執業會計師，公司個人會計報稅問題，你問我答 (4)

Q11: 公屋有名OR有層私樓/居屋但又出去租樓可唔可以CLAIM rental reduction

A11: 唔得

Q12: 想請教下 DTA d嘢，如果係加拿大/英國/澳洲 呢啲地方 remote返香港工，然後係當地又有一份工，香港份工係咪交咗香港稅，就唔洗再理佢哋個全球稅制？

A12: 首先，你係HK employment，人在英國，假設你全年冇返香港，all service rendered outside HK, 咁就唔洗交香港稅。但因為你多過183日在英國，咁就要交英國稅，你已經係英國稅務居民。已經唔洗睇DTA。

但如果你唔係全年在英國，有60日內在香港，如果你呢60日係完全冇做過任何公司嘢，純探親，咁可以唔洗交香港稅。

如果多過60日，即時全年收入交香港稅，但因為你又多過183日在英國，又要交英國稅，到時就要兩邊交稅，睇下邊一面可以攞tax credit做。

你個case係香港出糧，所以DTA唯一用途係你要英國少過183日，但又要交英國稅先有用。

Q13如果我同外國公司簽做 independent contractor consultant，用電腦 remote 做嘢，間公司香港冇 office，人工係外國轉過嚟
1. 係咪計薪俸稅，除非自己開間公司收錢？
2. 如果我有時人唔喺香港，走咗去其他國家照開部電腦做，咁按生產地區點計稅？照日數除開佢？

A13首先，你要決定你個independent contractor consultant 係自僱定受僱先，你雖然係固定出糧，但你又唔洗固定時間地點返工，而做嘅野係project base定係好似同普通打工一樣？因為你講到independent contractor個名又好似你同間公司冇主從關係咁

之後，就算係受僱，你要determine你個係non HK or HK employment 先，睇下你張contract邊度傾，你公司香港有冇office，人工係唔係外國過俾你咁。係non HK employment你先可以照日數除
你個CASE似係交profit tax 多, 咁你在香港工作，全部收入都要交香港利得稅。當自僱人士咁報稅

Q14: 以前間港g sme個老細咩7都要我地book入去director expense
講緊係食個燒味飯買下 mask呢啲數都要claim返公司錢，一家大細買iPhone 陣入公司數，自用果部tesla 又用公司名義hold，以前讀書話送禮物比客可以book入去扣稅，其實係咪好大漏洞

A14: 逐樣講啦
1. 食個燒味飯 < 唔扣得，唔係business related ，你做唔做生意都要食飯
2. 買下 mask < 扣得，可以話買來公司同事用
3. 一家大細買iPhone 陣入公司數 < 理論上唔得，因為係Private expenses，但實際上正常一間公司都一定會有電子設備，你好容易就講到係買來俾公司用，反正都有單
4. 自用果部tesla 又用公司名義hold < 理論上唔得，因為係Private expenses，就算你話係公司車，稅局會叫你分返幾多成係揸出去見客，幾多成係個老細自己返工放工用
5. 以前讀書話送禮物比客可以book入去扣稅 << 送俾客就可以，正常生意係要有啲禮尚往來

係咪好大漏洞又唔係嘅，只係好多人都會搏咗先咩都扣姐

Q15: 公司避稅問題
1. 為甚麼cayman islanmd現在比較受歡迎？
2. 如何用cayman / bemuda / BVI公司避稅？例如香港的利潤以交專利費(商標之類)的方式轉到cayman，而cayman不收公司稅，從而香港因無利潤而不用交稅，cayman公司不徵稅，是否這樣？

