[勿認真][勿對號入座]MK學院

十六.
兩條鐵鍊不斷碰撞，兩個人打得難分難解，直到…
「噹！」
兩條鐵鍊圍住大家轉咗幾廿個圈咁纏埋一齊，原本嘅比武大賽瞬間變成咗拔河大賽。
黃祥喺原位頂咗兩秒，但之後就因為唔夠蘇乞兒大力而比佢慢慢咁拉過去。
首先要讚下佢兩個條鍊都好硬淨，其次就係兩個都好講武德，因為黃祥其實只要鬆手就會令蘇乞兒直接失平衡向後扑。
黃祥比蘇乞兒拉到去佢面前，蘇乞兒鬆手踎低一腳掃埋去。
黃祥比人掃低咗之後想起身，但已經比蘇乞兒踩住咗心口，郁都郁唔到。
隨住巧大倒數完十聲，蘇乞兒得到最後嘅勝利。
蘇乞兒鬆腳，然後伸出右手想拉黃祥起身。
可惜黃祥唔領情，一嘢拍開咗佢隻手。
黃祥雙手撐住地下咁想自己起身，但無奈啱啱同蘇乞兒鬥完力，而家對手軟奶奶。
蘇乞兒再一次伸出右手，黃祥雖然一臉嫌棄，但都係捉住咗佢隻手。
蘇乞兒用力捉住佢隻手，然後…
反手扭轉佢隻手，之後再用左手向佢嘅關節位手刃落去。
「咔！」
「啊！」
蘇乞兒鬆手，黃祥撳住被手刃嘅位置攤咗喺地下。
台上嘅巧大見到呢一幕都冇譴責蘇乞兒，反而仲拍咗下手。
「點解？」黃祥問。
比賽唔係完咗架喇咩？
「你出嚟行架，唔好傻到將你嘅敵人當係朋友啦。」蘇乞兒冷笑一聲。
佢由講武德嘅練武之人瞬間變返做奸詐嘅爛仔。
「防人之心不可無。」巧大附和。
黃祥因為哽唔落呢啖氣所以用左手出拳反擊，但就比蘇乞兒一腳踢開。
黃祥面朝地下咁仆低，而蘇乞兒就起腳踩住佢背脊。
蘇乞兒嘆咗啖氣：「報仇唔係個人嬲就得架，下次養好傷、班好馬先嚟搵我啦。」
十七.
第一位贏家嘅出爐令大家知道咗呢個比賽講緊嘅唔止係你打唔打得，更重要嘅係你有幾下流。
各路英雄都各出奇招，身上面嘅所有飾物都即刻變曬做武器。
戴喺手上面嘅戒指就直接變咗做指虎，而冇戒指嘅就除啲耳環落嚟夾喺手指之間吉人。
條褲或者條頸有鍊嘅就除落嚟揈，而冇鍊嘅就除皮帶當鞭用。
好彩係男女分開，如果唔係拎住條皮帶追住異性呢個畫面都幾有AV feel。
仲有啲係身上面完全冇以上嘅飾物但又唔想赤手空拳，於是就直接拎咗一定會帶出街嘅火機出嚟燒鳩人或者進場之後擸凳車鳩人。
原本嘅比武大賽喺第一場之後就變咗做可以帶武器嘅MMA，但巧大完全無諗過要阻止，因為爛仔交從來都係「有槍就用槍，無槍就擸刀，無刀就擸嘢，咩都冇先赤手」，有嘢都唔擸而用手嘅唔係有武德，而係戇鳩。

…
..
.
經過一段時間，呢個環節終於迎嚟最後一場對戰。
「最後一場對戰嘅人係…」巧大學啲評述咁拉長個尾音：「火龍果同偉仔！」
講完，一男一女就行咗入圈。
「喂，你睇我唔起啊？」偉仔坐低：「我唔打女人架。」
咁你想點啊？
「你哋係最後兩個，唔想打可以投降。」巧大回應。
得返一個，你唔想打都要打。
「OK Fine。」偉仔起身拉咗下筋：「小心啲喎。」
佢喺到Show手臂，但佢隻手臂幼到成枝牙籤咁。
講真嗰句…有少少柒。
「你…你都小心啲啊！」火龍果把聲震過震蛋。
雖然呢句嘢嘅攻擊力係零，但佢把聲真係…
好撚得意啊！
「準備！」
「開始！」
偉仔即刻向前衝，而火龍果就郁都唔郁咁企喺原地。
你搞咩啊傻妹？

