《正義迴廊》討論區（4）已過1600萬票房

伍X雄

肥仔肢解後話訓唔好 有隻蜘蛛追住佢，最後果度想講佢離開左法律制裁，但蜘蛛既制裁仲係度

應該係講緊唔理佢扮傻定係真係無參與殺人都好，喺佢心入面既蜘蛛(心魔=細佬?)同埋所有同件事有關既野/或者罪惡感永遠都唔會消失?

唔知現實中肥仔有無同家姐一齊入場睇呢套戲
如果仲有蘋果，唔知仲會唔會搵佢地做訪問呢

今日睇左呢套戲
呢套係我第一次幾乎喊足全場，亦都係第一套我響戲院聽到咁多人喊既一套主打非感人既三級劇情片

首先唔劇透下評語：9/10
拍攝方面：既取舞台劇既拍攝/轉換鏡頭/表演模式既好處，又有取電影鏡頭可以遠近高低咁遠景近鏡咁拍攝既精華，響呢一點方面既可以補足到舞台劇唔可以放大縮小畫面（eg睇唔清演員表情）既短處，又提升左劇情為主電影通常較少注重既畫面藝術感

劇透有評語：
事先講明呢套劇我比較focus響張顯宗本人，對肥仔個角色無咁有興趣，因為肥仔智商較常人低，再加上自殺後（自稱？）記性較差，令到佢既經歷本身已經較「小眾」，相較之下共情點比較小眾

呢套劇係取材於2013年響香港發生既一件倫常殺人案，時間上接近現在2022年，於香港觀眾而言較易理解甚至去代入劇中角色既諗法。林海峰飾演既吳冠峰大狀提到，第一被告張顯宗在08年金融海嘯時炒股票以致差點破產，父母提出將兄弟二人一齊供既樓轉讓比兄長為免被銀行收樓，大狀認為對香港人黎講樓（房產）重於過條命，事主當時向父母兄長求救，但反被踩多一腳，相等於佢生命財產都同時受到陌生人（銀行）和親人的威脅：
「咁你地同叫佢去死有咩分別啊」
第一共情點：賣樓還錢
個下阿哥窒左下，然後我就聽到戲院開始有人喊了
如果早幾年可能都無咁多人代入到，但呢幾年由19年既政治風波，到20-22年的疫情，皆嚴重影響唔少香港既生計，有唔少人亦因此和主角一樣，因為投資/生意/股票etc輸錢而被迫要賣樓還錢
睇返張顯宗呢個角色既造型，再睇返演員本人同原型周凱亮，我個人認為導演有刻意透過化妝及姿勢駝背等，去令張顯宗呢個人設「醜化」，指尖嘴猴腮、哨牙和矮子，去刻意製造出對比，對比兄弟二人既人生贏家vs人生輸家
第二共情點：兄弟姐妹之間既比較+家庭暴力
哥哥：高大靚仔+讀書唔錯有份好工（從佢既住屋環境推論）
弟弟：矮小貌醜+讀書工作滿盤皆輸（大學畢唔到業，股票輸錢，搵唔到好工）
行樓梯個幕，哥哥向上，弟弟向下，其實已經明示暗示左二人既人生路向
我響翻睇二人既角色造型對比時有人提出，既然父母有逼細佬學琴，咁應該都有逼阿哥學，咁點解細佬出黎既性格相比阿哥會差唔多？
Well，對同卵雙胞胎做同一件事都唔一定有相同既反應啦，更何況兄弟？我推測阿哥本身唔太反感彈琴，根本就唔會好似細佬咁抗拒學琴，甚至被父母打，而父母打仔呢種家庭暴力已經有大量研究顯示會令到子女傾向用暴力解決問題。
偏偏再加上矮小細佬在大學期間被斯凌者挑選為「可以」及「容易」被欺凌的人，在家庭及就學環境中被雙重的暴力對待，造成佢有暴力傾向，及習得性無助。
第三共情點：無助感
Tbh 無助感呢一點我相信唔少香港人呢幾年不論因為政治定經濟因素都或多或少會有，呢點唔著墨討論

我要提出重要既一點，我唔係嘗試合理化主角殺人既行為，而係想透過理解殺人犯既殺人動機（特別係電影中亦有提及一點：殺父母並非想象中咁易落得去手），探討如何可以在未來減少悲劇的發生，例如立法去規管家長規教既界限、制定校規減少校園欺凌及透過轉導擺脫習得性無助，呢d都係前人既努力黎，雖未完美但都有助減少張顯宗呢類人既悲劇，以致發生倫常慘劇，父母被殺，哥哥亦失去三位親人。

Ok，比較理性地分享完我既戲評，我要大聲講一句
《正義迴廊》真係好好好好好好睇啊！！！！！

想問下 如果2個都唔認罪 邊個要坐？

的確要證明肥仔有份殺係唔夠證據
咁啲證供好多都係靠張自己認
佢唔認係咪都冇直接證明佢落手殺

張顯宗走唔甩嫁啦
一黎有哂動機，加比cctv影到
肥仔其實係旁人眼中，係完全無動機去殺佢父母，林海峰所講既殺人預習都只能當猜測，完全無證據

有幾下拎起啲腸果陣有啲想嘔

你真係要睇多次wo

雖則話改篇 但宜家只可以將現實同戲分開
始終套戲係導演對依件事嘅睇法 到宜家都係唔會知件事係點

單日估算200萬票房
今星期票房仲好過上星期
話唔定下星期反cup我姦她forever


要破4千萬，破色戒港產三級片紀錄就仲掂

睇完套戲，肥仔完全係贏疑點利益歸於被告 加上感情牌真係冇得輸

我頭先個場睇 判肥仔冇罪個下 現場勁多人吓左哇左聲

依家剪走手天使又唔剪走沖涼
我一路睇以為莊韻澄係做妓女嘅基督徒

本來肉蒲團 + 男主角意淫莊 + 手天使，應該有潛質係構成到對 Sex 同善惡思辯嘅一部分

咁就真係要3小時啦版本啦

其實都唔洗吓，肥仔無罪意料中事，1.疑點歸於被告 2.審訊不公，單係審訊不公呢一點足夠打甩成件案

肥仔話自己7點半番屋企姐
一樣冇cctv證明佢7點半番屋企
點解又可信
全日都冇人知佢去邊
我就唔信佢將一日行程講出黎 會冇人冇見過佢
除非佢冇出過街

佢阿哥不知幾咁開心啦，一開始已經想拎哂啲樓，依家直程咁就做到 都唔知佢阿哥有冇份叫細佬殺人

肥龍係邊個？

許士仁

唔講真係唔知