[前純愛後少甜] 我係大學重遇初戀，即刻同佢打番場友誼波

預告吓先
下星期會有新角色mk仔出現，開始有甜

最後，我們決定去food court醫肚，便宜之餘，又可以各自吃喜歡的餐點。

今次是我第一次和Josh獨處，說不緊張就是騙人的。。說來奇怪，雖然他平時在whatsapp與我說話態度從容，但看到真人時他永遠很害羞，判若兩人。

「我求先係補習社撞到隔離班啲同學！死啦，唔知佢地見唔見到我。。。」我說。

「做咩要驚？」他問。

「佢地好大口架，知道我同你出街一定會番學周圍唱！」我回答。

「乜你地啲女仔咁八卦架。。。補習姐，我同你又唔係拍拖。」他說完，又托眼鏡。

他突然說「拍拖」兩個字令我有點不自在，於是dead air了…..
後來聊了一些關於剛才補習的事，很快就七點多。

「我媽要我八點番屋企，我差唔多要走啦！」我看手機發現時間已不早。

「哇，你灰姑娘黎架喎，咁早就要番去嘅。咁行囉。」Josh說。

由商場去家只要搭15分鐘巴士。我們走去巴士站，還有幾分鐘就有適合的車。

「你屋企管得你好嚴？」他問。

「係掛....好少俾我同friend出街囉，係之前放暑假個義工活動先俾我出黎玩多幾日咋。」我答。

「係喎，差啲唔記得你係女學霸，haha 。」他說。

「咁你屋企呢？」我天真地問。

「err...一定無你咁誇張囉。成晚無番去都唔會問我架。」他回答。

這是我第一次聽到人的家庭如此無管束。。。好像和我的世界很不同。

想著想著，巴士已到站。我拿了銀包就準備和Josh 道別。在我毫無防備之下，他做了一件令我非常傾心的事。

「再見啦，女學霸。」他伸出右手輕輕摸我頭頂，仿佛十分憐愛著我。

身高差加上突如其來的舉動，令我小鹿亂撞，說了一句「嗯」就傻傻走上巴士。

老套地說…我已經整個心被他偷走。

「吓，摸頭？唔撚係啊？」課室上婷婷做出難以致信的表情。

「之唔係囉，屌，我都估唔到會發展得咁順利。」我嘴上說不，但已開心得打從心底裡笑出來。

「um....我覺得你都係睇定啲先。你唔記得個次玩game佢連你膊頭都唔敢搭，最後寧願投降咩？尋晚第一次約你出黎就摸頭…佢呢個人未必咁簡單。

同埋你無聽過人講咩？男仔摸你個頭，姐係想你摸番佢第二度個頭…嘻嘻。。。」婷婷壞笑，我們兩個忍不住笑到被數學老師發現，被叫起身逐一回答問題。

今日出兩篇

十月開始，每個星期四就仿佛是我和Josh固定的約會日。

大家放學就和對方報到，如果早見面便可能在街邊買串魚蛋襯撈麵，或者珍珠奶茶醫肚。下課後，再去商場吃晚餐，吉Ｘ家，Ｍ記等。

相比起第一次見面的青澀，現在我們也會說笑，談論校園的大小事，我分享女校八卦，他亦告訴我男校生活。

「你知唔知我隔離班個個Iris幾扮野！對住女仔就西面唔理人，上次係活動有男仔就講野高八度，勁好笑容。」我一邊和Josh 打著「吉邊」，一邊滔滔不絕地說。

「你地啲女仔零舍多是非，成日講人壞話。我就唔太中意講人地啲野嘅。」Josh 說。

「係咩，咁我都好似成日講人八卦咁添…」我立刻不如剛才興高采烈。

「我唔講姐，我中意聽你講阿嘛。你講多啲俾我聽都好，了解你多啲。」Josh說罷望住我雙眼，好像真的想看穿我，再報以溫暖一笑。

「唔得，你都要講吓你嘅野多啲！成日得我係度分享。」我提議道。

「嗯…男仔好簡單架咋，番學同幾個兄弟打吓波囉，傾吓F1, NBA，落堂係班房玩三國殺，番到屋企就開skype組隊打LOL咁上下。」Josh沉思後認真地回答。

我和他有一句沒一句地談天。其實兩人初初見面時難不免會生硬地找話題去聊天，但現在已經過了每一刻都要說話的階段，和他反而培養了一種默契。