十八.
喺偉仔嚟到佢面前準備出拳嘅時候…
「汪！」火龍果扮狗吠咗聲。
你到底搞緊乜鳩…？
偉仔比佢突如其來嘅狗吠搞到呆咗，而拳頭都喺半空停低咗。
火龍果喺佢仲疑惑緊嗰陣喺唔知邊到擸咗把膠間尺出嚟，之後就一嘢打咗落佢春袋到。
間尺完美咁擊中曬兩粒蛋，我可以聽到清脆嘅碎蛋聲。
偉仔撳住下面退後咗幾步，而火龍果就繼續扮狗吠。
雖然呢個畫面好奇怪，但不得不說火龍果真係扮得幾似。
偉仔調整好狀態之後再一次發起進攻，然後…
「啐！」
火龍果向佢吐咗啖痰，而佢都再一次比火龍果搞到呆咗咁企喺到。
火龍果喺佢呆滯嘅呢零點幾秒已經對佢使出咗抱頭膝撞，佢下面嗰袋弱點不斷咁比火龍果用膝頭撞擊。
偉仔嘅慘叫聲由細聲變大聲，之後就慢慢咁變得虛弱。
火龍果不斷咁重覆撞落佢嗰袋弱點到，直到完全冇力舉起隻腳先放開佢。
偉仔撳住下面咁跌落地下，可以見到佢條褲已經染滿曬血。
巧大開始倒數，而火龍果就拎咗張凳過嚟坐喺偉仔身邊：「唔係好串嘅咩？唔係睇我唔起架咩？」
呢個賽後侮辱，我鍾意。
「對唔住，係我錯。」偉仔揦埋口面。
你呢個男人真係冇撚用。
「咁你快啲投降啦！」
講完，火龍果就拎起張凳用凳腳鑽落佢下面。
佢好倔強咁唔講投降，而火龍果就越鑽越大力。
「五！」
火龍果擺好張凳，將凳腳對準佢下面。
「二！」
喺火龍果準備一嘢坐落去嘅時候…
「我投降！」
佢連最後嘅尊嚴都捨棄埋，但話曬佢下面個兄弟再受埋呢次攻擊應該冇得救，所以都理解嘅。
十九.
第三個環節嘅十五名勝出者已經出爐，以下為名單。
1.蘇乞兒
2.AK
3.狼王
4.野狼(狼王的弟弟)
5.葉問
6.大力鼠
7.魔術師
8.九紋龍
9.蜘蛛
10.館長
11.玫瑰
12.四葉草(玫瑰的妹妹)
13.鐵娘子
14.子彈姐
15.火龍果
「最後一位勝出者已經出爐，大家可以返去啦，被取錄嘅人記得開學日係九月一號。」
台下嘅人逐漸離開，而凱婷都喺呢個時候返咗嚟。
巧大嚟到台邊坐低，而凱婷都坐咗喺佢隔離。
「食枝煙先啦。」凱婷遞咗枝煙比巧大。
巧大接過煙之後就擺落嘴到點著：「做咩去咁耐啊？」
買包煙要買咁耐架咩？
「冇啊，啱啱有個幾靚仔嘅撩我上房，同佢嚟咗幾Q咋嘛。」凱婷舔曬脷：「佢條嘢真係好大。」
有冇大到要賽後回想咁勁啊？
「你條友真係…」巧大苦笑：「我遲早扣你人工。」
工作時間偷走出去搞嘢，抵你比人扣。
「喂啊！」凱婷踢咗佢一腳：「收曬人未啊？」
你走咗咁耐，咩都搞掂曬啦。
「收曬喇，四十六個啊嘛。」
三個環節加埋四十五個，仲有一個係特別收嘅飛龍仔。
「咁你搵到人未啊？」
搵咩人？
巧大沉默咗一陣，之後嘆咗啖氣：「未啊。」
「會唔係你要求太高啊？」
係囉，要求太高好難搵到架。
「呢個要求唔可以改，一丁點都唔可以。」巧大好嚴厲咁講。
咁有原則都係好事嚟既。
「你話事啦，不過你遲早都一定要搵到。」凱婷有啲無奈。
總之一定要搵到。
巧大苦笑：「知喇。」
「咁我去搞埋啲手尾先？」
「好啊，咁我哋開學見啦。」
講完，巧大就離開咗MK學院，而凱婷就去搵人執返個場同埋處理啲文件。

二十(巧大)
一眨眼就嚟到九月一號，我都係時候返去。
…
..
.
我一行入去就見到飯堂入面坐滿曬學生，而凱婷亦都一早坐咗喺到等我。
我嚟到佢對面坐低：「分咗班未？」
我都係循例問下啫，因為我知你一早分好咗。
「分好咗喇，名都點埋。」
果然係我嘅好助手。
「齊唔齊人？」
希望齊。
「到齊啊。」
咁就好。
「可唔可以報告下每班有幾多人？」
睇下你分成點。
「F班同D&DP班有十五個，跟住M班有十六個。」
都幾平均，係M班多咗個。
「M班多咗出嚟嗰個係邊個？」
四十六個人分三班係分唔勻。
「飛龍仔。」
點解係佢？
「你覺得佢啱？」
我冇咩諗法。
「我覺得佢啱M班。」
你覺得啱就得啦。
「你返上去休息下先啦，我出去講幾句。」
你都忙咗好耐喇，係時候唞下。
「好啦，張分班表黐咗喺壁報板架喇。」
講完，佢就轉身離開飯堂。
我喺音響櫃到拎咗枝咪出嚟，之後就行咗去操場。
我行上可移動嘅講台：「大家請嚟操場集隊。」
我都係循例講下啫，因為我知佢哋唔會理我。
但佢哋唔理我…
咁先好啊！
做MK仔女做到咁聽話，不如唔好做。
「大家可以去壁報板睇下自己係邊班，之後就去返你嗰班嘅班房。」
講完，佢哋就即刻起身衝去睇分班表。
佢哋睇完分班表之後就上曬去，得返我喺操場。
「我都係時候帶啲老師上去喇。」我喺到自言自語。
講完，我都收返好枝咪離開操場。
我嚟到教員室門口：「毒龍、武痴同揸Fit人出嚟啊唔該！」
佢哋聽到之後就行咗出嚟。
左邊呢個著住白色背心加短褲、戴住防毒面罩嘅呢位大隻佬就係毒龍。
「又係新一年喇。」毒龍拉低防毒面罩。
中間呢個著Adidas運動套裝仲戴埋頭巾嘅就係武痴。
「又係時候教人打交喇。」佢打咗兩下空氣。
右邊呢個著西裝仲打埋呔嘅就係揸Fit人。
「希望今年嗰班生生性性啦。」揸Fit人整咗整條呔。