A15: 呢個問題問得好好，其實我覺得好多人對離岸公司好多迷思，以我個人知識試下答啦，答得唔好麻煩巴打們幫手補飛
1. 都好多上市公司原長和系會開公司在cayman island, BVI等地，主要優勢係果面嘅公司法無香港咁多regulations，當公司重組同分股息果時彈性高啲，同埋私穩度高啲，冇咁易俾人查晒director 係邊個同地址，以前香港真係阿毛都可以查到。但你話係唔係有稅務優勢我覺得就冇咩，因為香港稅制唔係睇你間公司邊度incorp, 主要都係睇你實際經營地方去決定
2. 正如上面講，香港開海外公司避稅就應該冇咩作用，除非你有心唔報稅啦。而巴打你所講嘅方法，香港係唔work, 因為由香港向海外公司俾專利費or 商標費，付方係要代收方去俾withholding tax，因為稅局唔會追到海外公司稅，變咗會追你。你所講嘅係類似Double Irish Dutch Sandwich Tax Avoidance，詳情可以上google睇下，因為好complex。大意就係例如Microsoft 在德國賣咗好多office copy賺好多，咁佢Microsoft Germany 會俾專利費一個德國唔會收withholding tax 嘅歐盟國家，咁德國果面可以扣expenses但又唔洗withholding tax, 不停重覆直到個專利費係俾到去到一個國家，例如愛爾蘭，係唔會收cayman公司withholding tax，咁該筆專利費就可以扣稅，而因為cayman係無稅的，咁最後就做到呢筆專利費係俾果個可以扣稅但收果個又唔洗交稅。但近年多國政府合作就少咗好多啦呢啲loophole

Q16: 可唔可以講下做audit 每一隻job 嘅流程

A16: 一般大firm做audit

學術上就一開始要了解個客嘅業務，之後你會去identify一啲重點嘅area會去做多啲功夫，因為audit唔係等於由頭到尾check一次，都係risk base approach去做嘢，簡單啲講就係ensure大野唔好錯，之後design啲audit procedure 去完成個audit

做落去就係個老細有job, assign一個manager 做，個manager book 人手做，之後就開會傾上面啲野, 同個老細agree 好個方向就叫啲staff落手做，落手做嘅staff就要執數，睇下有冇古怪野，抽單落料果啲。個manager睇住個盤有幾錢剩唔好爆鐘，啲細做完交上來review，之後俾個老細睇，之後個老細會屌點解做得咁垃圾你哋有冇讀過書，之後就花好多時間清老細嘅Q，最後唔知過咗幾多個日與夜到deadline老細最後肯簽名

一般我呢啲濕鳩細firm就

你俾數我，做基本嘅audit
之後做account tax comp tax return
寄俾你簽，寄埋單收錢
收到錢就幫佢簽之後交俾稅局

LM

呢排忙到冇時間做尖，做完幾間公司audit追返啲進度先敢再開post

美國稅唔識答你喎，以我所知，美國係以國藉全球徵稅，唔同香港or 英國，你係綠卡就要交稅，正常就香港稅同美國稅都要交，之後有一邊可以抵扣返交多咗嘅稅，唔會double tax。

big4 請得多唔多intern

今年big4真係唔好境 ，headcount 少，但都係唔夠人又唔請人

利申： 上年一升s3 就走左，未搵到工，而家今年想入返其中一間捱多2年都冇回音interview

巴打d tax 有d 紋水，

例如Q12, 建議你問下big4 individual tax 班人

或者溫返module D

或者打去IRD問，IRD有條team係專答technical野

咁不如你賜教一下？咩位唔啱我都想學返啱

都多架，我以前都有做過intern
可以直接試下報

你做過big4 嘅mid join 應該即時請架wor, 依家咁缺人，你唔好揀pwc, 其餘3間應該易入啲

想請教下
上年打5個月工同有間無限公司仔接工程job
1.上年度打工剩係打左5個月，呢part應該報薪俸稅！？
2.無限公司接job，上網見人講報個人入息課稅會好過報利得稅？
所以開頭我剔左（薪俸稅同個人入息課稅呢兩part）
但去到最尾個度禁個計算機
出黎計算機結果剩係show左薪俸稅個收入
無show到無限公司公司條數

