第一次打遊記，慢慢打，希望唔好爛尾：第一次(主要)起北海道睇雪記

D10 札幌>小樽>札幌

呢一日都係唔多特別，天色都係麻麻：
1. 有啲酒店係無宅急便嘅，book 果時候要小心啦。好彩我趕去下一間酒店搞到，如果唔係咁大個gip都唔知點算，總算趕到個期落東京。

2. 如果鍾意戶外野，行山野，Sapporo Factory 二條館應該會幾好行。成幾層都係 northface montbell 好日山莊之類。

3. 如果唔係好鐘情海鮮飯，放棄三角市場好過，間間排隊排到變化石。

4. 起小樽成個城市條路滑到我跌多過行。見到嘅視線範圍都係咁，差唔多每分鐘都有人跌。不過難得去到小樽雪燈之路嘅日子都花啲時間去下啦。
（宜家睇返可能抽呢日去其他地方好過，可能我都唔係幾岩行城市）







D10完。

D11 札幌>網走>東京


住起札幌站上面，可惜天色麻麻，影唔到張靚相，不過望住火車入站出站都幾過癮嘅。酒店除左有溫泉/浴場之外，仲有個按摩池，即刻引左我去浸。浸完仲有個lounge嘅空間。入面好似有提供來自函館唔記得邊個農場嘅牛奶，北海道嘅牛奶係特別好飲啲。


見仲有張早餐券，亦仲有時間，用埋佢換份早餐先。除左呢款之外，仲有海鮮飯可以選擇。


出面都有自助bar可以攞配菜


呢個就係個一格格嘅menu


去網走，如果搭 JR 要成個早上。。但係搭內陸機都係一個鐘多啲，計埋去機場時間都應該唔使成個早上咁耐，所以就用內陸機去女滿別啦。

札幌丘珠機場距離札幌市中心唔係好遠，大約二三十分鐘車程（札幌市內都多燈口）好細，跑道都唔夠長，所以都係細機為主。除左飛女滿別外，仲有飛函館釧路等。依家都係主要JAL系有航班，ANA系就搬曬去新千歲。


客運大樓一眼望曬。首先要過安檢，原來除左人入禁區（？）要過 X-ray，（除曬厚外套厚鞋攞曬背囊入面嘅液體阿電腦啊...）過 X 光機之外，一開始寄行李果下，果件行李都要過 X-ray。


呢架就係飛去函館嘅。做緊除雪作業。


無登機橋，所以可以近距離同飛機影返張相。



揀左窗口位，原來同個螺旋槳咁近。

飛得唔算好高，所以從窗外都見到好多冰天雪地嘅景色。








國內線，加上得一個鐘都唔夠嘅飛行航程，又係經濟位，當然無飛機餐啦。不過都會有杯野飲。

落機，國內小型機場嘅話，巴士班次都會配合航班，所以買完巴士車飛都差唔多開車落網走啦。聽返原來都有唔少香港人用呢條航線。總括黎講從高空睇下面冰天雪地真係有另外一種感受！

（待續）

札幌住邊間酒店？

札幌JR大廈日航。不過次次我都唔識起站入面去到酒店大堂

去到網走，去完旅客中心問野旅客中心個職員英文好流利，暫時起日本見過最流利嘅英文係佢。


暫時個人去到最北嘅車站，有待努力！

都見到唔少特急車嘅牌。

見到好多人起站入面等緊車攞曬相機，我都用JR Green Pass 入埋去影埋一份先。依家睇返原來呢架就好似係架キハ183。



行過去搭船嘅地方。途中見到網走川，河上面都有啲浮冰。


點解想抽時間黎？因為睇新聞話說氣候變化，有流冰嘅日子都越黎越少啦。既然一場黎到北海道，都當然想睇下啦。本來都想去能取岬，除左搭的士唔知點同司機去講等埋我先走之外，睇資料好似有單車 course 去，不過今次就無時間去。


唔知點解果排第一班嘅破冰船都係話睇唔到流冰。



企起閘板等開船。好寒。船入面都有室內位，同埋有souvenir shop。


唔記得買呢款糖，反而買左藍色果個梳打水。好似仲有藍色個啤酒都好出名嘅。


隔離間好似係關於流冰嘅展覽館嘅主人都出黎同大家打招呼。


一開始見到嘅冰未咁實正。


總算見到實正啲嘅流冰啦！加埋個日落，總算完左呢件事。


都差唔多餘霞，襯埋遠處嘅山都唔錯。




之後就搭返車去返機場，道東都係下次先玩啦。唔知用公共交通係咪都可以玩到。


七點左右登機，九點左右到東京羽田機場。


搭 air do 落東京。呢程搭737（飛機入面係 3+3），又好似係啲週末週日嘅夜晚，所以呢程都幾多人下，坐滿曬成架機。所以買緊手信嘅時候都有人攞曬牌大喊叫人好快啲做安全檢查啦。內陸機，經濟位（不過我記得air do 好似係接近廉航果類？）都係無飛機餐嘅，不過就有杯湯。呢個好飲！佢好似有沖劑賣，不過唔記得買。



