[前純愛後少甜] 我係大學重遇初戀，即刻同佢打番場友誼波

所以每次嗌交都攞番出黎講，根本無可能get over with

見到呢d 垃圾一刀切啦
心軟真係女人弱點

「我心裡面俾咗幾多次機會你你知唔知，算啦。」我說。

「咁我以前唔知啊嘛，依家妳講哂出黎我就知架啦。

有咩問題我都肯改架，我雖然未完全改到但我有努力試架......」他說。

「我一早講撚咗節日想要禮物你都唔give shit，今日都睇死你無啦。」我說。

「唔係架，我知妳鍾意肉桂狗，我買咗公仔架啦。」他說。

「喔，咁公仔呢？」我攤大手掌問。

「我出門口太趕，唔記得拎。」他說。

「屌，好難信你喎。」我說。

「總之妳俾多次機會我啦....我會聽哂妳話架啦......我會上心架啦.....
最近我地都忙咗好多，我開始要衝project又要keep住補習，少咗啲時間陪妳。
但係我會盡量分配時間落妳度架啦，好唔好...」他哭著求我。

我覺得他在大街這樣哭弄得我倆都很丟臉。

「除咗你忙之外，你性格都好大問題喎，成日收埋唔講，我有心事你又唔give shit。」我說。

「我會上心架啦....妳講乜我都去改...總之唔好分手啦我唔要分手啊.....」他大喊著說。

「你真係做到咩。」我問。

「做到，為咗妳我會去學囉。」他流著鼻涕說。

我半信半疑地看著他，說：「你唔好純粹為咗同番我一齊而空口講白話喎。」

「我真係會做到，妳講哂唔滿意我嘅野出黎，我全部都會改哂佢。」他努力地說服我。

我整頓了一下思緒，回想由初識而今我在這段關係裡不開心的原因。

「我唔鍾意你乜都管我，我同人出街你就要我反而不停咁覆你，我都想enjoy同朋友玩嘅時候，你咁做我好分心，我做唔到你又嬲發番我脾氣，你咁樣好小朋友。」我說。

「我認當妳出咗去搵朋友我會好唔自在，覺得妳有佢地就唔使理我。」他說。

「我同女仔出去咋喎，咁你都要介意？」我說。

「......可能我無朋友畢咗業之後仲約出黎，而妳同佢地keep到咁熟我唔鍾意掛。」他說。

「吓，呢樣野我無可能為咗你而變架喎，我有我自己嘅朋友圈子，佢地對我黎講都好重要。
如果你想我同你繼續一齊，你唔可以再管我要我無間斷報備，咁樣我無哂自由。」我說。

「好啦，我唔會再咁管妳.....」Sean死死氣地說。

「咁講第二樣，你成日話自己壓力大又忙唔得閒覆我見我，咁你仲想我地一齊番做咩。
日日你都瞓到12點或者好似今日瞓到6點半，好誇張喎，你係咁忙就不如專注係自己野度唔好分心拍拖啦。」我一半語帶嘲諷地說。

「唔係架！我只係太攰今日先唔知醒，再加埋我有少少肚痛，我食咗藥先瞓到咁晏唔知醒架！
我連鬧鐘都準備較埋架啦，我唔要我咁努力都因為少少野分開啊！」他說。

估唔到佢會喊 唔怪得心軟但係都係連禮物仔都無

我個ex都有問一樣嘅問題
同埋我最憎佢成日答我「咁你想點」

報紙桑有演技喎

佢話有架但冇拎出黎信不信由你，好似第一年送二手簿因為手機殼未有貨

意思係，你自己嘅問題自己解決，唔好麻煩到佢

又肚痛又唔記得拎禮物出街又冇較到鬧鐘

同阿喪分得太遲

[/member]

Btw
你有冇friend 喺呢度睇到你嘅故事
識你嘅人應該認到你
阿喪可能都睇到？

[/member]

