執業會計師，公司個人會計報稅問題，你問我答 (4)

你填報稅表時可以申請撥回評稅，稅局會採用一個交少啲稅嘅方案。
整筆約滿酬金平均攤分36個月，因為今年你只有五個月人工，係有可能全部計落今年會交少啲稅

唔好意思 想再問多少少

1. 申請回撥時我之前3年有d 免稅額無報/用 可唔可以報返？

2. in case 最後計曬落今年而要交稅 一年之後政府有稅務寛減限額 有無得減返俾我退返錢俾我？

真係唔該曬🙏🏻🙏🏻

如果以前沒有兄弟姊妹申索父母免稅額，你係有資格申索。你嘅理由係以前唔識冇填報，而家想報返。

稅局有可能查你，要你提供供養父母嘅證明。通常話以前報錯咗嘅嘢，稅局冇咁順攤收貨。


退稅唔清楚，但你既然唔喺香港，下年度公佈嘅舒困政策就唔關你事

我當咗bonus咁答

想請教大家
我今年4月份開始做freelance
但啱啱先開到間無限公司拎到商業登記
想問下4到8月嘅收入可唔可以計入公司收入到嚟報稅

你想100%按照法例去做的話，就唔可以

Thx

請問我開左間獨資無限公司做consult ，唔係單單交易都係銀行戶口收，係咪可以唔駛報足？

同埋聽人講可以請散工扣稅又唔駛比mpf,係咪因為佢係裝修先得？

最後如果我每個月比幾千蚊家用都話係比老母既佣金，係咪又可以扣？

唔好意思問左好多

1.報唔報足，同點樣收錢係冇關係。你全部銀行收錢，都可以報冇收入；你全年現金收入得一萬，都可以報一百萬收入交下稅。

2.薪金以現金、支票定自動轉帳支付，供唔供強積金，僱主報稅填唔填，佢個人有冇申報收入，任何工種，哩啲嘢全部都可以自由組合。

3.你過到自己良心，幫間公司報咩支出都可以。

法例要求寫得好清楚，做每一樣嘢都有後果，可能即刻出事，可以三年後先出事，可能永遠都冇人，希望大家都做個守法乖寶寶。

1. 呢啲睇自己啦。
2. 多數請散工都好難扣稅，因為個散工唔會俾你幫佢報稅。供唔供mpf就睇佢係自僱定受僱，同稅冇咩關係
3. 除非你講到阿媽業務上有咩幫到公司啦，而你哋有簽約，就咁純家用一定唔得

請問我開左間獨資無限公司網上賣產品，我用個人名義租左個倉存放啲產品，每個月的存貨既租金支出可唔可以用黎扣減我正職既收入，交少啲稅

你間無限公司冇收入

3. 佣金方面，如果稅局出信問你以下嘢，你會點答：
a. 俾邊個、同你有咩關係？
b. 佢提供啲咩服務
c. 佣金點計
d. 合約
e. 點樣幫公司賺取應評稅利潤

如你每年俾非僱員佣金超過$25,000要報IR56M。

如果可以嘅話，哩個世界冇任何一間公司或個人要交稅

淨係講稅例
公司收支表唔計算哩筆薪金支出的話，你個人唔需要申報

ic..感謝你解答

生意不似預期，收入追不上支出

想問樓主有咩生存之道同新入職a1講？同埋新入職a1最好點同sic & coach相處

想好奇樓主過往見到過啲咩放飛機嘅情況 介唔介意分享下？

單number 同日期用excel random generate 出來

dup低頭做夠三年有個牌先好諗其他嘢，窮先要入呢行，窮就唔好咁多幻想

其實正常人咁唔好太標奇立異已經okay，大家都係做嘢姐

依家讀會計加咩major好