[前純愛後少甜] 我係大學重遇初戀，即刻同佢打番場友誼波

時間來到十月尾，有一天下課後Sean問我：「妳下星期六晚得唔得閒？」

「得啊，想約我出街？」我逗他道。

「無啊，個日我樓啲人會一齊去哈囉喂，想叫埋妳去姐。」他說。

「你都會想玩哈囉喂？唔似你喎～」我說。

「咁無計啦，我對間hall contribution 唔多，平時又摺，呢啲場合間唔中都要出現吓嘅。」他說。

我一口便答應了Sean，並費盡心思想當晚的衣著。他們樓的人會以吸血鬼主題作裝扮。

星期五晚，我在Gladys的宿舍裡試穿不同的衣服。

「呢件得唔得啊？」我望著鏡子裡穿黑色上衣，紅色短裙的自己，問Gladys 。

「Karina，妳啲fashion sense 咁bad嘅，成個阿嬸咁！」她搖頭道，並翻找我帶來的其他衣物。

「妳試呢件啦！」她從自己衣櫃找出一件連身裙。

這是一條全黑色背心短裙，胸口位置有蕾絲蝴蝶結，把我D cup的上圍顯得更渾圓。

「我好少著啲咁sexy 嘅衫架喎，高少少望仲會睇到我波la！」我想把裙子脫下來時，Gladys止住我。

「妳著呢件不知幾好睇，加埋個頭箍就perfect！」她替我戴上兩隻紅色惡魔角的頭飾。

決定好衣著後，Gladys再幫我化了妝。粉底把我膚色更顯白皙，雙眼亦因眼線和睫毛膏更顯有神，但我笑說唇膏的顏色太鮮艷，弄得我像紅唇蛙似的。

隔天晚上，我在約定好的時間站在海洋公園門外，和昨晚的outfit一樣，但我換了較淡色的口紅。

我在遠處看見十多個男女朝我走來，其中一個便是Sean。

男生們都穿上白恤衫捲起長袖，下身西褲，外加黑色薄披肩。
Sean本身身型就很修長，臉上還撲了粉變成慘白色，倒真的像不見天日的吸血鬼。

「hello~我叫Karina啊。」我禮貌地向他的樓友們打招呼，幸好有些人都帶了女朋友來，我不是唯一的女性。

「哇我無見過你all back！」我說，他前額的瀏海被gel成all back髮型。

「點啊妳，未見過咁靚仔嘅吸血鬼？」他問。接著，他的視線在我身上掃射，說：「綽瑤，妳今晚都著得好靚。」

Sean說過我的中文名比較親切，所以依舊叫我綽瑤。他剛才稱讚我的時候，目光停在我心口的兩團肉上，我雖然高興自己吸引到他注意，但同時感到萬分尷尬.....

一齊入鬼屋做嘢

Come on James 真係好常見

入場後，我們一眾人便去比較少人的鬼屋先排隊。當晚是萬聖節正日，整個海洋公園水泄不通。

Sean一向給我的形象是內向寡言，今天有樓友在身邊，他竟然主動說笑帶動氣氛，和大伙兒玩得相當融洽。

我發覺他好動抑或沉默的時候，都非常吸引我。

排了半個多小時後，終於真的接近鬼屋門外，陰森的冷氣在腳邊飄過.........

