見佢上面寫經巴士去八瀨比叡山口站
再轉車
如果上比叡山 應該之前去完再搭巴士落山口站？
[遊記] 慢慢打，希望唔好爛尾：京都東京梅雨季睇花hea玩之旅
無非一聲
108 回覆
15 Like
12 Dislike
無啊，今次無去比叡山啊
好似秋天會正啲。
btw，大部分都係用相機，又有啲隨影例如野食用手機
要搵相都要啲時間，所以先打得咁慢
好似秋天會正啲。
btw，大部分都係用相機，又有啲隨影例如野食用手機
要搵相都要啲時間，所以先打得咁慢
大城市唔算難搞嘅。感覺上起日本入面，京都算係用英文黎講都算係比較友善嘅地方。
Lm
旅程第五日：移動日- 京都->東京
點解要去返東京果邊呢？因為繡球花其實起關東都有幾個景點好出名。三年前計畫過不如經名古屋上奈良井宿，長野，上高地，咁之後再落返東京咁。不過今次就無咁多假，咁就放棄中部嘅行程啦。
再見啦，京都站。
咁就焗住幫襯 JR 東海
本身都諗住起名古屋度落一落車，玩名古屋市內一日都好啦，例如去下中部機場果度果架 Boeing 787 個展覽度（話時話宜家係咪已經無左 team lab 燈光效果起果架飛機果度？），熱田神宮......。不過見到出面落雨落到咁，就都係打消呢個念頭算啦。
咁多次都唔會搭東海道新幹線，因為每一次都會避開呢條唔多pass會包嘅新幹線 好似到左靜岡站附近，開始有車內販賣啦。咁就叫左個雪糕。去到新富士開始解凍到，用多啲力就可以解決個雪糕 
中間都係陰陰雨雨。去到東京站。星期日嘅東京站我一下子適應唔到，到處都係人，係多人度有啲令人迷失嘅感覺。而locker都係爆曬嘅。咁好在佢站內有個暫存行李 counter。
今日天氣咁麻麻，主要都係室內行程多啦。不過見未落到狗屎，就趁機會去左其中一個東京睇繡球花嘅地點先。
我覺得佢地係有襯過色。呢個地方就係舊中川果邊，所以要搭去秋葉原轉中央/總武線去平井站，然後穿過住宅區就到啦。
其實呢度種左繡球花嘅地方就唔算太大，不過呢度就越來越出名，因為一來近，二來就可以見到晴空塔。當日都見到好多人影
影到咁上下，又落雨，咁就去 check in 啦。今次住新宿果邊，不過我都係有啲後悔，雖然話新宿去東京都係搭中央線快速就得，不過都係慣左上野東京果邊出沒。
咁點解要去新宿果邊住呢？咁主要都係搵下地點去影下相啦。
新宿嘅摩天大樓群。
有pass就順便搭幾個站去渋谷睇下個十字路口。下次有機會上埋 Shibuya Sky 都好。
不過最後都係把握時間，去返東京站。早知都係唔好試下新意思住新宿，都係繼續住上野東京邊好過 
影東京站有幾個觀景台，其中一個係起新丸之內大廈大廈七樓果度。之前二月黎東京果陣時就咁橋正值裝修無得影，今次去到就開返啦。呢度係免費嘅。
落返去見到個個人起度烏低身唔知做乜，原來個個把握大雨過後，起度影東京站倒影！期間有個俄仔留學生都好好奇大家影乜，同有乜好影。
咁都夜啦，都要搵野食。唔知點解，次次黎到日本都想食牛舌，過口癮嘅話，唔使爆新幹線上仙台都有得食。 不過店鋪面積有限，都要等半個鐘左右（我估）先有位。食完滿足
=== 待續 ===
點解要去返東京果邊呢？因為繡球花其實起關東都有幾個景點好出名。三年前計畫過不如經名古屋上奈良井宿，長野，上高地，咁之後再落返東京咁。不過今次就無咁多假，咁就放棄中部嘅行程啦。
再見啦，京都站。
咁就焗住幫襯 JR 東海
本身都諗住起名古屋度落一落車，玩名古屋市內一日都好啦，例如去下中部機場果度果架 Boeing 787 個展覽度（話時話宜家係咪已經無左 team lab 燈光效果起果架飛機果度？），熱田神宮......。不過見到出面落雨落到咁，就都係打消呢個念頭算啦。
咁多次都唔會搭東海道新幹線，因為每一次都會避開呢條唔多pass會包嘅新幹線
好似到左靜岡站附近，開始有車內販賣啦。咁就叫左個雪糕。去到新富士開始解凍到，用多啲力就可以解決個雪糕 中間都係陰陰雨雨。去到東京站。星期日嘅東京站我一下子適應唔到，到處都係人，係多人度有啲令人迷失嘅感覺。而locker都係爆曬嘅。咁好在佢站內有個暫存行李 counter。
