[遊記] 慢慢打，希望唔好爛尾：京都東京梅雨季睇花hea玩之旅

早餐 食唔到 都可以其他時段食嘅！

不過始終如果早餐有就方便好多

第一日京都去到最後啦，咁都見奈良返京都都仲有少少時間，中間停埋稻荷去行下，都係旨在補影返一兩張相，因為都唔係第一次去。


返到京都市，繼續落緊雨，就諗去睇下二年坂附近會唔會有啲水窪位，可以比我影到倒影 不過最後係搵唔到嘅，不過夜晚嘅京都呢個位真係舒服，成條街靜曬又無人無車，望住堆古建築，又唔係好熱，享受雨聲好舒服。


偶然都見到遊客嘅，不過同早上逼滿曬人好大分別。發現日本成日出現果啲透明遮，用黎影夜景好正，好顯眼。早知都買返把黎自拍下。



因為酒店起京都站附近，所以都係去返京都站搵食啦。去左京都站拉麵小路度食 麺匠 たか松，佢有個期間限定拉麵，扇貝雞肉拉麵。屬於比較清淡果類嘅，不過鮮味十足！


去日本，起酒店夜晚最緊要食下便利店搜羅到嘅甜品！

初夏就好鍾意推出關於檸檬味道嘅甜品，haagen dazs都係。可能酸酸下叫人起梅雨季節之下無咁悶熱，感覺清新一啲掛。


起網上見到有三款架！！！偶然就見到一款，呢款沙冰就係熱帶水果味道，有百香果，芒果同菠蘿，中間除左沙冰之外，仲加入左呢三款水果嘅果肉碎，增加口感，唔錯唔錯！

==第一日京都之旅完，待續==

留名先，D相好靚

多謝
不過睇景為主嘅行程都好睇天氣，好彩果排都唔係好似呢排九州咁落雨法，如果唔係真係唔知可以做乜

但始終佢早餐最想食都係個pancake
其他時段黎講pancake我有更好嘅選擇
BTW其實你最後揀嘅早餐同我一樣

其實我唔明點解會cut左呢款
呢款早餐應該多人點架喎

大阪間Micasadeco & Cafe又係，早餐cut到冇晒各種唔同口味嘅pancake，得返普通嘅熱香餅

聖代

睇慣台灣blog，維基話香港叫新地我又覺得好似唔係好貼切，新地應該係細杯啲，雪糕為主嘅...咁唔知係咪叫芭菲會貼切啲啦

香港既新地只會聯想起麥當勞

咦？？？？但係睇 google 又似係睇分店咁，有啲2016年嘅blog都寫早餐無厚pancake，有啲寫又有

無錯
呢排多一個，會諗起傢俬舖個榴槤新地

咁話唔定真係睇分店
我上年年尾同上個月去嘅唔係同一間

啲相係手機定相機影

一部分手機 一部分相機
野食果D多數係手機

第一張佈滿青苔嘅地方係祇王寺？
仲考慮緊京都行程其中一日去嵐山嘅天龍寺、祇王寺、常寂光寺定係去宇治好

係啊，第一張相係衹王寺。
你邊個季節去？我今次祇王同常寂光就半日行完。祇王唔係好大架咋，一個圈就完。

不過秋天就可能要拉長啲時間，呢兩處都係紅葉景點。

（我記得我果時秋天嵐山，一日都應該去到三個寺）

7月去呀
宇治係咪除咗紫式部、平等院就🈚️咩睇
對🍵唔係話好熱衷
而家諗緊嵐山好定宇治好

就咁睇我就覺得嵐山好似適合啲。因為我都只係諗到平等院。 而又唔係好熱衷綠茶。

嵐山都多寺睇，火車站附近又好似比較多野食選擇

京都第二日：善峯寺。嵐山。夜晚起鴨川隔離hea

一開始就想食個早餐先，見尋日起星乃無得食厚pancake早餐，咁見京都站好似有一間出面都有厚pancake模型，咁我估呢間終於有得食掛。



好，今日首先就去下善峯寺先。善峯寺就要去到向日町站果邊轉車去嘅。新快速係唔會停呢個站嘅。之後就搭巴士終於去到啦。


間寺係起起山上面嘅，所以落左車之後就要一路髮夾彎路咁行上山，轉左幾個彎就到寺嘅門口架啦。地下都滿曬青苔，咁真係驚滑倒，所以久唔久都扶一扶啲欄杆上去。


沿路竟然見到有啲樹變左紅色不過就咁睇，呢度秋天應該周圍都係紅葉，如果京都市內人滿為患，呢度應該都係一個可以比人靜靜地睇到紅葉嘅地方



寺嘅入口。

而起寺入面都係要一路行上斜咁去唔同嘅點。不過佢都有好清楚嘅指示牌，上面mark好曬數目字，等你跟住啲指示牌就可以行曬。

網上見到嘅係咁嘅。


實際上應該係黎得比較早，所以好多位都未開花，不過算啦，唯有遲啲有機會行過關西京都一帶睇下會唔會再黎過啦




不過雖然唔多繡球花，寺入面都有其他花，我估果啲係杜鵑？咁其實襯埋去啲景度都覺得叫做有野影到嘅。




=== 待續 ===

樓主會唔會去祐齊寺，上次去覺得好靚

呢間今次無去過啊。Google一睇，嘩，個景真係正
bookmark 左先！

紫陽花我上個月係大阪去左花博公園個邊睇