二十一.(巧大)
我同佢哋傾咗陣鳩嘢之後就返咗校長室，而佢哋都上返去各自嘅班房教書。
我喺校長室執咗下嘢、食咗枝煙之後就上去逐個班房視察。
首先嚟到嘅係D&DP班嘅班房，呢個班房有一張個邊可以坐到十六個人嘅長枱，而枱上面就擺滿曬細細個嘅包裝袋、煙絲、一包包嘅大麻花同埋大麻。
學生戴住防毒面罩咁坐曬喺枱嘅兩邊，而毒龍就坐咗喺最入面嘅主席位。
我行到嚟毒龍身邊：「又係由拆嘢開始教啊？」
「係啊。」毒龍拎起一包大麻同一個包裝袋：「我準備示範喇，大家望過嚟。」
全部人都望住毒龍，而毒龍都開始咗佢嘅示範。
佢拎咗個電子磅過嚟：「我假設今次個客要八g。」
講完，佢就用夾夾咗六g嘅大麻落個磅到，然後再夾兩g嘅煙絲去。
呢個時候有人舉手，毒龍即刻停低手上面嘅動作：「咩事啊同學？」
望過去，原來係淼姐。
「點解個客要八g，但係你淨係比六g佢嘅？」淼姐問。
「你係咪戇鳩？」毒龍回應：「個個都呃磅架啦，淨係呃兩g算好人架喇！」
「好。」
「咁我繼續喇。」毒龍用夾將啲嘢放入包裝袋：「放完入去之就撳走曬入面啲氣，之後封埋口就搞掂。」
「我想問點送出去？」帆船仔問：「我哋親自出去？」
「少年你真係太年輕喇。」毒龍嘆咗啖氣：「去出面搵車手架嘛傻仔。」
我決定開聲補充：「要喺條街到行嚟行去咁危險就梗係搵班柒碌做啦。」
「咁我哋做咩要戴防毒面罩嘅？」莉莉問。
你班友第一日上堂真係特別多嘢問。
「你班撚樣聞撚住會唔想隊咩？」我嘆咗啖氣：「你自己隊咗，咁我哋賣咩啊？」
毒龍見我講到有啲忟就拍咗拍我膊頭：「你行先啦，我慢慢教佢哋。」
二十二.(巧大)
我離開咗D&DP班嘅班房之後就嚟到F班嘅課室，亦即係學院嘅禮堂。
學生喺曬中間一對一咁練緊，而武痴就挨住個台食煙。
我兜側邊行到嚟佢隔離：「教緊咩啊？」
「你見我咁得閒，就知我睇緊佢哋本身會點打。」武痴彈走個煙頭。
都啱，要因材施教架嘛。
「咁你覺得今年嗰啲點啊？」
你係老師，所以你嘅睇法最緊要。
「都係咁上下啦，不過我好好奇一樣嘢。」佢指住火龍果：「佢點解會係F班？」
女仔唔可以識打交架咩？
「佢真係打贏咗架。」
佢唔止打贏，仲差啲打到人斷後。
「撞彩架咋嘛？」武痴有啲懷疑。
都唔係好彩。
「佢打到條友瞓喺地下算唔算係撞彩？」我一諗起嗰個畫面就打曬冷震。
啲血由下面流到落腳，真係諗起都痛。
「但係佢好似唔識打咁款。」武痴搲咗搲下巴。
會唔會係佢唔想打傷人？
「你過去同佢講話唔洗留手可能會好啲。」
佢應該係唔想出手啫。
「會唔會啊？」武痴都係好懷疑。
我覺得會。
我搭住佢膊頭：「行啦。」
講完，我就同佢一齊嚟到火龍果後面。
「停一停先。」武痴行上去Stop咗火龍果：「你試下唔好留手。」
火龍果聽到之後皺曬眉：「認真咩？」
武痴好堅定咁扤咗扤頭，之後就行返嚟我身邊：「開始！」
火龍果扮狗吠咗聲，之後就擸咗把間尺出嚟。
野狼比佢搞到呆咗喺到，而火龍果就用把間尺一嘢打咗落佢個袋到。
野狼即刻痛到用雙手撳住下面，而火龍果就衝上去準備用膝頭撞擊。
「夠喇！」武痴見唔對路就即刻衝咗上去隔開兩個人：「火龍果你行去巧大嗰邊先。」
火龍果「哦」咗聲就行咗嚟我身邊。