今日天氣咁麻麻，主要都係室內行程多啦。不過見未落到狗屎，就趁機會去左其中一個東京睇繡球花嘅地點先。
我覺得佢地係有襯過色。呢個地方就係舊中川果邊，所以要搭去秋葉原轉中央/總武線去平井站，然後穿過住宅區就到啦。
其實呢度種左繡球花嘅地方就唔算太大，不過呢度就越來越出名，因為一來近，二來就可以見到晴空塔。當日都見到好多人影
影到咁上下，又落雨，咁就去 check in 啦。今次住新宿果邊，不過我都係有啲後悔，雖然話新宿去東京都係搭中央線快速就得，不過都係慣左上野東京果邊出沒。
咁點解要去新宿果邊住呢？咁主要都係搵下地點去影下相啦。
新宿嘅摩天大樓群。
有pass就順便搭幾個站去渋谷睇下個十字路口。下次有機會上埋 Shibuya Sky 都好。
不過最後都係把握時間，去返東京站
。早知都係唔好試下新意思住新宿，都係繼續住上野東京邊好過 影東京站有幾個觀景台，其中一個係起新丸之內大廈大廈七樓果度。之前二月黎東京果陣時就咁橋正值裝修無得影，今次去到就開返啦。呢度係免費嘅。
落返去見到個個人起度烏低身唔知做乜，原來個個把握大雨過後，起度影東京站倒影！期間有個俄仔留學生都好好奇大家影乜，同有乜好影。
咁都夜啦，都要搵野食。唔知點解，次次黎到日本都想食牛舌，過口癮嘅話，唔使爆新幹線上仙台都有得食。 不過店鋪面積有限，都要等半個鐘左右（我估）先有位。食完滿足
=== 待續 ===
暫時打左呢啲：
#4 D1：香港機場；香港飛大阪嘅航機
#9 #11 ：關西兩間酒店開箱
#17 D2：京都 智積院
#20 D2：京都 三室戶寺
#27 D2：京都夜
#47 D3：京都 善峯寺
#56 #57 #58 D3：京都 嵐山
#66 D4：京都 大原三千院
#69 D4：京都 貴船
#80 D5：京都 -> 東京
#4 D1：香港機場；香港飛大阪嘅航機
#9 #11 ：關西兩間酒店開箱
#17 D2：京都 智積院
#20 D2：京都 三室戶寺
#27 D2：京都夜
#47 D3：京都 善峯寺
#56 #57 #58 D3：京都 嵐山
#66 D4：京都 大原三千院
#69 D4：京都 貴船
#80 D5：京都 -> 東京
睇完公園，下方就有一條叫 Perry Road 嘅地方，其實呢條路都係因為紀念當年美軍個海軍准將登岸而命名嘅。兩邊嘅建築物都比較古色古香，好似都有啲 Cafe 果類，又有楊柳襯托嘅一條小河。
岸邊都起左啲木板之類，如果好天起度放空望住大海，都的確會係一件幾好嘅事。
一開始查 App 見到有班唔使轉車就可以去返東京嘅班次，咁我就走去同車站個職員 book 啦，點知發現原來係一直想坐嘅 Saphir Odoriko 列車！睇 app 嘅時候真係無留意係呢卡車。早知係咁，我就比多啲錢book Premium Green Class 啲位啦。唯有之後再黎過伊豆啦。
同場都見到伊豆急嘅特色列車，同埋佢個 waiting room 都用上呢部列車黎做裝飾，睇黎都係伊豆急嘅賣點黎嘅。
下田站仲用緊人手對飛。
車廂外觀，呢款配色幾舒服。
Green Car Seat 內部。有一卡會無咁多位嘅，方便輪椅使用者。Green Car Seat 都係慣常配置啦，可以 recline 張椅，又有 footrest，又有可以拉出黎嘅檯仔，又有閱讀燈。
本來以為可以 walk in 試下個餐廳啦，不過原來要 pre book 個用餐時段嘅。
不過車內都有商品販賣嘅，都儘量係伊豆果邊嘅產品。
車廂案內圖。
見出面天色麻麻，咁就行下架車啦。其中有一啲包廂，可以容納四人，六人，一group咁樣舒舒服服咁搭車。
最後就當然係最想搭嘅 premium green car
look 下 look 下，都去到橫濱啦。
試下日本口味嘅雲吞麵啦。不過就唔係我杯茶。
今晚住大船，起橫濱食完野本來搭京濱東北線落，不過見到站站停要玩半個鐘，所以就轉返橫須賀線。原來抽車有成十五卡咁多，唔怪得次次搭其他火車，見到佢地係特別長咁啦。
=== 待續 ===
