【真‧真‧真大結局】飛一次大阪，談了一場六天的「同地戀」

啱啱再睇多次小白

我睇緊

小白姐係邊個故?

準備定紙巾啦各位

最後一分鐘

文呢

0000

文呢

12點的鐘聲響起

12:02啦wor

鐘聲響起出文的訊號

12點了，仲係冇文

係連登，每過12點就有一位樓主走數

真真真真大結局開左post 未？
會唔會一篇都未有就1001

放心　happy end

「唔怪得女仔都咁鍾意男仔對佢地唱歌啦，我原先以為嗰啲感動係做戲，原來係真。」


「咁你感唔感動？」


「差啲想喊。」我是說真的。


彈完結他後，我們逛到梅田站，是準備乘車離開。她卻忽然說：「你咪話你信命中注定嘅。」


「係呀。」


「咁不如我地玩個遊戲？」


「又玩遊戲？」我有不兆的預感。


「五分鐘之內，如果你搵到我係邊嘅話，咁就證明我地係命中注定，好無？」


「係哩個地鐵站？」


她點點頭說：「係哩個地鐵站。」


「可以咁就測到架咩。」


「你平時都估到架。」


我思想了一會後說：「好啦。」


她笑說：「咁你數五十秒，唔畀偷睇架。」


好。


五十、四十九、四十八.......


四、三、二、一、零。


當我再次張開眼時，她已經不在。


四處都是急步行走的日本人，還有些說廣東話的香港遊客，手持一袋二袋購物袋；有日本的MK學生妹、MK仔流連浪蕩、臉紅耳赤的醉漢東歪西倒地走路。


一張張陌生的臉孔中，已經沒有她的身影。


哪個方向？

梅田車站之大，猶如一座小型迷宮，抬頭望眼前的車牌，盡是不知所云的阪急梅田駅JR大阪駅阪神梅田駅地下鐵谷......看著就頭暈。


這時我又想起那個御守。


哎？

左摸摸褲袋，右翻找背包也是沒有，倒是衣袋多了一張白紙。


在何時不見了。


沒有？


我再次憑感覺而走，覺得向左會比較適合。


向左對嗎？


卻是顧不上那麼多。


4分38秒。


一邊跑著，一邊細心地觀察迎面而來的人，深怕錯失她的蹤影。


「仲唔係妳！」


「なに？」


「Sor認錯人。」


時間一分一秒地過去，我沿路直跑，經過MSCH MASCH、便利店和銀行，卻不知為何來到商場。

商場？


發覺自己已經走出車站範圍，來到商場入口。


我馬上轉頭回地鐵站，忽然間，我想起月台！


對，月台！


2分15秒。


我飛奔回車站，直奔到月台。


日本車站的月台，卻不像香港的只有兩條車軌，這裡是其中一個交通樞紐站，月台可以多達數條車軌，大得驚人。


50秒。


究竟在哪裡？


眼睛卻瞄到隔三四個月台之外，有一個熟悉的身影。


嬌小的藏於人群中。


20秒。


列車的車門已打開，乘客魚貫地擠入車廂中。


10秒。


「唔該謝謝，唔該謝謝。」我實在不懂日文，慌張之下只會廣東話。

大概是我一生人之中，跑得最快的一次。


全身的運動細胞都被激活起來，步履如飛。


「BoBo！」


只不過人的腿再快，也不及列車的車輪快。


我找不到她，只找到一張紙。


「咁可能真係緣無份啦。」阿包說。


「嗯。」我不懂怎去回應。


轉眼間，我們已經來到臨空城。


由於最後一天，一定要逛一逛關西機場附近的臨空城，Outlet的集中地，擁有200多家知名品牌進駐，飲食、購物、遊樂、美景、住宿一網打盡，更設有兒童樂園，為遊客帶來新的購物生活樂趣，你又怎可以錯失良機呢？（利申：非鱔稿）


