第一次打遊記，慢慢打，希望唔好爛尾：第一次(主要)起北海道睇雪記

頂左三年，終於可以開關重新搭搭返飛機啦！呢個trip本身係三年前計畫落啊，咁三年前本身就想去嘅，臨飛前一兩個禮拜就開始玩武漢肺炎，結果就取消左個trip啦。所以呢次都plan得快，因為都係攞返三年前整定嘅計畫，改少少就搞掂。

好，呢次都係人生第一次去睇雪啦。其實之前都去過瑞士嘅，不過果時候係六月，玩就玩過雪，不過就唔係呢一款冰天雪地咁。而之前都係驚太凍，所以一直都無走去起冬天度去過其他地方玩。都叫做一個少少突破啦，就係去日本度睇下雪，感受下零度以下嘅世界咁。

由於自己就鐘意影風景相多，所以相方面，可能中間D隨影啊，野食相會少D。大致上講下個行程表先：（非自駕，我都想學車，不過我估我會危害道路安全多D）

D0：香港->東京
D1：東京->越後湯澤，新潟->東京
D2：東京->山形山寺，銀山溫泉
D3：山形銀山溫泉，山形藏王->住青森
D4：函館（植物園，五陵郭）
D5：函館（大沼，函館山，其他函館市內夜景）
D6：函館->洞爺->登別->札幌
D7：札幌->旭川
D8：旭川->美瑛->富良野
D9：富良野->層雲峽->札幌
D10：札幌，小樽
D11：札幌->網走->東京
D12：東京
D13：東京->香港

先貼下少少相先：

D0：香港->東京

三年無飛過，好多野都好生疏，執行李都執到有D唔想執，同埋第一次冬天飛，又驚好凍但係又驚室內熱得濟，又想把握機會攞左其他影相用嘅野諗住去試，最後發覺好多野其實就得個帶字。

三年積埋積埋好多 miles 會過期，雖然知道佢點樣可以續到，不過人一世物一世，又唔知會唔會殺個武漢肺炎2.0出黎，replay多一次三年前嘅所有野一次。所以最後都係…換下 first 同 business 去感受下先。

、
天都未光就去到機場，唔使等就check in 完


終於可以開曬四塊牌，但係咁掃一掃見到好多都係 CX UO，距離真係做返國際機場嘅日子就應該有排啦。







咁早就當然係為左去入下lounge啦。果時候開得兩個，一個 the pier business 一個the wing first。首先去the pier business，食返個早餐先。叫左少少點心同碗雲吞麵。Cathay delight 的確係幾特別嘅。

、
之後行返去 the wing first。中間見到新開果條橋個入口，趁仲有時間上埋去先。


好，去埋the wing first。個人感覺擺落一層嘅 the pier 舒服D，可能係因為個裝修啦，同埋地方大D。同埋當時應該無咁多lounge開，business 同 first 都可以用咁多個lounge，結果就wing first 又地方細之下，又近一過海關果個位，都幾多人下。

夠鐘上機lu！


上到機，好明顯果時候我係未訓醒嘅，類似嘅開場白係咁啦：

: Hello, Mr xxx, I am the flight manager Ms xxx. Welcome Aboard! This flight will bring you to Haneda，what drink would you like to have first?
: Haneda? Isn’t the flight will be landed at Narita?
: Is Haneda

呢個時候回神果黎先醒起
: Ohh, sorry i am just too tired and forgot it is called Haneda…May i have a glass of champagne please?
: Ar, sure sir


短程機，又係早餐時段，都唔會 expect 早餐會係驚世特別架啦，因航黎黎去去早餐都係果D野架啦。個早餐 set 有三部分，一開始就係麵包同生果，第二round就有個雜莓cornflakes，其實食到呢度已經飽飽地，跟住就仲有個點心拼盤同碗粥。



臨降落之後見到埋富士山。

入境都好快，可能係因為頭一批落機，行李又貼住 priority，攞埋行李，換埋 JR Pass，先見到其他乘客衝去換 JR Pass Office，同埋同機嘅機組人員。
: Is it the first time you use the new JR PASS?
: Yes, but i know it changed a lot, we can put it into the machine.
: Yes, remember not to lose it!

