長文 有感而發 如果雨宮巴鍾意幫我po上個page到
依段片係改組前全盛時期嘅ゆるっと革命团,係我心目中最完美嘅idol live。
有啲人鍾意暴動型,lift surf成個場緊密咁連埋一齊,有人鍾意劇場型,一班人排排坐,揮penlight,睇表演。而依個場代表著我最鍾意嘅所有嘢:唔多人但唔冷清,大家一齊開心,ヲタ味夠重,但又未去到一大班怪人喺到thundersnake(秋葉原系 )完美咁將call mix帶入首歌到,唔係亂咁黎。
ゆるかく最勁嘅係首首歌都係盛り上,同大部分嘅地下團一樣,歌單好少,但唔會涉啲死人ballad喺中間,而係每一首都係高潮。
而最重要嘅係佢地嘅飯係最熱情亦最有創意嘅,會自創call,手勢,用一啲非公廁嘅mix同口上。超齊嘅振りコピー,最令我感動嘅係佢地又頭笑到落尾,以大家開心為最大目標。
其實我每隔一段時間就會重睇依個時期嘅ゆるかく,只係睇就會令我諗起睇live嘅感覺,喺外國冇咁寂寞。
而家ゆるかく已經改組左,有人去左say la,有人引退,只剩兩個元老同班冇咩idol味嘅靚妹。最重要嘅係一大班飯都跟著走左,味道唔同哂。
其實到最後都係想多啲人認識,唔係隊團,而係大家開心嘅ヲタ文化。同埋希望下年再去睇時,唔好令我失望。
https://m.youtube.com/watch?v=khzEF9Bx8k4
我個人就唔覺得音樂或者偶像應該分太多genre嘅,一嚟其實同"genre"嘅group,band又好idol又好,隊隊分別太大,根本就冇得話鍾意一隊之後聽或者追返啲同類嘅。Sociology都講:intra group difference往往大過inter group difference。(離晒題)
如果要我講我鍾意點樣嘅live,又甚至乎我鍾意點樣嘅音樂,我其實根本無辦法用簡單嘅一啲準則去定義,所以唯有用一啲類比去講。
首先我都幾討厭主流。唔係淨係話主流音樂,而係整個社會文化(尤其香港果種投機功利商業狗西文化);社會嘅主旋律塑造咗每個人嘅價值觀,乜叫好乜叫上進,甚至聽咩歌睇咩media。當然我一個人無辦法脫離呢個漩渦,然而我盡力去嘗試。
同主流文化疏離伴隨著同社會疏離:唔跟社會規則玩嘅話根本就唔會有太多朋友或者女朋友。(唔係話冇嘅,但係同『正常』人做朋友或者拍拖都會好撚痛苦)呢個時候飯IDOL我諗都算係一個寄託嘅,無咩感情負擔而又可以將自己諗嘅嘢不負責任地投射落偶像身上。咁其實會落腳係地下偶像都係好正常嘅,一個地下人,咪飯地下IDOL囉。
但又唔係話地下就係好。只不過地下嘢無咁多包袱可以容納多啲社會可接受範圍外嘅嘢姐。LIVE嚟講我的確比較鍾意激動啲嘅,因為自己做咩,發癲都好都唔會咁礙眼;而且激動嘅LIVE時間過得比較快,可以將自己融入去,換句話講姐係可以忘記自己存在。
或者因為depression或者anxiety,我呢三年一直都好似有啲情緒嘅壓抑要發射出去,所以我睇idol或者聽音樂會感應到一啲同類(好痴線)。又或者一啲容易發洩情緒嘅group我都鍾意。反而一啲閃令令嘅idol,好IDOL味嘅IDOL會令到我水土不服,太耀眼太正能量嘅嘢我唔係太適應,都係有少少缺憾少少污糟嘅啱我多啲。
唔知有無答到你問題,但我睇咩IDOL,鍾意咩IDOL個『準則』大概就係咁。