二十三.
「到底你呢套咩拳嚟架？」我問佢。
雖然冇咩武德，但好屈機。
「好似叫癲狗拳，我都係上網睇片學架咋。」佢苦笑：「我唔識打交架，都係亂咁架咋。」
我唔知你係咪真係亂咁嚟，我淨係知你一出手就碎蛋。
武痴關心完野狼之後就行咗過嚟：「你係咪學過癲狗拳？」
火龍果扤咗扤頭：「係啊。」
你條友睇片學都差啲打到人斷後，真係拜師學嘅話真係變人肉閹割機都似，直頭係「但凡走過，寸Jer不留」嘅程度。
「你唔早講？」武痴彈咗下佢額頭：「睇你條友都唔識留手架喇。」
我相信佢冇留手呢個概念，一打就要打到人斷後。
「咁點算啊？我係咪要轉班啊？」火龍果問。
我都唔知啊。
武痴望住我：「我就唔想你轉架喇，不過要睇下巧大點諗。」
我係院長，你睇我頭都啱嘅。
「睇你有冇第二個方法比佢練囉，冇先轉班啦。」我答佢。
佢咁勁，無理由埋沒佢天份啩。
「咁我帶佢去打沙包啦。」
講完，武痴就諗住搭隻手落火龍果個膊頭到帶佢走，而火龍果…
一嘢用膝頭撞落武痴下面。
「我屌！」
武痴痛到撳到下面跪低，但我忍唔住笑咗出聲。
「我知你好痛，但真係好好笑。」我努力忍笑。
我都唔想架。
「對唔住啊，反射動作嚟。」火龍果鞠躬道歉。
佢唔掂架喇。
「等我帶你出去等啦。」
講完，我就諗住搭隻手落去火龍果個膊頭到帶佢走。
等陣…
「啊！」
一切都嚟得太遲。
佢個膝頭已經撞咗落我下面，而我嘅反應同武痴一樣。
「笑我啊嗱！」武痴恥笑我。
同是天涯淪落人。
「笑咩啫，你都比佢踢咗嘢啦！」我死淨把口。
企喺我哋中間火龍果露出尷尬而不失禮貌嘅笑容：「咁我而家要去邊？」
二十四.
「你出去坐低等陣先。」我同佢講。
「哦，好啦。」
佢講完就行咗出去，而我同武痴就繼續跪喺地下。
可能因為武痴係習武之人，所以佢恢復得快過我。
佢雖然企唔直，但至少都企返起身。
「好廢啊巧大！」佢彎曬腰。
我屌你啦！
「快啲過嚟扶我啦！」我舉中指。
無良心架你。
「知喇，幫緊你喇。」
佢講完就行咗過嚟。
佢伸出右手：「起身啦。」
我捉住佢隻手，用盡全力先企到返起身。
「帶我出去坐低得喇。」
佢扶咗我去火龍果隔離坐低，而佢就帶火龍果走。
「真係痛撚到呢。」我喺到自言自語。
…
..
.
我坐加瞓咗陣之後終於冇咁痛，所以都係時候上去睇下M班搞緊咩。
我用咗一段時間先行到上去M班嘅班房，啱啱開門就見到飛龍仔企咗喺黑板前面講緊嘢，而揸Fit人就坐咗喺教師枱。
揸Fit人見我行入嚟就叫停咗飛龍仔，而飛龍仔都好配合咁收咗聲。
「你好啊巧大。」飛龍仔禮貌咁同我打招呼。
果然識做戲。
「你好啊。」我向佢點頭示好。
我打完招呼就嚟到揸Fit人隔離：「搞緊咩啊？」
應該都係同以前一樣。
「冇啊，都係叫佢哋出嚟講下嘢之後選班長咋嘛。」揸Fit人拎咗枝煙出嚟：「坐低食枝煙先啦。」
我接過枝煙，點著之後就直接坐咗上枱：「聽下飛龍仔講咩囉。」
「可以開始喇。」
飛龍仔繼續講，而佢講嘅嘢基本上同啲人去參選政府官員會講嘅嘢一樣。
爭取啲咩福利、有咩睇法同埋點解要投佢之類。
話就話要有Point，不過事實就係睇邊個包裝得好、講得好。
一個係靚仔加講嘢好聽但事實上做唔到，而另一個就係柒頭加講得唔係好好聽但全部做到。
大部分人都會揀前者，因為至少聽落正啊嘛。

