近排瘋狂補番(3)

唱創聖個AKINO當年原來得15歲

4月27日に1stシングル「創聖のアクエリオン」[8]でビクターエンタテインメントより15歳でソロデビューを果たす。

冇追 睇左兩集唔太吸引

我又係2集(定3集)棄
期望落差太大

U149應該會追到尾，冇想像中咁毒 蘿莉+50分
反而換裝娃娃果款毒睇1集已經頂唔順

換裝娃娃動畫太多殺必死，頂唔順可以睇漫畫

套野其實都幾認真

睇完lain, 氛圍唔錯,恐怖科幻片,估唔到又有百合, 電腦線圈都係咁

聽你推完

有少少想開坑睇

其實好多動畫都係好毒嘅情況下撈D好睇嘅嘢落去
又唔係叫你同人報告（呢個po都係得毒L睇唔計啦）

如果接受到會有更多嘢好睇

我睇完樓主po完嘅動畫推薦list都係介紹下自己有深刻印象嘅作品
（雖然感覺會同前面嘅po撞 ）
機人番
大和號2199 （大推），
藍寶石之謎（冒險少女娜汀亞），
Gunbuster 1+2
樂園追放
機動警察 （大推）
Gun X Sword
Back arrow
Activeraid
驚爆危機 （大推）
機動戰艦
暴力宇宙海賊（嚴格黎講得最尾先有大規模戰鬥）


戀愛類
相聚一刻 （大推）
彼男彼女的事
Clannad(呢個太經典樓主應該補左）

原創動畫類
Cowboy bebop （大推）
Space dandy
少女歌劇
Gatchaman insight
翠星的gargantia
小鳥之翼

偶像類
偶像大師 （本家+灰姑娘）
佐賀偶像是傳奇

子供向
新幹線戰士 （大推）
光之美少女（個人推薦hug入坑）
阿童木 2003

治癒搞笑向
極度超女
相合之物

暫時諗到咁多

Clannad 冇入list係太慢熱，我自己都去到AS先覺得好睇，點推薦人

Activeraid有諗過睇，不過見BGM得6.3就冇試
拍埋師兄其他推介有興趣試下
彼氏彼女の事情真係miss咗

冇耐前都有諗，係咪賣殺必死嘅作品十居其九都唔啱睇
例外有天元突破 (以當年尺度Gunbuster賣腳唔知算唔算)

之前好抗拒偶像番，但近排睇完U149好大改觀
雖然睇到足球女上台跳舞個live都係搞唔掂

Clannad 確實係好後期先到佢出色嗰位 但我個人覺得係值得為左睇明嗰段而食前面廿幾集嘅gal game劇情

activeraid有分兩季 我當年第一季係新番每星期追完
但第二季係中途棄左 主要係突然唔記得左呢套野
後尾追完back arrow 先醒起自己未追完呢套又補完
我覺得呢套嘅觀感係睇你對唔對電波 同埋相對上二期嘅劇情連貫度比一期差 所以可能周追嗰觀感麻麻
一次睇曬會好D 我擺得喺呢個list就係代表我覺得唔差

彼男彼女我係因為鍾意嘅CV推呢套先去睇
自己一向都幾鍾意庵野嘅動畫
所以呢套行庵野style 嘅戀愛番完全係對正我口味
重點係呢套越到後面越低作畫數
（呢點好有趣 係有一集總集篇同你講每集評價同作畫張數）
係靠演出同鏡頭取勝
同埋你預左呢套係冇尾 想睇尾要自己睇漫畫

睇你點定義賣殺必死嘅尺度
我自己係接受到D女著曬暴露度高嘅衣裝或者少少搖乳
就算我真係欣賞唔嚟D女fing波
始終市場上有人受 如果班人睇完肯買figure或者Blu-ray就係商業成功
所以劇情講得好或者有其他閃亮點我就OK
簡單黎講賣肉可以 但唔好得賣肉可以睇
所以呢個有呢個前提下我都冇乜睇賣肉番，但唔會因為角色好毒而即刻blacklist作品

咁我都唔係咩道德高地L，我都係會去睇本睇同人創作
我覺得與其由官方搞軟色情搞到兩頭唔到岸，倒不如比fans去搞自己心目中嘅劇情，官方嘅任務就係提供一個base比fans