岸邊都起左啲木板之類，如果好天起度放空望住大海，都的確會係一件幾好嘅事。
一開始查 App 見到有班唔使轉車就可以去返東京嘅班次，咁我就走去同車站個職員 book 啦，點知發現原來係一直想坐嘅 Saphir Odoriko 列車！睇 app 嘅時候真係無留意係呢卡車。早知係咁，我就比多啲錢book Premium Green Class 啲位啦。
唯有之後再黎過伊豆啦。同場都見到伊豆急嘅特色列車，同埋佢個 waiting room 都用上呢部列車黎做裝飾，睇黎都係伊豆急嘅賣點黎嘅。
下田站仲用緊人手對飛。
車廂外觀，呢款配色幾舒服。
Green Car Seat 內部。有一卡會無咁多位嘅，方便輪椅使用者。Green Car Seat 都係慣常配置啦，可以 recline 張椅，又有 footrest，又有可以拉出黎嘅檯仔，又有閱讀燈。
本來以為可以 walk in 試下個餐廳啦，不過原來要 pre book 個用餐時段嘅。
不過車內都有商品販賣嘅，都儘量係伊豆果邊嘅產品。
車廂案內圖。
見出面天色麻麻，咁就行下架車啦。其中有一啲包廂，可以容納四人，六人，一group咁樣舒舒服服咁搭車。
最後就當然係最想搭嘅 premium green car
look 下 look 下，都去到橫濱啦。
試下日本口味嘅雲吞麵啦。不過就唔係我杯茶
。今晚住大船，起橫濱食完野本來搭京濱東北線落，不過見到站站停要玩半個鐘，所以就轉返橫須賀線。原來抽車有成十五卡咁多，唔怪得次次搭其他火車，見到佢地係特別長咁啦。
=== 待續 ===
川床食嘢係咪好餵蚊？
呢層又唔係好覺wor
push呢幾日又病左 
好，去到第六日，黎到關東地區。住就住大船，因為另外一個起日本睇繡球花嘅地方就係大船附近嘅鎌倉。感覺上呢，去完之前伊豆下田公園睇繡球花之後，總係覺得其他地方都係差啲咁
anyway，都照 post 啦。首先就係去明月院。距離大船一個站， 搭到去北鎌倉站，然後再行五到十分鐘就到。繡球花季節嘅時候，呢度就會開得早啲。
一開門，大家都保特九秒九
咁跑去明月院最出名果個位影相
不過其實慢慢都得嘅，呢條樓梯好似都唔比入，反而感覺上之後影，等一開閘時去嘅人散左之後慢慢影會仲輕鬆
明月院入面大約有二千幾棵繡球花，呢度嘅繡球花嘅藍色仲有「明月院之藍」嘅稱呼。
其他位都可以見到繡球花嘅蹤影。行下行下見到大家都去排一個地方，原來就係叫「體悟之窗」，即係上面圓形果個窗。據聞窗後面嘅後庭園一年就只會開放兩次，分別係六月嘅菖蒲花季節同紅葉季節，不過我今次唔知係skip 左定未開放就無去到後面啦。
二：長谷寺
之後再搭JR到鎌倉站，再轉江之電到長谷站，就會到鎌倉地區第二個都比較出名睇繡球花嘅地方長谷寺。
去長谷寺大門首先要比入場費，然後入到去再會有一個地方去買另外一張入場券，咁就可以去主要種左繡球花嘅地方去賞花。
不過如果黎長谷寺嘅話，建議就係越早越好啦。因為呢度太多人嘅話，會有人群控制措施，等號碼先入得去睇繡球花。我起上面睇完花之後落返黎就開始左呢樣嘢。
上面除左一個斜坡之上種左好多繡球花可以慢慢睇之外，當中最出名就係一個可以睇鎌倉街景同繡球花一齊嘅角度。不過可惜花就好似未開曬。
長谷寺幅員都比較大，如果真係要等號碼，其實都可以去住長谷寺其他地方行下先，都可以見到繡球花嘅蹤影。
好，去到第六日，黎到關東地區。住就住大船，因為另外一個起日本睇繡球花嘅地方就係大船附近嘅鎌倉。感覺上呢，去完之前伊豆下田公園睇繡球花之後，總係覺得其他地方都係差啲咁
anyway，都照 post 啦。首先就係去明月院。距離大船一個站， 搭到去北鎌倉站，然後再行五到十分鐘就到。繡球花季節嘅時候，呢度就會開得早啲。
一開門，大家都保特九秒九
咁跑去明月院最出名果個位影相 不過其實慢慢都得嘅，呢條樓梯好似都唔比入，反而感覺上之後影，等一開閘時去嘅人散左之後慢慢影會仲輕鬆
明月院入面大約有二千幾棵繡球花，呢度嘅繡球花嘅藍色仲有「明月院之藍」嘅稱呼。