今期想推IG
https://www.instagram.com/pan.dragon.0221/

二十五.
揸Fit人喺所有人都發表完競選宣言之後就宣佈投票階段開始，而我就繼續坐喺隔離做花生友。

揸Fit人將紙同筆派比每一個人，之後就拎咗個白色箱出嚟擺喺教師枱上面：「直接寫佢個名，寫完就放落個箱到。」

揸Fit人講完，學生們就開始喺紙上面寫字。

白色箱唔洗好耐就塞滿曬紙，唔知點解我覺得呢個過程比想像中快。

揸Fit人企起身：「投撚曬架喇嘛？」

冇人出聲，即係投撚曬。

揸Fit人打開白色箱：「巧大你幫唔幫手點票。」

梗係得啦。

「嚟啦，我不嬲都好撚得閒。」

講完，佢就將啲票倒曬出嚟。

我開咗一張嚟睇，係飛龍仔。

第二張，都係飛龍仔。

「揸Fit佬，直接攤開曬嚟睇啊。」我喺佢耳邊細聲講。

佢將啲票攤開曬，上面全部都係寫住飛龍仔。

「點撚樣搞啊巧大？」揸Fit人望住我。

全部人都投同一個人，咩情況？

「我去問下先。」我指住飛龍仔：「你條撚樣同我出去傾兩句。」

睇得出佢唔係好情願，但都係行咗出去。

我行出去：「點解會咁？」

應該係話你點做到。

「買票囉。」

鬼唔知咩。

「以前啲買票都買唔撚曬全部人。」

從來冇人可以買曬所有人，因為總有啲撚樣唔忿氣。

「因為佢哋唔夠錢。」

你講得出呢句，即係你都洗咗好多下。

「你洗咗幾多？」

比我見識下。

佢冇開聲，淨係舉起咗一隻手指。

「十皮？」

擰頭。

「一球？」

擰頭。

「一叉？」

佢皺眉：「多少少。」

痴撚線架？

「一億？」

佢一嘢搭住我膊頭：「啱喇。」

你係咪傻架？

「你應該知M班大佬呢個名出到去都只係小薯仔。」

無必要。

「我知。」佢拎咗包煙出嚟：「但我想行出第一大步。」

講完，佢遞咗枝煙比我。

TLDR

感激

名單可Skip
純粹List啲名出嚟

二十六.
「食枝煙先啦。」

我接過煙：「望到咁撚高就唔好叫飛龍仔啦。」

大佬個名有個仔字唔撚掂喎。

「咁啊…」佢諗咗陣：「地龍皇。」

地下嘅龍皇，我鍾意。

「咁先啱架嘛。」

至少唔好柒先啦。

「你可唔可以同外面啲人介紹下我？」

你想我推你上位啊嘛，我知啊。

「完咗呢一個學年先啦撚樣。」我嚴肅咁講：「我有責任保護你班粉腸，所以我喺你哋畢業之前唔會比外人知咁撚多。」

所有喺到發生嘅嘢，就要喺到散。

佢嘆氣：「OK fine，咁我自己出去闖。」

你話點就點啦。

「我唔撚會阻止你，但就算你喺出面比人追斬我都唔撚會保你。」

我唔會插手學院以外嘅事。

「我知，不過我唔驚。」

你淨係賄賂班友都用咗成億，所以除咗我應該仲有其他人照你。

「我想知你係咩人？」

我想知係邊個照你，因為你呢個年紀就算炒Bitcoin都冇可能搵到咁多。

「我…」佢苦笑一聲：「你唔需要知。」

你唔講我都唔會逼你，因為我知嚟到呢到嘅人都有好多講唔出口嘅過去。

「加油。」

我都唔知同你講咩好。

上一次見佢，佢著住襯衫西褲。

今次見佢，佢著住黑老西仲打埋呔。

我睇得出佢唔係想做一個普通嘅MK仔，而係想做最大嗰個。

佢彈走煙頭：「行先喇。」

講完，佢就行咗去門口。

喺佢準備推門入去嘅時候，我嗌停咗佢：「唔好後悔。」

呢條路唔易行。

佢苦笑一聲：「我冇得揀。」

睇嚟你同我一樣。

「或者你有得揀呢。」

但我相信你仲有得揀。

「我都想。」

講完，佢就行咗入去。

我終於睇曬三班嘅情況，所以都係時候去做正事。

我嚟到會議室，一個白髮齊眉嘅啊伯一早已經喺到等緊我。

二十七.
「好耐冇見喇巧大。」佢向我打招呼。

我嚟到佢對面坐低：「係啊，都有一排冇見你喇龍叔。」

因為佢行動不便嘅關係，我哋應該都有三、四個月冇見。

有時就算佢想嚟我都唔想佢行，但我又冇時間搭過去搵佢。

搭過去搵佢冇你哋想像中咁簡單，因為佢同啲古代詩人一鳩樣。

佢住喺香港嘅離島，但唔係長洲或者坪洲呢啲，而係一個講咗你都未必識嘅島。

好聽啲就叫住得遠，難聽啲就叫住咗喺荒山野嶺。

「唔好叫龍叔喇，叫龍伯啦。」佢嘆咗啖氣：「啱啱擺完六十大壽，要轉口啦。」

前排成班人一齊入去同佢擺完六十大壽，雖然就咁用咗一日，但佢開心就得啦。

「咩龍伯啊？呢到香港嚟架。」

記唔記得羅局長講過咩？

「知喇，如果人可以活到百二歲，咁六十歲先啱啱踏入中年啊嘛。」佢苦笑：「不過我呢個雙手染曬血嘅老煙槍去到六十歲都應該差唔多要走架喇。」

咁又唔好咁講。

