[前純愛後少甜] 我係大學重遇初戀，即刻同佢打番場友誼波

自從十二月的那場架後，他變了。

從前我一覺醒來就會收到他的morning call，只要我在校園message他他就會秒回我，談論甚麼時候下課了就見面。

最近我醒來的時候他都消失了，中午十二時多就會傳來一句「just woke up」。

以往叫我起床的人頓時變得嗜睡起來，我又不能因為他睡晚了遲回覆我而發脾氣，但心很苦悶。

有時整個下午也沒有回覆。

Me: hey i just end lesson lu
Me: where r u
Me: can have lunch tgt
Me: hi???

Sean: hi sor
Sean: just now da gun gay
Sean: u can come hall

Me: har i left school la
Me: ==

我有任何感情煩惱都喜歡找friend吐苦水，我和好久沒見的婷婷在校園碰面後就搭車去旺角逛街。

我們吃完韓燒午餐後在茶飲店點珍珠奶茶。

「喂，妳個次話聖誕節同Sean嗌交，最後點啊？」婷婷問。

「條友就咁由得我喊，勁冷血囉，第日又扮無野搵番我，但我已經唔想再糾纏係聖誕節呢件事度，就無再開佢波。」我說。

「唉，啲男人係咁，廢事氹，或者覺得講乜都會俾妳屌，咪索性收聲。
但妳唔可以次次都俾佢咁樣！一對情侶有爭執可以有嗌交但一定要溝通架，妳唔可以俾佢唔出聲，雖然MC同我討論問題都唔係用我最鍾意嘅方式去傾，但有野un住唔可以積落去。
妳就好啦，我直情見都無得見MC，又要等佢今年暑假番黎.....我真係等到花兒都落了。」她沮喪地說。

「本身我係嬲緊聖誕節佢無準備呢件事，但後尾發覺佢處理我唔開心個陣時嘅方法好差，又唔識溝通，我就仲嬲仲炆。
唉唔講我住，咁你地有無嗌交啊？」我問。

「我上次生日佢咪無乜表示嘅，聖誕節都好似Sean咁其實無真係慶祝。
開頭我地講好咗每一個月都寄信俾對方睇，頭一年真係keep到，但呢幾個月佢都無啦，話真係太忙。
skype都有嘅，一星期一兩次囉，比起妳同Sean 每晚都傾仲少。
每次嗌其實都係同一樣野，我唔知佢係個邊做緊乜，我成日驚佢係咪識咗第個，又無得check佢手機。
佢初初都會好聲氹嘅，後尾都無。同埋啲律師真係好理性，講乜都要講理據，又用point form同我嗌，我真係好frus。」婷婷說。

「我覺得阿Sean都係同一類人囉屌！佢又係好撚理性架，咁拍拖本身呢件事已經係感性，有時嗌交唔開心都係感性架啦，佢又會一大堆道理係度懶理性同我分析，我根本想要嘅係佢開解吓我，唔係我喊都唔出聲俾時間我冷靜。」我說。

「我諗係我地女仔慣咗好有儀式感，生日一定要有生日蛋糕生日卡禮物，聖誕節一定要睇燈飾食大餐交換禮物，情人節一定要有朱固力。根本男仔都唔撚care呢啲野，所以個落差感好大。
咁除咗大時大節，佢平時對妳好唔好？」婷婷說。

「除咗呢兩個月番學補習忙咗啲之外，其實過去一年幾都無乜野嘅。」我說。

「咁咪係囉，睇一個人對妳好唔好又唔可以淨係focus 係一年得一次嘅節日度，要睇佢365日點對妳。
同埋妳又樂觀啲~起碼佢識主動搵番妳啊，唔係永續冷暴力。
我同MC岩岩拍拖咪又係糖痴豆勁sweet，依家都過咗啦，我諗每段關係都無可能永遠熱戀嘅....」婷婷說。

初戀男友都係咁
每年都係送手寫卡，手整嘅禮物（但唔會戴到出街..）
出街永遠AA
佢出左黎做醫生之後我忍唔住問佢可唔可以請我食飯
佢話要分返11份 佢俾7我俾4 跟人工咁分…

我反而好明白女主角點解咁
當你原諒佢一次無做好、再提多一次都係無、咁除左喊住講唔知有咩方法說服到佢要做

雖然Sean和我的談天次數變少了，但他仍舊要我和人出外時報備及影低照片。

Sean: hi
Sean: going out with 婷婷？
Sean: photo
Sean:??