Josh七點多就會陪我去等巴士，道別前的摸頭已成了一種習慣。

轉眼間，我和Josh已由夏天的尾聲見到初冬的時分。
十一月廿幾號是我們最後一堂，今日的我穿了深藍色開胸毛衣，他則身穿長袖恤衫再捲起成中袖。

「肥婆，妳係咪要珍珠奶綠半糖少冰？」我倆在天X茗茶點茶飲，他忽然轉頭問我。

Josh真是一個奇怪的人，老愛給我取一堆花名。「女學霸」，「肥婆」，「娘娘」，「灰姑娘」等等，全部都是在說我。

雖然佢這刻取笑我肥，我卻甜笑著罵他：「肥你個頭！」默許他幫我落單。

買零食，上堂，食晚飯，陪我等巴士，一切仿佛恆常不變。

然而，上完今堂我們就沒有藉口再見了…
今晚吃完大X活後，我突然很頹廢，一向我都會滔滔不絕地說自己的事，現在卻沉默了。

「傻妹，諗緊啲咩啊？」原來我剛才沒留意他和我說話。他摸了摸我的頭，我才回過神來。

「無啊，諗緊番學啲野姐。」我當然不敢說我正在思考和他以後的發展，隨便編了個藉口。

「係咁咋？我仲以為你驚以後無得再見到我，諗到出哂神添。」Josh 笑說。

唉，難道我就是這麼容易被看穿….而為什麼你又會每次都看得穿我呢….

「吓，我地唔會再見啦？」我問。

「….點會啊….
來日方長，使乜急。」Josh 回答。

聽著這句令人不能心安的答案，我本身想再追問他這是甚麼意思，但偏偏這個時候巴士到站，我便上了車。

好一句來日方長，我和Josh已經第三個星期沒見面。

我們仍然有whatsapp談天。作為少女的我很相信二十一日就會培養成一個習慣，我和他每日上學前後text仿佛是最自然的舉動，我心裡希望佢習慣了我的存在，就離不開我。

十二月初開始，各科的syllabus都已差不多教完。上堂內容逐漸由開新的一課，變成操卷。
我在這種氣氛的薰陶下，亦不敢只談風花雪月，通常在lunchtime先稍作休息，與朋友談天放鬆。

時間來到十二月中的某一個lunchtime！今天大家圍住某個同學的手機，七嘴八舌地談論。我和婷婷亦走近去湊熱鬧。

原來是某名校的christmas ball宣傳片！片段中一名身穿西裝，有如oppa 般的某男校校草，正在舞池上牽著某女校校花的手，翩翩起舞，可謂男才女貌。

「Marcus BB真係好正…」女同學Ａ 感嘆道。

「車，個個Natalie 好靚咩？係條片度勁肥囉。」女同學B忍不住踩女主角一腳。

「喂，聽講你個Josh BB間學校都有搞ball喎，你會唔會去？」婷婷對住我奸笑。

「佢地個ball係平安夜搞喎，我老母又唔係傻嘅，如果個晚見我化妝 set頭著晚禮服，仲唔殺撚咗我！」我激動地回答。

「唔係啊嘛…」婷婷突然向我施眼色，手指向課室外。我便和她走到班房外的走廊，手挨著欄杆，儼然青春高中生偶像劇般，來一場「女人的對話」。

「男MＣ邀請我去佢地個ball。」婷婷直接告訴我。

「吓，真架？！」我忍不住提高聲線。她示意我降低聲量，但我比她還雀躍！

「你個衰妹，原來完咗個活動仲有同MC bb咁多來往？佢約你去ball喎，擺明對你有意思啦！」我簡直覺得自己的好朋友即將要嫁人了。

「屌你，靜靜雞嬴唔得嘅，係都要燈。無啊，其實開學之後都係見咗一兩次咋，咪放學去圖書館交換exam paper 個兩次囉。」婷婷說。

「我好鄧你開心啊，你點都要去啊，知唔知道？唉，你就好啦，Josh 完全無提過啊…」我難掩失望地說。

「佢同你出街次數多咁多，我覺得點都有機嘅！不如你chok吓佢啦，我真係超想同你一齊去ball，我地兩pair可以double date，幾開心…」婷婷已開始幻想。