「邊有咁易得你死啊？」我嘆氣：「我哋呢啲預咗臨老就病夠幾千晚架喇。」

病到好辛苦但又死唔去先係真正可怕嘅事。

「所以我冇諗住醫。」

醫？你有病咩？

「你身體出咗事咩？」

冇聽你講過嘅。

「第四期肺癌。」佢苦笑：「唔好講呢啲傷心嘢先啦。」

講完，佢就將個手柄抆出嚟，喺柺杖裡面拎咗張紙出嚟擺喺枱面。

我拎起張紙嚟睇：「應該都冇變架啦？」

呢份約應該冇咩要改。

「你自己睇啦。」佢指住自己個頭：「我鬼記得咩。」

都係嘅，年紀大咗邊有咁好記性。

嚟到最底，我終於見到有咩唔同咗。

以往我哋都係對半分，但而家竟然變咗⋯

「扣除成本後所有收益歸MK學院所有。」

二十八.
「你一蚊都唔要？」我問佢。

雖然你都有拎返個成本。

「唔洗喇。」佢嘆咗啖氣：「我都就死啦。」

咁唔關事架。

「都要留錢比社團架。」

你唔食咋嘛，你下面嗰啲都要食架。

「社咩團啊？」佢微笑：「我一早當咗MK學院嘅人係親生仔。」

我哋呢啲小薯仔嚟架咋。

「你突然間比咁多錢我都唔知點用。」

講真，無啦啦多咗一個Doub都唔知拎嚟做咩好。

「我相信你知點用。」

定係…

「你想將MK學院變做…」

我唔希望係咁。

佢打斷我：「唔係啊。」

咁係想？

「我知你咩人，但都唔洗去到呢個程度啊嘛？」

我知你係講義氣嘅人，但都唔洗義氣蓋天啊嘛？

「人之將死，其言也善。」佢裝返好個手柄：「我都係唔想佢哋…」

我明你心意。

我打斷佢：「咁你肯定喇嘛？」

佢扤咗扤頭，而我都拎枝筆出嚟簽名。

我將張合約收好：「咁嚟緊一年…」

我同佢握咗握手：「合作愉快。」

凱婷喺呢個時候行咗入嚟，我估佢係見到開咗燈所以入嚟睇下。

「做咩啊凱婷？」我拉開身邊嘅凳：「坐低先啦。」

凱婷先喺門口向龍伯鞠咗個躬，之後先行過嚟做低。

「你哋傾成點啊？」凱婷向龍伯點頭示好：「早晨啊龍叔。」

你條友真係衰。

見到龍伯就鞠躬加扤頭，對住我就淨係識要錢買煙。

「你過嚟做咩啊？」我問佢。

正所謂「凱婷自辦公室來，非奸即盜」，所以我估你唔係真係過嚟睇我傾成點。

「係咁嘅…」佢伸出雙手：「我想問你攞錢買煙。」

我屌啊！

「你今朝唔係開咗一包咩？」我諗咗諗：「你唔係…」

拎曬去開心Share啊嘛？

「係，我派曬比人。」凱婷唔夠膽直視我。

你真係仆街嚟，周街派我啲銀紙。

「龍伯你話點算好？」我向龍伯打咗個眼色。

我就唔比架喇。

龍伯喺褲袋摷咗幾張廿蚊出嚟：「拎去啦。」

凱婷拎走啲錢之後即刻笑到好似啪咗滴滴咁，唔講仲以為啲錢溝咗嘢。

「多謝龍伯！」凱婷送咗個飛吻比佢。

龍伯都未接到個飛吻，凱婷就已經一枝箭咁衝咗出去。

成日比錢你都唔見你比飛吻我，真係枉我對你咁好。

「你真係縱壞曬啲細嘅。」我嘆氣：「搞到佢哋燒銀紙燒得快過焚化爐。」

要識理財先得架。

「鬼叫你唔加人工。」佢講笑咁講。

係啊係啊，又係我啊。

「啲細嘅係要嚟錫架嘛。」佢企起身：「我走先喇。」

「我送你出去？」

「唔洗喇，我想自己行下。」

「咁好啦，掰掰。」

「有緣再會。」

應該都無下次架喇，遲下等我死咗上嚟搵你煲煙啦。

MK仔女愛情事件簿—牛丸篇
//
MK學院嘅殘廁裡面。

「我仲想要啊武武！」我雙手撐住個洗手盤。

雖然執咗四劑，但我仲未夠啊。

「唔好啦，搞唔掂喇。」佢拍咗拍我背脊：「你轉身睇下先啦。」

係你搞唔掂定佢搞唔掂啊？

我轉身，之後佢用手逗咗條嘢幾下。

成舊橡皮糖咁，睇嚟佢真係唔得喇。

我踎低將耳仔貼落去：「冇心跳，死咗。」

武賓周兄，已死。

「咁我哋出去食枝煙先？」

事後煙呢啲梗係要啦。

「行啦行啦。」

//

我哋嚟到操場側邊嘅看台點煙，而巧大就喺我哋前面行嚟行去。

我睇一睇煙盒：「啊武我冇煙喇，借部電話嚟啊。」

我要打電話比賣私煙條友，但我部電話漏咗喺課室。

「好啊。」佢遞部電話比我。

要快啲打先得，如果唔係佢又唔知去咗邊。

我接過佢部電話，之後喺我諗住打電話嘅時候…

「叮！」

有個叫Jessica嘅人Send咗個Message過嚟。

「你做緊咩啊？」

雖然呢句嘢好平常，但Send嗰個係女仔嚟。

我撳入去慢慢向上碌，越碌就越火滾。

「你睇緊咩啊？」啊武發現咗我睇緊佢Whatsapp。

睇緊你同第二條女啲對話囉。

「睇到曬喇。」

睇你點兜。

巧大好似有「出事雷達」咁行過嚟坐低：「我旁聽架咋。」

我知你一間就會出聲架喇。

「件事唔係你諗咁架。」啊武諗住搶返部電話。

