近排瘋狂補番(3)

呢度表達能力同分析力有我墊底

呢個PO算係咁，聚到口味接近嘅人，拋出嘅名都值得睇
佳作自然有人討論，不過有啲舊作，未到一定水準就唔好意思講
但又覺得就咁湮沒好可惜，有時想為佢咃寫個系列又真係提唔起勁

bocchi一季真係太短
就算連漫畫都唔係特別多野睇咁

我覺得唔使介懷
主要呢套冇走出芳文社動畫既定嘅框架
劇本並唔會比你有「原來芳文社動畫都可以咁做ga」嘅創新感
你前面有講落唔好芳文社動畫
如果劇情同角色你都唔好
就得返演出可以打動你


佢嘅演出係確實有佢出彩嘅位
完全睇到製作組有擺心機落去
但係咪會靠呢樣可以同其他歷年名作去比較對撼
我個人就覺得唔太夠

與其話介懷，不如話思維訓練
嘗試解釋/組織自己對bocchi興趣唔大嘅理由

除咗演出我都幾欣賞bocchi「改編」(四格動畫化)嘅誠意
同類型例子有前輩有夠煩(兼融入原創劇情)
反例有勇者死了，睇咗2集覺得照搬漫畫之如仲cut勁多內容勁趕工，無動力再追

Bocchi 嘅誠意真係冇得講嘅
係真係對唔對電波咁解
而呢套係難得可以出圈變左比較多人第一次接觸嘅芳文社動畫
呢樣嘢真係睇緣分

你接受B站所以我可以講下
B站有個整開每季動畫評價嘅up主講過
你鍾意嘅動畫=/=製作水平高嘅動畫=/=人氣高嘅動畫
我個人幾同意呢個講法
所以遇到自己唔太like但人氣好高嘅動畫
我都會試下搵佢整得好/自己唔鍾意嘅地方

btw 我都勁唔鍾意照搬漫畫嘅所謂改編動畫
嗰種一睇就知道係借動畫去宣傳原作小說/動畫
我覺得係勁唔尊重動畫呢個媒介
除左你講嗰套 我推 我自己都係歸類去呢類
今季10點睇完我推 11點再睇u149 真係覺得係處刑咁

你鍾意嘅動畫=/=製作水平高嘅動畫=/=人氣高嘅動畫

我YouTube拍片都有類似體驗
自己最滿意嘅片、花最多時間/準備工夫嘅片，同幾多人睇、幾多人like、睇嘅時間/比例幾乎冇關係

分分鐘搵幅靜畫 + 少少effect + 歌詞播首歌，整1個鐘既片已經可以多view過用盡心思整成個禮拜嘅片幾十倍

原來你係youtuber

冇人fol嘅YouTuber都係YouTuber

俾條link禾 即刻fol你

上面串太長唔quote

我係以前完全唔睇芳文野(睇new game同blendS 都係一集棄左)，但落左露營同BTR坑嘅例子，你地可以參考下

芳文核心係JK+任何主題+空氣/日常系+ふわふわ+輕/偽百合，呢啲大家都知唔再重覆

反而想講個主題啱唔啱其實唔重要，佢只係一樣引觀眾入場睇嘅元素，你見露營/BTR fans好多都係落完坑先走去玩露營/買吉他，然後過一陣就放棄

我嘗試抽離啲講下點解會鐘意露營同BTR，分析下成功之處

露營

劇本/內容：
露營有樣好重要嘅嘢，就係佢嘅角色好獨立，最明顯係凜，但其實全部登場角色都有自己成熟嘅一面
大部份人讀緊中學都仲係群體動物，自己一個食飯都驚俾人望。但露營入面所有角色竟然都接受到凜去solo camp，而且唔會逼人參加群體活動。呢種對獨處/群體冇bias嘅氣氛喺芳文入面其實好少見，芳文大部份都係女生團體柴娃娃一齊行動/hea嘅感覺
比起賣角色，佢回歸返治癒系小品嘅感覺，我搵到類似ARIA嘅vibe（人與人之間相處嘅溫柔？），所以先繼續睇


制作：
音樂-用左大量民族樂器+木吉他，應該係有參考ARIA/choro club嘅配樂，非常夾作品主題

作畫-大部份場景都係去山梨/靜岡真實取景，風景作畫相信係業界top level，至少說服到觀眾去露營睇呢啲風景係make sense

演出-太多要素，真係可以逐個位講
可以睇下呢個interview
https://yurucamp.jp/news/special/6112




BTR

BTR同露營好唔同，老實講BTR原作嘅水平同露營完全唔同，動畫嘅成功大半都係歸功於動畫組嘅誠意

演出真係一絕，波奇嘅變形scene玩足一季都keep住有新野，連實寫都放埋入去

音樂scene嘅樂器/舞台作畫做足哂，台上嘅表情/眼神都係劇情演出嘅一部份，樂曲係根據畫面/內容製作，會因為劇情而有唔同

搞笑就真係睇你中唔中，佢連EVA梗都有塞入去，作品量愈多應該就愈多位睇到梗同識笑

另外就係fan base同二創，BTR社群好有創造力，到最近都keep住有新嘅派糖/搞笑漫畫或者YouTube MAD片/素材片，呢樣真係追番先會有嘅體驗

LI樣真
bochi 二創破壞力近幾年黎講分分鐘勁過pop子

而家先為意Blend-S係芳文社
雖然我都係一集棄咗

比起賣角色，佢回歸返治癒系小品嘅感覺，我搵到類似ARIA嘅vibe（人與人之間相處嘅溫柔？），所以先繼續睇

係呢點了

我心目中嘅治癒番唔係睇班人賣萌賣傻，而係透過角色互動/劇情發展帶出一D「小體會」
例如溫情、辛苦爬山最後睇星空 / 日出 (雖然呢個例子太套路，唔係好想再睇)
所以ARIA越諗越神，可能調整好心態先睇會有更好效果 (同聽講去到後面先正)

