女友叫我移民加拿大去唔去好？

簡單交代背景：

女友由出細到大學都喺加拿大成長，之後同佢爸爸返咗香港，佢爸爸開珠寶廠，女友就喺銀行做金融，做咗幾年之後點知佢爸爸中風死咗留筆錢畀佢，女友覺得香港節奏太快同做金融跑數好大壓力，依家有咗筆錢諗住辭職返加拿大定居，問我一唔一齊返去。。。

我就自己開間小公司一年大約揾600k-700k,業主好好人，我租咗6年都係象徵式加咗$1000租，而且喺疫情嚴重嘅時候都會減半租，所以啱啱約滿續租用咗100k輕輕裝修過，業主見我幫佢裝修完就話租約可以續三年，第一年死約，第二同第三年我可以隨時走，但業主唔會要求我搬走（約入面寫明），依家女友叫我移民去加拿大，我人生路不熟有啲淆。。。

移民，難得有機會去闖下，過去幾年攞居留都好，真係唔慣先返香港

唔移民，叫女友留喺香港陪我

你移過加拿大，盤生意點先

你不如叫條女同你一齊做生意試一年先啦

啱啱先續租又裝修咗，我諗雖然同業主有得傾退租，但覺得好嘥

佢幫唔到咩手，我有叫佢揾啲輕鬆啲嘅工做住先，俾一年時間大家諗清楚走唔走

響你度做下文職養住佢先，再用一年諗清楚

做夠3年先走？

佢嚟我度最多幫手收下錢，但我覺得好浪費佢嘅才能

同你講落去都曬氣

唔好理你女友有冇筆錢定點啦，一句講晒你想唔想移先

呢個都ok, 當大家計劃下移民囉，住得一年你自己覺得回本未不過有時移民就要狠心放棄1 d嘢，呢100k你真係睇得咁重定你根本唔想移

我諗住喺呢一年死約大家諗清楚先

有考慮，都唔洗諗，分手，你有你賺錢，佢有佢翻加拿大

加拿大搵得返一年600-700k
一盤上左軌道嘅生意仔？

唔想移好正常丫

其實都想，但真係人生路不熟，到時去到乜都靠佢，如果佢飛起我真係有啲淆

佢有加拿大護照
唔洗咁急啦

加拿大 唔係一個比樓主闖嘅地方
係一個退休地方

入左藉落美國就真係闖

到最後跟左其中一個人既決定，未必幸福，另一方一定會成日覺得自己放棄左太多野，為左對方點點點，最終都會分開

話唔定佢爸爸去咗想返加拿大散下心，有傾過呢個問題，但佢話真係想返加拿唔返香港，覺得香港唔適合佢

呢個先係問題癥結囉，你自己其實唔想移。自己做下功課先啦。最簡單移民過去第一樣嘢自己有冇收入/錢，有嘅驚閪咩，邊度都生存到，大把囡

有護照請問急d 乜

我都有諗過如果去到分開，我一個人返香港由0開始我就諗到瞓唔著