大約過咗3~4個站個時，就有另一位女生上咗上層坐咗係右面尾三近窗嘅坐位，即係我嘅斜對面，由於係非煩忙嘅時間，所以當時只有我同佢兩位乘客啫。
其實我一路都掛住打機跟本就無理過個位女生，只係佢上車個下我見有人行緊我個方向所以反應咁望咗佢一眼啫，但佢就突然啤咗我一下先坐底，個下我都OO哋嘴，心諗做乜鳩係咪姨媽到燥底呀？不過人地點諗我理唔到喇唯有繼續打機算。
之後，過咗大約6~7個站之後(其間都開始有7~8位乘客上咗車，而我後面個排都已經有人坐咗)，佢突然擰轉身行過嚟話我偷拍佢，個吓我真係O撚咗囉。之後奇妙嘅時刻正式開始，而以下為我同個個女生嘅對話！
=女生 
=本人：「喂，你做乜嘢偷拍我呀，你宜家即刻開咗你部pad係我面前剷咗D相佢呀！」：「吓，我無喎！係你上車個吓望咗你一眼之後，就淨係一直打機咋喎！」：「你唔好講大話啦，我一直用電話同埋車窗反光昅住你一直揸住部pad對住我，一定係係度偷拍我啦，你宜家即刻開咗你部pad係我面前剷咗D相佢呀！」：「吓，既然你話昅咗我好耐，咁做乜你唔一早調位坐前D，架車又無咩人你洗咩昅咁耐攪咁多嘢呀，都痴痴地嘅！」：「你咪理我坐邊啦，我想坐邊係我自由丫，但你偷拍我就唔得既囉，我支持女權係唔應該怕事放過你呢D人，我唔想有其他女仔受害囉！」：「Ok，你講得啱，但我真係無偷拍你囉，你可以問吓坐我後面個位先生丫，我部pad咁大佢一定望到我個mon做緊咩㗎啦！」：「你唔洗再講大話啦，你宜家即刻打開你部pad比我睇丫，你敢唔敢？」：「Ok，無問題，為咗證明我清白要我打開部pad比你睇無問題，但首先你可唔可以態度語氣好D先呢？」：「你呢D變態周街影人大脾裙底，我點解要好聲好氣同你講嘢呀，你宜家即刻開咗你部pad係我面前剷咗D相佢呀，如果唔係我報警㗎啦！」：「放心，我無話唔開，但我只係想叫你好聲好氣D啫，你又未睇我部pad有無影過相，又唔係唔配合你，但你已經當咗我係犯咁審，仲要咁樣大庭廣眾爆我咪，我都會尷尬會嬲會著㗎話！」：「因為我係一直睇住你，肯定你有偷拍過我囉！」：「得，你仲係咁講嘢丫嗎！嗱，宜家成車人做證呀，如果我開咗鎖之後，真係證實到我無影過你嘅話，你要當住成車人面同我道歉同埋大聲幫我澄清返我無影過你，係你屈鳩我囉，得唔得？」：「好呀，驚你有牙，你咪大我，你快D開丫！」之後，我就開咗鎖成部pad隊比佢自己睇，佢又開相機又開相簿最後又睇埋檔案資料夾都無，但又一直唔肯比返部pad我，係到㩒㩒㩒見app就㩒入去睇，攪咗我成半粒鐘，仲要我到站都落唔到車，佢仲要把口係咁話：｢一定有嘅，係唔知收係邊啫！」
聽到佢咁串我都嬲嬲哋駁返佢一句：｢哈，你好嘢，我就工都唔返住陪你玩，你慢慢摷，記住摷唔到就同我道歉呀！｣
跟住佢就繼續係到摷，我就坐係位等佢揾啦，但佢摷摷吓去到巴士差唔多埋站個陣，突然放低部pad係我身邊之後急步走咗落樓下落車囉，但因為事出突然而且我又驚追過去捉佢，佢又會反咬我非禮佢，所以淨係可以睇住佢落車同埋O嘴，咩都做唔到囉！
之後，我後面個男仔係度講：「咁屈人都有嘅，真係好痴線，都唔知係咪工作壓力大掛、哈哈哈哈....」
聽到佢咁講我都試探性問返佢，有無睇到我影佢同埋係咪見到我一直打緊機，佢都有答返我話見到我一直打緊機，但其實個刻我心諗：｢你條杏加橙早D出聲做證人，咪唔洗攪咁撚耐囉，宜家走嚟講有撚用咩！｣
經過呢次我真係好想問吓D港女同女權L：｢我都承認宜家偷拍確實好猖狂，亦好讚成女生要保護自己要出聲，但可唔可以唔好咁敏感，其實可以睇定D先囉，你係驚嘅咪首先行開D，如果佢仲跟住你尾嘅先發佢難囉，同埋唔好未審先判當咗人係犯先，如果佢係打死唔敢開咪報警叫差佬開囉，同埋你有權話人偷拍你，但你發覺攪錯之後同人道返個歉幫人澄清返唔得咩，被你咁攪一攪真係被成車人當變態好唔好受㗎囉，唔該！
同埋你要支持女權係你嘅事，但麻煩你地攪清楚咩係女權嘅概念同形式先囉，唔好你做咗某一種行為或者主動反抗就係女權囉，都要有論據同埋理念去服人㗎囉，唔係人地metoo你跟住metoo就係女權，亦都唔係有咩同男性對立嘅嘢都撻句女權出嚟兇人就自我感覺良好覺得好前衛好有型囉！｣