可以入閘機的確係方便左好多，不過去到臨尾唔知係我整到張飛巢一巢又多手汗定點，入落閘機出 error，最後幾日都係要走返人工通路嘅


搭完飛機，又咁早起身，第一日起東京都係預備下之後去雪地D物資啦，又行下街咁。最後果一日就去到惠比壽呢個地方去睇東京鐵塔夜景。幾年前都想去六本木，不過見到相宜家起附近起左座好高嘅大樓，就覺得果邊果個景就被破壞啦。最後都係去呢邊算數。



Day 0 完

留名
樓主去嘅地方我都好想去

lm

lm g持

樓主影啲相幾靚

都係好天氣！好彩成個trip都唔係撞正好多大風雪嘅日子～

D1：東京->越後湯澤，新潟->東京

睇番N年前本 HongKong Walker ，見到有一期介紹新潟，搭新幹線就可以去到，又未去過呢個縣，咁就抽一日時間去下呢個地方啦。將行李寄存起今晚住嘅酒店度，之後就搭新幹線北上。


去新潟就搭上越新幹線，今日搭就全部都係 E7 系列車，搭上去個 Green Car seat 唔知點解覺得唔夠之後搭果D新幹線列車咁舒服。我覺得係個footrest用張凳好似比起其他列車薄？


去到越後湯澤，一出車站就感覺到氣溫嘅分別，同埋附近顏色嘅分別，一穿過條隧道，外面嘅世界就增添上一份白色！即刻著返件外套先得！


其實黎越後湯澤主要係想去 Gala 湯澤上面個愛之鐘觀景台，雖然有新幹線直接從東京去到 Gala 湯澤，不過班次唔係咁密，反正由越後湯澤去 Gala 湯澤都有免費接駁巴士。


Gala湯澤內，車站、買登山纜車車票同租借滑雪設施等都係同一座大樓入面，如果黎滑雪嘅話真係一個好方面嘅地方。

本來想玩埋Gala湯澤個雪鞋健走活動，可惜去到都已經額滿啦。唯有久只係觀景台啦。去愛之鐘觀景台有兩段纜車，第一段就係好似昂坪360果款纜車，第二段就係chairlift。

而Gala好似係 JR東日本嘅地頭，所以連纜車都會見到新幹線列車嘅顏色（中間果架）。


呢一次都係我第一次搭 chairlift，個工作人員見我唔知頭唔知路咁，都分外緊張。不過搭落去嘅感覺好爽，除左因為風之外，而感覺同周圍D樹，腳下嘅雪地，中間無mud阻隔，個感覺特別嘅爽。


好，終於上到黎，可惜一開始比較大霧，所以要等一輪先可以見到比較清楚嘅雪景。不過有雲起山脈中間，張相嘅感覺又唔同D嘅。反而起纜車度見到附近山脈嘅景色仲更加清楚。





好，落返去，其實越後湯澤同Gala 湯澤應該都唔算太遠，所以用行嘅方式去返越後湯澤。慢慢欣賞周圍嘅景色都好特別，好似平平無奇嘅景色，加上雪之後感覺就好似好唔同咁。

網上見到呢個一風堂飲品，覺得幾有趣，起車站見到就買黎試下，嗯，感覺鹹左D，呢種湯味都係要配拉麵先好食咯。


把握時間，索性起車上面食午餐，趕搭車去下一個站新潟。今次去新潟，係想去阿賀野市入面嘅飄湖，因為都想起日本見到有雀仔嘅湖果類，本來想去福島果個，不過交通好似仲難搞，結果就去呢度啦。附近個 JR 站班次都唔密車，搭巴士都要搖成一個幾鐘，結果就去搵的士去啦。開埋 GPS 總算知道司機去緊我想去嘅地方就放心曬。
經過半個鐘嘅車程，終於到啦。


咁多隻雀仔，因為好多都係從北方避寒而飛黎，簡直係雀仔叫聲交響樂。其實一開始就覺得好嘈，不過聽聽下，望住遠處一層層嘅雪山，感覺就真係好放鬆。如果夾到時間，應該可以見到當地嘅工作人員餵雀仔。



除左個湖，我估隔離嘅地方應該係一片大草地，宜家就鋪滿曬雪。都係另外一樣嘅風景嘅。

之後就拜託附近店員，用漢字去拜託call的士返去新潟站。

的士黎到，停左一陣未開車，（我唔識日文，我估架咋）
司機：新潟站？新幹線？你不如等巴士啦，反正巴士班次同新幹線列車應該配合到，唔使搭的士咁破費啦。
我：唔緊要啦，照去啦。
司機：Ok desu！
反正三年無加碼消費過，振興鄉下經濟全靠你我。而我估佢地應該估唔到會有一個外國人唔識日文會去呢D偏門地方掛。