「人要面樹要皮啊，你俾我諗吓點開口啦。」我回答。

我個年代成日傳啲人去名校ball會後樓梯扑野到底係咪真

假

利申：年年有去 有溝倒女

巴打帶識嘅囡去定個晚yo啲囡

我仲記得名校secrets 會教啲囡唔好企埋一堆，先冇咁易stand one night

兩樣都試過

經過一番思量，我當晚終於決定要旁敲側擊。

Me: 同你講單八卦野

Josh:咩事？im ready im ready B)

Me: 你記唔記得婷婷啊？你估吓佢同邊個一齊？

Josh :我記得佢
Josh: 我點知啊？😂

Me:個個人你都識架

Josh: 我地中學嘅？

Me: bingo！男MC啊！

Josh: 哇，真係叻仔
Josh: 我同佢唔熟，無聽佢提過添

Me:我都係今日先知架咋
Me: 佢約婷婷去你地個ball啊！

Josh:喔，失身夜搞個個
Josh:正啦，佢地去完可以齊齊失身😂

Me: 你啲思想真係好污糟囉~
Me: 婷婷勁想叫埋我去啊，但我緊係不了啦，點敢做電燈膽

以前的年代仍未有blue tick，所以message 傳送了出去不會知道對方有沒有看到。

我和他本身在秒回，但當我回覆完最後一句後，我看到他一路只是維持在上線中。

我知道他肯定收到訊息，只是他未想回覆。

我懊惱自己做得太明顯，雙眼緊緊盯着螢幕，等他回覆。
兩分鐘後，終於看到他名字下變做typing...