其他位都可以見到繡球花嘅蹤影。行下行下見到大家都去排一個地方，原來就係叫「體悟之窗」，即係上面圓形果個窗。據聞窗後面嘅後庭園一年就只會開放兩次，分別係六月嘅菖蒲花季節同紅葉季節，不過我今次唔知係skip 左定未開放就無去到後面啦。
二：長谷寺
之後再搭JR到鎌倉站，再轉江之電到長谷站，就會到鎌倉地區第二個都比較出名睇繡球花嘅地方長谷寺。
去長谷寺大門首先要比入場費，然後入到去再會有一個地方去買另外一張入場券，咁就可以去主要種左繡球花嘅地方去賞花。
不過如果黎長谷寺嘅話，建議就係越早越好啦。因為呢度太多人嘅話，會有人群控制措施，等號碼先入得去睇繡球花。我起上面睇完花之後落返黎就開始左呢樣嘢。
上面除左一個斜坡之上種左好多繡球花可以慢慢睇之外，當中最出名就係一個可以睇鎌倉街景同繡球花一齊嘅角度。不過可惜花就好似未開曬。
長谷寺幅員都比較大，如果真係要等號碼，其實都可以去住長谷寺其他地方行下先，都可以見到繡球花嘅蹤影。
三：江之電同繡球花
而長谷寺隔離嘅御靈神社，都係繡球花季節一定要去嘅地方，因為呢個位附近嘅江之電路軌隔離，都種左好多繡球花，等一輪就可以影到江之電嘅電車同繡球花一齊嘅畫面。
呢個畫面都好有小鎮風情：
難得突然之間咁好天，果一下其實都唔想繼續起鎌倉度睇繡球花啦，寧願去海邊果度放空好過！可惜都係起呢度見唔到富士山。
不過 hea 下 hea 下， 突然記起要住起神奈川嘅一個理由，就係想去一個比較鄉郊啲嘅地方睇繡球花。咁就即刻搭返去大船站先。今次就搭湘南 monorail 出返去。現場睇住下面就係鎌倉嘅街道，其實都真係幾過癮。如果整個玻璃底嘅特別車廂，都應該會幾過癮
想去嘅地方其實就係一個叫開成町嘅地方，咁要去呢個地方最近就係要去國府津，然後轉 JR 東海嘅御殿場線，去到松田站，再行過去。
不過我係無搭到呢架車嘅 。大船站就係 JR 東日本；松田站就係 JR 東海，網上曾經有網頁講過話咁樣一程跨區咁用suica咁搭會出問題，又估松田站都唔係大站，有事上黎都難搞，例如雞同鴨講，或者可能都無一個職員黎問。最安全都係走去買飛去啦。咁就起國府津站度搞票務嘅問題就完美咁 miss 左呢個車
眼見下一班車要成九個字之後先到，最後，決定都係搭的士入好過
點解要黎呢度呢？就係因為繡球花季節嘅時候，呢度田野嘅兩邊都會種上繡球花。成個畫面會好鄉郊同好自然。
尤其是日落之下，夕陽嘅倒影射左起田度，成個畫面更加正。
等埋日落，之後再行返出大路，見到間 lawson 雞同鴨講之下，本來想搵架的士去返國府津，咁就唔使等火車等到變化石嘛。不過雞公鴨講之下就車左我去松田站就算。
出返大船都我估都八九點啦。咁大船雖然細細地，不過想搵嘅鋪頭都有。無意中發現有間二十四小時嘅超市
呢兩樣都係想搵嘅甜品之一。之前話個沙冰有三款口味，之前食左比卡超果個熱帶水果味道，而呢個，嗯，感覺就比下去啦。唔太覺得有乜特別。
第六日完
而長谷寺隔離嘅御靈神社，都係繡球花季節一定要去嘅地方，因為呢個位附近嘅江之電路軌隔離，都種左好多繡球花，等一輪就可以影到江之電嘅電車同繡球花一齊嘅畫面。
呢個畫面都好有小鎮風情：
難得突然之間咁好天，果一下其實都唔想繼續起鎌倉度睇繡球花啦，寧願去海邊果度放空好過！可惜都係起呢度見唔到富士山。
不過 hea 下 hea 下， 突然記起要住起神奈川嘅一個理由，就係想去一個比較鄉郊啲嘅地方睇繡球花。咁就即刻搭返去大船站先。今次就搭湘南 monorail 出返去。現場睇住下面就係鎌倉嘅街道，其實都真係幾過癮。如果整個玻璃底嘅特別車廂，都應該會幾過癮
想去嘅地方其實就係一個叫開成町嘅地方，咁要去呢個地方最近就係要去國府津，然後轉 JR 東海嘅御殿場線，去到松田站，再行過去。
不過我係無搭到呢架車嘅
。大船站就係 JR 東日本；松田站就係 JR 東海，網上曾經有網頁講過話咁樣一程跨區咁用suica咁搭會出問題，又估松田站都唔係大站，有事上黎都難搞，例如雞同鴨講，或者可能都無一個職員黎問。最安全都係走去買飛去啦。咁就起國府津站度搞票務嘅問題就完美咁 miss 左呢個車 眼見下一班車要成九個字之後先到，最後，決定都係搭的士入好過
