如下第一次寫食評，因為氣難下！簡直貼錢買難受！訂咗散水餅，之後填google form, 張form 冇得揀款，又冇得upload 圖片所以whatsapp 同鋪頭溝通，往後全部答非所問，叫佢confirm 我揀嘅款&數量、送貨時間等等，用埋一大堆 template 訊息嚟覆，完全解答唔到，當我繼續追問，鋪頭就話我騷擾佢！如果你google form 設計得好d, 比客寫埋要咩款，而唔係whatsapp答非所問，我駛追問？！另外電話係唔會有人聽嘅！只限whatsapp! 响whatsapp 追問咗幾日，終於confirm 款式了，收貨又唔係送上樓，要我落樓自取！打開完全唔係我揀嘅款！之後鋪頭响whatsapp 繼續用template訊息回覆話食材貨源問題、鋪頭有權改款之類嘅廢話！最賤係佢突然delete 晒whatsapp 佢覆我嘅history, 我問佢嘅問題就有留低，之後反問我叫我攞出證據去證明佢嘅覆過我！我碌番上去睇佢已經delete 晒冇晒history 啦！跟住就話我滋騷佢，要發律師信去我公司地址喎！我係咪要驚？！原來當初問個客攞地址係咁樣用嘅！根本佢哋完全唔會送貨上樓囉！就係將來個客同佢鬧番時，兇個客話我哋騷擾佢、發律師信囉！又話佢哋法律團隊準備告我滋擾鋪頭、又話如果我哋唔識法律就打乜乜電話查詢！我每日搵聯絡佢1次，咁叫騷擾？唔該Waffleman 進修吓法律常識先至去兇個客、話個客騷擾佢鋪頭啦！咁樣做生意，幾好食都冇用啦！希望唔好再有客人中伏！
食物評論：味道平庸！唯一可取之處只係獨立包裝！
啱啱睇返我果次揀送貨，填完表交埋錢佢無覆過我confirm日期，到送貨果日無啦啦先有人打嚟話就到樓下