日本自駕右轉問題

其實真係應該要真揸車/有車reg你個名先計P...

https://car-moby.jp/article/news/commentary-of-right-turn-method/2/
https://detail.chiebukuro.yahoo.co.jp/qa/question_detail/q10252394315
https://trafficnews.jp/post/91281

查左日本人點講呢個問題
基本上個分水嶺就係過左個停止線未
未過停止線又紅燈的話就唔郁得,要等
但過左一半停止線先紅燈就可以繼續過
亦有個日本人分享話試過後面架車條友叫佢行前d去中間
不過其他人覆呢個係無知教唆,係錯誤

我覺得處理袋口位都係睇有無空間俾你伸半個車頭出停止線
伸得出就可以過
但無信心揸唔慣就龜係條停止線等係完全無錯
睇其他人回覆都睇得出香港人揸車同蚑蚑一樣咁粗野

對邊無車你入左袋口位紅燈未轉. 轉完右有行人過緊馬路未係班馬線前停低. 唔係只有咁做法咩？你係十字路口中間停低唔行. 會塞晒4條線

其實即係香港袋口位

不過香港都好多人唔識用袋口位
周不時見人停係度等

大埔超級城個度都有個袋口位
啲人都係咁轉

咁揸屋企車
香港無揸過車，走去外國旅行先揸，係同危駕無異

話過左白線喺袋口位待機時唔洗睇燈應該係錯

總之由紅燈變綠色圓燈時可以開車入袋口位
如果對面明顯無車時可以直接轉右
但呢個時候右邊既行人路係綠公仔
一定要睇有無行人過馬路
如果對面線無車但有行人過馬路時
可以駛到去行人路前少少待機等行人過馬路
但如果呢個位會喺對面線車道範圍時應該喺袋口位待機

如果對面線一直有車直行就喺袋口位待機
之後綠色圓燈會變返紅綠，但右向箭嘴會綠燈
呢個時候就可以無顧慮直接轉右，呢個時候行人都會紅公仔

利申住日本六年有港日車牌
希望無說明錯 如果易明的話請樓主置頂

有多盞揹仔燈就入格仔等
無嘅通常都會淆底唔敢去 好驚等完過唔到

懷疑呢度討論揸車 十個九個都無揸過車，跟本除左左轉 香港日本就一鳩樣，連啲路牌都係中文

如果冇右向箭嘴呢？
只得圓燈既話，入咗袋口位時等到變紅燈
係咪變返唔使睇燈，安全情況下右轉？

出咗白線=無車就過 照讓行人
未出白線紅燈照停
通常紅燈完都有個孖燈十幾秒綠燈轉右
綠燈碌前等對面線無車 /對面左轉車 過 讓行人
紅燈重覆上面

係個袋口位, 安全就可以右轉, 唔需要再睇燈.

香港如果綠燈的話，右轉需要顧慮對面線既車咩

交通燈只係管制白線前的車

你已經出左白線，唔再受支交通燈的管制

你宜家只係受緊個讓線管制，只要對面線冇車直去，冇人過馬路同交通情況安全就可以轉右，唔理你原本支燈宜家咩訊號

https://youtu.be/xtcJOeGoFCo

勸下各位都應該做下功課
我真心覺得日本套交通系統係危險過香港
所以唔好100%用香港個套

係 對面直行車一停就應該快快趣右轉
唔係既話會阻由3點鐘綠燈既直行車

年經post, 自己上網搵都有答案啦