聽到呢句連狗唔信嘅嘢，巧大忍唔住笑咗出聲。

巧大拍咗拍我哋兩個膊頭：「停一停先。」

佢講完就行開咗，而我哋都坐開自己冷靜下。

//

廣播響起：「所有同學放低手頭上嘅工作，而家即刻落嚟操場。」

啲人好快就落曬嚟圍觀，而巧大就坐咗喺啊武身邊。

「準備好喇喎武仔。」巧大拍咗拍佢膊頭。

準備好啲咩？

佢講完就拎住罐乾手粉過嚟：「伸對手出嚟。」

吓？咩事啊？

「信我啦。」佢催我。

雖然唔知佢想做咩，但我都係伸咗對手出嚟。

佢將啲乾手粉倒落我對手到捽勻，之後就拉咗啊武落地下。

「跪低啦屌你老母！」佢大聲喝啊武。

啊武自知唔夠巧大霸氣，諗都冇諗就跪低咗。

咩事啊？

「我哋都未搞清楚。」我望住巧大。

雖然係誤會嘅機率唔大，但係未審先判好似唔係咁好。

「咁你問佢啦。」

都好啫。

我行去啊武面：「嗰個係咪你另一條女？」

啊武冇講嘢，淨係扤咗扤頭。

咁即係抵打啦。

「明啦嘛？」巧大嘆咗啖氣：「唔洗多架，十四巴夠架喇。」

我知你點解倒啲乾手粉落嚟啦。

「真係得？」

唔犯校規咩？

「得架喇。」

咁我嚟喇喎。

我一巴一巴咁車落佢塊面到，車完第十三巴就同佢一齊攤咗喺地下。

佢係痛到攤低，而我就係攰到攤低。

用盡全力摑十四巴好攰架。

「你知唔知你衰咩啊？」巧大問佢。

啊武扤咗扤頭。

「你講。」巧大拉返佢起身繼續跪。

知錯？

「我衰出軌。」

知就好啦。

「一嚟啦。」巧大嘆咗啖氣：「仲有樣嘢。」

吓？

「咩啊？」啊武一臉疑惑。

我都想知。

巧大深吸一啖氣，之後就一巴車落啊武到。

「啪！」

好應聲，真係聽到都覺痛。

「你認嗰個係契妹咪得囉！」巧大嘆咗啖氣：「碌葛咁。」

講真，佢認契妹我都冇咁嬲。

「多謝你啊。」我向巧大鞠咗個躬。

幫我出咗啖氣。

「我都未鬧你。」巧大行過嚟：「玩嘅時候就咪撚認真啦，認真嘅時候先認真啦。」

吓，點解又關我事嘅？
//

MK仔女愛情事件簿—牛丸篇
「吓，唔係佢錯咩？」我問巧大。

唔通係我有問題所以佢戴我帽？

「大家都冇錯。」巧大吸咗啖氣：「屌你班撚樣睇完戲就散啦，仲企喺到搏屌啊！」

圍觀嘅人聽到巧大咁講就散開曬，操場好快就得返我哋三個。

我估佢咁做係唔想太多人聽到，話曬呢啲始終都係我同啊武嘅感情嘢。

「你同我起身。」巧大踢咗啊武一腳：「起身啦屌你！」

啊武慢慢爬起身，之後就坐咗喺側邊嘅看台到。

「你哋跟我上去。」巧大拉住我。

吓？

「去邊啊？」我問佢。

你又想搞咩？

「上會議室。」

咁啊武呢？

「佢坐咗喺到喎。」

唔洗等埋佢咩？

「比佢唞陣先。」巧大清咗清喉嚨：「佢唔上嚟就踢佢出校。」

咁撚癲？

「即刻嚟。」啊武撐住張凳企起身。

//

我哋嚟到會議室之後巧大就安排我同啊武并排坐，而佢就坐喺我哋對面。

「你兩個真係。」巧大嘆咗啖氣：「處理好啲感情嘢得唔得啊？」

吓，唔係你發大嚟搞架咩？

「我冇諗住咁架。」

我點會無啦啦發動「港女十四巴」啊？

「你班友喺第二到嘈唔關我事，但你哋喺學校入面嘈就一定關我事。」

某程度上嚟講…都啱嘅。

「咁你有咩想講？」

願聞其詳。

「大家都知係玩下架喇，你嬲咩啫？」

咁又係，我都預咗佢會戴我綠帽。

「咁但係見到都係會嬲架啦。」

道理我都明，但我做唔到啊嘛。

「不過我想講嘅就係…」巧大認真咁望住我：「你係咪真係鍾意佢？」

你做咩跳到咁快嘅？

不過…

「我真係鍾意佢架。」

然後呢？

「咁武仔你呢？」佢望住武仔。

武仔冇半秒猶疑：「我鍾意佢。」

講得就講，呃鬼食豆腐。

「咁我信你架喇。」巧大諗咗陣。

黐撚線架？

「多謝你。」

跟住呢？

「以後有咩事搵我，我幫你打柒佢。」

MK仔女江湖事件簿-穌乞兒篇
「飲啦屌！」我舉杯。

我今日同班FD落吧飲酒慶祝我入咗MK學院，順便聚下舊。

今日嘅我應該好開心先係，但我遇到佢。

//

我飲完酒之後就自己行返屋企，經過一條後巷嘅時候比人阻住咗。

因為環境太黑加上我有啲醉，所以我認唔到佢係邊個。

「咪撚阻住我條路啊！」我喝佢。

佢冇諗住行開，郁都唔郁咁棟咗喺到。

「蘇乞兒，我嚟搵你覆桌架。」佢回應。

覆桌？你係…

「黃祥？」我冷笑：「又單挑啊？」

你上次先輸完一次，睇下今次邊個收皮囉。

「單挑啊。」

果然係練武之人，夠曬武德。

「但係我醉喎。」

但仲差緊少少。

等我下次冇醉先打得唔得啊？

「我哋學醉拳架。」佢擺好架步：「含撚啦你！」