Josh: 哇，你個friend 唔多掂喎，想殘害單身狗
Josh: 有冇義氣

他的回覆和我心中劇本不一樣，我即刻非常失望，但最後都打破沙盤問到底。

Me:佢仲話睇吓會唔會撞到你，同你say hi

Josh: 傻啦，我呢啲毒撚點敢去，那年十八咩

他幽默地傳送了grad din經典毒撚圖給我。

他可能以為自己很搞笑，但螢幕這頭的我真是欲哭無淚。

可悲的是，我還要固作淡定地敷衍他幾句。
這一刻，我心中浮現幾句歌詞：

我的聲音在笑　淚在飆　電話那頭的你可知道
世界若是那麼大　為何我要忘你　無處逃
我的聲音在笑　淚在飆　電話那頭的你可知道
世界若是那麼小　為何我的真心　你聽不到

今晚出多篇

中六的聖誕聯歡會和以往一樣，吃大餐，交換禮物，有人上台表演唱歌跳舞，和friend用手機自拍以及影即影即有，以愉快氣氛結束上學期。

「條仆街話佢唔去啊！！！」我拿著菠蘿腸仔，沒好氣地告訴婷婷。

「咁衰格嘅，佢會唔會想同其他人去先咁同你講架？」婷婷戴著鹿角頭飾selfie，一邊說。

「吓，咁我又冇諗過喎，妳唔好嚇我啦….」我說。

「唔緊要，等我個晚幫你刺探軍情！我同MC兩對金睛火眼幫妳𥄫吓條友會唔會偷偷地去溝女！」婷婷提議道。

「乜妳咁小人之心睇Josh架～嘻嘻，不過我中意呢條橋！」我笑著同意。

二十四號當晚，婷婷要去男校ball，當然沒陪我。

雖然best friend沒有空，但我和幾個班上朋友去了打邊爐，計劃吃完飯再去尖東海旁。

我看過海報知道舞會在夜晚七時半開始，便固意七時左右message Josh，看他回覆得快不快。

Me: 我今晚同啲friend打邊爐

一直到八點，也沒有回覆。大概我傳的訊息太無聊了。

Me: 依家係尖東行緊，勁多人排隊free hug，癲！

照樣沒有回覆。雖然和好友們在充滿節日氣氛的街道上談天說笑，我卻心不在焉，一直摸著口袋裡的電話。

街上的男女拿著free hug燈牌，我們看到有年紀接近的男生便把身旁的朋友推到他身邊，一邊胡鬧一邊走路。

海旁走完一遍後，我拿起手機看時間，有一則新訊息，是9:14分傳來的。

Josh: 哇，你有無俾啲死毒撚抽水？

我立即回覆他。

Me:你都出咗街？

Josh: 無啦，求先食完飯瞓咗覺，岩岩先醒

Me: 廿四號你都唔出街，唔悶咩

Josh: 有無睇阿源架
Josh: 一個人出街咪又係一個人，咁不如自己係屋企

另一邊廂，婷婷也傳來訊息。是一則audio。

「喂，我同MC都唔見Josh wor！不過呢度好多人啊，又逼，陣間再兜個圈𥄫吓！」婷婷在錄音中說。我還聽到嘈雜的背景聲音裡男MC也和我打招呼：「哈囉綽瑤～」

Josh和婷婷的訊息令我頓覺心安了一點。
到了十點多，我和朋友都逛得累了，便各自搭車回家。

對中學生來說，搭正凌晨說聖誕快樂是非常重要的事。我洗澡後便在11時五十多分拿著手機，準備和朋友倒數。

「Merry Christmas!!!」加上大量的慶祝emoji ，當時間到了12:00便在不同的chat box 彈出來。

Josh也傳送了msg給我。

Josh: 你係第一個同我講聖誕快樂嘅人
Josh: merry x mas too

Me:乜好多人祝你聖誕快樂咩？

Josh: 我同其他男人老狗之間點會講
Josh: 咪得你一個囉，傻妹😚

第二天我和家人去了太平山頂看風景和食午餐，Josh 也和我持續message。由於我長期看著手機以及輸入訊息，我母親也笑說我是不是和男生談天，我當然直接否認！

Me: 我個日上PE堂都有入到樽

Josh:吓，你幾高

Me:162囉，做咩

Josh:小姐，妳係咪搞錯咗啲咩
Josh:😂😂😂

Me:個籃球射入籃，咪叫入樽囉，唔係咩？

Josh:......渣架你
Josh:睇黎妳真係唔識架喎

Me: 超，咁你係籃球隊阿嘛，識嘅緊係多過我啦

Josh: 我以為呢啲係基本常識….
Josh:好啦好啦 唔笑你啦

Me:咁到底我講錯啲咩，入樽唔岩咩？

Josh:你自己上網搵啦
Josh:係呢，你有冇睇過人打街場

Me: 無啊

Josh:咁你搵日真係要睇吓啦

到了傍晚時分，Josh再傳來一則訊息。

Josh:妳今晚得唔得閒？

Lm
睇緊 樓主繼續出文

留名支持

看見msg 那刻，我的心臟仿佛要跳出來，我以為自己在發著美夢。

我朝思暮想的人，竟然在聖誕節晚上約我出街...

