[遊記] 慢慢打，希望唔好爛尾：京都東京梅雨季睇花hea玩之旅

之前遊記：
https://lihkg.com/thread/3336882/page/1
第一次打遊記，慢慢打，希望唔好爛尾：第一次(主要)起北海道睇雪記

好，見未試過起夏天去過日本，就試一次！睇繡球花呢樣野其實都係三年前武漢肺炎果陣時研究過，頂左三年咪去埋啦。總括黎講梅雨季去都真係有啲玩自己，hea 嘅日子咪當自己休息下咯唯有。雖然天氣有啲比預期中仲要差；以為天氣熱咁繡球花應該都會早開啦，但係去到京都果邊好似仲慢慢開緊；去到臨尾仲感冒埋，不過都享受嘅。有機會咪再去過咯。

都係咁啦，由於自己就鐘意影風景相多，所以相方面，可能中間D隨影啊，野食相會少D，或者可能係亂咁搵野食算。大致上講下個行程表先：
D1：大阪入
D2-4：京都
D5：東京
D6：伊豆下田
D7-8：鎌倉
D9：長野
D10-11：東京

慢慢打啦，唔知會唔會爛尾。因為都比較多野搞，同堆相其實都仲執緊 。可能之後都只會抽啲重點出黎打，唔會記錄曬日日嘅行程。

貼住十鬆張相先：

Day 1: 一切從機場開始
之前睇新聞話關西機場都要搞幾耐下，結果就走去換張凌晨機票飛去日本好過。不過唔係第一次飛關西，又好似未諗到有乜特別野起大阪一定要起七年之後嘅今日要去咁。又你估自己仲係十八歲咩，去到大阪其實都係訓訓下， hea 下 hea 下咁樣過第一日。之後短途都係唔好搭凌晨機好過啦

果時仲未開返 in town check-in，又唔想放工返屋企先又去機場咁環遊香港一個圈，所以一朝早就擺行李起elements堆 locker先。然後放工就可以攞行李入機場

今次換到張business，最後都係去左 Pier business lounge。





如果入CX lounge 嘅話，都係鐘意飲佢杯 Cathay Delight



咁早就想訓下覺啦，lounge 入面都有個安靜空間，不過張床十分硬。
又試下佢個 shower facilities，不過玩足全程都未摸得透佢個花灑乜設計，較大啲水之後佢又好似會自動幫我變凍水咁


除左 lounge 嘅食物之外，有時候都想食下其他野。開左間 M 記不過行行下好似搵唔返，咁又記得機場定堆小編之前成日賣廣告話好 high tech 好厲害咁有間無人商店啊，又二十四小時開放架，點知想入去試下幾 high tech 都試唔到咯。



例牌動作


機內一攝。



今次個位。


以為凌晨機都係得因卷檸檬茶，原來business都有個餐。不過呢個食落好乾下，啲飯好乾身好硬，堆菜又好似無乜味，反而個甜品芒果撻幾好食。


食完都好快 dim 燈，等大家有覺好訓。


飛到接近日本都日出啦。不過方位問題就見唔到個太陽。反而就見到雲起啲山度縈繞。（不過去到大阪就係天陰嘅）


點知原來入境關西都好快。

LM
齊齊寫遊記

btw我入到果間無人便利店
好撚不安

竟然係有成功例子
不過究竟點不安法

LM

都唔係第一次去大阪，加上搭完凌晨機，你估你自己仲係十八歲咩，所以都無特別野想去，主要都係用黎駁腳去京都，同埋行街，一落機果朝頭早就去左臨空城個 outlet 買下野先，咁呢段我就唔詳細寫啦。不過記得嘅係果個時候個天氣幾舒服，海風吹過黎好舒服。

咁起寫落去之前，一開始就開箱左關西住過嘅兩間酒店先。

大阪就住左起弁天町 Art Hotel，呢個位唔係大阪旺區，所以係唔明點解會有一座咁高（座野成五十一層樓，二百米高）嘅酒店起呢度。不過之後萬博，可能呢一帶會旺啲掛。交通都算方便嘅，隔離就有環狀線個站，大概就起梅田，天王寺，環球影城中間，機場黎都唔使轉車。又有地鐵站。

間房就普通商務酒店格局啦，不過就比較大間，但係個價格都唔係好貴。


最吸引都係呢度見到嘅景色。
大阪市中心一帶：


天王寺一帶。最高果座就係阿倍野Harukas。


夏天早日出，結果四五點已經被個天去叫醒左：


間房望市中心一帶，其實佢每一層個 lobby 都有窗望大阪港：

不過唔記得夜晚影個摩天輪

第二間就係京都 Tune Stay Kyoto。間酒店就起京都站附近，大約行五分鐘左右。間房都係普通商務酒店格局，所以都無影到啦。最吸引嘅除左係個地點之外（雖然京都更加旺嘅地方應該係四条河原町附近），方便搭火車，今次就被間酒店嘅設施引到。


大堂同休息空間都幾好feel。

佢下面係個書店，所以有幅大大嘅書櫃牆。某啲時間會用黎播片。




夜晚時間又有得飲酒。




更加估唔到係，佢係酒店，但係竟然會有個共用廚房，乜野廚房用具，餐具，電器例如焗爐雪櫃等等都齊全。開生果黎食十分方便

live

住咩酒店 求list

Art Hotel Osaka Baytower)

