[足球/穿越]重來一次的足球人生（7）

「你有無留意到佢傳出嗰腳波之前嘅笑容？」

突然被這麼一問，盧丙碩怔住沒有答話，他甚至不知道姜仲昊在說些什麼，只有他倆的會議室內忽然安靜了下來。

「雖然我哋角度係喺佢側後方，但我留意到佢傳波嗰一刻，露出一個好似……變態殺人犯咁嘅笑容，而以前我從來未見過佢會咁，」姜仲昊一屁股坐在桌子上。「你覺得係……咩一回事？」

「哦，搵到了，」盧丙碩拿起電話，將螢幕轉向姜仲昊，那上面正是一臉狂笑地拉著弓的鄭奎凡。「的確係……幾得人驚。」

「佢喺隊內同其他球員關係點？你有無聽過啲咩？」姜仲昊看了看那屏幕，神色有點擔憂地問道。

「無，佢平時好靜，同班前輩劃界線劃得好清楚，好似淨係同余仁海有少少來往。」盧丙碩答道。

姜仲昊輕輕地點了點頭，這兩個人的共同點不多，一是同為隊內的年青球員，沒什麼地位可言；二是同樣都受過崔石圭的教導。

這兩者交織在一起……會引發什麼嗎？姜仲昊突然有種不好的預感，但是腦海裡的另一股直覺又告訴他，下季應該要重用鄭奎凡與余仁海的這個組合。

……

「未必會踢左翼？」

全北FC的教練郭白燦盤起雙手，洪本滄的說話著實讓他有點難以置信－但這名首席球探的推測與觀察，向來都很具參考性和準確性。

「姜仲昊唔係白痴，我今日算係高調咁嚟睇呢場友誼賽，佢咁快就將余仁海呢個秘密武器擺出嚟，仲要加埋本身都已經好少用嘅技術型進攻中場同佢做配合，你唔覺得係專登做畀我哋睇咩？」洪本滄點著打火機，輕輕地呼了口煙。

「嗯……」郭白燦點了點頭，隨後走到旁邊的白板拿起筆，往右翼位置上用力地畫了個圓圈，卻隨之陷入了數秒的沉默。「但我覺得佢嘅技術特點唔似可以勝任到右翼。」

「如果係奉相慶對住余仁海，唔係出咩特別意外嘅話絕對可以凍結到佢；但車賢奎我就唔敢講，佢個類型偏向技術型，隨時俾余仁海一爆就過。」洪本滄說得毫不遲疑。

「……」郭白燦完全明白他在說什麼般點頭，但他的樣子看起來，似乎是覺得過度在意這個只有十六歲的余仁海沒太大意義，更何況首爾鐵塔也不是他們在聯賽的唯一一支競爭對手。

「……關於余仁海嘅報告大概係咁多，其他嘅都比較顯而易見，如果佢真係照踢左翼嘅話，我有信心奉相慶可以封鎖到佢。」洪本滄也看出了他在想什麼。

「你想講嘅應該唔係淨係得咁多？」郭白燦把筆放下，走到他面前坐下。


「鄭奎凡，」洪本滄輕輕吐出這三個字。「我直覺覺得，佢會係一個比余仁海仲危險嘅人物。」
___________________________________________________

個個都係主角，得蕭唔係

史上最廢主角

仲要啲角色同佢個位撞到啪啪聲

有太多copy 特點嘅角色

條泡菜仔再進化落去，老魚肯定會嫌棄老蕭

文
到時老魚會唔會屌主角無泡菜仔咁勁

老魚條線仲緊湊

慣例嚟

文

樓主去完日本 可以正常出文?

其實呢排發生咗啲事
我狀態非常差 有啲想停更一排
但見大家呢排反應咁熱烈我又唔係咁好意思
所以畀幾日我考慮下先

我都想

想同大家講聲唔好意思 我都係決定停更 暫定兩個月先
發生咩事唔係咁想講 但實在係好影響我情緒
雖然理論上做得連載小說嘅 無論發生咩都唔應該停更斷更
但我狀態真係差到唔係好想掂呢邊住 呢個亦都係我希望保證呢篇小說質素嘅方式

其實我之前講過到年中要停更兩個月 因為有個大型文學比賽想參加 咁呢個比賽我之前都參加過但係輸咗
呢兩年雖然輸咗兩個比賽 應該係連複賽都入唔到 但我嘅夢想同目標都係無變過
今次發生嘅事 啱啱好同我比賽想寫嘅題材有關 所以我先會作出今次決定
肉麻嘅嘢唔再多講 再次停更咁耐時間 喺度同大家講多次唔好意思
希望你哋之後會繼續支持呢篇小說

支持
加油

樓豬加油

有交帶已經好好 不過返黎個時要爆加更

等

保重，希望你返來再寫