我心中幻想了許多的可能性，便事不宜遲回覆他。

Me:做咩啊，想約我？😏

Josh:係啦係啦，我約你啦，得未？

Me:好啊，去邊？

Josh:我唔想同人逼，好無聊
Josh:我屋企樓下？

Me:都得嘅，我同屋企人食完飯同你講

Josh:得啦，慢慢
Josh:唔急

我和Josh住得不算遠，坐車大概20分鐘內便能到他樓下。

吃完晚飯後，我隨便和家人編了個理由，說昨晚沒有和婷婷慶祝聖誕節，便換了衣服出門。

我煩惱了今晚的配搭很久，因為我從來衣著也十分隨便，都是穿路人裝，也不懂得化妝。

我沒有性感的短裙，又不想穿得太暴露，便決定上身一件深藍色hoodie，下身牛仔短褲配波鞋，因為今年的冬天不算寒冷。

樓下的人紛紛帶著鹿角和聖誕帽乘車到旺角、銅鑼灣等鬧區，而我則搭了冷清的巴士來到Josh住的地方。

我快要到站的時候告訴了他，他下樓後叫我到附近的公園等。

我順著指示牌來到公園，原來這是一個挺大的海旁休憩花園。冷冷的晚風從黑漆漆的海面吹到岸邊，我沿著海邊石壆走，一邊尋找著他的身影。

有不少情侶迎面而來，我心急地找尋那個身型高大的Josh ，卻找不到他。

然後，我看到遠處有一個男生盤腳坐在石壆上，面向著大海，抱著一顆籃球。

睇得開心就多啲留名傾偈

多謝g持今晚出多兩篇

「喂。」我走向他，輕輕地說。我知道自己不會認錯喜歡的人的背影。

「hi ，好似好耐無見到你咁。」Josh說。
他仍舊戴著粗框眼鏡，身穿t shirt和U記淺灰色棉質外套，配黑色短褲。

「哇，你做咩帶籃球黎嘅？」我興奮地問。

「有人話無去過街場打波阿嘛，咁咪帶佢去玩吓囉。」Josh靦腆一笑，望著我。

Josh 翻身跳下石壆，緩步和我吹著海風，帶我到附近的籃球場。

聖誕節的籃球場空無一人，我倆把背包放在一旁的石階，Josh便將籃球塞進我懷裡。

「依家我就係你PE老師，快啲將你學過嘅野show俾我睇！」他玩起角色扮演，興致勃勃地說。

「係嘅，阿sir ！」我胡亂地拍著籃球，跑到籃框下把球用盡全力向上一推，自己還跳得很高！

但見籃球隨著一個錯的拋物線在半空劃過，最後連籃板也沒有碰著便落地。

我把滾到場邊的球拾起，想再運球至框邊，這時Josh從後拉著我手臂，示意我停下來。
他的手掌大而溫暖，我又分心了....

「呢位同學，邊個教你咁打波架.....」他沒好氣地說。

「哈哈，咪你囉！」我笑說。

他叫我再拍球給他看，我笨拙地用掌心把球拍到地面，他立即糾正我的姿勢。

「其實拍波唔使用咁多手板架，妳試吓用埋手指力。」他說。

他看見我做好了這個動作後，便再教我運球的姿勢。

「不如你教埋我點射籃準啲啊！」我說。

「妳唔好諗啦，做好基本功先，教埋就真係天光架啦~」他說。

「好啦，但我玩咗成半個鐘，有啲攰...」我說。

「咁一係我打陣波，陣間一齊去食糖水？」他提議。

我聽到有甜品，立即精神抖擻起來，像個小女孩般開心。「好啊！！」我說。

「你睇吓你，有甜野食即刻咁開心。」他笑說。

Josh熟練地拿起籃球練習，他從運球到射籃，每一個動作都很俐落。

在球場上的他仿佛閃閃發亮，我陶醉於這個寧靜的時刻，享受著只有我倆的二人空間。

若時間能停止在這刻，我永遠像個坐在場外陪男朋友的女生，那該有多好......

