[足球/穿越]重來一次的足球人生（7）

跟住老魚如願以償踢前鋒

過多二十年之後就到阿名重來一次

阿名要大家都無得踢

重來一次的公墓員人生

轉寫做特首

黃子華魚蛋論

我唔係要你選我入港隊呀, 我要你唔選佢兩個, 咁就公平喇.

俾返兩個朋友我

繼續等新文

突然有事要去日本幾日(追星

又取材

又去

放心我啱先喺機場寫咗啲 應該呢幾日都更新到

等緊你啲藥

說好的一星期一更呢

文呢

而家仲喺日本 今晚機返 最遲聽日會有
唔好意思

以為有live睇 新讀者

Sorry呢排身體問題 更新又疏咗

十五、


比預定結束的時間早了大半個小時。

坐在蕭智堯病床面前的中年男人輕輕點頭，接過他遞上來的試卷，小心翼翼地放到公文袋裡。

「你成績其實唔錯，會唔會考慮考大學？」說話的是蕭智堯的班主任。「雖然我咁問好似有啲蠢，你已經做咗職業球員。」

「大學……」蕭智堯輕抬起頭想了想。「嗯……我都係想做職業球員。」

班主任像是料到般點了點頭，蕭智堯在學校裡也小有名氣，畢竟是個年青的J1球員，還是個成績優異的外國人。

「你係咪真係好鍾意足球？定係你只係……覺得係一個賺錢工具之類？」班主任把公文袋放到地上。「我見過有好多類似你咁嘅後生仔，因為唔鍾意讀書所以將希望同時間寄托喺運動或者係其他嘢上面，但佢哋好大部分都係讀書成績好差，某程度上係喺度逃避緊學業，當然我唔係話讀書先係一個人嘅唯一出路，不過……」

「老師放心，我係經過深思熟慮先有呢個決定，屋企人亦都好支持我。」蕭智堯微笑著點頭道。「而且……我鍾意足球，同錢基本上無任何關係，純粹只係因為我鍾意呢樣運動，同埋我有一班一齊由細踢到大嘅波友。」

「由細踢到大？」班主任笑了笑。「唔好意思，我無惡意，不過確實，蕭同學你畀我嘅感覺係比一般同齡人成熟，可能係因為你細細個就要離開屋企獨自生活？」

「可能呱，哈哈。」

「咁……唔阻你休息啦，考試辛苦晒。」

「老師再見。」

其實本來學校的安排是等蕭智堯出院後才回學校補考的，但他認為出院後自己很可能要花更多時間來恢復狀態及復健等，所以便向學校提出在醫院同時考試的請求。

在住院的這段期間，自己的隊友、對手都在不斷訓練、進步、遇到問題然後解決……一想到這些，蕭智堯便覺得急躁難耐。

“唔知老魚同阿名而家點呢……”

他看向窗外蔚藍而晴朗的天色，彷彿能聽到球場上小孩呼喊的聲音一般。

「點？」

一個戴著禮帽，靜靜地站在場邊的中年男人聞言笑了笑，過了幾秒依然沒有回答，場上讓人有點眼花繚亂的地面配合雖然比以往進步了些，但從他的表情看來，似乎像是在說，沒有什麼值得一看再看的地方。

「可能上嚟一季就降返落去都唔定。」和賀壽一像是大概猜到答案般再說了一句。

「J1我唔係好熟，畀唔到太多意見你，」新妻先生輕輕笑道。「但如果真係要講嘅話，我諗呢度至少有三分一嘅人上到去會適應唔到。」

「呢個答案比我想像中樂觀。」和賀壽一笑道。

「球隊嘅戰術喺一定程度上可以當作遮醜布，但應該半季左右就會被對手適應、摸透，然後開始不斷輸波－不過我諗呢方面你應該熟過我。」

「你覺得櫻井表現點？」和賀將對話拉回符合新妻身份的話題上。

「……」新妻先生看了他一眼。「你係咪想下一季擺蕭智堯做正選？」

「真係咩都暪唔過你法眼。」和賀笑道。

「櫻井望落有啲急躁，」新妻先生續說道。「你有無同佢講過呢個決定？」

「暫時未同班球員講，淨係得班教練知道。」

「佢應該已經感覺到，我諗宮澤都應該係。」

「我無話諗住要暪住佢哋定點，不過喺開季前既然有變數，咁暫時唔好動搖軍心先會比較好。」和賀答道。「但我想聽下你對呢個戰術嘅意見。」

「我覺得……蕭智堯同櫻井未必夾到，呢個你最好要有心理準備。」新妻先生看著櫻井，答道。

「我知。」和賀毫不意外地答道。

「即使係咁你都決定要用佢？」

「當然。」

「果然係你嘅風格。」新妻先生笑道。