發現老公立左遺囑

拍拖3年，同老公結婚1年，不算富有，食得飽穿得暖。
婚後奶奶借錢俾我哋，加埋儲埋啲錢買左樓，供樓我供。
住緊呢度係老公名下，家庭開支大部份佢俾，我最多買下嘢食。計劃左盡快還錢俾奶奶，儲多啲錢俾我哋退休。我一直都以為我哋目標有共識，步伐一致係夫婦同心，會好好生活白頭到老。

暫時係各方面都好好，佢好錫我好照顧我。我都感覺到佢好好，好盡力好努力。 雖然有佢嘅缺點，但我都唔完美。有磨擦但都尚算恩愛。大部份時間佢都會遷我多啲。而我都會忍讓同配合佢。
所以婚前、婚後嘅溝通令我一直我都以為佢將我擺第一位。佢都親口講過，佢咩都俾晒我，好愛我好錫我。
婚後我將保險轉名，加埋佢做受益人。遺囑冇諗過，我認為只要我唔係度，婚姻對佢係個保障。我想佢會接收所有，好好生活落去。

但剛剛發現佢立左份遺囑，第一下我諗佢係咪身體有咩事。點算，有冇得醫？ 份保障新買應該唔用得，咁賣樓、拎返啲保險錢套現夠唔夠？成個人好手忙腳亂。完全唔知點算。我想像唔到冇左佢嘅日子。
但再睇埋詳情，遺囑上面係無我。所有都交由佢哥、媽咪平分。

係呢份遺囑、打破晒我心目中一切嘅假象。

佢完全冇考慮我？冇諗過如果我失去佢會變到無依無靠。冇諗過我會需要佢保護同諗下我點算？如果有諗佢又咁愛我點解會唯獨冇我？
我感覺到呢份遺囑係用嚟防範我，而唔係佢有咩事。
如果唔係，按常理同我地溝通，大家都應該係結婚後以家庭為先。要為枕邊人著想考慮。我哋既無小朋友，寫媽咪好正常，咁點解唔係我係呀哥？

因為咁，佢而家每個反應都令我感覺到佢唔再愛我。所以當前日佢因為我想買個500蚊二手衣櫃，佢用「冇錢」大聲喝到我⋯我就忍唔住。 對佢發左一場脾氣，嗌左一場交。最後個end又係我地一般相處咁，我自動收皮。 但當然⋯我無拎遺囑嘅事出嚟傾，因為佢已經將我分割出嚟。又或者由始至終我都唔係佢家人或者另一半。

諗返之前因為生小朋友嘅問題見心理治療師，個時個治療師講左一句令我個心一直有啲唔舒服。 佢話「據你形容，老公好似各方面都好就你，但佢冇照顧你感受、令你覺你對佢唔重要。次於佢家人、次於佢個人感受同埋佢自己理念」 當時我不以為然，仲同治療師強調佢幾愛我錫我包容同遷就我。 解釋返我可能因為情緒唔好將問題歸咎係老公度先令佢有咁嘅感覺。
到今日睇返，覺得自己好可悲，好搞笑。
人前人後我都讚到個老公好好。人人羨慕我，但我而家先知，原來都係假。個治療師一定笑緊我自欺欺人。

本來嘈完一場，想直接同佢離婚。但佢流兩滴眼淚，講自己嘅付出，我又感覺佢好似仲愛我。我諗係自己反應太大，諗多咗⋯但我知道我係自己呃自己。

我以為由始至終婚姻都係因為愛，原來唔係。
係佢心目中應該係交易。而呢場交易，我唔合格或者唔達標，佢就取消交易。仲要單方面、唔知會我一聲。佢要我無老公之後仲要面對無錢無依靠。
相信佢立遺囑前應該先梳理左關係，面對佢俾出嚟嘅答案，真係接受唔到⋯枕邊人佢咁樣對我嘅提防，佢應該唔重視吧⋯到底佢點睇我呢？
我心痛唔係會冇左啲財產，係心寒呢個自稱好了解我，最愛我最了解我嘅人，佢一直都認為我係嚟搶錢嘅？
由細我都係喊包，但今次真心想喊都喊唔出。好奇怪，心好痛，但唔識喊。定係我知喊左，係佢眼中都係戲？又好似細個俾人冤枉左仲想逞強一樣。我唔想自己軟弱⋯


最後，我唔知可以點做⋯唔敢同家人講，唔敢同朋友講。


離婚好似係唯一證明俾佢睇我嘅為人。
我想知佢道，我愛嘅係佢。我唔貪佢都唔會佔佢便宜。但又好似卑微地求佢愛我咁。

我到底算係乜嘢⋯ 我抹唔走呢件事



too long didn't read

gay佬都有得結婚？

一路講愛愛愛愛
自己付出過啲咩?

打咁撚長做咩？ 一句

“同佢結婚！！佢死撚左我一蚊都無”

未得

OK呀,但下次可以作得好啲

唔傾就等離婚



即係佢諗住你會走先過佢，所以份遺囑冇你份。

Sor，第一時間諗到呢點

Tldr

係咪即係遺囑寫你名，否則離婚？

咁你愛份遺囑定佢個人？

講到尾你都係估估下
你唔三口六面傾清楚先嬲
有咩意思

可能你老公已經plan好唔會走先過你，所以遺囑係唔會有你名
自己小心啲

佢咪供緊樓

張敬軒？

你講嘅我估只佔事實一半，仲有另一半，一係你唔講，一係你唔知

水蛇春咁長

離婚咪得

長期心情病，睇落都放唔耐

已經慣左呢D文一定係要吹噓自己再營造自己係受害人既角色

感建分

樓主都係唔好寫佢做你保單受益人了 你都唔知對方諗乜 可能plan緊你失蹤

眼殘
咁打官司點都拎得返一半架啦
如果有付出過

你班女人日日就係諗個老公死撚咗可以拎曬佢d錢
屌你老母
臭雞港女

咁簡單，食埋佢呀哥咪有你份

1999

樓主比個source 黎啦google 唔到