當然半治癒半搞笑就無咁抗拒賣角/賣屬性
又今時今日應該冇乜「純治癒」作品

一流嘅作品好多時候可以營造出一種獨有嘅氣氛

正如巴打所講aria入面近乎夢幻般美好嘅世界

露營同其他好多芳文社唔同嘅位係佢透過非常出色嘅音樂同埋演出令人沈浸係悠閒自得嘅生活入面
感受露營最美好嘅一面

入面嘅角色世界係現代尤其係都市人所缺乏同埋響往
所以睇動畫嘅時候可以令人由忙碌中抽離出黎

而事實上如果真係出去露營係唔會有jk係度
同埋會有好多蟲，天氣有熱，有訓得唔好

呢啲作品嘅出色之趣係佢哋既能夠有fuwafuwa, yuriyuri嘅角色，又把握到題材嘅精髓

類似嘅動畫有飛翔的魔女，雖然略為遜色但係有一種鄉村田園風光嘅味道
Do it yourself亦都唔錯，非常好地呈現出手工嘅樂趣

其實幾矛盾
一方面諗fans有時會唔會吹太大
另一方面理解唔吹大啲套作品三幾個月後等湮沒
一般觀眾已經唔滿足於普通佳作
結果就係急於製造「神作」
呢種意義上神作好難用客觀標準黎評定
更多係情感表現 近乎信仰既體驗
所以我會話神作好personal
亦明點解有人接受唔到作品受批評

同無神世界一樣
擺明話俾全世界聽佢冇經費+各種崩
但係有原作者親自參與, 個故事節奏起碼睇落舒服+合情理+笑到仆街

見兩位師兄都咁講我先講
其實我一路都覺得bocchi係吹大咗 (當然都好睇，但唔知咩原因唔中我口味)
見主流一致好評，費事衝出黎好似唱反調咁

我覺得唔使介懷
主要呢套冇走出芳文社動畫既定嘅框架
劇本並唔會比你有「原來芳文社動畫都可以咁做ga」嘅創新感
你前面有講落唔好芳文社動畫
如果劇情同角色你都唔好
就得返演出可以打動你


佢嘅演出係確實有佢出彩嘅位
完全睇到製作組有擺心機落去
但係咪會靠呢樣可以同其他歷年名作去比較對撼
我個人就覺得唔太夠

與其話介懷，不如話思維訓練
嘗試解釋/組織自己對bocchi興趣唔大嘅理由

除咗演出我都幾欣賞bocchi「改編」(四格動畫化)嘅誠意
同類型例子有前輩有夠煩(兼融入原創劇情)
反例有勇者死了，睇咗2集覺得照搬漫畫之如仲cut勁多內容勁趕工，無動力再追

Bocchi 嘅誠意真係冇得講嘅
係真係對唔對電波咁解
而呢套係難得可以出圈變左比較多人第一次接觸嘅芳文社動畫
呢樣嘢真係睇緣分

你接受B站所以我可以講下
B站有個整開每季動畫評價嘅up主講過
你鍾意嘅動畫=/=製作水平高嘅動畫=/=人氣高嘅動畫
我個人幾同意呢個講法
所以遇到自己唔太like但人氣好高嘅動畫
我都會試下搵佢整得好/自己唔鍾意嘅地方

btw 我都勁唔鍾意照搬漫畫嘅所謂改編動畫
嗰種一睇就知道係借動畫去宣傳原作小說/動畫
我覺得係勁唔尊重動畫呢個媒介
除左你講嗰套 我推 我自己都係歸類去呢類
今季10點睇完我推 11點再睇u149 真係覺得係處刑咁

關於動畫媒介呢個問題 我好大程度同意ching說法
不過都唔少人認為改左即係唔尊重原作
所以點平衡取捨其實好難
chainsaw man就最好例子
雖然我都唔中意整體改編方向 但都見到有值得欣賞既分集/場面
遠遠唔係風向講到咁一文不值
老實講 真係好討厭呢種討論氣氛 唔剩只香港

成日聽人講一線聲優賺好多錢，又聽過聲優每單job其實賺唔多
無神聲優陣容都算癲
究竟經費真係去晒聲優度，定單純勁窮

只講BTR部分 完全同意你說法
如果只推一套芳文系我都揀BTR
唔知自己算唔算po主講果類刻意唱反調的人
不過我mindset就係咁 冇辦法做到全肯定
好似BTR其實我係好中意 由一開始追每集起碼睇兩次
但你搵到十個pt讚佢 我都會自覺諗下有冇一個pt反到佢
就算幾中意套野 我覺得唔合理都要講
唔知係我性格扭曲 定其實好多人都係咁

個人覺得得原作者先有資格評論係咪尊重原作
聽講高橋留美子就唔係好like押井守

大把呢啲例子 Shining拍完Stephen King即刻話此生不再合作

原作粉碎成功(一般論，唔熟The Shining唔知係咪呢個case)嘅話，原作者滋味應該唔多好受

講返轉頭，其實藤本樹有冇評論過動畫版電鋸人？
感覺條友都幾buy/落力推崇新嘗試/實驗手法

聲優計錢係睇年資，賺大錢係其他方面
不過配音做得好先長久地紅，好比歌手出歌開演唱會冇賺頭，但拍一個廣告已經幾十萬起跳
套戲多一線聲優，好可能係資方/製作人有關，例如天使龍

諗起神槍少女作者不滿第一季，然後落場做第二季
但第一季好睇好多，個意境昇華咗，尤其原創位