？？？？

係啊，就係佢啦
好似隔離有另外一座有空中溫泉嘅，因為我返酒店聽到一家人起度討論今晚浸溫泉，跟住lum，呢度邊度有溫泉啊？ 跟住就見到個指示牌寫住 空庭温泉

好，今晚打埋第一日少少啦。

睇得多遊記，就點都要試下日本 M 記個早餐。嗯，果然無介紹錯，呢款皮甜甜地但又唔係甜到漏，軟軟地但又唔係淋過火果款，真係好正。


跟住就搭新快速去京都啦。

大阪站呢個位真係覺得好正，七年後睇番都係覺得咁耐看。

咁都花少少時間去睇下大阪站新起果部分啦。

話咁快就到京都站，見到京都站地圖有間星乃咖啡店，就睇下有無pancake 食啦，原來，早餐時段係無最想食果個 pancake 嘅 好啦，我遲啲再黎過食啦。不過見都想飲下咖啡，又同埋都排左一輪啦，就食埋個早餐 set 啦。老實講呢個份量係唔會食得飽人 不過間咖啡店又真係幾好裝修嘅。



好，今日起京都就主要都係去睇下啲寺。唔係第一次黎京都，所以就無去到清水寺果啲啦。睇網上就見到話起京都站附近有一座叫 智積院 嘅地方，都有繡球花睇。咁就買左一日巴士券，反正之後都會去京都其他地方，應該可以回本


去到智積院，見到水牌寫住庭園跟住要比入場費，以之前睇紅葉嘅經驗，咁應該繡球花都係起果度掛。咁好啦，入去睇啦！

個講堂四周都掛住布幡，幾好睇。


門口有棵樹，但係變緊紅葉

不過原來呢個要比錢嘅位唔係睇繡球花嘅，而呢度真係睇日本庭園嘅。有個山水庭園起度。雖然未見到我想睇嘅繡球花，不過好記得呢一度，可能係比較冷門地方同少人黎嘅季節，坐起榻榻米度望住呢個庭園，聽住流水聲，又有少少風，感覺真係好寧靜好舒服。真係俾我坐起度半個鐘都得。




出左個庭園，聽到人地好似問緊路，跟住個職員就指左去另外一面，喔，原來繡球花主要係種起智積院最入果度。不過可能就未係時候，啲繡球花都仲開緊。（可能我將成個行程調轉可能會配合到今年個花期，不過，黎到都見到都叫做收貨啦）






待續。

巴打用咩機影相？

sony a7riii 無反同iPhone

諗緊買部隨身機，細細地就夠，有時嫌iPhone出黎啲相都係差咁啲。

去完智積院就快快手去下一個睇繡球花嘅地方啦，因為睇天氣預報之後都有可能會發出大雨警告。


不過行過starbucks見到初夏限定嘅 瀨戶內檸檬蛋糕星冰樂。就飲返一杯先。飲落好清新，酸味同甜味都幾平衡，上面好似仲有D檸檬皮碎，出黎個口感幾豐富。果然適合初夏呢種悶悶熱熱嘅天氣飲！京都夏天果然有返咁上下熱，四面環山睇熱氣焗住曬咁。

三室戶寺距離JR站都有一定距離，不過由於時間所限，所以去就搭的士入去啦。今次去到三室戶寺，唔記得左行寺嘅本堂果啲地方 lol 因為比佢一大片繡球花田吸引左。入面好似種左大約二萬棵繡球花，如果全部都開曬嘅話應該都會影到手軟！網上資料就話起花期嘅某啲星期六夜晚會有點燈環節，睇網上嘅相都覺得幾正，不過今次就無去到啦。太多相，我都係選啲經典角度果啲出黎。紅色果個就係門口，而入面就有一個庭。其餘好多位都係繡球花嘅田。






睇睇下都驚天氣變得好快好差，因為睇返frd講佢起九州已經落緊狗屎。好啦，都係行返出去安全啲。

出面會有當地居民嘅攤檔。中間見到啲繡球花為主題嘅絲巾果類產品，繡得好細緻，都有啲想買，不過我估最後都係擺埋起屋企某一角就都係算啦。


其實我就仲未食野嘅，一場黎到宇治就食茶產品啦。行行下見到就當然去食啦。我記得呢間舖出面有得試飲當地嘅茶。甜甜幾容易入口同清新。

一開始就食左佢個鯡魚抹茶蕎麥麵套餐。茶味起蕎麥麵入面我覺得又唔係好出唔係幾食到，反而我覺得最正係個飯，加埋香菇紅蘿蔔一齊炒，基本乾身但又唔係乾到炒飯咁而係有少少濕，好容易入口同好香。


一場黎到當然叫埋期間限定甜品啦！呢個係用繡球花為主題嘅聖代，成個set加錢食埋個蕨餅同配埋個茶。食完好滿足 同齋睇個樣已經係種享受。

食完行到平等院附近見到條河水面已經好高，水流又好急。然後雨又開始越落越密。不過好在都已經行到去 JR 站啦，唔驚。



待續。

星乃個pancake早餐上年年尾去都仲有
但上個月去已經冇左

東京站上下對稱嗰張相係點影的？

喔，都係等佢落完狗屎之後就去搵積水影 果晚都係見個個去影就跟埋一份

原來係咁

5月頭仲有㗎