近排瘋狂補番(3)

起碼小帳睇得幾開心
商業大熱作品大家明就算有咩不滿都唔會明面講

Chainsaw man 嗰問題其實唔細
我覺得係一開始改編嘅風格出事
原作已經玩左次認真向背景下出個派膠型角色
你中山龍居然走去削弱派膠嘅風格
人地觀眾就係睇班角色癲癲喪喪 你整到佢地冇曬生氣當然比大多數嘅觀眾插
本身套野原作已經超高人氣
整到咁fans唔鍾意 hater又多個機會插
自然嗰風評就一定差
更唔好講中山龍D訪談全部都係事前開香檳嘅feel
又要dis 二次元女仔髮色 （明明自己都有參與畫呢D類型嘅女仔）
成件事更加好笑

成件事結果就係
套野可能有接近80分嘅表演（我其實覺得係OK，漫畫前期係冇後期咁狂）
然後製作組吹到可以上90分
然後班fans期望去到95分
最後就變左唔符合期望
貶到60分不如

唔知係咪受S1影響，S2作者親自操刀但完全冇feel
諗諗吓Madhouse做「氣氛抑鬱類」動畫都有一手
同期起碼有機魂末世錄、妄想代理人

搞到今晚想搵呢套睇下

見兩位師兄都咁講我先講
其實我一路都覺得bocchi係吹大咗 (當然都好睇，但唔知咩原因唔中我口味)
見主流一致好評，費事衝出黎好似唱反調咁

我覺得唔使介懷
主要呢套冇走出芳文社動畫既定嘅框架
劇本並唔會比你有「原來芳文社動畫都可以咁做ga」嘅創新感
你前面有講落唔好芳文社動畫
如果劇情同角色你都唔好
就得返演出可以打動你


佢嘅演出係確實有佢出彩嘅位
完全睇到製作組有擺心機落去
但係咪會靠呢樣可以同其他歷年名作去比較對撼
我個人就覺得唔太夠

與其話介懷，不如話思維訓練
嘗試解釋/組織自己對bocchi興趣唔大嘅理由

除咗演出我都幾欣賞bocchi「改編」(四格動畫化)嘅誠意
同類型例子有前輩有夠煩(兼融入原創劇情)
反例有勇者死了，睇咗2集覺得照搬漫畫之如仲cut勁多內容勁趕工，無動力再追

Bocchi 嘅誠意真係冇得講嘅
係真係對唔對電波咁解
而呢套係難得可以出圈變左比較多人第一次接觸嘅芳文社動畫
呢樣嘢真係睇緣分

你接受B站所以我可以講下
B站有個整開每季動畫評價嘅up主講過
你鍾意嘅動畫=/=製作水平高嘅動畫=/=人氣高嘅動畫
我個人幾同意呢個講法
所以遇到自己唔太like但人氣好高嘅動畫
我都會試下搵佢整得好/自己唔鍾意嘅地方

btw 我都勁唔鍾意照搬漫畫嘅所謂改編動畫
嗰種一睇就知道係借動畫去宣傳原作小說/動畫
我覺得係勁唔尊重動畫呢個媒介
除左你講嗰套 我推 我自己都係歸類去呢類
今季10點睇完我推 11點再睇u149 真係覺得係處刑咁

關於動畫媒介呢個問題 我好大程度同意ching說法
不過都唔少人認為改左即係唔尊重原作
所以點平衡取捨其實好難
chainsaw man就最好例子
雖然我都唔中意整體改編方向 但都見到有值得欣賞既分集/場面
遠遠唔係風向講到咁一文不值
老實講 真係好討厭呢種討論氣氛 唔剩只香港

Chainsaw man 嗰問題其實唔細
我覺得係一開始改編嘅風格出事
原作已經玩左次認真向背景下出個派膠型角色
你中山龍居然走去削弱派膠嘅風格
人地觀眾就係睇班角色癲癲喪喪 你整到佢地冇曬生氣當然比大多數嘅觀眾插
本身套野原作已經超高人氣
整到咁fans唔鍾意 hater又多個機會插
自然嗰風評就一定差
更唔好講中山龍D訪談全部都係事前開香檳嘅feel
又要dis 二次元女仔髮色 （明明自己都有參與畫呢D類型嘅女仔）
成件事更加好笑