點解要黎呢度呢？就係因為繡球花季節嘅時候，呢度田野嘅兩邊都會種上繡球花。成個畫面會好鄉郊同好自然。
尤其是日落之下，夕陽嘅倒影射左起田度，成個畫面更加正。
等埋日落，之後再行返出大路，見到間 lawson 雞同鴨講之下，本來想搵架的士去返國府津，咁就唔使等火車等到變化石嘛。不過雞公鴨講之下就車左我去松田站就算。
出返大船都我估都八九點啦。咁大船雖然細細地，不過想搵嘅鋪頭都有。無意中發現有間二十四小時嘅超市
呢兩樣都係想搵嘅甜品之一。之前話個沙冰有三款口味，之前食左比卡超果個熱帶水果味道，而呢個，嗯，感覺就比下去啦。唔太覺得有乜特別。
第六日完
第七日：湘南->長野
呢幾日天氣都比較差。所以都變左室內遊。寫嘅野應該唔多，因為感冒病徵都開始出現啦。份人都開始呆呆地。
覺得幾好睇而唔覺意影左嘅地方。
一開始都係搭江之電。不過今日就唔係經過長谷寺果邊。因為偶然起 ig 都見到有一個位都可以影到繡球花同江之電嘅。呢個位好似無咁多人過黎影。
今日最主要就係去左江之島同埋水族館。江之島果一部分我就決定 skip 左佢。因為天氣好麻麻，影出黎嘅相都唔太好睇。起江之島上面行黎行去都要一定腳骨力，尤其是起江之島岩屋上返去果一段路。
而最後決定都係入埋個水族館。門票我記得有啲貴，不過入到去我又覺得都值嘅。入面一開始有幾個section，每一個 section 都模擬返附近地方嘅海底世界係點。而中間最大個水缸係以相模灣區域為主題，入面可以睇到成一大群沙甸魚點樣游黎游去。而佢個水母館裝修我都覺得幾靚。
最後就食埋個海鮮丼就搭車上長野啦。
呢幾日天氣都比較差。所以都變左室內遊。寫嘅野應該唔多，因為感冒病徵都開始出現啦。份人都開始呆呆地。
覺得幾好睇而唔覺意影左嘅地方。
一開始都係搭江之電。不過今日就唔係經過長谷寺果邊。因為偶然起 ig 都見到有一個位都可以影到繡球花同江之電嘅。呢個位好似無咁多人過黎影。
今日最主要就係去左江之島同埋水族館。江之島果一部分我就決定 skip 左佢。因為天氣好麻麻，影出黎嘅相都唔太好睇。起江之島上面行黎行去都要一定腳骨力，尤其是起江之島岩屋上返去果一段路。
而最後決定都係入埋個水族館。門票我記得有啲貴，不過入到去我又覺得都值嘅。入面一開始有幾個section，每一個 section 都模擬返附近地方嘅海底世界係點。而中間最大個水缸係以相模灣區域為主題，入面可以睇到成一大群沙甸魚點樣游黎游去。而佢個水母館裝修我都覺得幾靚。
最後就食埋個海鮮丼就搭車上長野啦。
點解會上上長野呢？因為除左探一探朋友之外，都想睇一睇初夏之時嘅風景，本來預兩日。不過最後都係留左一日之後就返東京啦。因為天氣實在太差啦。本來想去嘅白馬村我就決定留返下次有機會先去啦。
而今次去長野，就趁未落狗屎之前就去到姨捨梯田。呢度應該係暫時我見過入面交通比較方便嘅一個梯田。
起長野站搭篠之井線列車就可以到姨捨站。而姨捨梯田就起正起個車站嘅隔離。
梯田四季都有唔同嘅風貌，而呢個時候就會見到水稻嘅畫面。睇網上啲相，秋天當啲水稻成熟之後，一層一層黃色咁，應該呢度嘅景觀都唔錯。起田野之間遊蕩，聽到一切都係蟲鳴聲同流水聲，感覺好舒服。
遇到當地人， 語言不通，但係我估佢聽到一個黎自香港嘅旅客黎呢度應該都會覺得好好奇。都好熱情咁介紹一啲可以好好咁欣賞呢一片梯田嘅好地方。從僅有知道嘅日語，同埋佢嘅身體語言，都感覺到佢對於呢一度嘅熱情同埋自豪，畢竟呢度係日本梯田百選嘅其中之一。
返返去長野，是但咁搵間食海鮮丼，就搭新幹線返返東京啦。
而今次去長野，就趁未落狗屎之前就去到姨捨梯田。呢度應該係暫時我見過入面交通比較方便嘅一個梯田。
起長野站搭篠之井線列車就可以到姨捨站。而姨捨梯田就起正起個車站嘅隔離。
梯田四季都有唔同嘅風貌，而呢個時候就會見到水稻嘅畫面。睇網上啲相，秋天當啲水稻成熟之後，一層一層黃色咁，應該呢度嘅景觀都唔錯。起田野之間遊蕩，聽到一切都係蟲鳴聲同流水聲，感覺好舒服。