事實上，在這裡買手信確實不錯。我在這裡選了一隻手錶給前度，畢竟答應好她會送手信。


而且小熊維尼都不在了。


「你估佢地會唔會係度啦？」阿包問。


「唔會啦，佢地應該好早就走咗。」我說。


「好可惜呀真係，不過我地同阿森佢地應該都無乜機會再見。」


「點解嘅？」

「大家都好似好忙咁，同埋始終好怪。但佢地琴晚請咗我地夜晚食飯，超好人，當離別飯。不過唉你唔係度呀。」阿包說。


「佢地不嬲好人，都唔洗你講。」


「不過佢都係想你明白。」


「我明呀。」


臨空城確實如一座城市般大，我們這一逛就是一整日的中午，畢竟名店甚多，要逛光所有店舖都不是一件易事。


進入某間服裝店時，我們打算買牛仔嬲，店內剛好播放著Red Hot Chili Peppers - Snow。


「咦？哩首歌咁熟口面嘅？」我說。


阿傑介紹了歌名和歌手後，才想起是一套電影的配樂，怪不得那麼相熟。


「Anthony Kiedis講話，哩首歌係代表重新開始。」


正想投入旋律當中享受，卻在播放中間中斷，轉了另一首歌。


「咁係咪代表無得重新開始？」我笑說。


再逛一逛，時間已經是日落黃昏，是時候到機場。


離開時，我們經過臨空城的摩天輪。對，臨空城也有一個摩天輪，但是總覺得比不上梅田的，感覺是缺少什麼，以致比不上當晚那個璀璨的摩天輪。



來到車站，買好票準備上車之時，阿包他們說要去洗手間，就把行李放在月台，由我看管著。

無聊的按著手機，程式關關開開後，我又想起那一張紙。


拿出來想閱讀，剛唸到頭幾行，就聽到對面月台有一把女聲喊著：「喂。」


「喂。」


叫了幾聲，我才認得出，那是BoBo的聲音。


「妳......點解會係度嘅？」我詫異地道。


「我坐過站呀！」我們隔著一條長長的車軌聊天。


「點可能坐過站呀！？」這個站的下一站就是機場，怎可能是坐過站。


她的身邊沒有任何人，連行李也沒有。


「學咗你啲衰野囉！」


「妳等一等我！」我正打算繞到對面月台，她卻揮手說不要。


「我走架啦。」


「我知道呀。」


「你要加油，好似我信講嘅咁啦！」


「喂！」


「咩呀？」

「我地真係唔會再見？」


她微一微笑說：「我真係走啦，拜拜。」她說罷就上車，坐上另一月台的列車，往機場而去。


「拜拜......」


即使我們後來趕往機場，也再見不到她們的蹤影。


搞一大輪，又被阿包帶錯路後，我終於坐上飛機，望著外面漆黑的夜空，我全身疲倦地睡著。


忽然有人拍一拍我，醒後才發現是對面座位的女生，她遞上一枝筆。


「你掉咗。」


「喔......唔該。」


有一刻，我錯當她就是BoBo。


飛機急速地行駛，直奔於天際。


我們真的正式離開大阪。


坐在座位上，確定他們都睡著後，我拿出她寫的信，再一次閱讀。


信都被我快弄皺。

「喂，我走啦。


六日原來真係好短，如果旅行可以唔完就好啦。但可惜哩個世界無唔完嘅旅行，總有一日都要返自己熟悉嘅地方，哎～諗起就唔開心。


其實，我諗我都真係一個幾任性嘅人，任性咁做好多明知唔應該做嘅事，任性咁順從自己嘅意願而行。多謝你包容過我。


當日第一次係便利店，就好想測試一下，我地究竟係咪命中注定。


結果你揀中咗，所以嗰日嘅行程，我故意改咗去有馬，睇下我地係咪真係有緣。


每一次買野飲，都好想測試我地究竟係咪天生一對呢。當我地好多地方都相同時，我好幼稚咁以為咁就代表係。


原來個天會整蠱人嘅.....呵！


我諗，我地係命中注定見面，但無命中注定一齊。


最後都證明著的確係。


記得第一次係神戶許願嘅時候，我許嘅願望係，希望你可以忘記佢。


第二次係清水寺許願，記唔記得我幫你許嘅願，係希望你忘記佢，其實唔係我當時係許，哩個係第一個願望，第二個我取代佢係你心中嘅位置。


但你拖住我嘅手嘅時候，我就明白你嘅世界根本離唔開佢，佢就係你環繞嘅太陽。


第三次係嵐山野宮許願，你以為你遮得好完美，呵呵，但係手臂間我已經偷睇到你寫嘅名～本小姐厲害嘛？嬌小都有好處架！


所以我都係同你寫同一樣嘅名，你同佢個名。


兩塊繪馬，功力倍增，一定可以成功架～


我覺得佢未完全忘記哂你，而家嘅你仲係有機架，只要多啲誠意就可以架，加油Osh。


最後幫我多謝屋主先生，多謝佢曾經試過借出地方，小白兔都住得好開心，不過間屋有啲逼，所以佢要搬返去一個大啲嘅地方啦～


P.S. 其實我無故意避開你，嗰日嘅朝早因為我又發燒，我地係去咗買藥呀，我知道你一定介懷，所以同你講定，唔好誤會我啦。


就咁啦。


拜拜。

你五天的吊靴鬼旅伴」

Live

回到香港，簡直就是地獄。


甫下機，我就已經感覺到那種溫度和濕度，香港猶如一個又濕又熱的大焗爐。


「好熱呀～！！！！」我大呼，旁人都以為我瘋了。


「唔洗咁大聲嘅。」他們說。


「好掛住日本呀！」我說。


「哩啲天氣真係......」阿包也加一把口。


在等了延誤近一小時的行李後，我們終於離開香港機場。


「攰死。可以返屋企啦。」我說。


「仲要還wifi蛋。」阿包說。


「.........」


結果我們在機場玩起奪命時速來，不消幾秒就還好wifi蛋，也到正式離別的時候。


「咁我地係度散啦。」


「拜拜。」


「拜拜。」


三人各自分開，這次的日本之旅告一段落。


拖著笨重的行李上車，人流擠迫，由於行李架已滿，我只好在下層待著。


巴士在深夜的馬路上飛奔，戴上耳機，聽著君がドアを閉めた後。


不知為何，這一次眼眶有溫熱的感覺。


「無得坐啫，唔洗喊呀？」旁邊的一個大叔說。


擦一擦眼淚後，我說：「無呀......我有啲掛住日本啫。」


對，好想念日本。


「痴線。」大叔罵了我一句。


或許他所說的不錯。