所以想問下我係咪中間禁錯野？

計算機你最少要揀
已婚
選擇個人入息課稅
薪俸收入
獨資業務利潤或虧損
強積金僱員供款
供養子女數目

我已經好耐無做individual tax, 都唔係咁適合答你

HK: 睇employment source…
你似乎搞亂左salaries tax 同 corp tax sourcing rule.
UK: 睇 tax residence
US: 睇citizenship 同 tax residence

3個入面，其實UK同US先係接近，HK先係最特殊…因為HK個種跟本連ind tax 都稱唔上，係salaries tax. 全球無幾多地方同香港接近

所以你advise下 local employment is okay⋯

但如果連sourcing rule未清，exemption claim, tax equalisation又無做過，其他國家ge ind tax return未店過…唔建議你店任何international野，無論係公司定個人.

要睇幾樣野，你張employment contract，days in/out HK, US, and other countries…official record from immigration dept is needed, other income…

無E幾樣資料，基本上無可能答到你

1. Hong Kong salary tax 要唔要交稅，係的確分咗係HK employment and non HK employment 先，HK employment 先會睇60 days rule，non HK employment 變咗會係time apportionment。而位巴打講明佢份工係香港出糧，係香港公司，所以我先會話係睇60 days rules，睇日子關profit tax source rule咩事？

2. UK係tax resident就要交全球稅嘅國家，決定UK tax resident 係用UK tax， 有以下criteria

UK tests
You may be resident under the automatic UK tests if:

1. you spent 183 or more days in the UK in the tax year
2. your only home was in the UK for 91 days or more in a row - and you visited or stayed in it for at least 30 days of the tax year
3. you worked full-time in the UK for any period of 365 days and at least one day of that period was in the tax year you’re checking

所以我先會話英國稅交唔交就主要睇在英國有冇183日，咁樣唔係睇緊residence status?

如果真係有嘢唔岩，我想你可以真係有substance咁去指出有咩問題，而唔係就咁一句兩句單單打打話［我覺得你好抆水wor］，［返去溫下書先啦］呢啲人身攻擊嘅說話。我覺得真正嘅學術討論先可以帶動到個社會去進步。

我無意人身攻擊你，留言都係出於善意。唔洗起晒鋼ge..有乜得罪，多多包含。我只係睇左條問題，同由於時間關係，睇左你第一段summary咁大把者

好啦，問題入面，無證明到佢係HK employment or not, 什至佢唔一定係employment, 而係office…咁60-day rule 已經唔適用⋯⋯日子資料無，8(1A)(b)可以係其中一個情況，但8(1A)(c)一樣可能

我當你出post時簡單化⋯你有額外資料，真係60 day rule⋯咁當你claim 60-day rule, IRD出Q, 知唔知會問你拎乜？係claim 60-day exemption時，必須要滿足某d條件，given host country 係Uk, 你認為個客滿足到？ 同埋你真心覺得英國主要係睇183 day rule，尤其係新去英國ge香港人？ 不過係問題中，無講明英國，我就當reply 只係用英國做例子。唔再講啦.

我無做個人稅好多年，而家主要公司, TP, tax governance 多，英美歐亞都有…所以HK tax/Ind tax生疏左好多，講得唔係好清楚，有錯莫怪，唔打算再應，留返比其他或者樓主

廢C真心識稅

真正tax specialist好少 行頭窄 opportunity少

請問你做in house? 定firm?

