《正義迴廊》討論區（4）已過1600萬票房

屌
岩先google先知
個陪審團主席啊叔係以前有線兒童台個丫文？

吓屌啊？！

屌，我最撚shock係呢樣喎

岩岩睇左 好想做陪審團

啱啱睇咗 想問雜誌編輯係咪駕輛gin姐嚟

不是

好耐無見過電影海報咁有藝術感
睇得出有放心思
男一男二雖然比陰影遮住左
但第一眼留意到都係佢兩個
之後先係律師同控方

我第一眼就認到 見到佢都嘩咗聲

點解

之前做過，奉旨唔洗返工兩日

如果入場有poster送我會睇多次

想做呢啲大案 想感受下
你之前做大概係咩case?

做死因，好簡單聽下資料填工作紙
你預都幾難中，有朋友抽咗3次都唔中
而且大案最慘唔知玩幾耐
果日個官話預3日，有個師奶已經嚇到

如果中左要睇屍體相 分屍/血淋淋真係搞唔掂

估唔到有人會搵大AL做醫學專家

周文健由《風再起時》到《正義迴廊》

復出拍電影前的十年，他一直在向華強太太於澳門經營的賭廳工作，負責招待貴賓大客。
他說當日下定決心，根本沒想過回頭再拍電影，直至2017年，他幫朋友拍了一個在facebook播放的汽車廣告，導演翁子光其時正找《風再起時》角色「肥仔b」演員，看過廣告覺得他適合，於是造就了復出一事，他說電影有影帝梁朝偉及郭富城，根本沒推辭理由。如是，他應導演要求減了18磅便去開工。其後兩人再合作《正義廻廊》，反而比前一部更快上映，且口碑票房都有好成績。
【跟梁朝偉開工好震】
「以前都同Tony、Aaron合作過，所以唔會覺得陌生，但隔咗咁多年冇拍戲，開緊工要顧住做好角色，我唔會諗咁多。但停落嚟，就會諗一個同王家衛合作過，一個係金馬影帝，都係震震吓。」他笑得兩眼謎成一線。
周文健9歲舉家移民加拿大，大學畢業後，返港拍了一個很入屋的啤酒廣告，直至今天，很多人都記得這個大隻佬穿小一碼背心，拿着小風扇飲啤酒撞牆的畫面。其後拍電影《孟波》人氣再急升，大家甚至改口叫他「孟波」。
【荷里活發展用盡積蓄】
「孟波」演藝事業發展算順利，他繼而決定衝出香港：「其實我喺90年代都幾active，拍咗好多部戲，突然間變得好有心雄，覺得係時候去荷里活發展，不過喺嗰度留咗三年幾四年，只係拍咗兩套戲，都係嘥時間，始終唔係白種人，喺荷里活發展機會不大。」他說那幾年生活用的是美金，早年拍戲賺的錢已所剩無幾。
不過他並未氣餒，接着簽了北京經理人公司在當地繼續搵機會，由於公司新成立，一切不似預期，結果再度失望。他說那次是徹底心死：「我諗番起四十歲生日喺美國，當時好唔開心，我問過自己究竟要啲咩。到去北京發展時，我已經四十幾歲，更加覺得人生去到一半，時間愈來愈少，過多幾年就五十歲，唔應該嘥時間留喺娛樂圈。」

係有d似

啱我

正義迴廊專訪｜莊韻澄獲周凱亮哥哥朋友私訊 封胸做虔誠基督徒更受關注



電影《正義迴廊》的故事改編自香港奇案真人真事－2013年發生的「大角咀肢解父母案」。由題材定位，到表達手法，製作團隊決定將最真實的畫面呈現在觀眾眼前，主角籌備殺人的過程令人心寒；弑父殺母的血腥暴力令人恐懼；案件在法庭上的審訊令人沉痛。種種元素湊合起來，《正義迴廊》最終被定為三級電影。「已經少咗18歲以下嘅觀眾，有啲人又可能怕血腥呀，怕暴力，怕法庭戲會好沉悶，同埋個名《正義迴廊》又唔係太吸引，所以我哋每一個人都好落力做宣傳」，莊韻澄娓娓道來。



莊韻澄是包到冚的Sex Appeal

莊韻澄（Xenia/前名莊端兒），一直予人身材好、性感的形象，就連創立自己有份代言做宣傳、正正經經的美容中心，都有不少好色之徒會聯想到「額外服務」，當然她所經營的生意亦絕對僅只美容。再回顧莊韻澄的螢幕作品，非喜劇就是以性感作為賣點，及至出席公開活動、 個人社交網站、網台主持等，膚淺而言就是展現「女性的本錢」。然而，莊韻澄在《正義迴廊》的角色邵佩瓊（原型為周凱亮的表姐），卻是一位基本上由頭包到腳的虔誠基督徒。其實莊韻澄在最初獲監製翁子光邀請時，已有「點解會搵我」的迷思，「開頭我都唔明點解會搵我去做表姐，表姐個角色係好善良，係好虔誠嘅基督徒，服裝亦都係句到冚，表姐係一啲都唔性感。但後尾我發現，其實表姐係帶一種Sex Appeal （性吸引力），主角張顯宗（原型：周凱亮）係會拎嚟威。例如有一場係偷拍，佢（張顯宗）成日偷拍表姐條腿，然後喺個朋友圈度發送出嚟，話畀人知有個好靚嘅表姐。」