遇到當地人， 語言不通，但係我估佢聽到一個黎自香港嘅旅客黎呢度應該都會覺得好好奇。都好熱情咁介紹一啲可以好好咁欣賞呢一片梯田嘅好地方。從僅有知道嘅日語，同埋佢嘅身體語言，都感覺到佢對於呢一度嘅熱情同埋自豪，畢竟呢度係日本梯田百選嘅其中之一。
返返去長野，是但咁搵間食海鮮丼，就搭新幹線返返東京啦。
最後兩日都係呆呆地咁起東京入面度過過，就唔多野寫東京啦。
而其中一個地方就係去左起大宮嘅鐵道博物館，相信好多人都去過朝聖啦，咁就唔多寫啦。貼住幾張相啦：
JR西日本就有部500系，而東日本就有部 E5。
入面都有好多車比你睇同比你上：
205系嘅模擬器。
===============================
去完鐵道博物館，行過上野，見係兩點鐘，就食到上次北海道之旅無食到嘅你：suica penguin pancake
當時嘅特飲就係西瓜汁。
===============================
咁就講下酒店啦。咁今次就住東京站日本橋口附近嘅JR東日本大都會大飯店 丸之內。早餐就係自助餐嘅形式，有日式同西式嘅食材選擇。都唔錯嘅，選擇都多款。
為嘅係呢一個畫面：
東京站附近嘅大樓：
從高空望落去列車：
===============================
酒店係有個中庭嘅，而中間就擺左一個模型，入面就有一啲東京嘅地標例如東京鐵塔，晴空塔，東京站，圍住佢地就有啲列車起度行黎行去。而升降機就起其中一邊。上到去每一層，如果你間房唔係起部升降機附近，就可能要行半個四方形先到你間房啦。
望東京站一方嘅房就大，攤開幾個 gip 都唔係問題：
廁所就有個浴缸，可以邊欣賞東京站附近夜景邊浸：
張門卡都印左關於日本橋嘅畫作：
望住個夜景，啲燈一閃一閃，下面啲火車出出入入，好寫意咁過左晚啦。雖然望望下會覺得，都係一班人辛辛苦苦咁 OT 先堆砌出一個咁嘅景色
呢兩款食落唔錯，值得一戰：
呢款係有啲咖啡啫喱同 cream 嘅甜品杯。好似係我暫時食過兩者最 match 嘅一款，咖啡味又唔會太苦，又唔係死甜果款。
雪凍左而食嘅 pancake，口感仍然好鬆軟，然後啲漿食食下起中間爆出黎，好過癮同好食！
=== 待續 ===
而其中一個地方就係去左起大宮嘅鐵道博物館，相信好多人都去過朝聖啦，咁就唔多寫啦。貼住幾張相啦：
JR西日本就有部500系，而東日本就有部 E5。
入面都有好多車比你睇同比你上：
205系嘅模擬器。
===============================
去完鐵道博物館，行過上野，見係兩點鐘，就食到上次北海道之旅無食到嘅你：suica penguin pancake
當時嘅特飲就係西瓜汁。===============================
咁就講下酒店啦。咁今次就住東京站日本橋口附近嘅JR東日本大都會大飯店 丸之內。早餐就係自助餐嘅形式，有日式同西式嘅食材選擇。都唔錯嘅，選擇都多款。
為嘅係呢一個畫面
：東京站附近嘅大樓：
從高空望落去列車：
===============================
酒店係有個中庭嘅，而中間就擺左一個模型，入面就有一啲東京嘅地標例如東京鐵塔，晴空塔，東京站，圍住佢地就有啲列車起度行黎行去。而升降機就起其中一邊。上到去每一層，如果你間房唔係起部升降機附近，就可能要行半個四方形先到你間房啦。
望東京站一方嘅房就大，攤開幾個 gip 都唔係問題：
廁所就有個浴缸，可以邊欣賞東京站附近夜景邊浸：
張門卡都印左關於日本橋嘅畫作：
望住個夜景，啲燈一閃一閃，下面啲火車出出入入，好寫意咁過左晚啦。雖然望望下會覺得，都係一班人辛辛苦苦咁 OT 先堆砌出一個咁嘅景色
呢兩款食落唔錯，值得一戰：
呢款係有啲咖啡啫喱同 cream 嘅甜品杯。好似係我暫時食過兩者最 match 嘅一款，咖啡味又唔會太苦，又唔係死甜果款。
雪凍左而食嘅 pancake，口感仍然好鬆軟，然後啲漿食食下起中間爆出黎，好過癮同好食！
=== 待續 ===
梯田好靚
btw我去完智績院、大原三千院同埋苔寺（西芳寺）返黎啦
大原三千院而家好多大陸同韓國遊客