回到家後我才發覺忘了傳送照片，後補給他。

Me: hai wor sor
Me: photo sent now

電腦又響起了他的skype call鈴聲，我接通後看見他的臉。

「妳今日同婷婷行街點啊？」他問。

「喔，無乜野啊，佢講吓同男朋友long d 啲野囉。」我當然不會說我向她數臭了男朋友。

「係呢，你聽日幾點落堂？我可以放學黎搵你食晏喎。」我問。

「聽日唔得啊，我要傾project啲野，同埋補習。」他說。

「吓，又係咁，前兩日你都話要做野唔同我食晏，今個禮拜都無見過。」我不滿地說。

他沒有回答。

「喂，我同你講緊野啊。」我再說。

「我知啊。」他說。

「咁點解你又係唔出聲呢？」我說。由於婷婷說過情侶之間一定要溝通，我嘗試令他說話。

「無乜野想講。」

「你個樣唔似囉，到底你諗緊啲咩姐，有咩咪講出黎囉，成日收埋收埋！」我惱了。

沉默了幾秒後，他仍是不作聲，我問：「你係咪開始覺得我好煩？」

「無。」他說。「但你可以少啲扭計囉。」

喪過阿喪喎點解係11份？ 咁肉酸不如唔好請

男仔見到女朋友喊覺得仲煩

咁可以點做

我學識咗唔好再眼淺，喊都唔俾佢見到我喊
大家都係情緒唔穩定就cool down一兩小時先
利申 不是愛情專家

「吓，我依家有點扭計啊，我地不嬲都會約食飯架啦。」我說。

「妳唔好扭計chur我話我唔陪妳啦，我真係好多野做架，一係後日我落咗堂黎搵妳啦，好無？」Sean說。

「喔....好啦。」我說。

「我打陣機先，如果嘈到妳妳mute咗我，陣間再講。」說罷，他離開了鏡頭，轉身拿了switch。

我聽了朋友的話，逼他和我作出溝通。

他是開了口，但說的完全不是我預期中的話，即使他說出心中所想，我仍是覺得和他很有距離感。

從前的Sean沉默寡言，但戀愛後令我發現他照顧我著緊我關心我的一面，現在他好像回到了從前。

---
日記 二月七日
Sean叫我唔好再扭計chur佢話佢唔陪我....
咁姐係唔想再陪我啦....
其實如果你鍾意一個人，佢chur你就會覺得好warm好sweet，但如果你唔鍾意佢就覺得好chur好煩，呢樣野好主觀。
一年過去了，我仍是沒太大的成長，心智仍是十分幼稚呢。
---

