《正義迴廊》討論區（4）已過1600萬票房

告佢老妨？

又咁講，拍戲還拍戲，現實歸現實
呢套戲好突顯啲灰色位比大家思考
但現實係做陪審團啲Noise 多到PK
果陣做啲簡單Case，都玩成兩日
呢啲殺人案大把野消化，肯定唔只拍戲咁少

證據不足又好，同情佢又好
9比0 既裁決，肯定係有啲原因既

我覺得唐文奇真係有份殺人 只係佢有個好家姐同埋有個好律師

如果真係低能 點會扮警察講野扮得咁似
根本係一開始搜證乸西先令佢逃過法律既制裁

現實肥仔個律師好勁
戲入面冇拍返佢點樣將對方每點既攻擊變成自己既武器

留返比肥仔表演

專心做幕後軍師

啱啱睇完
肥仔應該有份啦,竟然全票冇罪

盤菜同拼命無恙d戲好屎 仲要咁多鏡頭

噚晚睇完，想分享少少影評。

1. 絕對唔係因為露點所以三級，血腥鏡頭喺港產片當中算係幾真實，尤其是劏老豆頸，重要repeat 得都幾多次。


2. 要拍一套大眾都已經知道結局嘅電影其實好難，但《正義》毫無疑問係一套「精彩」而且「好玩」嘅電影。

成套戲一直提供口供同證據畀觀眾一齊去做陪審團去定張同唐是否有罪，或者唐文奇是否真正主謀？

同時觀眾又比陪審團再知道多啲蛛絲馬跡，但部份鏡頭/畫面亦係我覺得拍得唔太「適當」嘅地方，因為導演太明顯想主張唐文奇有參與殺人，我認為畀更多空間觀眾去思考會更好。

例如
好︰唐文奇急尿叫停車
唔好︰唐文奇被蜘蛛網纏繞
唔盡錄，好多Ching都已經講過。


3. 演員方面，我認為林海峰係發揮得最好，什至比兩位主角更好。
最深印象係張顯宗忽然選擇自辯，然後林海峰喺房串鳩佢︰「你大把時間慢慢諗，我就冇乜時間喇」「我記得你以前casting 過㗎可？咁你陣間準備上台攞獎喇喎，Good Show!」
然後由笑笑口，再擰歪黑臉。

之後係蝦頭演得太用力嘅問題，有人話因為佢想賣慘做戲畀陪審團睇，所以蝦頭先會咁演法，但我覺得其實由佢第一幕戲見麥沛東開始，我就已經睇到好出戲，當然唔排除係我主觀問題。
同埋麥沛東最後自辯都好似演得太over？或者都只係唐文奇為咗演畀陪審團睇...

鍾雪同林善就旁述feel，我明白佢兩個嘅作用，但可能有其他方法去lead 觀眾？
盤菜同Kiki直頭可以cut 咗去，戲太屎。

佢間屋做炮房冇門口入去叫雞,係佢講既口供,無證明係真定假

睇完覺得好好睇
但唔明啲露點鏡頭有咩意思
對劇情冇乜影響

唐有冇做其實唔太影響主題，而家傾向佢有做可以話導演選擇，我覺得都ok

有關蝦頭好同意，明明法庭戲以外都戲屎，尤其係當全部人都演得好時就好哽眼
最近先睇返《踏血尋梅》又係佢一出現就出戲

記者嗰part我都覺得導演貪心咗，太多嘢想講但呢part又講唔到深入，變咗散散地

套戲想做到肥仔唔知係咪扮野姐 現實肥仔係咪低能雙方係冇分歧
反而控方都想證明肥仔因為低能 所以俾周控制到有參與殺人

Lm

林海峰拿捏得好好，同張顯宗見面食住薯條談笑風生即刻轉tone講「不如我地開始喇」好有張力

呢part真係有啲多餘
講男主應徵av男優又有咩用

好似冇乜人講首主題曲
我覺得歌詞好中
講晒張顯宗嘅心境


我承受夠之後 你來受我的
如冤魂索命 如轉換兩極
我來活你的命 那誰活我的
用一滴血液 換天下太平 請看清
這亂世還不夠混賬
腍善只得 安慰獎
最後有誰可以結束 生命狂想

我承受夠之後 你來受我的
如冤魂索命 如轉換兩極
我來活你的命 那誰活我的
道德誰介定 是非誰判定 怎決定

依個就係套戲所帶出的訊息
疑點歸於被告，法庭的基本原則無罪假定，
而葉蘊儀個角色最後都有講，「法庭有法庭的規矩」，即使佢覺得有疑點又點，覺得就係覺得，證詞上證物上你prove唔到就好難落罪，仲有一個一開始由道理王帶出嚟的msg—冤獄比放過有罪的人更不公義，更加確定你唔確定就唔好亂咁定人罪的基本原則。

咁從法庭帶出來的結果係咪一定能為正義伸張呢

男一同男二cosplay 希特拉同德軍卒仔
明白想代入男一個種內心想模仿同崇拜感覺
但幾次切入變左好似搞笑位，唔夠嚴肅

套戲好多位有提示肥仔扮野好叻，講左大話
例1.話自己記性差，蠢，但可以記到好多差佬盤問語氣細節，而且當時佢又話超累冇訓過覺體力透支時候

例2. 話比差佬上門拉人時，肥仔係驚到走到跳樓咁款，但上庭又話比差佬搵到時係放鬆哂

例3. 好多位家姐同肥仔係疑似夾口供，家姐私下要求肥仔記住有利既自辯


但正如片頭講，放走個兇手好過令無辜既人冤獄
中間好多位其實明令你覺得肥仔都有嫌疑，係咪扮蠢
但差佬都搵唔到最直接證據證明肥仔真係有份殺人
所以成班陪審團都唔可能判定佢有殺人罪

搜證那西套戲都有講
沙展同新仔講現場是旦拎d野番去做證物啦
偏偏有份肥仔以前會計功課好似高分
證明肥仔學習/分析都蠢唔哂
如果證明肥仔唔係低能蠢，可能陪審觀感會有唔同

不過都係果句，冇直接證據就係鋤唔死肥仔都無計

尋日係英國睇左, 朋友冇介紹錯
節奏明快之餘D細節位亦交代得好清楚

令畫面juicy d都已經係優點嚟嘅
呢套戲視覺上做得好豐富