我本身拎左佢幾百蚊但係後尾比返佢200蚊，詳情下面再講
首先佢會叫你去訂閱有知名度嘅YouTuber，話係幫佢買流量（我一開始有諗佢地係咪真係買subscriber，之後就諗呢樣嘢係side-track你注意力，等你keep住obey佢嘅order），你完成左之後send返sub左嘅圖比佢就會過一半數俾你，之後direct你去telegram話搵佢地receptionist，拎埋剩低嗰半
去到telegram group嗰陣佢會加你入個group到，個group每日定時定候會send任務出黎叫你完成佢，完成之後搵返receptionist拎錢。有d任務係需要你去佢個假crypto 交易所website到做佢要你做嘅嘢，先會有bonus，例如佢叫你過數200比佢（係，我就係呢到比最低門檻嘅200蚊比佢睇下咩料），之後叫你買入/賣出，無論點你都會賺錢（因為你個P/L係佢set比你嘅），再之後佢會叫你出金，但係出金嗰到要比名同銀行戶口，我唔想出賣個人資料所以最尾冇出。
最後就係你唔出金，你就冇得返轉頭繼續做任務搵錢。成件事去到呢到就告一段落。我係繼續試落去嗰陣有上網搵呢d係咩騙案，但係其實好難搵到，不過最後都比我搵到個比較相似嘅，呢類相似嘅騙案一年前係東張西望已經有報導過，不過今次嘅手法唔同左，用crypto黎做包裝。
我本身都有諗過佢點解要咁做，原意係咩？如果唔係騙案，咁可以有咩目的？而我諗到嘅其中一個就係用黎洗黑錢，透過營造同唔同人有transaction黎扮有正當交易嘅帳戶，避開監管部門。而我諗到呢到嗰陣我都即刻收手唔再做，諗住比返200蚊佢去尋找個真相出黎。
我開頭有上連登搵過但係搵唔到，所以決定自己post返成個歷程出黎比大家了解。有諗過加密，但係加密嘅話search engine應該唔會搵到呢個post同我個回覆
如果有記者朋友或者YouTuber想拎黎做故事嘅，麻煩比返個credit我
最後最後，希望銀行唔好ban我account
[///member]
？個post有咩問題？