佢講完就衝埋嚟，速度比我想像中快。

你都衝緊埋嚟，啫係我冇得唔打啦。

我用盡僅剩嘅精神擺好架步，希望接得住啦。

佢第一招同上次一樣都係雙手敬酒，真係輸過都唔識改。

我抺碗卸開，之後…

「仆街啦你！」

飲醉酒嘅我專注力太低，完全冇留意到佢起腳，就咁比佢一嘢踢咗落個肚到。

我比佢踢完一腳之後醒咗好多，但同時都好想嘔。

我退後幾步，而佢都再一次進攻。

佢再次出拳，而我側身避開之後就…

「嘔！」

我直接向住佢塊面嘔。

雖然呢下就算嘔中曬都係近乎零傷害，但唔會有人想掂到嘔吐物。

佢下意識退後咗幾步：「臭撚到呢！」

女神痾啲屎都臭啦，嘔吐物點會唔臭？

我嘔完之後成個人醒返曬，係時候打到佢變豬頭。

「掂啦嘛？」佢問我。

我用衫袖抺咗抺嘴：「嚟啦。」

我一講完佢就再一次衝埋嚟出拳，但佢出得好似…

有啲慢。

係咪我問題？

「你好慢啊。」我有啲無奈。

你咁慢，連啊伯都打得贏你啦。

我輕輕鬆鬆就抺走咗佢隻手兼車佢一巴，之後仲有時間嚟個掃腿。

佢直接坐咗落地下：「我屌！」

坐咗落地下反而仲有攻擊性，不過我唔驚。

「先撩者賤。」我擸起手邊嘅一碌竹：「投降未？」

你起腳我就插落去。

「成王敗寇，我冇嘢講。」佢擰轉面：「任你處置。」

咁好啦。

「承你貴言。」我合埋眼。

我一嘢桶落去，之後就擘大眼。

佢O曬嘴咁望住我：「做咩唔殺我？」

你條屍好難處理，同埋…

「你死咗仲邊有人嚟搵我比武？」我伸出右手：「起身啦。」

肯同我玩隻揪仲要同我學同一套拳，好難搵架。

佢苦笑一聲之後就拉住我隻手企起身：「下次就贏你。」

知喇。

「下次再講啦。」

我秤住佢行埋一邊挨牆企定之後就拎咗兩枝煙出嚟。

「食枝煙先啦。」我將其中一枝遞比佢：「鎮痛啊。」

佢擔住枝煙：「多謝。」

佢拎個火機出嚟諗住點煙，點知個火機打極都打唔著。

我點完之後就伸個火機過去幫佢點：「冇油喇，揼咗佢啦。」

冇油係點打都冇用架。

佢苦笑：「會揼架喇。」

佢話就話會揼，不過講完就將個火機收返落褲袋。

//

煙燒完，我哋都係時候走。

「我行呢邊。」我指住我後面：「你行邊？」

睇下同唔同路。

「唔同路。」

咁冇嘢喇。

「咁我走喇。」我轉身。

下次見啦。

「喂！」

我轉身望過去見到佢用拳頭拍咗拍心口之後就伸咗出嚟，而我都向佢同返同一個動作。

//

「放學喇！」武痴宣佈。

終於放學喇！

我衝出禮堂，之後就比巧大截住咗。

「做咩啊？」我問佢。

我要走啊！

「你搞咩嚟？」佢拉住我急急腳行入教員室：「你望出去。」

有咩咁特別啊？

我行到窗邊望出去：「我知喇。」

MK仔女江湖事件簿—蘇乞兒篇(3)
//
「飲啦屌！」我舉杯。

「細聲啲啦屌你老母！」後面傳嚟一把男人聲。

邊撚個阻住我飲酒？

「關你撚事啊！」我屌返轉頭。

我講完就聽到後面傳嚟密密麻麻嘅腳步聲。

感覺唔係好對路，對面好似幾多人。

有人從後拍咗拍我膊頭：「乞兒仔你好撚串喎！」

輸咗人就唔好輸埋個陣。

我吞咗啖口水之後就起身轉過去：「係咁撚串架喇！」

仆你個街，十幾廿個人擸住玻璃樽企喺我面前。

我呢邊加埋我都係得嗰五條友，冇可能夠打。

「呢個場係龍哥我睇架！」一個右手上臂紋咗粒六角星嘅男人用玻璃樽指住我喉嚨。

真係飲醉酒累事。

而家耍冧都冇撚用架喇，頂硬上啦。

我向班𡃁打咗個眼色，之後就反手拎起枱面嘅啤酒樽扑落龍哥個頭到。

玻璃樽嘅下半部爆開，而龍哥個頭都即刻爆缸。

我捉住龍哥將個玻璃樽插落佢條腰到再推開佢，之後就同班𡃁衝去後門。

「打佢老母臭閪！」龍哥大嗌。

我哋打開後門嚟到後巷之後就向住大街方向狂奔，而龍哥班𡃁都喺後面追住我哋。

//

「啊！」後面傳嚟慘叫聲。

我擰轉頭一睇，係啊聖。

佢撻咗喺地下，但龍哥班𡃁同佢有啲距離。

我諗住跑返轉頭拉起佢，但就比佢嗌停咗。

「走啊，一個死好過冚家剷啊！」啊聖大嗌。

雖然聽到佢咁講，但我都係照樣跑咗幾步。

「咪撚癲啦！」我大嗌。

你你我兄弟嚟架！

「走啊屌你老母！」

佢講完就爬起身跌跌撞撞咁衝向龍哥班𡃁，之後傳嚟悽厲嘅慘叫聲。

「我會返嚟架！」我抺去眼角不自覺咁流出嚟嘅眼淚。

我講完就轉身帶住其他𡃁跑向大街，去到大街就直接上的士。

嗰日之後啊聖入咗廠，而龍哥就仲刮緊我。

//

巧大拎咗個望遠鏡過嚟：「睇下。」

我用望遠鏡望出去，見到學校門口企咗廿幾個人。

最前面嗰個一定係係龍哥，因為佢右手上臂嗰個六角星同我之前見過嗰個一樣。