我們玩到累了便離開球場，到中式糖水店吃甜品，結束聖誕節的約會。

雖然我也很想快點弄清這段撲朔迷離的關係，奈何一月份的模擬試已經節節逼近，我實在沒有心力拆解這個疑問。

我安於現狀，因為自己已習慣了Josh的存在，而且心底裡我害怕失去他。

萬一我向他確認關係時他表明自己對我沒有意思，我除了柒到要搵窿捐，我還會失去一個愛慕對象。

我不敢想像有一天”Josh”這個名字不再置頂於我chatbox，每天一起床、睡覺前也收不到他的訊息。

我林綽瑤只是一個膽小鬼，寧可被曖昧的痛苦折磨。

今日呢篇係綽瑤同Josh最後一次有sweet 嘅moment 了

好青春 加油

一月中模擬試開始了，往年的考試也是在課室舉行，但學校為了增添真實感，中六考試全部在禮堂進行。

不知是天氣寒冷，還是氣氛太凝重，在偌大的禮堂填寫考卷答案時手也在發抖。

好不容易挨過了這兩星期，我們雖然完成了所有的校內考試，但學校還為我們多加了一場中文口試環節。

這場口試並不在校內舉行，老師別出心裁聯繫了一間傳統男校，舉行男女混合口試！
為何要多此一舉呢？

平時母校不喜歡我們和男校有太多來往，恨不得我們做乖乖的修女學生，不要和男生談戀愛，影響校譽。

然而，中文科老師發現我們正因為長年累月沒有和異性相處，已失去了和男生簡單對答的技能，真是可悲。

我們在校內口試時表現尚算正常，但一到公開試時不少歷屆的師姐們也滑鐵盧。校方有好幾年也摸不著頭緒，終於在一次舊生反映公開試情況時知道了答案。

儘管現在已是二月，而真正DSE的口試在四月便會開始，但老師們還是決定要亡羊補牢。

學校名節重要，但公開試成績更重要，於是這場額外的考試便誕生了！

我們學校選中的男校並不是Josh就讀的中學。但我已沒有心情理會，因為距離DSE開始的日子已在倒數。

星期六一大清早，我便蓬頭垢面地出發而該男校，又是all back 馬尾加tshirt牛仔褲，手上死握著口試技巧的筆記。

陌生的校門、陌生的走廊和課室、陌生的老師...一切都令我腎上腺素激升。

我被分配至一個課室後，便坐下來準備文具。這個空間除了我和一位同校的女生，還有兩名男生和一個臉容嚴肅的女老師。

計時器一響起，我便翻閱試題，在小小的紙片上摘低自己的論點。
嗶嗶聲代表準備的時間已結束。老師簡單講解考試規則後，輕輕在計時器按下開始。

「各位同學，大家好！我地今日要討論嘅議題係<安居樂業係華人社會嘅重要性>。等我先為大家介定安居樂業呢個四字詞.....」老師手指離開計時器按鈕的那一剎，我隔離的男同學便在首輪發言審題，句句鏗鏘。

時間一分一秒地流逝，我的腦海一片空白，覺得他搶掉了我準備說的台詞。

終於到我發表首輪發言。我的手汗浸透了紙條，死命把論點一字一句說出來。

...奇怪，怎麼課室一片寂靜？

我看了看計時器，我只用了40秒便把要點全說完，其餘珍貴的20秒便在我想不出論點時白白蒸發掉。

這大概是我人生中最漫長的20秒。時間一到，另一位聲如洪鐘的男生便接著發言，我心中難過極了。

我的希望全放在自由發言環節。我死命看著每位說話時的同學的嘴唇，期待他該死的嘴巴合上時，我能順利切入。

一次、兩次、三次....我不停地錯過了適合的時機，又有下一張該死的嘴巴發言，如意算盤打不響。

「舉個例黎講，香港樓價高升，更出現咗納米樓、劏房等細單位，嚴重降低人的生活指數........所以.....居住環境好影響人嘅心情。」我好不容易搶到發言機會，卻緊張得語無倫次，直接跳到一個錯的結論。

「二號同學好似有啲離咗題喎，我地探討嘅唔係居住環境對人嘅影響，而係呢樣野對華人社會有幾重要！綜觀過去幾百年，華人自古以黎嘅核心思想都係XXXXXXXX.....」另一位男同學直接指出我的過失，把討論主題拉回正軌。

這次的口試簡直是慘不忍睹。
當計時器再度響起，我慶幸這場浩劫終於結束。

該校的老師對我們每個人逐一說出評語，男生們紛紛流露出勝利的表情，而我早已放空，聽不進老師對我的分析。

當我收到她派發的成績紙條後，便魂不守舍地離開這個可怕的教室。

紅色的筆跡盡是一針見血的評語，底下的分數欄由''u''排至''5**''，她替我圈上了''2''。

那一刻，我的無助感非常重，因為我的目標是中文科拿得至少5*，我入讀醫科的夢想才能達成。

雖然卷四比重不大，但今天表現狠狠打擊了我的信心。我回想起最近為了公開試、為了前途落了多少苦功，但付出和收穫不成正比，壓力終於爆煲，回家後嚎啕大哭。前路茫茫的感覺真差。

我最脆弱的時候，便很想有Josh的安慰，於是我立刻whatsapp他....