成件事結果就係
套野可能有接近80分嘅表演（我其實覺得係OK，漫畫前期係冇後期咁狂）
然後製作組吹到可以上90分
然後班fans期望去到95分
最後就變左唔符合期望
貶到60分不如

所以更體會到比起硬質素 風評更多取決於expectation呢類場外因素
(bocchi同一季某程度搭左順風車)
另外判斷作品價值 應該考慮歷史地位 呢樣係另一個問題

btw dis二次元髮色呢點 有睇過訪談 覺得有啲捕風捉影（個人觀感）

可能佢哋研究過畫面唔夠CV搭救
起碼一線大咖吸引到班死忠睇先
响作者好有信心自己個故事嘅時候, 呢個策略無疑係成功嘅
作者個目的都係想刺激返漫畫銷量/熱度同埋御靈黏土人銷量

所以我一直都等熱潮過一排再補番d討論度高嘅作品(bocchi、電鋸人etc), 無論你幾盡力避免相關資訊都好, 係熱播個陣你點都好難避免唔被風評影響到, 繼而影響你睇套作品嘅睇法。
我覺得等呢d聲浪過左之後再補番套野, 閱後感會比較有番自主性。e.g 我記得深淵第二季當時都幾多爭議, 又係類似上面唔跟原作個d, 所以等多一季先補番

其實無野係完美
要搵野反一定搵到
imdb 9分嘅Shawshank Redemption我都可以話佢劇情離地
押井守攻殼亂改原著
EVA爛尾
阿基拉劇情破碎，故事都講唔清楚
今敏冇一套賺錢

但上面講嘅作品我全部都鐘意

我都有一期係咁，而家調整咗心態
企返自己喺「Anime Enjoyer」嘅角度睇野
我而家基本上睇所有類型嘅創作，都會盡力欣賞佢做得好嘅地方，因為呢啲地方先係有價值。

Proof一樣野做得唔好其實係完全冇意思，亦都展示唔到自己嘅品味，唯一用途只係幫自己打贏網上論戰

與其爭論邊套作品值唔值得紅，不如推廣多啲滄海遺珠仲好

深淵第一季都係唔跟原作，倉田英之做咁多改編，佢好清楚要點改套動畫先拍得順啦
本來媒介唔同就有分別，漫畫照搬係會有問題
單係連載兩個月先一話 vs 動畫三個月播一季，已經係充分理由改分鏡/劇本

非常同意, 你帶著有色眼鏡睇任何作品都淨係會睇到你想睇到既野。
我認為鐘意一套作品唔係只係注目於優點, 然後無腦吹捧, 而係了解左佢嘅優缺, 知道自己點樣比呢套作品吸引, 同時亦可以理性咁指出番作品嘅不足, 愛其長處同時接納到佢缺點先稱得上鐘意一套作品。

其實好難有「純治療」，一套作品多多少少都有唔同元素/主題，用tag嘅概念諗會好少少

就算係ARIA，佢其實都有少量SF、愛情、角色成長、懸疑成份

呢啲全部都係構成作品氛圍嘅一部份

學園默示錄

其實作品同人一樣, 根本冇可能用幾個標籤去定義, 標籤只係方便分類。再者明明係因為當初有呢類作品先出現呢類標籤, 宜家反而用番個標籤話個作品唔夠XX, 有d本末倒置。

上面串太長唔quote

我係以前完全唔睇芳文野(睇new game同blendS 都係一集棄左)，但落左露營同BTR坑嘅例子，你地可以參考下

芳文核心係JK+任何主題+空氣/日常系+ふわふわ+輕/偽百合，呢啲大家都知唔再重覆

反而想講個主題啱唔啱其實唔重要，佢只係一樣引觀眾入場睇嘅元素，你見露營/BTR fans好多都係落完坑先走去玩露營/買吉他，然後過一陣就放棄

我嘗試抽離啲講下點解會鐘意露營同BTR，分析下成功之處

露營

劇本/內容：
露營有樣好重要嘅嘢，就係佢嘅角色好獨立，最明顯係凜，但其實全部登場角色都有自己成熟嘅一面
大部份人讀緊中學都仲係群體動物，自己一個食飯都驚俾人望。但露營入面所有角色竟然都接受到凜去solo camp，而且唔會逼人參加群體活動。呢種對獨處/群體冇bias嘅氣氛喺芳文入面其實好少見，芳文大部份都係女生團體柴娃娃一齊行動/hea嘅感覺
比起賣角色，佢回歸返治癒系小品嘅感覺，我搵到類似ARIA嘅vibe（人與人之間相處嘅溫柔？），所以先繼續睇


