覺唔覺得坐井觀天既青蛙其實比其他青蛙更加自由

139 回覆
103 Like 109 Dislike
2023-01-30 00:15:39
你用呢個角度睇呢件事既時候
你已經唔可以將呢2種青蛙代入人類到
因為你已經係人類既一份子
2023-01-30 00:17:55
用一個高層次既眼光去睇一個相對底層次既事物
再用嗰個結果套入去本身高層次既世界
係無助進步
2023-01-30 00:38:32
發現自己做左數學天才

所以數學approach唔好咁執著
2023-01-30 00:39:18
留明
2023-01-30 00:46:29
做你條女真係慘 結唔結又諗 生唔生又諗
懶係有深度有規劃咁 講到尾又係錢銀作怪
有幾百萬cash仲有咩好擔心
2023-01-30 02:32:02
青蛙同人咁又好難比較
始終動物世界已經係natural selection嘅結果
唔同人類 社會往往係又人創造嘅規則所規範 往往好多時候受歷史同其他所謂制度嘅影響
但同樣地 接觸到陌生事物嘅時候都需要時間去適應
結果可能相同就係好難會有大改變
除非可能青蛙係外來世界嘅天敵都消失或者人類真正步向公平社會 否則都好難可以適應到個種新嘅自由
2023-01-30 02:54:50
相信係客觀同主觀嘅分別
你題目所講嘅「自由」係應該可以客觀比較
所以井底之蛙係比較唔自由
但你內文講嘅青蛙主觀感受嘅「自由」
的確係可以比井外嘅青蛙高
因為佢喺井下面認知自己可以做嘅嘢
佢隨時都做得
結果佢主觀感覺就係「完全自由」「想點就點」
2023-01-30 02:55:56
無知更幸福
2023-01-30 03:02:17
其實係,所以點解D落後國家既人反而仲開心D
發達國家得好小數真係成個國家都開心
通常都係有錢人最開心因為佢地知既野又多做到既野又多
2023-01-30 03:04:08
我覺得似係殘酷嘅真相vs 虛假嘅謊言
2023-01-30 03:06:04
其實樓主想講嘅嘢好簡單
係主觀嘅層面
你想開心定唔開心?
2023-01-30 03:06:40
同樣中國人成日話中國最好、美國好危險、 日日唱衰美國
2023-01-30 03:08:22
你講緊絕聖棄智嗰種幸福同自由?
2023-01-30 03:10:29
2023-01-30 03:15:52
如果自由係指可以客觀量度個人做到既事
咁理解到世間更多既限制唔會影響佢既自由,唔會存在本身做到既事理解後做唔到

你所指既自由其實係明白世間更多限制所帶來既主觀挫敗感
2023-01-30 03:18:28
因為知道得越少就越少比較 越少比較就越容易滿足
人係貪婪既 永遠都有無窮既慾望
正如如果個個男人既世界只得一個女人
咁佢一定係最專一
有時候覺得自己做井底蛙可能更加好
2023-01-30 03:26:15
照你咁講 人類應該唔會探索太空
2023-01-30 03:47:23
我應該寫清楚D分子應該係 想做而又做到既事,唔係佢做到既任何事。
2023-01-30 03:53:15
上文係比較緊井內同井外青蛙既自由度,而井內井外都望到天,所以佢地對於天既幻想係共通既,井外既青蛙自然可以幻想要飛,坐井觀天既青蛙當然亦都可以想要探索個天,但對比較兩者自由度根本冇意義,所以我先冇講。
2023-01-30 04:01:51
冇研究道德經, 唔知應該點樣理解呢句野,不如你講解下。

但係我唔係講緊一個人應該點生活,或者追求D乜野,只係比較緊咩人係佢自己既觀感下會覺得自己更加自由
2023-01-30 04:04:55
好似唔係,我唔覺得感受更自由就等同更加開心,我感受下呢個個人自由度同開心應該唔係單純直線關係

但你都可以理解呢個個人自由度做開唔開心既
2023-01-30 05:12:45
你想嘗試量化自由感變成公式,但係成件事本身係立體xyz唔係xy圖而極難量化,其一係個井(分母)會因管治者既每日改變而變大變細;其二係一般人喺社會對自由既追求係會申延到凌厲別人既自由,佢哋會影響到分母(社會規範),咁更加難去簡單量化相對自由感;其三係分子即每個人對自由既感受唔一定由井口(不論當權者同社會規範)決定,係至少包括先天、後天教育同incident等等決定,所以只能case by case 去睇
2023-01-30 05:35:05
坐井觀天,冇錯係達成到自己更多選擇上面嚟講,係會更自由,但我覺得最多只係限於主觀感受,實際上好難套用入去客觀環境。而且我唔會建議將喱種坐井觀天式自由嘅諗法引申去人身上。

坐井觀天個環境可以用落青蛙上面係佢生活實際上做到少變化嘅可能性會比人類大,佢井入面生存到青蛙都唔見得水質好,可以食蚊蟲自給自足,係成理嘅,進一步自然可以達成你所講嘅,做到一切自己可以理解又想做嘅事。退百步講有可能天氣變式者多咗競爭者,變量嘅數量都未必會有社會運行帶嚟嘅變化多。

但即使我認同喱種少選擇易滿足嘅做法係會主觀想法上更自由,當套用係人身上喱種自由極有可能係行唔通。因為人類嘅社會連繫好難給予你咁嘅機會.