我很怕鬼屋，聽到屋內的尖叫聲時，更是嚇得緊張起來。

Sean察覺到我的臉色有變，工作人員開始叫我們兩個兩個排列時他搭著我膊頭，說：「陣間我會傍實妳，唔使驚，有咩野就合理眼啦。」

他比我高一個頭有多，我整個人躲在他懷裡，便進入了鬼屋。

震耳欲聾的心寒音樂配上昏暗的燈光，令膽小的我後悔買了門票來讓自己活受罪。

我基本上沒有完全睜大過眼睛，我只感覺著Sean身驅的移動而跟著他走。

扮鬼的人員看到Sean很淡定，我卻縮成一團，便固意在我靠近了他時彈出來，發出巨響，我嚇得連聲尖叫。

我感覺到Sean的五指抓緊我肩膊，把我摟得更實，說：「妳個樣驚成咁，我係鬼都嚇妳啦！」

「仲講經，快啲行啦屌！」我只想快點逃離這個可怕的空間。

唔可以乘人之危的

終於完成了第一個鬼屋，我在門外大口地透氣。

他的樓友們提議到下一個熱門的鬼屋，我們便立即再去排隊。

等待的時候，Sean說：「妳頂唔頂得順啊，使唔使去玩吓啲機動遊戲，今晚都有開架喎。」

「吓唔駛啦，我好似熱咗身咁，快手玩埋佢好過！」我不想他因為我而和樓友分開玩。

我突然想到一個令自己分心的方法，便說：「不如咁，陣間入到去我地係咁講野，等自己分散注意力！」

「得唔得架。」他沒好氣地說。

「試吓咪知囉！你講啲愈爆嘅野我咪愈分心。」我說。

臨進去前，他再次摟緊了我。

「黎啦黎啦，你講先啦！」轉彎後便是鬼屋門口，我喊道。

Sean在我耳邊嘰哩咕嚕說了一句話，卻被吵雜的音樂蓋過了。

「喂聽唔到啊，大聲啲啦！」我說。

「我話，妳今晚著得好大波啊！」他說。

「你個死鹹濕仔，𥄫我？！」我在他胸口打了幾拳。

「haha，真係work 喎，求先有隻鬼嚇妳妳都唔知！到妳講啦。」他笑說。

「我覺得你今晚好唔似平時嘅自己，懶開朗咁。」我說。

「想係hall生存到係要咁架啦，你估我好想同佢地做friend咩！」他說。

「好啦，繼續講啦屌我好驚啊！」我說。

「妳好似我個ex！」他說。

「吓你拍過幾多次拖？」我問。

「一次。到妳講啦！」他說。他的情史已完全捕捉到我的好奇心，我已無暇理會身旁想嚇唬我的嘩鬼。

「我同過mk仔拍拖，come on james咗佢！」我說。

「衰女包，仲以為妳好單純。」他說。

「超，係你個日睇相覺得我溫柔咋嗎！」我笑說。

終於快要離開鬼屋了，他突然說：「林綽瑤，我鍾意咗妳啊！」

戲玉 鬼屋表白

有大波波加持 Sean 即刻表白

出文啦喂

好耐冇見日頭出咗兩篇先

由於背景音量太大，我懷疑自己聽錯了，出到來時我著他說多次。

「我講咗架啦，妳聽唔到就算。」Sean說。

他嘴上不肯確認，身體卻很誠實，整晚和其他人玩樂時都拖著我的手不放。

我一直chur他問剛才到底說了些甚麼，他都沒有回答我，終於我生氣了。

「超，淆底獸，敢講唔敢認！」我不爽地說，並甩開他的手，作狀往相反方向走。

誰知他順勢把我一把擁入懷裡，帶我離開了他的同伴們。

「仲好，我可以順便唔使再同佢地social，我其實好想玩機動遊戲。」他快樂地說。

「吓，我地真係離隊啊？」我呆了。

「真架，同佢地玩咗成晚好撚悶。」他說。

他帶我去了「瘋狂過山車」，今夜一個排隊的人潮也沒有，我們坐上了首班列車的頭位。

幸好我不太怕離心力，此刻和Sean在空無一人的車廂上還能眺望整個海洋公園，獨攬了燈火繁盛的夜景。

一直追緊

咁都溝到女cls
邊有人表白會講似ex

Sean咁快就表白？女主會唔會又比仔呃

女主呃仔就會…

Sean份人好似眾人皆醉我獨醒
咪冧到女主角呢啲妹豬

人心係好難測嘅
到最後邊個撚邊個都唔知

過山車要發動了，Sean說：「妳講得岩，我求先真係淆淆地底，haha。
自從我中學拍過拖之後，都一直無搵到岩嘅人。
我平時番學就係等放學，再整notes衝gpa，本身以為未來呢幾年都會咁過。
點知係個course撞番妳，我發覺會好想聽妳一輪嘴講自己啲野，妳話u life好悶會替妳著緊，妳話俾同學串我會好擔心想保護妳。」

車輛正在高速前進，離心力剌激得我無法完整說話。當過山車緩慢走上斜坡時，我終於能喘息說：「講咁多野，係咪想溝我啊！」

列車走到最高峰停頓了，Sean扮起經典柒片的ive告白仔說：「我好鍾意妳啊妳受唔受溝啊。」

過山車以全高速幾乎90度直落平地，便回到出發點。我們往上推開安全扶手後，我雀躍地跳起來，整個人掛在Sean身上似的抱緊他。

「受啊受啊，我要做你嘅女朋友啊！」我答應了他，像隻熱情的小狗撲上主人，在他左臉頰吻了一下。

他被我嚇著了，當我的嘴唇碰到他臉時整個人靜止著不動。

從這刻起，我便成為了Sean的女朋友。

同婷婷行緊街下一篇今晚晏啲出

女主角傷完傑仔之後就從良咗

受溝佐就快啲出啲甜野

黎緊幾日嘅文已經打好咗 全甜

Sean個衰仔露出真面目啦