話咁快追到live🥹

「吓，你今日肚痛唔舒服咩，你又唔講，依家先講。」我說。

「係架，如果唔係我都唔會瞓到六點半啦。
我認我忙到少咗見妳，一係我以後分配時間好啲，定時定候覆妳，又會搵妳出吓街行。」他說。

「一星期見兩次？」我說，他答應了。

「仲有，你對我啲語氣愈來愈差，明明好小事例如我番學唔開心，或者今日去食野，你都可以咁惡話番我轉頭，你唔覺得自己好有問題架咩。」我說。

「咁我覺得個刻情緒真係忍唔到，先會差啲語氣咁講野姐。同埋我由細到大都俾屋企人罵大。」他說。

「我直情覺得你講個啲野個陣，係你好憎一個人先講得出口。」我說。

「唔係架，我仲係好愛妳架。」Sean說。

「同埋你老豆老母點罵你關我撚事，我又唔係對你差個個人。」我說。

「係.... 我認我控制唔到情緒。我會改。」他說。

「...咁多野要改，你sure你即刻就改到？唔使多啲時間分開吓先？」我問。

他立即就搖頭。「唔使架，妳講完我就即刻做到！」他說。

「咁之前咁多次我逼你溝通都唔成功，你又當我發up 風。」我說。

「咁唔同，妳今次話要分手嘛。仲有咩想傾就傾埋啦。」他說。

「仲有最重要個一點，我發覺你照顧唔到我情緒。
我番學俾人蝦你係完全無感覺，之前因為啲節日你無準備或者無禮物我唔開心，你都要逃避第日扮無野搵番我。」我說。

「咁我男人黎，不嬲慣咗有咩唔開心自己忍咗佢，無妳咁多情緒。
我不嬲由細到大無人理我，慣咗唔會分享自己感受俾最親近嘅人。」他說。

「吓，咁我唔係你喎，我有野唔開心係會想同另一半分享。」

「咁妳咪講，我咪聽囉。」

「....點解我好似同你唔同channel咁嘅？你以前都做到架，我唔係淨係要你聽完算啊，咁我同隻公仔講有咩分別。」

「妳知我份人好理性，而妳好感性，成日會諗到啲野好負面，我先唔想comment咁多姐。」

「我地呢個位真係好kick喎，點先拆到..........你咁樣第時我有咩唔開心野你都support唔到我喎。」

「一係妳講個例子黎聽，試吓教我點做。」

我這刻覺得要一字一句地教男朋友如何開解自己很可悲。

今日出多三篇加速成個故事發展

「我份人好理性，而妳好感性」
你就係女學霸？

「哇我屌你個含家剷，壓力大就攞我黎出氣？你禽獸黎架？
我都好撚大壓力架，咁我考final係咪就有權日日兜巴星你啊？」我說。

睇到 我好爽 講得好好

「拿，姐係咁........如果我番學或者第時番工有人對我唔好而我同你呻，你唔可以好似上次咁粒聲唔出喎。
你聽完可以分析個個人咁樣好衰格，陪我一齊罵吓佢屌柒吓，再同我講知道我做野好大壓力辛苦哂，有你支持我.....？」我說完也覺得自己很自大，但女生之間真的通常都是這樣互相開解。

「吓，咁如果我覺得件事真係妳有錯嘅話，我講唔出口架喎，我偏向好理性分析件事俾妳聽囉。」他說。

「妖，如果我已經好唔開心要搵你呻，你仲要雪上加霜話係我做得唔好，你覺得我會開心啲咩？
你當刻要試吓講上述啲野開解咗我先，之後我冷靜啲再理性講囉。」我說。

「其實我覺得咁樣好違背我嘅諗法，但妳想嘅話我試吓囉。」他勉為其難地說。

「仲有，我最最最憎你隔日扮無野搵番我，而唔係繼續傾番件事直到解決為止。」我說。

「我以為妳有啲時間冷靜完就會無野。」他說。

「吓，邊會啊，你咁樣只係逃避問題，唔拆咪好似依家咁講分手先將啲野一次過爆番出黎囉。」我說。

「咁妳以後唔好死忍，有咩都講出黎囉。」他說。

「好啦，我唔滿意嘅野都講哂啦，咁你呢？」我問。

他沉思了數秒後，說：「errr....我諗唔到喎。」

「吓，姐係呢兩年你完全無野覺得我做得唔好想磨合吓？」我自問也有不少地方需要人遷就。

「.....er....我發覺妳都幾鍾意翻舊帳囉，上年聖誕嘅野記到依家仲攞出黎講。」他支支吾吾地說。

「我會講係因為件事無解決到囉！傾掂咗我就唔會再loop啦，咁我以後都留意吓自己呢一點啦。」我說。

「好啦，咁我地依家係咪一齊番啦？」Sean見我已全盤說出不滿的地方，問。

「既然你都話自己乜都可以改哂佢，咁我都無乜野唔滿意啦，一齊番囉。」我說。

雖然情侶間發生了爭執可以解決，但有些話說了出口就不能收回來。

他能夠以一句「對不起，我會改」來坦誠自己以往做得不好，並在未來不再重蹈覆徹，但他中傷過我的事卻永遠不能undo。

我是一個很記仇的人，當初也以報復心態來拒絕Josh，而Sean罵過我的話、多少次由得我傷心落淚而毫無反應我都歷歷在目。

我因為愛而繼續和他在一起，但兩人之間的dynamic會隨著時間和爭吵而改變。

他做過的事仍令我心存芥蒂，同樣我對他提出過分手來傷害他，彼此都回不去最當初的簡單戀愛。

—-
日記 十月三十一日
最近也就是差不多，有些感情上本質的問題想過一百遍仍是在，不是我叫他去改便改得到的。
煩悶，都係個啲野。點解一啲簡簡單單嘅野你都要用好差嘅語氣講出口，唔好受。性格如果係改唔到嘅話我可以點，我真係有時好討厭你啲語氣。吊那星，好鬱悶好煩躁。好多不滿想發洩，唉，又林唔通一啲野。想哭也哭不出來，說多了也只是嘆息。
—-

應該好多人好燥底 咁快就原諒咗佢

唔係你嘅錯 佢垃圾姐 明知做唔到仲應承