召喚lihkg所有學神/P牌巴絲 (110)

打燈原因係想俾其他駕駛人士知你想做乜。

所以係單線停車時，你要打左邊燈，令後車知你想泊停架車係側邊。

而開返架車，要打返右邊燈，作用就係俾後車知你準備出車行返正線。

巴打好細心教導


我都同你差唔多的
第一堂講解吓架車嘅設備
轉彎等等
第二堂學死火 讓線停車

第三堂就斜路開車
第四至六堂就泊車同三手（五六連堂上）

我本身都係好大力踩個break
靠泊車同三手練到熟熟哋
最主要問題好多時做嘅動作都唔可以太一式一樣
但好難改到啲習慣

有間中睇吓片點應對
始終都仲好緊張
一出大馬路好似本身喺泳池游水
突然出咗大海游咁

望遠啲又係要學
我過彎係睇住隻角扭
真係要改改先得

唔留意清楚
會俾師傅屌到落車
「望鏡，望盲點」

明白，可以試試

其他車驚過你啦
學牌仔無敵的

但考車嗰日考官唔可以幫你嘛

如果望住個角扭，應該會早咗時間扭軚，好易上壆⋯

同埋，轉彎唔好考慮自己扭咗軚盤一圈、兩圈定半圈，咁你會集中唔到精神。

我師傅教我，轉完彎，回軚嘅時候，要望遠啲，因為你會發覺，如果回軚唔夠、或太多，你望嘅直線方向，就唔係條路嘅中間位，咁你就可以自己扭軚調節返啱個位置。

所以，我嗰陣有問師傅，睇人揸車，係會少幅度咁扭上扭下揸，咁做係唔係啱呢？

佢話咁做嘅作用，係keep住調節緊車嘅方向。如果雙手hold住軚盤一個位置，咁就有機會係啲微彎唔夠快作出反應。或者扭得太多。

但佢話有啲人呢個方法唔係好適合，因為扭嘅幅度太大，變到架車好似舞龍咁。所以，初學者都係跟返師傅嘅安排先。

你唔駛擔心啦。

當你熟習咗架車，你就唔會驚㗎啦。
如果你考試都驚，咁⋯揸乜車都唔得㗎啦。

我上年6月尾考。
原本係2月嘅。

因為上年年頭大爆發，所以12月開始學，學到1月頭，就停咗3個幾月，先係4月尾學返。學到6月考。

我都好擔心自己停咗3個月會唔掂。

到臨考當日，師傅叫我再兜多一次圈時，我竟然轉彎上咗壆，從來都未試過。師傅都話我一陣考㗎啦，咁點得㗎。

最後考嘅時候，一開波泊位，打燈時，郁錯咗水撥掣。天朗氣清嘅環境下，開咗水撥⋯⋯當時同阿Sir眼望眼。心諗，仆街啦。收返個水撥。就放鬆咗考埋去。因為預咗要Retake。

最後，雖然有20個細Tick。但最後都係一Take Pass。

所以，連我咁痴線嘅狀態，都冇事。你都唔駛太擔心。最緊要好好感受架車俾乜野反應你。你Feel到架車係俾乜反應你，你就可以相對地俾返啲feedback佢。

睇下行幾多咪、諗緊自己轉幾多圈軚盤，其實係諗得太多啦。好好感受架車俾你嘅感覺先。

我師傅一開波係叫我乜野都唔好望。感覺車速，感覺轉圈嘅幅度就夠㗎啦。

棍波車啦 小巴冇得得閒渣下

我過彎係人過就扭呔
彎大就好啲
夾角彎就睇手速

直呔就真係靠記住扭咗幾多次右

上三波我會覺得好快
真係唔敢想像太多

考車係咪主要考望鏡，過彎，打燈呢啲？

突發情況點處理，平日操車，呢個位唔會有死車，考個下就有

考官叫你cut 一條線過d 慢車

考沙駕遇得好多： 臨入學院門口有死車，好多唔識過佢，停得太接近，好多臨尾香

上面呢d 都係用返平日上堂的技巧，淡定d, 慢慢想清楚就處理到

突發事真係好考自己
如果無啦啦有條友企喺架車前面唔郁
係咪儲定錢retake

你應該一早見到，師父教落望遠d
俾d 信心

但係咪架車停定三秒就會肥？

乜野停定3秒就肥?!

冇聽過呢個講法噃...

考官唔係見到你冇反應三秒就會肥人咩
我都係聽返嚟

咁如果遇到塞車，多過3秒，你唔通想開車?唔得咁0架噃....

ching應該聽D唔聽D
長停冇反應係會肥
不過係肥停定三秒唔拉手制
唔係停定三秒肥

係咪發呆3秒？
如果明明綠燈3秒你都唔行，唔肥你肥邊個

我估係見到啲人彈出嚟嗰三秒？

拉咗手制就冇死？

依家仲未敢行迴旋處
啲車都唔會停定

突發事呢
例如有啊婆推架車出嚟
你又冇得cut 線

我有朋友俾個地盤佬行出馬路搞到肥咗

斑馬線前行人優先，
其他一般都係車優先，
無啦啦唔係斑馬線停係到等係行人路既人過，
你危害到後面啲車咁梗係肥你

咁呢啲情況可以點
唔可以呠佢 又過唔到線