連十幾人嘅韓國阿豬媽旅行團都識去
太多人了
不過7月份嘅佢係靚過苔寺
無論講面積、內庭設計、園林設計同埋青苔生長嘅情況都比西芳寺好
西芳寺就算係book appointment都一樣巧多人
睇青苔條順路係會大塞車
要一個一個慢慢行
同埋青苔嘅生長情況比起三千院嘅有啲枯唔夠嫩同唔夠飽滿
不過都大開眼界
同埋手抄觀世音都好玩 幾calm
最重要係佢地都有時代背景歷史support
唔會話去完無意義
真係多謝你個post嘅好介紹
連我喺日本嘅親戚都話實在又靚又正
btw我去完智績院、大原三千院同埋苔寺（西芳寺）返黎啦
大原三千院而家好多大陸同韓國遊客
連十幾人嘅韓國阿豬媽旅行團都識去
太多人了
不過7月份嘅佢係靚過苔寺
無論講面積、內庭設計、園林設計同埋青苔生長嘅情況都比西芳寺好
西芳寺就算係book appointment都一樣巧多人
睇青苔條順路係會大塞車
要一個一個慢慢行
同埋青苔嘅生長情況比起三千院嘅有啲枯唔夠嫩同唔夠飽滿
不過都大開眼界
同埋手抄觀世音都好玩 幾calm
最重要係佢地都有時代背景歷史support
唔會話去完無意義
真係多謝你個post嘅好介紹
連我喺日本嘅親戚都話實在又靚又正
咁就好啦
見到你地滿意我都開心啊 ，叫做個 post 都有啲意義 真係啊，行呢啲景點如果有時間了解埋知道埋啲歷史背景就更加正啦，不過個人語言同時間所限就想做做唔到
我六月中去周圍都唔見班大媽同韓國團，可能因為六月狂落雨個個都避開掛
見到你地滿意我都開心啊 ，叫做個 post 都有啲意義 真係啊，行呢啲景點如果有時間了解埋知道埋啲歷史背景就更加正啦，不過個人語言同時間所限就想做做唔到 我六月中去周圍都唔見班大媽同韓國團，可能因為六月狂落雨個個都避開掛
最終回：故事最終必須親口講再會。再會那些一起風雨下經過的旅館
起東京最後一日都唔多特別野寫，如果可以重用呢一日，可能我會揀去箱根一日遊掛。好似果度都有繡球花可以睇。
最後就起酒店同起千葉縣嘅一個免費觀景台，欣賞晴空塔嘅夜景。
走果程就換左成田出，所以前一晚都住上野，方便入機場。本來換九點幾果班，不過偶然見到十點幾果班有quota，咁就換左啦。去成田當然就搭skyliner啦。
去到機場都好快可以攞到張 boarding pass，不過等入海關果度就排好長人龍啦。反而過完 X-ray 之後就好快，佢有部機影相同護照入面張相去做比較，呢個位就好快可以過到。
聽聞好似起成田國泰lounge好似唔太特別，所以我就走左去JAL 個 lounge。去個lounge都唔算難，一過海關就見到個入口。入面佔地兩層，第一層就係餐飲地方，第二層就係休息空間。中間有一條長長嘅樓梯連接住。
餐飲區一部分
休息區一角
早餐時段就試左 JAL 嘅咖喱飯，tiramisu，洋蔥湯。
都有香檳，其他酒類 同埋 啤酒機 提供
服務都唔錯。例如我起咖啡機整完咖啡行埋位果時候，倒瀉左少少咖啡起個 tray 度，其實真係好小事，不過我一坐低就有職員主動行過黎問有無事，提供一堆紙巾，同不如佢幫我去整過杯；用果部汽水機整極杯汽水都係泡，又有職員見到，就叫我好好搵個位坐低先，佢整完一輪試完一輪之後就主動行過黎遞左杯汽水過黎。
起東京最後一日都唔多特別野寫，如果可以重用呢一日，可能我會揀去箱根一日遊掛。好似果度都有繡球花可以睇。
最後就起酒店同起千葉縣嘅一個免費觀景台，欣賞晴空塔嘅夜景。
走果程就換左成田出，所以前一晚都住上野，方便入機場。本來換九點幾果班，不過偶然見到十點幾果班有quota，咁就換左啦。去成田當然就搭skyliner啦。
去到機場都好快可以攞到張 boarding pass，不過等入海關果度就排好長人龍啦。反而過完 X-ray 之後就好快，佢有部機影相同護照入面張相去做比較，呢個位就好快可以過到。
聽聞好似起成田國泰lounge好似唔太特別，所以我就走左去JAL 個 lounge。去個lounge都唔算難，一過海關就見到個入口。入面佔地兩層，第一層就係餐飲地方，第二層就係休息空間。中間有一條長長嘅樓梯連接住。