我出得post答得巴打嘅，我唔肯定嘅，我都會再confirm IRD 嘅朋友同埋有再問senior 啲嘅行家。我係度答嘅，都係答緊一般情況，你咁講你一定冇錯，你不停講［你唔俾佢係呢個情況，你唔俾佢係呢種case咁樣］我明如果佢係director ，60 days rules 唔apply，咁巴打就咁講佢打份工，我會assume佢係正常打工仔，唔通我出份questionnaire 問晒佢所有情況先可以答佢？大佬我都係義務係度覆下post。我明你本身係professionals 專門做tax，做一個case要問齊好多問題，你見到我好簡單化咁覆人哋好不爽，但我覺得你可以認真講下有咩情況係咩tax咁交，成個老屎忽咁掉一埋terms出來，你覺得有幾多人睇得明？呢個就係好多professional嘅通病，成日覺得自己做緊嘅嘢好專業，咩都唔肯教人，講到好天花龍鳳咁。我其中一樣開post就係想將呢啲Accounting 同tax ，開公司嘅知識普及化。

唔係啦，我仲係學習階段…
做Tax機會係少ga，香港稅仲要窄到同全地球脫晒軌咁制⋯所以我離開左香港發展。

之前香港big4, 後來外國big4, 而家外國in-house，睇晒成個group⋯Corp tax, VAT, TP成日做⋯主要係review返big4 d work&&不時要做tax research

But就算香港時, 我都唔係做HK tax, 所以樓主E方面都係熟d…我就high level，同較prudent approach睇條問題….

同其實我入黎係想睇樓主講成個tax profile && adm burden多過HK做exemption claim…因為最後搞完一輪，係無tax benefit之餘，仲要答Q

廢C真心識稅

真正tax specialist好少 行頭窄 opportunity少

請問你做in house? 定firm?

唔係啦，我仲係學習階段…
做Tax機會係少ga，香港稅仲要窄到同全地球脫晒軌咁制⋯所以我離開左香港發展。

之前香港big4, 後來外國big4, 而家外國in-house，睇晒成個group⋯Corp tax, VAT, TP成日做⋯主要係review返big4 d work&&不時要做tax research

But就算香港時, 我都唔係做HK tax, 所以樓主E方面都係熟d…我就high level，同較prudent approach睇條問題….

同其實我入黎係想睇樓主講成個tax profile && adm burden多過HK做exemption claim…因為最後搞完一輪，係無tax benefit之餘，仲要答Q

記得以前 我個tax expert老細都係話一定operation need行先

其實你哋與其係度圍爐取暖單單打打，不如將你嘅經驗同知識分享俾大家聽下？例如你所講有咩admin burden，或者巴打嘅問題，一般人過英國WFH做香港工嘅英國同香港稅問題，你最理想同最完整嘅解釋又會點答？我開個post個宗旨都係想有個地方可以大家討論下

https://www.ird.gov.hk/chi/ese/pa_comp_2023_24/cpacfrm.htm

應該用呢條link禁就岩架啦wor, 岩岩我都試咗一次佢會幫你試埋分類報定係用個人入息報會抵啲

其實唔可以簡單咁去答人tax既問題，尤其係涉及香港以外既地方，因為每個人有唔同既circumstances

明白樓主講183日係想簡單化咁解釋，但係例如英國仲會睇 Statutory Residence Test，呢樣野唔可以忽略，因為可能真係有人諗住留少過183日就唔係稅務居民，唔洗交英國稅

講到DTA，就係因為香港同英國都tax on the same income，所以先要睇DTA claim tax credit。樓主講「係英國留超過183日就唔洗睇DTA」呢個點就有啲問題

要係uk / 外國claim tax credit ，你首先要係香港交咗稅，有proof就可以claim tax credit (limit to certain amount)

如果香港果度用whatever reasons 唔洗交稅（eg公司出IR56B 然後個人可以同稅局爭取到唔洗交稅）但香港稅局都要確定同一筆收入係subject to tax in another jurisdiction ，即係話你係英國都要報self-assessment (假設佢係英國稅務居民）/係外國報番稅

TLDR - 係外地wfh做香港工，多數都中double tax，係會多咗admin burden (eg in UK 要做self-assessment, claim tax credit)

唔好諗住逃稅!