老黎湊，有時stay over，都要俾位佢瞓

半新樓就算細裝，都要造傢俬，裝+傢俬都十零個，搬一搬又係射哂落海
同埋發現tko地租差餉都唔係叫平

可能我人cheap，自住唔洗搞到咁luxury，留返$做其它投資仲好
不過如果女友非靚嘢不住就另計

呢排出現既盤？之前睇全部都叫9.5M+
岩先對對近半年成交最平都要9.4M

不過君傲灣睇過都感覺殘殘地 座數少好似管理費都貴D(唔知有無人分享下

我睇過，入面好暗架，比對面將廣擋晒d 光

果陣個業主仲要傻傻地冇開燈，一入屋已經即刻想走

幾日前簽臨約, 仲有上報

笑死踩間屋暗, 搵黎講
咁將廣都唔好買啦,
比對面君傲擋晒d光

六百頭都係D低層，中層以上都要六百中後

如果有計劃生b請工人，建議都係最好上三房套。兩個廁所會好用啲，同埋短期應該唔會再有換樓需要，市差都可以住住先。始終換樓又要幾十萬stamp 操作又煩。。暫時以你入息九球都幾盡下。需然人工會加，不過如果有b都會幾大使費，留返啲buffer好啲。
仲要諗埋日後有b有工人揸車會方便啲，車位供應都要考慮。
三房套將軍澳站大部分應該都要近1000吧？
可以睇下寶坑康城近鐵近商場（你唔想推住bb車日曬雨淋吧？）三房套接唔接受到。如果接受到你第日生活會輕鬆啲。