覺唔覺得坐井觀天既青蛙其實比其他青蛙更加自由

佢心入面既自由唔係你講個種，佢思想中既大1千世界唔係你眼前既世界

「個人感受到嘅自由度」我覺得根本就唔存在

你開放咗個大陸人個資訊接收，現實嚟講佢哋因為固有思維，抗拒對中國不利嘅內容而只係睇啲大外宣嘅嘢；
一係就自己未翻出嚟之前就已經半覺醒/思維open/有正常人lead住，令佢哋就算見倒啲好負面嘅內容都會一個開放嘅態度接收並唔會抗拒

對於第一種人嚟講，佢根本就唔會覺得自己冇自由，仲會覺得出面啲人嘅自由都係假嘅，或者係打住自由嘅名義做好多衰嘢

對於第二種人嚟講，因為佢哋諗嘢多數會比較有邏輯，知道自己就算係知道咗好多外面發生緊嘅嘢，同埋自己國家做嘅衰嘢，自己個人都仲係生活緊喺大陸，本身就係冇自由，而佢哋翻出嚟嗰吓會考慮好耐係唔應該真係翻出嚟，因為呢樣嘢本身就係犯法嘅，所以根本就唔存在「個人感受到嘅自由度」少咗

我啲大陸friend入面兩種人都有，可以話俾你聽冇人會去比較「個人感受到嘅自由度」前後嘅多與少，第一種人就唔使講啦，第二種人諗嘅係information fatigue同埋今後佢哋應該點算好

information fatigue係因為睇得太多負面內容，個腦諗太多嘢覺得好攰；會諗未來係因為危機感嘅上升令佢哋唔夠膽去做咁多嘢：例如考慮到大陸樓巿就死於是唔再買樓；但同時佢哋亦都會多咗諗法：更加嚮往去外國親身體驗吓而唔係只係留係大陸境內四圍去（當然去唔去倒係另一回事）

但我可以話俾你聽呢個先係最實際嘅情況，唔使咁多FF

坐監都比出面自由 係間房入面做乜都得
幾時想訓 幾時想起身都得

又唔同？
咁睇來自由比我想像中更加多變
好難觸摸

btw你咁講即係自由過自由高達啦

咁你係井外嘅青蛙嘅話，都可以選擇自己跳返入個井嘅

但係井嘅青蛙就唔可以自由跳出黎

所謂「個人感受到嘅自由」根本唔存在
自由本來就係有比較之下先感受到嘅事
唔係自己話/覺得自己自由就係自由

而且樓主假定咗人要感受到新事物先會產生慾望已經係唔現實啦
唔通窮人要做過有錢人先會想有錢？
有過性接觸先有性慾？
慾望係來自好奇
井底之蛙只要望到個天已經足夠令佢想像出面嘅世界
會滿足於井底嘅青蛙只有寓言故事先會存在

樓主既意思咪on9仔最快樂

你同上面掏龍刀巴打意思似乎差唔多，係到一齊回

你話要有比較先會感受到自由，某程度上同意。而本文定義呢個個人感受到既自由度，正正係為左要比較先定義出黎，你要比較你就要量化，要清晰知道比較緊乜野，先可以作出正確既比較，先可以指出咩情況比咩情況更自由。

你唔應該將呢個用黎作比較既自由度睇成青蛙有冇覺得自己好自由既指標，當定義左如何量度自由度後，自由度就如同身高，你既意思係只有你一個人既話就唔會有100cm算係高定係低既概念，但係即便如此身高呢個measurement依然存在。

而事實上你每一個moment都可以同上一個moment作比較，所以依然可以指出你今日比琴日更加自由/更不自由，即使你本身唔覺得自己好自由/好不自由。正如就算只有你一人，你依然可以定義身高，可以同一年前自己既身高比較而得出今日比較高，即使你唔覺得自己呢個身高算係高定矮。

原文並無假設人必須要感受到新事物先會產生慾望。原文只著重要比較前後既自由度，世界變大前後並不會影響你對舊事物產生既需求，所以比較時候無需要考慮呢一部份。對井底井外兩個世界黎講，天就係共通存在既舊事物，無論井底井外都會同樣意識到有天，都會同樣對天有幻想有好奇而產生想做既事，而且井外見到既天只會更大，只會產生更多想做既事，所以比較時候根本唔需要考慮。井底蛙到底滿唔滿足於井底，亦都同井底井外自由度既比較無關。

原文提到「但係做到既事幾乎冇增加，因為都仲係一隻青蛙能力冇增強」，唔係講緊青蛙唔會針對新事物學習而掌握新技能做到新既事，而係講緊青蛙物理上做到既事不變，所以佢做到既事增加得唔會比想做既事多。

如果用楚農放大睇就會清晰好多，假若楚農唔知點解突然知道左七國外仲有埃及有羅馬有北美新大陸有馬雅，佢或者會產生探索既想法，但能力依然係一個楚農能力，唔會因為咁而即刻發明出輪船探索新大陸，呢個就係我所指出既能力不變。

