聖經有咩恐怖故事？

所謂神竟然傳達準確信息都做唔到
又要吹奏神，又話神既野人唔理解，咁到底所謂善上天堂落地獄係神同人既角度咪出入，做完一輪都唔知自己做乜先好笑


Anyway今日題目
神愛人，點解唔引導人成為更高位存在
例如引導科技上，精神上既進步，但實際上又冇，先唔講佢已經係虛無飄渺既概念
教會都淨係會叫人樂捐，聚會同信耶穌，某啲地方已經成為統治工具
但神又愛人，又想人信自己，可以有更多直接幫助，例如當初發明冷氣既就叫耶穌，發明燈又叫耶穌，咁人咪好信好多
點解要派人搞基督教，然後比人利用埋，係神根本冇所謂唔愛人，定懶到連緊要野都要比人做

吓
唔打飛機點得架

如果上帝「全能」但係又有嘢做唔到
咁佢「全能」已經係邏輯上不通喎
而你要證明神係「全能」，咁理應要回答到基於「神唔係全能」而提出嘅問題？
如果解答唔到，證明唔到神係「全能」，咁神嘅「全能」只係教徒一相情願地相信？

好似以前嘅迦南同埃及location同而家係有少少唔同

利申：n年前讀過biblical archaeology 但而家唔記得九成內容

夠智慧嘅咪會就住聖經唔合理嘅地方提出問題
唔夠智慧嘅咪聖經講乜信乜

耶穌出世之前啲人全部落地獄

你理解唔到唔代表佢冇準確傳達喎

人類嘅理解就係比邏輯定律局限。所以你理解唔到某啲野唔係因為對方表達有限，而係你自己理解上有限制。

等如要你同個三歲細路解釋微積分，你可以表達得好清晰，但佢係未到個水平就係未到，點都唔會理解到，講多冇謂。

況且神都冇任何義務向你解釋所有事情，或者令你必須要信，反正你fuck up左，你係應該要死，呢個恩典就係bonus，已經盡左人事offer左比你，你唔要係你嘅選擇，佢都唔會逼你。

至於你話點解唔引導人成為更高嘅存在
呢個又係用你自己嘅目光去睇咩叫“更高嘅存在”

信仰正正就係引你精神上成為更高嘅存在，成為更好嘅人，在世人生過後可以有永生等等
乜野科技冷氣電燈膽呢啲只係肉身上嘅享受，對於你真正嘅生命，你嘅靈魂能唔能夠進入永恆，係毫無幫助，神亦唔care呢啲所謂嘅人類進步。

人成日覺得話神愛人就應該點點點，似十足啲拜金女話愛我就買呢樣比嗰樣我。你問自己一句，你憑乜先。你做咁多衰嘢，神都比機會唔洗你死，呢個就係佢嘅愛。你係都要得寸盡尺話愛我就幫我呢樣嗰樣，含埋你條撚好冇邊個先係神呀

你講得啱呀，神好多野都係比人做架，神就係我地老細，每個信徒係佢嘅僕人呀。啲野緊唔緊要，神做定人做，你定架？Elon Musk喺Tesla，安排啲咩人比咩人做，佢自己想做啲咩，洗你教？到呢刻你都仲覺得人喺神面前係好撚巴閉笑撚死

The Almighty” conveys the idea God is an all-powerful being, able to control everything in the universe at all times.

睇你點理解全能囉。全能解做有全面嘅能力都得架。只係一個形容詞。其實神係有野做唔到。佢係犯唔到罪，做唔到好多人會做到嘅衰野，因為佢屬性上唔容許佢做。但呢啲野做唔到，包括一啲邏輯上唔通嘅野，唔知佢做唔做到，都唔影響信徒對神全能嘅屬性理解。因為相對人嚟講，神的確係全能。

反正大家都唔知
但你地講要信先可以上天堂
定有d情況唔洗信都可以上天堂？

冇計
創作出嚟個個人諗漏左

出左世復活埋
但未有該語言翻譯版本嗰班先最慘

以西結書 一章
https://springbible.fhl.net/Bible2/cgic201/read201.cgi?na=%B5%B2

啟示錄 四章六至八節

寶座前好像一個玻璃海，如同水晶。寶座中和寶座周圍有四個活物，前後遍體都滿了眼睛。第一個活物像獅子，第二個像牛犢，第三個臉面像人，第四個像飛鷹。四活物各有六個翅膀，遍體內外都滿了眼睛。他們晝夜不住的說：聖哉！聖哉！聖哉！主神是昔在、今在、以後永在的全能者。

