唔死一身潺
2023-06-28 00:13:54
代友po
深受其害姊妹發表一下
佢喺中環有一間office同時進行幾個業務,都係由一個終極不負責任躁狂症裙腳仔老闆(aka 中大MBA大學生)但英文水平同表達能力嚴重有問題,口頭禪「你明架啦」+ 母親大人(aka 乜都唔識嘅清潔阿嬸)因為乜柒都唔識所以會盲撐個仔,亦係員工之一,行動組代表,會外出辦事兼移動閉路電視,專門監察員工有冇偷懶。兩母子都黐撚線!!!
真係唔好話做一個月或者就連一星期都頂唔撚順,本人做得短,因為真係做唔撚長,已經唔關工作性質事,係同躁狂症裙腳仔加清潔阿嬸相處唔到。聽聞啲同事走得都好快,好多做幾日就走。
自身經歷,燥狂症裙腳仔會成日就借啲意話傾公事,實情就係想抽水,會捉住你隻手叫你「坐埋啲啦 我冇病架」。當我做完份內工作,佢就會掂下我個頭講句「辛苦晒」,或者講啲九唔撚搭八嘅嘢「你好似我妹妹」,一時收工就做低能,扮貓動作扮可愛同你講bye bye....
但係,只要你出聲話裙腳仔,裙腳仔就會即刻起撚晒鋼擺撚晒款,話你唔啱,係你諗多咗,會借啲意話你唔適合,叫你離開公司,等你收嗲唔好影響其他仲戇鳩鳩做緊野嘅同事。
其實不論係員工或客人(可加入fb寵物移民中伏區參考), 都不停有上門嘅投訴,但裙腳仔永遠覺得自己係真理,將客人嘅投訴都推得一乾二淨,唔撚關佢事。佢處事嘅解決方案就係報警+出律師信+上庭,對佢黎講真係當食生菜,或者用小學雞處理方法,咆哮對方,講晒自己嘅理據再封鎖你。
另一邊,母親大人會為兒子出氣,解決方案就會精神虐待,不停騷擾對方電話,言語上攻擊你,打電話俾你,語音留言。佢老母仲成日講:「人在做天在看,害人嘅事,我哋公司唔會做。」秉持住呢個態度,精神上虐待應該唔算係,所以可以繼續遺禍人間。兩位黃金組合夾攻,直到投訴人精神崩潰,覺得煩唞唔到氣,就會放棄指控。