講番u149，我覺得live回算係麻麻嘅一集，一集裏面太多任務要達成，要寫足球女嘅人物塑造，又要鋪最尾live嘅劇情，問題係動畫唔可以好似漫畫咁喺人地live度寫自己嘅心理描寫（u149係有原作漫畫做base），變左足球女缺乏一個明顯嘅心境變化描寫，直接比最後出場嘅lipps5人搶戲，而冇追開灰姑娘嘅人見到lipps應該都冇咩感覺，變左雙重難受。只可以講u149作為系列作品冇以前兩套作品咁高自由度（其實都唔低），係需要為商業而作出取捨
好彩到最新一集為止都冇第六集咁怪


btw 唔嫌棄B站可以睇下呢條片
呢個片主對u149嘅劇情同鏡頭分析都好有意思
可以令你嘅u149體驗更好

以前唔好話IM@S 我連草莓100%呢啲好多人睇後宮漫都覺得毒（不過直至而家都麻麻地後宮）
只能講人嘅接受程度喺跨過左後就唔係咩一回事

btw以前動畫尺度仲大 gunbuster冇端加幕爆衫殺必死唔知做乜

唔知點解咁多人推clannad 但唔推air
故事summarize得好好 演出水平又唔差過前者
果然真係人設太難接受？

諗起重戰機アム成日露點
80年代接觸色情資訊途徑有限，鹹濕劇情應該吸引唔到唔少鹹濕仔

單純係冇睇所以冇推
我睇Clannad 係因為有期imas cgss 同key社聯動先睇
主要我一聽時を刻む唄就好上腦就走去追
並唔係Air嘅問題

AIR我麻麻地
唔知動畫同game體驗分別係咪好大，定我睇得太倉卒

幾條線係有關係，我理性都知道有關係
但感性覺得全部野炒埋一碟就收工咁

Gunbuster係80年代OVA 產物，本身年代比較開放（應該話冇咁多管制）+OVA唔使睇電視台同家長面色自然就去到盡
所以叫睇慣有管制嘅動畫大嘅人應該好難頂
一隻毒字解釋曬一切問題

我唔介意B站的
有時甚至覺得兩岸三地想和平解決政治問題，ACG係唯一途徑

主要好奇究竟有咩因素令自己鍾意/唔鍾意某D作品類別/元素
到而家都唔知點解自己咁抗拒芳文社類型作品

一直冇興趣睇偶像系列係stereotype咗呢類作品「為sell game sell 歌sell聲優而製作」從而假設劇情/演出可以是但求其，總之條女畫得好靚，D衫好靚，聲優把聲好好聽就得
不過U149改變咗我嘅諗法，應該會試埋前2期

我分開「鍾意」同「推薦」
例如櫻花任務條橋我勁like，但作為推薦作品應該好悶，曾經除名(但後來加返)
翼神心目中排名起碼值2星，又係覺得吸引唔到人睇到尾降grade

唔會靠毒L解決問題啦 搞唔好到時第一個清算嘅就係我哋

芳文社嘅作品大多都係「JK do everything」，賣萌類動畫主打嘅就係放鬆睇片，開開心心半個鐘就得，好多時候睇角色就係你追嘅動力，你唔好呢啲嘢自然就會覺得悶


至於個人喜好問題，我覺得唔好對所有作品有一個事前嘅假定，尤其係自己完全冇接觸過嘅類型，最好就係一張白紙入場，咁樣先會令你可以喺追番中有一個最合適嘅評價。

仲有一個我覺得幾重要嘅因素就係唔好過分睇重路人嘅評價，
尤其係睇舊作品嘅時候，好多時候都會有好強嘅童年濾鏡，如果帶着過高期望去睇佢哋所謂嘅最強作品會好容易失望

當然，冇興趣嘅類別就真係唔好強求，睇動畫就係要放鬆自己

話說「為sell game sell 歌sell聲優而製作」一直都係偶像番嘅宗旨，所以你冇講錯
但係正如異世界番類似嘅設定可以出無職轉生，都可以出廁紙一樣，就係睇製作組嘅誠意有幾多
偶像大師就係出名去塑造角色兼有良好嘅作畫
（指live回，當年2011年本家或者灰姑娘都冇u149咁穩定嘅作畫）

本家係公認嘅佳作，但會有一個入場門檻好高嘅第一集，你肯一次過追晒TV全集同劇場版嘅話就會明點解本家個評價咁高

至於灰姑娘女孩喺處於一個唔高唔低嘅位置，TV播放時期經常會俾人拎嚟同本家比較，而某啲劇情過於用力導致部份角色唔討好，但其劇情都有佢嘅閃亮點，因此佢嘅商業成績其實都唔差，都係可以值得一試嘅作品

依樣嘢我都理解
所以我推人睇作品都會問定佢哋嘅喜好再決定推咩
唔會一嚟就推晒我自己鍾意嘅作品

Btw 翼神世音我真係覺得幾悶
自問都唔係話好抗拒長片 攻殼機動隊嘅文戲我都覺得好好睇嘅情況下
睇咗頭兩集都搞唔掂
有機會我再pick up返嚟睇

師兄翼神係幾集棄咗?
可以當佢係Clannad咁，「所有野就係為咗果一野」
另附一集神回 (個人永久TOP10之一)

應該睇到第三集剛剛逃走嗰段
主要係時機唔得
有段時間返緊兼職 得夜晚時間收工睇動畫
文戲真係長得滯 我唔expect會講咁耐
本來就係玩完機戰Mx先後補翻
變左動力唔大嘅情況下棄左
而家大個D應該會睇得明