餐飲區一部分
休息區一角
早餐時段就試左 JAL 嘅咖喱飯，tiramisu，洋蔥湯。
都有香檳，其他酒類 同埋 啤酒機 提供
服務都唔錯。例如我起咖啡機整完咖啡行埋位果時候，倒瀉左少少咖啡起個 tray 度，其實真係好小事，不過我一坐低就有職員主動行過黎問有無事，提供一堆紙巾，同不如佢幫我去整過杯；用果部汽水機整極杯汽水都係泡，又有職員見到，就叫我好好搵個位坐低先，佢整完一輪試完一輪之後就主動行過黎遞左杯汽水過黎。
夠鐘上機。呢一次都係搭 A350 返黎。都問左個地勤睇下有無 K 側果邊啲位，不過可惜呢次果邊就爆曬嘅，就只可以選擇A側。不過呢程機之間都幾唔穩定，著安全帶燈嘅時間都好多。而見到嘅一係就係入曬雲白濛濛一片，一係就係好多雲。
都係呢款設計嘅商務位。
一開始就黎杯香檳先。
起飛無耐就會見到千葉縣一帶嘅農地，同呢款機個廁所入面有窗嘅，所以就走左去個廁所入面睇下風景咁。如果坐 K 邊就可以見到日本一帶嘅景，例如起高空望到之前去過嘅鎌倉一帶嘅海岸線。好天就應該可以望到富士山，不過就食雲見唔到。
飛機餐同二月嘅好似都係一樣。而水果就有蜜瓜，都幾好，因為果個時候好似就係日本蜜瓜當造嘅季節。雪糕就有綠茶味。
咁最想飲嘅都係杯 Cathay Delight 啦。
中間訓一訓，睇下窗外嘅雲，聽下歌，聽聽下林家謙首《記得》-
故事最終必須親口講再會。再會那些一起風雨下經過的旅館
喊左幾野，都係啊，呢次旅程就係咁就完左啦，咁就落幕啦。中間經歷過梅雨季節嘅落狗屎天氣。雖然去到旅程嘅尾段都有啲亂曬大龍，可能係始終都係受到病病地搞到呆呆地嘅影響掛，不過都叫做成功一手一腳咁安然度過呢一星期多啲嘅日子，都有啲成功感嘅。同埋好似都係唔太捨得咁就要返香港繼續做社畜啦。不過，唔捨得都歸唔捨得，時間都唔會停止，班機點都會降落 HK 樂園。
不過過完呢一次，總算儲過日本春夏秋冬景觀：
咁當然各個季節都有其他畫面我未睇嘅，例如夏天就仲有煙花，各大夏祭...
最終都叫寫完呢個旅程啦，雖然可能悶親大家，去到尾又好似少少爛尾咁。都多謝你睇曬嘅。下次想去邊？研究緊啊，我就研究緊十一月果啲日子，睇下去唔去九州好。畢竟呢塊都係未踏足過嘅一個板塊。但交通又好似有啲麻煩咁。快閃連埋東京睇銀杏都好似幾好...
====== 完 ======
#4 D1：香港機場；香港飛大阪嘅航機
#9 #11 ：關西兩間酒店開箱
#17 D2：京都 智積院
#20 D2：京都 三室戶寺
#27 D2：京都夜
#47 D3：京都 善峯寺
#56 #57 #58 D3：京都 嵐山
#66 D4：京都 大原三千院
#69 D4：京都 貴船
#80 D5：京都 -> 東京
#82 D6：伊豆下田
#83 D6：伊豆下田，Saphir Odoriko
#87 D7：鎌倉
#88 D7：鎌倉，開成町
#89 D8：江之島水族館
#90 D9：長野短遊
#91 D10：東京
#95 #96 航班。完結
#9 #11 ：關西兩間酒店開箱
#17 D2：京都 智積院
#20 D2：京都 三室戶寺
#27 D2：京都夜
#47 D3：京都 善峯寺
#56 #57 #58 D3：京都 嵐山
#66 D4：京都 大原三千院
#69 D4：京都 貴船
#80 D5：京都 -> 東京
#82 D6：伊豆下田
#83 D6：伊豆下田，Saphir Odoriko
#87 D7：鎌倉
#88 D7：鎌倉，開成町
#89 D8：江之島水族館
#90 D9：長野短遊
#91 D10：東京
#95 #96 航班。完結
巴打，你雪凍左食嗰件其實唔係pancake黎，係pancake style嘅三文治
其實打果陣都 in doubt，pancake 呢個形容詞唔恰當，不過 search 左一陣都諗/搵唔到叫乜。多謝指正
btw 好似係呢排出嘅新產品，仲有另外三款復刻甜品。不過另外三款就應該起我走左之後先推出市面啦
btw 好似係呢排出嘅新產品，仲有另外三款復刻甜品。不過另外三款就應該起我走左之後先推出市面啦