前一句好多野做好忙
後一句打機先
桑哥有料

睇到都想即刻飛咗佢

我同我ex講我做抑鬱/anxiety啲test全部勁高分呀
佢作為一個醫生竟然同我講「你太sensitive啫洗咩睇醫生」

跟住我去左睇精神科
個醫生話 我ex根本無尊重你 已經去到moderate depression 仲驚我唔食藥叫我放兩星期SL

跟住我成個月都無同我ex傾過野
佢竟然都可以無搵我
我主動同佢講分手
佢先話再見一見我得唔得
不了

好忙，但係去打機
食屎狗
🖕🏻🖕🏻🖕🏻🖕🏻

佢會話 就係忙先要打機解壓

睇黎佢gaslight 你好犀利，想你覺得自己先係有問題個個
好彩你識飛佢佢真人應該都係自私自大淨係諗自己
照顧好自己心靈健康最重要

雖然感情上多了爭執，但我們平日見面時仍會甜蜜地行街食飯聊天。

如婷婷所說，愛不一定要在大時大節表現出來，我學會要明白日常的簡單相處也同樣重要。

況且我們都拍了一年多的拖，情侶間沒可能一帆風順，偶爾的風波是必經階段，只要度過了就能走下去。

我抱著以上的心態，嘗試體諒Sean近日的忙碌，終於到了三月份，大學會舉辦Inauguration Ceremony，意指是各學會莊員的就職典禮。

當晚會有酒水招待典禮嘉賓，以幾句祝賀句子道謝上屆莊員，勉勵下屆新血，送舊迎新。

我和Sean都不是任何學會的成員，這些場合本應與我們無關，但我的好友Gladys向我求救。

「Karina，妳今次真係要幫我！」Gladys下課時抓緊我的手說。

「咩事啊，拿妳欠債還錢我就幫唔到妳，第二樣就得！」我耍手擰頭地說。

「Come on，我似係啲咁嘅人咩？我地Film So 嘅Inaug 唔夠helper啊，今次真係食得屎，好多Professor都會黎。
拿，妳一定要黎幫手啊，好簡單架咋，妳要派Name card俾啲guests，帶佢地入座，遞下Mic就搞掂。」她以不能拒絕的語氣說。

「喔，係咁姐，簡單啦。我可唔可以食吓啲refreshments架？」我笑說。

「得得得，緊係得啦！啊係啦，妳叫埋Sean去啦，我地仲爭個男helper搬搬抬抬。」她說。

我知道Sean大概不太喜歡這種場合，用了很大功夫說服他來，於是三月的某個放學日子我們便留了在校園。

這晚的大學異常熱鬧，晚上七時半有如下午一兩點般人頭湧湧， 四周都貼滿典禮的海報，在不同角落掛了絲帶。

我和Sean吃完晚飯後，在他的hall換上整齊的formal wear，我穿上久違的白恤衫，黑色短西裙，黑絲襪和高踭鞋。

Sean換上西裝後在我眼中也英氣逼人，我忍不住緊抱著他。

「我男朋友真係靚仔，仲要著埋西裝J死人！」我吻了他一下。

「傻妹行啦，我地過埋去仲要睇吓今晚個flow。」二人行了去校園最大的禮堂。

我們又見到了Gladys。

「Welcome!!好耐無見你地兩個啦，拿入場前你地企係門口張檯呢度先，name card擺好哂架啦，陣間佢地register完就派俾佢地。
入到去hall就要係最後面stand by，我會同你地講幾時上去遞咪搬咪架。」她一輪嘴地說。

兩人合作無間，我們依照吩咐很順利地幫嘉賓登記，派發名片。

入到場內時，我目光離不開滿桌茶點。

「哇.....有芝士蛋糕同埋macaroon，我一定要試！」我捉著Sean手臂說。

「為食妹，妳等啲Professor食咗先啦，我地岩岩先食完飯。」他笑說。

我負責帶位後，Sean也到了後台搬運重物，轉眼間就差不多九點了。

「辛苦哂你地兩個啊，去食少少野啦，同埋可以出去行吓，臨完先番黎啦！」Gladys在我耳邊輕輕說。

我急不及待品嚐了各種甜點，心滿意足後和Sean稍稍地離開了會場。

「Gladys 話十點倒先番去執野都ok，我地番hall抖陣先？」我說。Sean同意後，我們便往宿舍方向走。

甫走出地面，我就發現校園有如一片死城，因為時候已不早，而且活動的嘉賓已全部進場。

三月的夜晚微涼而乾爽，我們在路上散步，感到舒暢。

「其實得幾個字係hall度坐，今晚咁舒服，不如我地係campus 周圍行吓。」Sean提議道。

我們去了校園比較舊的角落閒逛，忽然我看到有幢陌生的大樓。「咦，我好似無行過入去嘅？」我說。

「喔，呢幢野好舊架啦，改建完好似變咗做staff職員室。」他說。

「想唔想入去行吓？」他突然問。

「吓...... 呢度寫住學生唔俾入架喎！」我說。

「依家啲職員都放哂工啦，驚咩，有保安趕我地走先算啦。」他拉著我的手走近這個建築物。

這裡屬於校園的舊翼，大樓牆身和地面都是用磚頭鋪成，連燈光都沒有開，我們只靠附近路面的光源看路，在地面那一層開始探索。

「一個人都無....我好驚啊，返去啦。」我緊握著Sean的手說。

「生人唔生膽嘅，我開手機燈照吓囉，妳跟實我行就得。」他說。

走廊的盡頭有一條樓梯往上層，轉彎的角落剛好是camera的死角位。

Sean突然關掉了手機的燈，四周又變回了漆黑一片。

我還沒來得及驚叫，他已用唇封住了我的嘴。