[前純愛後少甜] 我係大學重遇初戀，即刻同佢打番場友誼波

食完飯出

不懂得著貼身衫同儒家褲去突顯自己凹凸有致的賓周同長腿。

我和婷婷入讀同一間大學。我們辦完入學手續後便在校園內招攬新生入不同學會的攤位逛一逛。

「音樂社歡迎你~」

「想強身健體就要入跆拳道學會啦！」

「Dance so最多靚仔靚女！想識人快啲入黎！」

五花八門的學會成員向人招手，派folder給我們。

我們看得眼花撩亂，婷婷說：「哇~我一定要join drama so~~」

大學在暑假期間會舉辦很多ocamp，想認識全間學校的人可以join大O，也可以參加自己學科的O。除了學會，宿舍也會舉辦迎生營。

我一口氣報了幾個o camp，包括本科(medic)，天文學會，還有其中一間hall的。

「哇，妳報咁多ocamp，MC會唔會呻醋架？」我看見好友停在劇社交報名費的時候問。

「車，佢去美國識咁多鬼妹我都未同佢計啦！」她笑說。

說起來，我也沒有和傑仔交代自己會參加迎生營。

剛巧這幾天他已不在香港，我仿佛無皇管，做回最自由的自己。

就算我費唇舌解釋這些大學文化，他也大概不會懂吧？

男MC來到大學接婷婷走。我告別了這對痴纏情侶後，一種前路茫茫的感覺湧上心頭。

我指的當然不是學業，而是自己和傑仔的未來。

婷婷的男朋友是準律師，出自美國名校。她除了被他的外型和健談性格吸引，也會因為他的律師身份而對他更添一份愛慕之情。

她沒有我的煩惱，不會明白我為什麼要因男朋友的前途，工作等而惆悵。

繼續

---
「到底妳鍾意MC啲咩姐！」半年前，我曾經在上課時問她。

「我鍾意佢外向得黎又識細心知女仔諗啲乜，同埋佢係學霸真係好champ~

佢好博學架，平時都會同我傾外國嘅電影同書，我覺得如果同佢一齊到佢會教到我好多野，佢真係入到law嘅話就仲正~」婷婷陶醉地說。

「死啦，我連Josh 入唔入到大學都唔知。咁我問妳，如果MC讀唔到law要入asso hd 妳仲鍾唔鍾意佢！」我笑說。

「我諗唔多唔少會無咁崇拜佢架~但睇吓佢係咪有上進心升番上u囉。」她說。

---

半年前的對話又在我腦海重播一次，覺得沒有人會明白我此刻心中的糾結。

一來我與傑仔會在一起只是因為我寂寞，二來他和我的背景實在太懸殊了。

加上他現在不在我身邊，我的心更加動搖。

我感到很煩躁，偏偏在這時我收到傑仔的whatsapp call。

「喂~聽唔聽到？」他問。

「我聽到啊，你呢？」我回答。

「聽到！我依家岩岩食完晏番咗房，終於有wifi打俾妳~妳做緊咩啊？」他說。

「無啊，我同婷婷交完學費，係大學行咗陣囉。」我刻意想迴避自己參加ocamp的事，免得他煩我。

「係呢，聽講你間大學之前有新生玩遊戲要奶廁板，女仔又俾人抽水，妳真係唔好去玩啊。」他突然說。

「咩事啊，你講個單都唔係我間u嘅！同埋人地係玩hall o先要咁俾啲大仙玩咋嗎。」我立即反駁。

「吓，咩係hall o，咩係大仙？」傑仔一頭霧水地問。

我對於他禁止我參加ocamp已經感到不滿意，他還要問我一些大學生才會明白的terms，我頓覺更加不爽。

「唉，講你都唔明架啦，總之一般ocamp 唔會咁囉，好正經架。」我說。

「.....好啦好啦，妳呢幾日點啊，有無掛住我？」他問。

「我覺得好自由，好似變番單身咁。」我毫不掩飾地回答，卻不在意這說話會否傷了他的心。

「妳有無搞錯啊，咁樣講野嘅.....我地拍緊拖架嘛！」傑仔說。

「我講吓笑姐。我都去食飯啦，遲啲再講。」其實我說的是真話，只是我不想再和他糾纏在這個話題，便草草掛了線。

Come on 傑仔 可否試著成熟一點

傑仔卒過都算有賺了

不在乎天長地久 只在乎曾經擁有

雖然條女閪 但見倒傑仔咁beta又係睇到嬲

三次拍拖都俾囡飛唔係浪得虛名

第二天，他whatsapp再問我夜晚要不要skype call。

Me: 我今晚同婷婷佢地食飯，唔得閒啊

傑仔：算啦，我都慣咗
傑仔：妳都無心裝載我啲野嘅

我實在受不了他的發晦氣，於是下定決心打篇千字文分手。

Me: hello，想係度同你講分手。
其實有好多原因，但主要係我嘅問題唔關你事。