其實呢個係一個呎度問題，上面睇完其他巴打既睇法後我明白到，假若井內井外世界既呎度相差唔大，即係分母相差不大，井內外既自由度係不定既。例如你既例子係金錢，想像一個窮人中左六合彩，亦係一種井內蛙跳出井外，更多金錢會帶俾佢更多額外見識產生額外想做既事，而呢d事好大機會佢都做到，咁樣佢跳出井外後自由度或者就增加。但同樣可以話佢中完六合彩，佢成為富豪令佢窺探到superrich既生活，係除非佢每日中一次六合彩先做到，咁樣或者又會減少佢自由度。但呢d不定例子只存在於小呎度既井內外，當井內外呎度大到例如上面楚農，就可以斷定自由度會減少。而咁樣就會將最後引申既問題轉化成，到底番牆帶黎既世界改變係呎度大定細？

佢地自己比唔比較唔係我concern既野喎，係我比較緊之麻。

第一種人係拒絕井外自願留井，咁冇乜好講，自由度當然不變。

第二種人佢地跳出井後，本身佢地唔會要去外國體驗生活，出井後就變成佢地想做又未必做到既事。多左想做而做唔到既事，分母增加分子不變，自由度按定義係減少左。

而呢個自由度減少實際上果個人自己係有機會察覺唔到，因為佢出井後就係用緊井外既思維，佢未必可以用番井內思維去想像自己當時有幾自由，而井外思維係一定覺得井內更加不自由。

主觀感受不宜作比較
所以我地一般意義上都係講緊客觀上既自由

你依個就好似一個人揸住5000萬，法例規定佢每日用1000蚊，夠佢用一世
另一條友就揸住1億，規定佢每日用1萬蚊，只夠洗廿幾年
邊個富有d
係定義上既問題

即係話你嘅定義係
想做但唔俾做 —> 呢項自由失去咗
你加咗主觀意願喺定義入面

但係客觀上，佢本身就係唔做得，佢並冇任何損失

而你嘅定義係「你覺得」「佢覺得」自己會少咗自由，但你又話唔concern佢會唔會比較

你又講分母又講分子，但係分母分子都係base on佢嘅主觀願望，你咁樣幫佢諗埋都得？唔覺得有問題？

我睇落只係你用客觀嘅言辭去表達你主觀嘅睇法
ching唔好咁假

你一開始已經係用緊自己眼中(環境+知識)既自由去討論, 咪就踩埋入佛學既自由

青蛙物理上可以做到既野, 井內無辦法實現, 所以隻青蛙唔自由, 咁既OK未?
EG: 佢可以主動去捕食, 但井底下只可以被動等待

我諗你搞錯咗，我唔係討論梗佛學

而係以和尚做例子，去討論唔走出一個地方係咪代表唔自由

你唔明嘅話，其實我仲舉咗兩個例子

咁如果和尚因為學過佛經就可以算係自由
咁點解井中蛙就唔可以因為心中富有而算係自有呢？

我既定義係你個人感受到既自由度 = 你(想做而且認為)做到既事 / 你想做既事，分母就係你想做既事，分子就係你(想做而且認為)做到既事。客觀上做唔到冇損失唔代表佢自由度冇減少，井內井外做到既事冇變，即係分子不變，但係佢主觀想做既事多左，即係分母大左，所以按定義自由度就減少。

分母係base on佢既主觀願望，而呢個主觀願望唔係我幫佢諗埋，係根據你原文話你第二種朋友會「例如考慮到大陸樓巿就死於是唔再買樓；但同時佢哋亦都會多咗諗法：更加嚮往去外國親身體驗吓而唔係只係留係大陸境內四圍去（當然去唔去倒係另一回事）」我係用緊你自己提供既你朋友諗法做數據計算，唔明點解你會覺得係我自己諗出黎。

而巴打針著既點可能係我定義寫既個人"感受到"既自由度，所以會認為假若一個人因為某件事發生後感受唔到自己自由度低左，呢個量就唔應該降低。但巴打亦同意第二種人係番牆後有「想做但唔俾做」呢樣野出現左。咁呢個個人感受自由度既定義合唔合理既關鍵就係在於，你想做既野做唔到，你會唔會因此而覺得冇咁自由。

1999

「客觀上做唔到冇損失唔代表佢自由度冇減少」應該係
「客觀上做唔到冇損失唔代表佢（你主觀定義嘅）自由度冇減少」

分子分母條formula就係你主觀定義嘅自由度，然後引申出「你覺得」「佢覺得」自由度減少咗，唔係你幫佢諗埋咁係乜

都係嗰句
我睇落只係你用客觀嘅言辭去表達你主觀嘅睇法
ching真係唔好咁假

有科學精神就真係去搵有意義啲嘅嘢嚟諗

原文開宗就寫左呢個係我俾既定義，你話係我主觀睇法原來係指呢樣，但你又唔係同我討論定義問題，但下面又係講佢會唔會覺得不自由，咁又咩好傾呢

事實上我都唔肯定咁樣係咪定義到自由度，亦有人質疑，我亦有問，亦冇人答，咁正常討論我當然係用我自己既定義討論，唔通我冇啦啦用番國家自由指數民主指數果d自由度定義討論咩。

4/5<5/6

但我定義個自由度好似係量度緊積極自由喎。自由度增加係要佢覺得自己可以做到某某佢想做既事喎。

係我數學天才左自膠半打

如果將你論述入邊嘅自由替換做快樂 咁就通啦

所以咪話你個定義唔合理囉

而且都冇意義，你個理論除咗合理化咗ignorance is a bliss之外，可能真係冇乜其他作用

唔需要講得咁複雜
言論自由冇咗就係自由度降低
冇得出國就係自由度降低
網絡封鎖就係自由度降低

唔好扭曲自由呢個詞語