制作：
音樂-用左大量民族樂器+木吉他，應該係有參考ARIA/choro club嘅配樂，非常夾作品主題

作畫-大部份場景都係去山梨/靜岡真實取景，風景作畫相信係業界top level，至少說服到觀眾去露營睇呢啲風景係make sense

演出-太多要素，真係可以逐個位講
可以睇下呢個interview
https://yurucamp.jp/news/special/6112




BTR

BTR同露營好唔同，老實講BTR原作嘅水平同露營完全唔同，動畫嘅成功大半都係歸功於動畫組嘅誠意

演出真係一絕，波奇嘅變形scene玩足一季都keep住有新野，連實寫都放埋入去

音樂scene嘅樂器/舞台作畫做足哂，台上嘅表情/眼神都係劇情演出嘅一部份，樂曲係根據畫面/內容製作，會因為劇情而有唔同

搞笑就真係睇你中唔中，佢連EVA梗都有塞入去，作品量愈多應該就愈多位睇到梗同識笑

另外就係fan base同二創，BTR社群好有創造力，到最近都keep住有新嘅派糖/搞笑漫畫或者YouTube MAD片/素材片，呢樣真係追番先會有嘅體驗

只講BTR部分 完全同意你說法
如果只推一套芳文系我都揀BTR
唔知自己算唔算po主講果類刻意唱反調的人
不過我mindset就係咁 冇辦法做到全肯定
好似BTR其實我係好中意 由一開始追每集起碼睇兩次
但你搵到十個pt讚佢 我都會自覺諗下有冇一個pt反到佢
就算幾中意套野 我覺得唔合理都要講
唔知係我性格扭曲 定其實好多人都係咁

其實無野係完美
要搵野反一定搵到
imdb 9分嘅Shawshank Redemption我都可以話佢劇情離地
押井守攻殼亂改原著
EVA爛尾
阿基拉劇情破碎，故事都講唔清楚
今敏冇一套賺錢

但上面講嘅作品我全部都鐘意

我都有一期係咁，而家調整咗心態
企返自己喺「Anime Enjoyer」嘅角度睇野
我而家基本上睇所有類型嘅創作，都會盡力欣賞佢做得好嘅地方，因為呢啲地方先係有價值。

Proof一樣野做得唔好其實係完全冇意思，亦都展示唔到自己嘅品味，唯一用途只係幫自己打贏網上論戰

與其爭論邊套作品值唔值得紅，不如推廣多啲滄海遺珠仲好

我而家基本上睇所有類型嘅創作，都會盡力欣賞佢做得好嘅地方，因為呢啲地方先係有價值。
can't agger more

事實上我係了解到自己中意作品都好多不足
變相連以前唔中意既作品都開始學識欣賞

網絡論戰好攰而且冇咩意思 所以而家都係講唔啱就算

改編作我以前都係等完先補
不過原創追番同補既趣味係兩回事
18年前我會每個禮拜追基本都係原創 冇呢啲討論可能都唔會咁沉迷嗰啲作品

我其實好鍾意討論，可以釐清概念、發現盲點、多角度理解事件、知道其他人諗法
但網絡討論經常流於罵戰、人身攻擊
一係一句on9加舊膠當贏咗，冇任何解釋
一係表態「一般貨色」，但又唔舉例子點先叫好
有D講多兩句就會發現對方立場「我一定是對的，以下xxx」，已經唔使討論
最怕遇到無賴死撐，雖然呢個講法同「我一定是對的，以下xxx」無分別

以前八十、九十年代啲OVA好好睇

竟然開到3
樓主睇左昭和元祿落語心中未

未
(1)果陣仲諗開始冇番想補
到(3)條待補list越黎越長

我以後會每個po都入黎問你一次

的確, 之前追odd taxi 既過程係咁上網睇人分析討論實在係好正, 但我始終覺得補d有口碑嘅舊番中伏野嘅機會低過追原創

一定會睇，唔係得閒飲茶果種
聽講係假髮巔峰演繹之作，動力+10

真，由少年演到老年，加埋落語表演
仲有唔同年紀資歷既落語表演又唔一樣
講講下想重刷了

大力推薦三顆星colors