有時並唔係你自身出現咩問題,而係如你所講,會有其他人見識多咗,知識多咗,佢地想做嘅野多咗,終有一日佢地想做嘅野就會同你嘅想做嘅野overlap咗,就自自然然你要爭,爭得一個兩個,之後都可能多咗野做唔到,你自由唔多唔少會少咗。

楚人農民日日耕自己田自己食自己係好開心,但除非你係深山老林單人拓荒,否則你又點保證地主唔會想兼併你?災年食咗你塊田,過完災租返俾你做佃農都仲得。再講網絡監管個例子,學你個終極引申話齋,中產A受網絡監管可能本身咩都唔知,但某日是但一條友發癲寧願自爆都要將牆出邊啲野運入嚟,唔翻都變翻,瞬間A覺得信念崩潰冇晒自由,咁木已成舟佢又可以點?

相比起青蛙坐井,人類想要坐井嘅難度會係幾何級上升,係世界根本好難有一個孤立嘅所謂井去俾你獨善其身,連想坐井觀天都要小到問下隔離鄰舍,大到問下你住個國家俾唔俾你咁做,除非有一個現實桃花源,如果唔係就算你一時之間主觀感受到「按照達成選擇/可能選擇」去計算嘅自由,都會慢慢係其他人尋求自己想做嘅野之下被侵蝕,而個種一時間嘅坐式觀天自由,客觀上會睇落更似扼殺咗有機會出現嘅其他可能性,並且近似坐以待斃等人剝奪你自由,咁可能就要考慮喱種自由係咪有價值呢?

所以我只會覺得喱種自由係個人主觀諗法可能係真,但對人類嚟講太過困難啦,客觀世界入面有太多個體太多主觀思想,近乎冇可能去容納一個人寺獨善其身,達成坐井觀天個條件,條件都達唔到,又談何還原井中蛙嘅自由?規模唔同有時就係成件事都唔同,你知道係又點都做唔到,個引申太難套用去人身上啦......
2023-01-30 06:05:29
樓主嘗試提出一個假設,假如無接受過人類社會文化影響,知識受限,應該就會唔知道自身不自由。
不過我偏向人類崇尚自由係天生
而我覺得人類有幾大程度感受到自由,好多時都係當自己面對一個問題需要解決,而自己可採取嘅行動受到幾大掣肘,個方法解決到個問題嘅幾大比重而定,所以亦有講法係自由就好似呼吸空氣,當無咗時你先會感受到

舉例你朝早肚餓想食早餐
市面有好多餐廳,好多食物俾你揀,而你有一定金錢去買嚟充飢,你會覺得自己有選擇食咩嘅自由,同時唔會覺得無得食五星級酒店自助早餐就叫唔自由,因為對你嚟講可行嘅解決方法係解決到你面對嘅問題嘅大部分;
同一個情況,換係一個生活拮据食完個包會無錢食下餐嘅人,就算喺同一個大環境下,佢就會覺得唔自由,因為根本唔到佢揀。

再舉另一個例,如果有個社會只有一間餐廳只賣一樣餸,每個人只可以食喱樣餸,就算你有錢餐餐幫襯,但如果你食滯咗,唔食又會餓,就算你從來無試過其他食物,你都會覺得唔自由,因為你無其他可行方法去解決食滯同時又要醫肚喱個問題。
即使後來你知道原來個社會出面仲有另一個新世界,但要付好大代價或風險先去到得到其他食物,你同樣唔會覺得係自由。

而我覺得人類天生崇尚自由一來係基於人類嘅基因保證到有一定智力發展
二來你睇下啲bb仔,就算佢咩都唔識,但佢出世後好自然會探索佢周圍嘅世界,就算係踢下腳,轉個身,都係一種探索,想知自己做到啲咩做唔到啲咩
當佢哋行動受阻或者唔舒服,佢哋自己解決唔到就會喊,我會覺得都係對不自由嘅一種感受

而回應返井底蛙自唔自由嘅問題,我覺得就係取決於佢日後會唔會遇到行動受掣肘解決唔到某個問題。

最後不如我又提出多個論述俾樓主諗下
參考下物理嘅觀測者效應
井底蛙本身係自由嘅
不過到知道井外世界嘅樓主觀察嗰隻井底蛙時,佢就變得不自由了
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