「封胸」洗底 自認以前收錢而性感

「今次都算係洗底㗎喇！」莊韻澄直言。在電影上畫至今，莊韻澄笑言愈來愈多網民都會稱她為表姐，粉絲數量亦有所增加，即使「封胸」亦能深受觀眾支持，莊韻澄在受訪時亦難掩興奮，「大家都認識係好性感，又做喜劇多，平日個IG亦都好性感，到《正義迴廊》，大家先發現原來我可以咁，啲人會覺得我會做到一個虔誠嘅基督徒，而我做到，所以大反差。同埋我都多咗好多支持者。男嘅，可能就因為性感啦，女嘅我都收到好多係真心欣賞嘅。係我滿足感好大。以前係會覺得，收錢做完呢件事。我以前係唔敢叫人睇我嘅作品，但
呢套戲，我會不停咁問人睇咗未，唔係話因為自己做得好唔好，而我覺得套戲真係好，因為我覺得睇完，我合格喇，再唔係以前嗰個莊韻澄喇！（會否覺得「角色」來得太遲？）又唔覺喎，我覺得喺呢個圈入面係歷久不衰，就算好似88歲羅蘭姐咁，都可以有發揮！」



周凱亮哥哥的朋友私訊提問
正如文首提及，《正義迴廊》的成功，靠的除了是電影的質素和口碑，電影成員各自的宣傳和推廣亦相當重要。所以，莊韻澄很勤力於個人社交網中與網民互動、討論劇情：「第一個問題就係『肥仔（電影角色：唐文奇/真實案件：謝臻麒）有冇殺人』；如果你哋係陪審團你哋會唔會判佢有罪。不過都有好多人問我，點解表姐會幫人沖涼呢（電影中的其中一幕）？其實表姐係跟教會組織，去幫一啲低收入或者係有需要嘅家庭去做類似服務義工。」在機緣巧合之下，莊韻澄曾經收到由真實案件中、周凱亮哥哥朋友的私訊，「佢問我，到底應不應該約哥哥去看《正義迴廊》。我就同佢講唔建議喇，因為如果我係表姐呢，我都唔想再提呢件事。不過我建議佢自己本身可以去睇，因為佢知道晒成件事，都想知道到底電影入面講得啱唔啱，亦都歡迎佢之後再同我討論。」

收四千萬包團過台灣旅遊
《正義迴廊》由最初找投資者都困難重重，後來到「K先生」出手幫助，作品才得以順利完成。到上映之後，票房成績愈來愈好，更功成為香港三級華語片票房的第三位，證明好電影是能夠獲得香港觀眾支持。莊韻澄在受訪當日更透露自己收到消息，若票房成功衝破 4,000萬，傳聞有機會「有人」包團過台灣遊行。為此，莊韻澄亦透露製作團隊亦已經準備好一連串的製作花絮和絕密刪減片段，有望近日於網上推出繼續宣傳。眼見電影深受觀眾歡迎，也許正如莊韻澄所言，票房或者只是一個象徵的意義，但電影令參與者獲得的成就感，卻遠遠凌駕於金錢所代表的價值。

原文：https://std.stheadline.com/realtime/article/1890490/%E5%8D%B3%E6%99%82-%E5%A8%9B%E6%A8%82-%E6%AD%A3%E7%BE%A9%E8%BF%B4%E5%BB%8A%E5%B0%88%E8%A8%AA-%E8%8E%8A%E9%9F%BB%E6%BE%84%E7%8D%B2%E5%91%A8%E5%87%B1%E4%BA%AE%E5%93%A5%E5%93%A5%E6%9C%8B%E5%8F%8B%E7%A7%81%E8%A8%8A-%E5%B0%81%E8%83%B8%E5%81%9A%E8%99%94%E8%AA%A0%E5%9F%BA%E7%9D%A3%E5%BE%92%E6%9B%B4%E5%8F%97%E9%97%9C%E6%B3%A8

呢度正式解答咗表姐身份啦

其實我唔明點解會係咁講手天使

表姐係法庭講經文戈part自己都差啲喊出來；如果屋企人做咗咩事/自己做錯咩事，彷徨無助下只可以靠讀編野來撐住

佢哋讀presumption of innocence 個innocence好似讀錯咗，唔係in no cence, 係in na cence

轉個頭退庭 好似就係佢帶頭質疑蝦頭同肥仔有幾真