召喚lihkg所有學神/P牌巴絲 (110)

落斜同上斜使唔使喺brake度額外做多啲野？

我師傅叫我跟前面架的士，Keep住咁嘅距離。

咁，我係習慣唔睇車速。後嚟行觀塘道，先發覺自己行緊快線

咁我有track 低自己每次學車嘅位置。發覺最高時速有68。

行觀塘道嗰段平均都50。感覺係爽嘅。

二波停完車，如果係拉手制嘅情況，就即刻轉空波，再入一波，搵磨擦點，準備放手制開車。

如果只係同時踩brake同clutch，就直接轉一波，慢慢兩隻腳提升。直至架車有動力。

我師傅教，就冇話要搵磨擦點嘅。其實我都擔心咁，會唔會係空波滑行。但空波滑行應該係指Clutch未lock引擎，brake又冇制動架車，由得架車自己溜前溜後。

咁，如果我唔係完全放鬆個brake，而同時間，我嘅clutch係慢慢同引擎連接緊。理論上，我應該就唔係空波滑行嘅。

嗱，我阿Sir冇捉我呢樣野。但唔擔保一定啱。但我自己咁揸，係覺得爽手嘅。如果下下手制空波，其實係有啲kick kick地。

我hold clutch，係腳踭掂地，唔係吊腳，因為我唔慣咁樣吊住。會不知覺踩深或踩淺。而且又攰。

所以我係左腳腳踭係clutch pad 前面偏向brake少少，唔係完全係pad正中前面。腳掌打斜咁踩個pad，如果想鬆多啲，就向外旋（腳踭做支點），如果想深啲，就向內旋，踩深啲。

我自己咁做，個動作雖然好大，但移動個pad深淺，其實係好細。

我右腳hold油門同brake都差唔多係咁。但主要腳掌係近brake嗰邊。因為油門踩唔實唔緊要，最多係慢咗啫。但踩唔實個brake，就有機會撞車。

上斜好似係先踩clutch，後踩brake。

落斜就一定係brake先。如果踩clutch先，架車應該會空波滑行，會向前衝一衝。

街場應該比錢搶快期?
駕院就搵返導師問?

而家抽籤仲使俾錢人抽？
自己用三分鐘上網填資料登記都唔得閒？

建議抽快期
至多一抽到就快啲上去揀日子
有時最遠可以揀一個月後先考
應該夠時間練嘅

原來有成一個月buffer咁我就放心晒之前驚得嗰一兩個禮拜一定唔夠時間thanks ching

唔肯定㗎
次次唔同
所以一收到sms/email
就準時上去搶期

清最後有無打去問？
係咪會再寄過改期考試信俾你？

是
考試信都有寫

咁都幾煩
改個期又唔知cfu有無撞其他學生

ching都係今日考？

唔係啦

我係

今日差唔多個個場都開
應該有過百個考生

我私人教練
關唔關事？

就係街場呀
好似全部開
除咗澤安

屌，跟駕院學，8月頭考中期
而家一星期一堂，上堂撞正打8號風咪硬食蝕一堂比佢
之前想去補鐘都無位咁濟

多謝巴打
希望可以成功

師傅嚟緊約咗我去試場操車了
好緊張屌
油塘出名難考

本身都係預當上興趣班咁要retake

但揸落其實又未去到好難
係俾師傅屌住嚟教（可能課金唔夠影響咗喇）

我仲未有機會由三波踩brake 到停車
好怕自己到時會處理唔切變死火

我今日睇咗片
如果由三波到停車個流程係咪咁
三波 -> 要印brake ，同時轉二波
再就到停車距離
踩離合，再踩brake
手制，空波

唔知到時紅色搞唔搞得掂
啊 印brake 真係好講feel
有時以為未踩就踩落啲
我會靠聽聲 聽到啲類似單車剎車嗰種聲

清，如果你唔熟習成個流程，建議你延長成個過程。

即係由3波，提早轉2波，再印brake，先停定。

所以眼望多啲路況，提早決定要做乜野動作。

例如，遠望見到開始多車，咁可以提早減慢少少車速，由3轉2，再到差唔多位置，減慢車速，用2波停車。

踩Brake嗰度，你踩到有聲出⋯⋯似乎Brake得好急⋯⋯ 我師傅話輕輕力踩個Brake，都已經減慢到車速，唔駛咁大力。但每架車嘅狀態都唔同，所以我都唔敢講，你咁嘅做法你唔係一定唔好。

而事實上，我落斜時嘅Brake控制都好差，成日都choke得好勁。試過落斜時，先踩clutch再踩brake，係好smooth，但俾師傅屌我空波滑行。
我主要係落brake時搵唔啱時機，同brake嘅深度，做唔到架車可以係一個車位前可以好順滑咁慢速預備clutch，brake同踩嚟停車。
一係我brake得唔夠，喺一個車位前，車速仍然好快（因為落斜用brake嘅深度要多啲），所以最尾要大力踩brake，choke到飛起。一係一開始太深brake，搞到未夠一個車位前，架車已經停咗。所以，點brake先好，我都冇心得可以share。

空波滑行睇落最安全
但唔知會唔會肥姐

我做行人嗰陣就做到成日望左右
一上車就好自然望實一點
同埋好易會失咗神
無啦啦揸揸吓會發呆
可能精神唔夠同壓力大

我近一兩堂靠泊車同三手呔練到點控制個brake
對比一開始好咗好多
起碼做到停線讓線停低
（唔知師傅收唔收貨）

最最最最想自己做到人車合一放鬆狀態
我有時會烏前個身望前面


同埋想知啲師傅考官覺得車與車之間個距離要幾多先夠
唔係一個車門/一個人身位咩
佢有時會話我就撞
如果係咁我見到障礙身留返一架車位算
一定安全

空波滑行係最唔安全⋯
冇引擎brake，冇腳制brake，冇手制brake。你真係要睇一睇清棍波原理先好噃⋯⋯

我師傅教我，坐係到（唔好鄔前），停定仲望到車嘅尾bumper嗰下，就最fit。如果仲望到馬路，就即係仲有空位。

你似乎諗得太多。我唔知你師點教你。每個人唔同。

我師傅就用把口叫我做乜就做乜。叫我唔好諗。佢話諗得太多就會做唔切。頭嗰4堂都係聽佢指令做。返屋企就上網睇原理點解咁做。

到做到好熟，問佢，佢就答我。佢話所有動作做到好自然，即係練到有muscle memory，咁就好易知要做乜野。唔駛花時間諗要做乜動作。反而用時間望下路面狀況仲好。

咁可能我理解錯空波滑行
因為我琴日睇片係話唔好太早踩離合
遲遲都唔印brake
會減慢咗個剎車時間

我師傅教我，坐係到（唔好鄔前），停定仲望到車嘅尾bumper嗰下，就最fit。如果仲望到馬路，就即係仲有空位。

呢個係前後距離？
如果左右距離你會點預留空間

我師傅就用把口叫我做乜就做乜。叫我唔好諗。佢話諗得太多就會做唔切。

我會內心小劇場，做咩都要諗幾秒
除非入咗狀態先做到神速反應

巴打好好人