我屋企人好傳統，如果佢地知我同你一齊肯定會反對，因為我地嘅世界真係差太遠啦。還掂佢地遲早都會知我同你拍拖，咁長痛不如短痛。
同埋，我地性格唔夾，入咗大學之後一定仲多磨擦。玩o camp呢件事我無事先通知你係我唔岩，但你屈我係想溝仔都令我好唔開心，根本我地兩個都唔夠成熟，唔識解決問題。
我都未讀大學已經嗌交，我都唔知點同你行落去，因為我唔會俾到你需要嘅安全感你。就算我唔去o camp識人，我番學都會有新朋友架，咁唔通你個個都唔俾我識咩。
好多謝你呢兩個月黎對我嘅照顧，你好錫我其實我知道，又從來唔會逼我做我唔想做嘅野。
我成日笑你係mk仔，但你脾氣好好，甚至好過我，好多野都容忍我，又有耐性。
但我始終係悲觀主義，我睇唔到我地有未來。
真係好對唔住......本身應承咗你嘅聖誕節旅行都唔會有機會成真.....希望我地做得番朋友啦。

當我終於按下傳送鍵後，整個人一直在發抖。我看到傑仔一秒後立即online whatsapp了，竟然怕得block了他。

我都不知道自己到底想怎樣，雖然我提出了分手，卻沒有膽子面對他的回應。

我在想，他一定很憤怒，因為我很心虛。

我知道這段感情裡他投入得多，付出的也比我多。

他可能會罵我瞧不起他，我現在入大學身份不同了就拋棄他，是個不念情的女人。

我逐個逐個app去封鎖他，當我連ig 都block了他時突然有個facebook inbox message。

傑仔: 等陣先！妳唔好block埋我fb住

寫一大堆分手理由想冠冕堂皇啲

聽晚傑仔篇大結局

出多篇先啦

又好

我停住了動作。雖然是我提出分手，但心很慌亂的我早已淚眼婆娑。

傑仔: 傻妹，其實我一早預咗會有呢一日。妳唔使咁自責啦，妳講得岩，我們根本兩個世界嘅人黎
傑仔: 我呢個禮拜都好似等緊妳開口，計時炸彈咁
傑仔: 我明架，妳入大學我無權管妳識咩人嘅，係我自卑姐

Me: 對唔住.........

傑仔: 妳放心啦我無野架，我都唔係第一次拍拖俾人飛
傑仔: 希望妳記得我地第一次出街，我係長洲踩單車妳玩得幾開心
傑仔: 咁我地做番朋友啦

我看見message後哭得更崩潰，感覺好像當你在哭時身旁的人一直叫你不要哭，反而會哭得更慘。

明明我待他這麼差，最後還拋棄了他，他卻仿舊好脾氣，忍受我的任性。

Me: 多謝你啊

傑仔: 嘻嘻，唔洗
傑仔: 我唯一要求，係我番黎HK之後我地見多次面

看到他最後的訊息，我遲疑了。

我當時認為分手後就得乾脆點，再見面似乎不太好。

但整段關係直到分手他都待我如此溫柔，難道自己連他這個要求都拒絕嗎？

Me:咁好啦，下禮拜見

傑仔: 下禮拜見

推

今日出多兩篇

傑仔想R分手揸波

傑仔好慘

三日兩夜的醫科o camp在一片嬉笑中匆匆度過。對於期待o camp情節的人來說，我一句便帶過可能很失望，但真的沒有特別的事情發生。

它就只是一個簡單的活動讓同學們彼此認識，分成若干組別玩破冰遊戲，要改一個和醫療有關的組名，想出一些dem beat口號。

接著city tracing，和組員們跑到香港不同的角落完成任務，最後回到校園分享感受。

也許醫科有很多乖乖仔和囡，整個過程沒有惡名昭彰的淫賤遊戲，也沒有獸父的出現，我只交了一班hi bye friend。

說好聽點是朋友，其實只是一群上了大學怕寂寞的男女想有人陪伴一起上下課吃飯而已。

星期五下午終於出camp，連續兩晚捱夜的我乘著地鐵出去旺角，整個人昏昏欲睡。

沒辦法，我答應了傑仔o camp一完結便見面，即使我背著沉甸甸的幾天份衣物也不能立即回家。

我走向往朗豪坊的出口，甫去到商場便看見傑仔。

他走近我，叫我卸下了背包讓他代勞。

多天沒見，他外型沒太大分別，唯一不同是他沒了以往的嬉皮笑臉。

「我地去食啲野先？」傑仔說完，想自然地牽起我的手。

我嚇得立刻縮開手。「好啊.....行吓food court囉。」我說。

我不想和他好像約會似的，我只想看看彼此有沒有未解開的心結，說出來令他心裡好過些。

在food court吃午餐時，我一直等待他提及我們分了手這個事宜，但他沒有。

他分享自己探望親戚時遊山玩水的見聞，仿佛我們還在一起。我心中有不祥的預兆....

他該不會以為能追回我吧？

依家手仔都唔俾掂