人類唔明咪姐係冇準確傳達
下下都人類唔明人類唔理解人類唔能夠干涉咁神既一切關人類撚事
講到愛果部分終於似返高官，阿sir做野唔洗你教
神愛人而唔希望人類進步，你就講冇義務，人類不斷尋求進步，講明科技，精神，講緊最開頭人類既工作係管理樂園，而家管到入死局，問你神點解唔幫拖你就講神唔care，拜金女，神做野唔洗你教
屌咁前題係神愛人啊嘛，佢愛你所以佢想你走下坡？然後又想人信自己唔選擇展現自己，不論力量定智慧咁把炮仲唔係收晒信徒？
同埋我冇話人類把炮，人類咁撚垃圾你要揀人類黎仲教說明人類係冇價值，最貶低人類價值既基督徒算係number 1，就算有神，神自耶穌後已經拋棄人類，所以先唔會再出面，而神愛世人係教會呃自己既其中一句標語，佢個決定就話你知佢唔愛你

咁即係上帝嘅「全能」只係相對上嘅「全能」
信徒基於上帝超人嘅能力而選擇去相信佢係「全能」，而唔係真正意義上嘅絕對「全能」？

人唔能夠理解同神可以準確傳達你都唔明
三歲細路冇能力理解微積分，唔係教授唔識教

咁你都分唔清ching咁嘅邏輯理解水平，真係同唔到你討論喎

你一直用你嘅角度去解釋愛。你重視嘅係在世人類嘅發展，神重視嘅係人在世後嘅靈魂。就係咁簡單。而且我都冇話過神會阻止人類發展科技，只係神不在乎對人類靈魂冇幫助嘅事情。

阿sir做野唔洗你教，但阿sir冇料嘛。
所以咪話Elon Musk做生意洗唔洗你教囉
神成個世界都造左出嚟，你教條春咩
類比又用錯，邏輯你又理解唔到，又9屈啲我冇講過嘅野，ching可能真係唔太適合呢類討論

總之條件規距就佢定，亦講明左你聽，比個機會你，而呢個機會係你本身不配擁有。比呢個機會你，就已經係愛嘅表現。唯有你睇得清自己其實pk在邊到，你先會明呢份愛。就係咁。

或者咁樣講囉，佢係有無限制嘅力量，佢可以舉得起無限重嘅石。咁會唔會易理解啲。

而且神唔係想你走下坡，只係你自己選擇走下坡。只係若果人唔願意，神係唔會干涉人嘅自由意志。神若果都現身你面前，仲有乜自由，信念可言。你只係被逼服從。

咁就on 9 啦，有個天國唔比人入，要人係地上受苦受試煉

點解耶穌淨係白人地區傳教，咁我地偉大既習大大點算

姐係同現實班有錢佬一樣，玩你個女玩到爛哂，之後比好多錢你當補償

基督教會叫你淨係睇新約，天主教會叫你睇晒舊加新約。

就算點睇法，神都被視為高維度過人類，所以佢基本上唔需要理你感受/你對佢既睇法，亦唔受人類定既道德觀念規管，佢照顧你感受係憐憫你。所以你覺得佢衰唔衰其實影響唔到佢，但佢就主宰到你死後既一切（前提係你信有主）。

如果你唔信有神，你就會當新舊約都係故仔書，冇咩好研究討論。

如果你信有神但你想同佢平起平坐/受同一個道德標準，咁你大可以展示你既能力，令其他人信你。但so far 未見過有人可以超越生死，更唔好講其他能力。只有經上記載耶蘇可以死而復活，前提都係你信既話。

阿sir係冇料，我講緊冇料既係你
係有三歲學識微積分既個例，類比用錯既係你
你邏輯又理唔清，解釋唔到就話人類無法理解，放棄用腦果個又係你
話我9屈你講咩又冇提，我冇話人類把炮，都冇話神阻止科技進步，只係話神唔幫人類進步，順手提埋佢的確出手阻止過
姐係而家個個point都係用人類較低等，人類不能理解黎做答案，完美咁反向傳教，曲你早講啊

發現巴打你核心思想就係信，原因動機過程都唔理，信就完，遇到問題都係堅持信，唔洗理問題

我緊係冇料啦，神有料嘛，討論緊乜你都搞唔清
三歲有個例，咁咪一歲囉個意思你get到就得啦，陣係識捉字蝨
人類相對神緊係較低等啦，如果唔係人就係神啦，陣係識得用你自己嘅見識去認為神應該要點，連神同人嘅本質分別都唔清楚，你理解能力係咪有咩問題
信仰嘅核心思想緊係信啦，巴打搞笑大師乜都科學理論解釋得晒，就係知識，唔需要信啦連信仰嘅定義都唔撚知
信嘅原因動機都講過啦，咪就係知道自己有罪，想被拯救囉，呢個就係個核心。你可以用好多邏輯遊戲去challenge 當中嘅野，但嗰啲野都唔影響個信仰嘅核心。就係你都做嘅衰嘢，and you can't get away with it. that's it.

屌我笑到仆街