召喚lihkg所有學神/P牌巴絲 (110)

迴旋處啲車係有優先權㗎。你冇得等佢停俾你。

你見到有足夠距離，就要入去㗎啦。

唔好猶豫想出同唔出。決定咗，就要快手快腳令架車行入條啱嘅線。

當然，如果你嘅判斷力錯，即係冇足夠距離，而令迴旋處嘅車避你，你都會肥啦。

唔好彩。冇計，會肥。

如果條友同你有足夠距離嘅話，你可以先望兩邊加後鏡，確保冇車同你好接近，之後儘快但溫柔地減慢車速（通常唔好俾油加少少Brake），務求令到條友同你有足夠距離但又已經過咗馬路。

佢上咗馬路，你就可以加返油，用返之前嘅車速行。

所以，點解話要望遠啲，因為可以睇埋兩邊啲行人。如果冇行人，你咪可以放心咁行，如果有行人，你就要早啲Alert條友會唔會亂嚟。

否則，都只會肥。

所以，考試最驚啲人衝出馬路⋯😮‍💨

總之有情況停車唔係問題
但長停一定要拉手制
唔拉寫包單實比人肥

入迴旋處你係讓人果個喎
點會停定

我考油塘
見到啲車密到痴線
望就望就咁第一個路口轉左嗰條線

所以，考試最驚啲人衝出馬路

呢個係大佬級難

真係好唔公平

迴旋處可唔可以理解為平時小路出大路咁
但真係唔太熟入內圈嘅話要點做


一吓過兩條線好危

你都可以咁理解
總之睇岩時機無車,望左右鏡都ok
直接入內圈就得,唔會危

車速要夠快？
平時都係直路上到2波

入圈唔好太慢la

其實你似乎係冇信心駕馭架車。

你要練到一開車，一波上二波好順。有機會先轉三波。

而一轉二嘅動作，係好自然嘅反應，如果冇信心，而又慢行，你可以用住一波先嘅。否則，你有咁上下速度，仲用一波行，個引擎都轟轟聲，阿Sir係可以tick你用不合適波段行車。

先揸得六堂
嚟緊會補一補

我見真係好空曠先會上二波

有個問題想問
停車讓線嗰陣，有冇必要由二波落返一波

如果條友唔係過馬路
係向住你行呢？

架車行順就轉二波啦
讓線停車你諗住二波起步？

有時都唔知自己記錯定師傅講錯
佢有時又話要入返一波，有時又話唔洗入一波

係咪要睇住個咪錶嚟轉定靠feel

唔使諗咁多
架車停定咗再起步一定係用一波
（考到牌自己揸車就唔同講法）

明白
我仲有1堂 + 補5堂
係咪等師傅安排做啲咩？

我呢兩日都有自己睇吓油塘三條線點行
我諗除咗要自己揸返去考場都大概係點做

點樣停車可以柔順啲冇咁chok

我考忠義，有一個大嘅紅燈位90度彎（忠孝轉佛光）。我師傅同我講，有信心嘅，你可以轉住彎轉波都得㗎。我嗰陣俾師傅練到係自然動作。所以有時都會咁做。

所以係唔係一定空曠情況先轉，又唔一定嘅。轉波一定係講緊個轉速、同速度達到轉波嘅要求。

停車讓線方面，首先，係可以2波停車。所以冇需要特別有2轉1再停。

以下情況可以參考一下：
1. 「停車線」前
一定要停車，加手制、空波。之後重新開車出。就算主線有車冇車都要做。記住開車前要先望左右鏡、後鏡加盲點先開車。
2. 「讓線」前
可以跟「停車線」前嘅做法一樣。每次都手制、空波，重新開車。

如果，主線車唔太多，而時間足以停一停就開車，而自己又熟練架車，可以係讓線前，Brake加Clutch同一時間踩實（即係個Brake鎖死車轆，而個Clutch冇同引擎連接），令架車停咗係讓線前。轉一波。見有足夠時間轉入主線，可以以吊極力子嘅方法，將架車開動。（我就慣咗兩隻腳同時間慢慢提高，即放咗少少Brake加Clutch開始同引擎有接觸。）當架車開始郁嘅時候，就可以同時間慢慢放曬兩隻腳加轉彎入主線。入到主線就俾啲油轉二波行。如果有信心，轉速同速度都有咁上下，可以轉彎時轉埋2波。

但如果咁樣Hold住，等到咁上下，發覺主線啲車開始多，冇信心以咁嘅方法轉彎。咁咪拉返手掣轉空波，重新做返開車動作。


呢個動作，係平時塞車時，時開時停嘅情況下用。師傅話咁做，爽手好多。唔駛下下拉手制，轉空波，再轉一波開車。但當然啦，要基本功練好，而又有信心咁先做。

好大機會肥。

首先，應該唔可以扭軚轉出線外多啲啲，因為咁，會影響隔離線。其次，有人係附近仍然開車，係唔容許。

但如果冇啦啦停車，等佢過咗你架車（大約一個車位）先開返車。阿Sir又可以話你影響後車。

如果觀察到後面冇車，先停，等條友過咗一個車位先開車。希望阿Sir手下留情。唔肥你啦。

但如果遇到咁嘅情況，點都係停車先。等佢過咗你，先開車。但會唔會肥，就要睇阿Sir啦。

一早收慢架車 唔好急剎
臨低定之前放少少逼力

我師傅教一般正常情況唔係踩停架車，
係隻腳印住個剎車，等架車自己停，
咁樣就一啲都唔Chok，
印住迫力道力自己摸索，架架車唔同

正喎，由九龍塘揸去油塘。

我試過一次咋。嗰陣行觀塘道，速度感一流～～最高試過開到68km/h。

我自己係覺得揸快車易控制過揸慢車嘅。

學車可以開咁快？
我嗰時九龍塘去何文田
一過50師傅就叫我收油

我之前就係咁肥

我一轉完個彎就見到個阿婆推住架車離遠行埋嚟
即刻收慢架車再諗點算
諗完一輪覺得點都係死
當有牌咁揸算
於是睇鏡擰頭見冇車就cut過隔離線避咗個阿婆
點知就俾考官話我影響到後車

停車讓線方面，首先，係可以2波停車。所以冇需要特別有2轉1再停。

咁好似搞清楚少少了
我應該停車嗰陣係好自然二波轉一波咁停
不過我係見前面塞/紅燈就咁做
始於印brake 都未算100% 準

（即係個Brake鎖死車轆，而個Clutch冇同引擎連接），令架車停咗係讓線前。轉一波。見有足夠時間轉入主線，可以以吊極力子嘅方法，將架車開動。（我就慣咗兩隻腳同時間慢慢提高，即放咗少少Brake加Clutch開始同引擎有接觸。）

想問你點吊個整力子？
腳踭踩地定會成隻腳提起

我會搵咗個磨擦點先慢慢鬆brake