點解儲蓄型保險一定係呃錢？

其實如果你真係要用風險角度去講, 而你的假設是保險公司會執笠的話, 咁你就唔應該買任何保險。例如以危疾/ 醫療計, 你愈老病的風險愈高, 偏偏時間愈長保險公司執笠的時間風險愈大, 你每個月供緊一兩千蚊醫療, 供左幾廿年分分鐘比起你份儲蓄保既錢多。所以如果呢個邏輯係成立, 咁世上冇一種投資產品是絕對安全, 因為美國都有可能30年後突然自己核爆然後還唔到錢, 你既美bond變哂廢紙。

香港本身是冇任何人壽保險公司倒閉的紀錄, 所以以常理去做投資, 股票/ 基金因為是非保證回報, 本身風險上就是不能用類比, 因為你做任何的基金/ 股票投資, 你都不能保證長線你做到保證的回報率。

市場上你可以用黎同儲蓄保作比較的投資產品是30年期的美bond, 年期相近, 風險相近, 佢地的確係可以做類比。而現在高息環境你就發達了, 而家美bond是做到4.x%左右, 而家去做你是絕對跑嬴保險的保證回報率的。

但是佢同保險分別在於, 佢是冇人壽保障的, 當然換來就是流動性更佳, 因為你可以賣, 同埋回報更為優秀。當然呢個假設是在於保險的非保證回報履行比率係0的情況下去做比較, 同埋你買美bond入場費是一炮過要俾所以門檻較高, 美債etf不在討論範圍, 因為佢只是投資美債的基金而已, 一樣有風險問題。所以呢一刻如果撇除人壽保障部份, 純以儲蓄論 如果你是有足夠入場費買美債, 以相同風險去類比, 咁以流動性同回報角度, 的確係更好的選擇。

呢d問題 Agent唔會答你

講流動性問題 佢會話你有錢流動嫁喇 再唔係就Jump去益家人啦
用買樓做比較重on9
我當大家要供30年 我中途賣樓都唔蝕得多過去斬儲蓄保啦
不過好快又spin去你全家買唔夠保險
之後反sale返你買埋其他保 到時月供保險公司就唔駛愁咁

投資冇第三點

其實諗出嚟果個係為左刺激Sales去跑多d數
同埋唔好有做又36唔做又36咁

不過高佣而門檻低既特別多仆街

你話保險有無用？ 講真 醫保 危疾之類真係有用既

有留tg=agent
冇留tg=唔係agent
你呢d咩logic黎？

真，快啲去bowtie買
同時望撚清楚online 保險公司同保險公司啲plan啲條款有咩唔同

咪咁快就割你個同行啦
叫人唔駛睇？

都啱嘅，往往會將仆街保險同仆街保險sales 混為一談
鬼叫佢地咁相似

百幾個like就知大部分連登仔真係冇腦
香港人人云亦云冇獨立思考嘅性格出曬黎

一句講曬有閒錢先買 咁就唔會好似無咗忽肉咁

岩先你好似仲吠得好大聲架喎

2.x%回報絕對唔高, 佢高係高在非保證的回報, 保險公司一樣是拎你既錢去市場作投資, 係鎖你30年的複息效應下, 坊間大把投資選擇比起佢俾既非保證回報高。

但是, 如果作為消費者去買保險非保證回報本身就是「非保證」, 如果真係投資角度, 佢本身就不應該納入你的主要考量範圍, 因為投資的基礎就是風險與收益, 如果我是以非保證果個回報作為投資考量, 咁我一樣要承擔市場風險, 咁點解要買份流動性咁差的儲蓄保呢?

所以儲蓄保歸根究底就是一份鎖死你部份流動性25年以上, 投資回報跑輸同風險的投資產品, 換黎既就是低風險, 同埋當中的人壽保障而已。一切都只是give and take。唔是話冇人合適, 只是你買之前要考慮自己合唔合適咁解。我自己既建議是, 如果唔識, 咁就不如唔好買了。

唉我唔知我唔想知 呢啲做儲蓄保險講供求 有人買就有人賣架啦
而家買2800都有輸錢啦
我有做宣傳咩 冇呀我都冇導佢地 關我咩事姐 關我咩事姐
我話你知呀 啲死散戶扮晒死狗輸起錢上黎咩野做唔出咩野講唔出呀 你唔好痴埋去添呀 咪一間以為你害左佢咁
根本就係佢地自己衰 佢唔買 佢唔買 我地冇野做架喎
炆咩姐 我冇炆呀 根本就係佢地自己衰

下，問你邊間公司plan得咁少又屈我係agent
唔答你幾多歲又係agent
你老母60歲先生你出來? 弱智咁撚款
你咁鐘意問人幾歲問下你啊媽啦
如果仲有機會問到嘅話

你真係講得岩
呢期加息，即刻跑輸定期
利：有買一份

保險既都有有心做既講真
但果班都做左十幾廿年
真係立足保險屆咁耐

有次𠝹爆手搵左屋企識左十幾年既保險佬
佢夜晚十一點幾十二點幫我搵私家醫院同call醫生鏈針 話份保cover到

最後搞到點幾 我同佢講搞掂喇 佢都覆返我會幫我搞文件

老老豆豆 有無心做好易睇得出
呢d錢唔介意比佢賺


但上面果班Agent 淨係唱好唔講壞處 比人踢爆就話唔駛理人 光速割 真係得啖笑

唔好咁逼人啦 人地唔係agent黎
雖然佢唔知比完錢d錢投資左係邊
但佢真係賺夠想比其他人賺下架

真 不過當年買美股咁易咩

想問吓，如果60歲以後都想供（高危人士），消費型危疾保險會唔會好貴？
agent俾過消費plan，每五年加一次，仲要加勁多

Agent都話工作需要
如果唔係Agent但幫保險公司含到雪雪聲諗起都想笑

因為佢分身留tg呀麻
正身唱好帶風向
分身開post留tg釣水魚開單

當你話佢正身係Agent咪串駁你 我都無留tg


帶風向唱好都係佢地Job Duty黎
你唔唱好儲蓄保造勢
點會有水魚落搭呀


Sales技巧得佢識咩