港鐵前線真係比狗做，唔好再比HR呃入黎做(3)

哦，記起了,包括non traffic hours落track開工果d

Yes ,不過當然落track/掛牌就等返比站長報
但其他普通報站，sof都要做啦

我好似返到站就簽簿book in開工，冇報站有contractor黎整風扇我都係好似relay message俾三柴知，咁算唔算普通報站

應該唔算
要入網上系統同借埋野比佢

慘
無怪我唔適合呢份工原來我未試過普通報站duty

正常都唔係so做啦
So係無個個系統既right

正常so係冇資格幫人報站，因為佢地冇正常上過堂
一間出左錯實比人屌，明明冇資格做咩幫人報站

呢間公司就係咁on9嫁啦

太陽站無二柴㗎，有乜都一柴做，唔係諗住搵啲廢柴做啊

唔緊要啦，反正都無所謂，只需老鼠站啲閪人多就得

你唔做過又點會識？ 唔怪得而咁升咁多垃圾蛇grade，人地EAL同URL不嬲都g grade幫手坐堂

咁多年都未收過

不嬲唔等於合理
呢間公司咪就係太多舊時定落黎既野
老個批覺得老鳳 不嬲咁做嫁喎
其實係一路都唔合理既

唔想升既我覺得唔做都冇所謂，安安份份做個快樂一柴，不過唔好又要跑又想拎45又唔願學唔願做，見得最多呢d怨婦去見升職又吹到自己in得幾好，之後就話自己係唔擦鞋先冇得升，問番d LL表現點，實際就垃圾一舊

大撚把啦，嚟間公司識識埋埋都有幾個係左近

笑撚死
而家派公司logo襟章

世界級！

都唔知請佢哋返嚟做咩

真

喺今個禮拜一場經理級嘅會議上，人力資源總監鄭惠貞被問及幾個關於薪酬架構同表現評核機制嘅問題。鄭女士嘅答覆就好似人肉錄音機，不過本會都有少少嘢想回應吓。

🤔：公司提到要搶人才，考慮到好多同事都係跳槽過政府，會唔會考慮跟政府用薪級表同跳薪制？公司點樣將年資反映喺人工度？

🙎🏻‍♀️：公司喺人才招聘方面嘅競爭對手除咗政府，都仲有好多私人公司包括工程、地產、物業管理公司。哩啲私人公司都係無行跳薪制㗎。重申多次，公司薪酬主要係同表現掛勾。

🤔：可唔可以取消appraisal嘅配額制度。唔知點同同事講：你做得好好，不過sorry只能夠俾3分你。

🙎🏻‍♀️：同事嘅平均表現係應該以標準差呈現。唔會所有同事都攞5分，個個都攞5分的話其實即係佢哋係3分。請各位唔好叫哩個做「配額」，你俾唔到同事4分5分，只係因為你將分數俾咗其他人。

ーーーーーーーーーーーーー
既然鄭女士講到公司咁睇重表現，又點解仍然會去擁護哩個殘破不堪嘅appraisal制度？話表現應該按標準差呈現，其實即係要將同事排名次。十個人入面，排第一嗰個就俾個5，二至四名就俾個4，其餘一律3分。

哩個機制評緊嘅真係表現？就算你部門全部人做得好好，隔籬部門啲人hea到爆，一樣係十個人一個5三個4。唔同站嘅要一齊爭，連唔同職級嘅都係擺埋一齊爭，請問咁樣要點比較表現，比條毛咩？睇返各個評分嘅定義：符合工作要求、高於工作要求、顯著高於工作要求。喺現行「quota制」之下，就算你做得幾好幾盡責，只要唔夠人爭，永遠都係得個3。

再荒謬啲嘅係，配額會跟headcount而變。上年你部門有廿個人，有八個人可以被認定為做得好。今年走咗五個人，就算每位同事要補位做多咗嘢，但就得返六個人係叫做得好㗎咋。

請問個評分嘅定義有無任何參考價值？無。鄭女士其實明唔明大家一直批評appraisal制度啲乜？應該都係唔知道、唔想知、唔想理。就算係既得利益者，經常攞4分5分嘅同事，相信都會同意，appraisal只係一場遊戲。

最後想同大家呼籲，即將會開薪酬會議，我哋亦會喺下星期發放問卷，討論嘅除咗人工仲會包括福利。大家未入會，快啲行動。工會有人數支持，先至會有力量。

FROM 港鐵新動力 Railway Power FB