搭上新幹線，返返去東京，行到去大宮站，個天已經黑曬啦。


今晚就住起東京站對面，丸之內酒店，可以望住東京站，可惜酒店個窗真係好化學，唔知係無洗定因為佢棟野係彎嘅關係，所以影出黎都好麻麻。下次有機會都係住JR果間丸之內大都會酒店，可以居高臨下望東京站同附近商業大樓夜景，感覺都應該唔錯。


最後見到想試嘅野又買黎又飲下，好似話有士多啤梨味，不過我就搵唔到。


要攞返網上book左嘅，聽日開始嘅指定席券，去東京站呢D大站ticket office應該無死啦：
：sumimasen, I got the JR PASS, I have reserved the seats on the internet, i would like to get back the reserved seat tickets
：（對住外國人，又未聽聞過呢樣野，我估佢心入面應該想喊）
：......
睇埋本書同睇埋 JR PASS 個官網好似佢都唔知點搞。問幾個ticket office 佢地都好似唔知道有呢回事。


最後都係靠指定席機先完事。（網上圖片）


（新潟其他考慮過嘅地點：十日町，聽聞果度都有煙花匯演，藝術節，雪祭；清津峽，美人林，有機會都想再去）

D1完。

留名睇遊記.

G chi

D2：東京->山形

去山形或者大家會即刻諗起山形新幹線，不過睇落乘換案內，想去到山寺嘅時間，都係用東北新幹線經仙台咁入都會快過用山形新幹線經山形入。好，今日就係用佢之後轉仙山線入。


東北新幹線 E5 系列車！都係我暫時最鍾意嘅新幹線列車，主要就係鍾意佢果種綠嘅配色。


有 JR Green Pass，當然就要把握機會去搭呢款車嘅 Green car 啦。比起上黎舒服過之前E7系，感覺上佢個位嘅傾斜角度好似舒服D，然後張凳厚身D舒服D咁。


到訪嘅果陣時好似有一個活動，某D車站好似有復古版車站印。


然後轉在來線仙山線，由仙台去山寺都要成個鐘，仙山線仲用緊單線雙程模式。途中都訓左一陣。一開始見到車外面雪都無都有D擔心，但車越走入去，就越見到雪嘅痕跡，呢一下先無咁擔心。


好啦，到山寺站啦，首先映入眼簾嘅雪景，都幾吸引大家。

登上山寺最高果個位距離車站都唔遠，所以其實都叫係一個幾方便嘅睇雪景地方。行上山嘅路就係一條樓梯，睇返之前D遊記，見到路況起雪之下都幾恐怖好難行，不過今次黎到，都真係要多謝當地嘅工作人員，見到佢地都會幫手清除下路上嘅積雪，等大家行上去容易D。同埋好多雪起樹之間慢慢跌落地下，好似落雨咁，個畫面影唔到，但係陽光之下見到感覺好浪漫下。


話明係一座寺，當然有唔少宗教建築。



見到呢一座野代表終點在望了！


好，行到最頂，為嘅就係呢一個景色。山脈連綿，一層一層，睇落真係一片水墨畫嘅感覺。不過上山容易落山難，行樓梯落山之時都容易滑低，搞到我都要扶實。同埋可惜越行上去就越多雲啦，睇人地相，有陽光之下個感覺好似正D咁。





落到山，見到想搭嘅火車岩岩走左，下一班都要一定嘅時間，就隨便走入一間舖頭食 soba啦。呢間舖頭都裝飾得唔錯，同睇黎山形呢一帶出名嘅係 soba，都有好多舖頭賣soba。




（待續）

普通既景鋪左一層雪之後，好似即刻靚左好多
行程好吸引，就算部份地方去過都想再去
留名支持

lm

發覺連登都幾多人對日本鐵路好熟

的士佬特登黎但叫你搭巴士

雪景真係好正（當然前提係唔係撞正大風雪）
有機會都想再去，睇睇下道東都好似幾吸引，不過無車唔知係咪去唔到

G chi
但其實雪景睇得多會麻木
北海道一年四季都係鐘意夏天多啲

我都係靠app做人架咋尤其是起東京地鐵，無app搞唔掂

啊啊啊啊 夏天D花田又係好正
又要擺多個item 起wishlist 度

可能人地都唔想渣成半粒鐘去隔離個市

搭左幾多錢