再見啦北海道！有緣再黎！
air do 隻熊都得意

今晚住淺草。以為從羽田去就一程鐵，之後可以好近咁返到酒店啦。原來間酒店係起筑波快線果面。入面舊舊地，又壞冷氣，不過咁夜我都係只求有教好訓啦。

不過總算見到 skytree 一路見住一路訓 。

D11 完。

黃昏+流冰好正

好彩見到啊！如果唔係白走網走一趟

想問你帶左乜野機鏡去？

D12都唔多特別，本來想去神奈川，不過天色麻麻，就放棄左。都係起東京入面行下街，同埋參加左 ANA個工場見學 好似啲相要放上網嘅話要寄email 比ANA過目左先，所以我唔貼啦。最後一晚就住品川，貪佢可以一程車去羽田。


住起酒店見到早晨嘅skytree，可惜多雲見唔到日出


果排skytree附近有期間限定嘅裝置


果晚品川，慢慢咁欣賞東京夜景咁訓

上野站好似都有好多cafe咁。呢個trip最後嘅晚餐。

臨訓就打埋佢埋尾啦。

D13 東京>香港

從品川可以一程去羽田或者成田，不過唔同鐵路公司同方向，唔好搞錯。咁早都好多人去羽田。


品川站都有山手線個0km標誌。

有得飛當然選擇飛羽田好過。


回程我就換唔到頭等啦。坐 business。

首先入一入lounge。個lounge 起gate16x左右，而登機口起107左右，距離登機口都有一段距離。而個lounge 嘅裝修都同因航起香港個 pier business lounge差唔多。



早餐時段我就選擇左日式早餐set同雲吞麵食。


呢度有另外兩款特色野飲。都係羽田限定。

一路坐住窗邊啲梳化位，一路睇住航班升降，都幾舒服。


夠鐘登機啦。唔知係咪人手短缺到咁，一上到機連空姐check boarding pass分流下都無埋，見你識得自動波知道自己坐邊就算。 好彩我記得我係要影富士山。


當然都有welcome drink



商務唔同first，係有overhead compartment嘅，不過差唔多你一個人用曬一格咁濟。


起飛無耐，見到富士山啦 ！ 雖然都係有啲多雲，但總好過無啦。

全程機唔知點解覺得啲空姐對待外國客服務好似好過對待香港客咁雖然我就唔會expect太多野，不過從開口埋口聽到啲語氣等等確實係有啲分別。


是日 lunch。頂唔順，除左起 lounge 啪左咖啡之外，都叫佢黎杯茶，同一杯咖啡黎提一提神。當然唔少得 cathay delight 啦！個位都叫可以舒服咁比你躺平幾個鐘。

一落機一出禁區，見到呢個



返返香港繼續做社畜生活啦。十幾日旅程咁就完左，又好似好多野都係尋日發生咁。希望大家鍾意呢個旅程啦，都多謝睇完呢堆野嘅你。總算叫做完左三年前嘅計畫，起冰天雪地玩過雪睇過雪景啦。今次無我想像中咁凍，都可以係之後冬天去外遊嘅一個參考。有命去嘅話，希望六月都飛到一次日本啦！

無爛尾咁完。

因航對外國客好D好似好耐之前都有聽過

iPhone，sony a7r3，鏡就
tamron 17-28
tamron 28-200
tamron 50-400

有時想搵支鏡wide少少，同埋無得反mon向自己自拍，有多餘錢都想入多部

對住班外國客，班空姐簡直係有講有笑跟到貼一貼咁 行過去廁所次次都見佢地理果班客

原來已經完左
樓主去埋網走咁遠

日日返工程車電話打定，所以後期都貼得快
不過其實實際去到旅程後期都有啲倦意，都少野寫啲


啲frd 見到我去網走，話不如去埋釧路嘛
睇睇下人地啲相，有機會都想去

ching 用咩機影

車飛咁都好遮

殘機D750

果度好似有passport號碼資料，同無詳細理解嘅QR code 入面收埋乜資料

*個QR code

樓主特登搭2程飛機 去網走
只係睇個流冰船就走左？？？？
Btw ana jal外國人機票優惠係咪起官網買？
同埋想問你有冇着雪鞋？
你6月去左邊？

好多問題