點解儲蓄型保險一定係呃錢？

因為儲蓄保險既佣金好高， 由此推斷….供左既錢俾左好多佣金…所以係呃人

btw 邊間公司份plan 30年後淨係拎到比本金多少少 我自己買果份第30年年都有4倍幾 係唔係我好彩

我真係未見過有保證回報4.x%既產品
你識不如攞出嚟研究下

大多數儲蓄率保頭幾年個利率跑輸銀行，甚至要十年先至break even,然後要擺好多年個息先開始高。
所以儲蓄保個設計係for你擺舊錢係到滾好多年（20以上）
計埋通脹，仲要舊錢比人鎖咁多年
唔太抵玩

係你選擇投資工具之前要諗清楚自已既目標
我廿幾三十幾歲係人生最需要錢既時間（供樓進修結婚等） 咁咪唔會揀呢d儲蓄保
你係想草d錢退休用既 儲蓄保咪可能岩你

保險係專呃傻仔入局
依點我個人係覺得唔啱嘅

短期嘅話,
2pay5 低息環境都保證3.x, 而家唔知了
玩埋保費融資可以去到7.x, 不過就唔係保證回報.

長期plan嘅話, 保證嗰part一般都係2.x%
其實而家非保證嗰part, 差極都會做到7-80%.

你一定要保證嘅話, 買30美bond最安全. 宜家加息, 10年難得機會

呃係指路欺騙，而且係講緊“一定”，你提既三點只係缺點唔係欺騙

總之攞返同一性質嘅野比
保證就同債券比
非保證就同股票比
保險因為佣金問題，天生就輸一大截

有無唔比佣金既儲蓄

我估差唔多啦
但係由於保險有鎖錢依個缺點
如果同債券回報一樣，就等於債券大勝

有淨錢咪對屋企人好d
對我黎講
鎖住舊錢咁耐
拎到屋企人都老了

乜而家保險公司請d人質素咁參差
吹水都唔識吹
好啦 我當你真係買過儲蓄保仲真係揸足30年啦
咁你今天貴庚啊？

以前低息環境,
保證2.x% 一定好過債券
非保證, 一般大概1.x%; 同股票比, 如果同voo比真係慘不忍睹 但係如果同2800比, 又好似唔錯

儲蓄保拉長30年overall都有4.x%, 有閑錢做下都幾好

存在即合理, 冇人叫你all in

大部分人其實都係咩都買啲, 邊會好似上網鳩噏咁樣all in tqqq

大家都當左儲蓄保係投資..
其實應該睇番佢本身個名 儲蓄+保障
「逼」你儲錢之餘 萬一死Q左
就多左入保障俾屋企人咁解.

你買得儲蓄保 一樣可以做定期
一樣可以買美債 Bitcoin
點解一定要All in其中一樣既呢

完全贊同，另外補充一下，
首先，風險係可以累積，所以無人保證得到20年甚至30年後個間提供保險嘅公司仲係唔係存在，保險嘅政策會有咩改變。所以擺幾十年嘅儲蓄保險嘅風險，累積嘅風險我覺得可以好高。

第二，存款嘅自由度。擺一年期定期存款，一年依家都講緊差唔多4%。而且有咩事，最遲都係一年內可以去處，都可以賺4%。儲蓄保你擺嘅頭十年基本可以當做虧損，之後過多十年去一樣不划算，即係話，你只要有一次急需現金，基本幾十年嘅等待已經拜拜。有邊個可以保證自己幾十年都唔會有急切金錢需求？你覺得銀行嘅定期存款定儲蓄保嘅風險大d？

第三，收入無保證，佢話今年生意唔好就可以極低回報。但係定期存款嘅回報可以好持續，美國債券都可以好穩健回報（唔計d人炒賣債券）

有咩理由買一個高風險，低回報，低流動性嘅產品？完全唔符合經濟效益，隨便一個證券產品，一係高回報就高風險高流動性，一係低回報就低風險同時高流動性。三個方面都好差嘅產品仲可以咁多人買，只此儲蓄保險一家。

只係唔想研究或者無時間研究投資嘅人，先會揀d咁嘅產品

連登仔買咩win咩
一係就十年前已經買voo

保險9中學畢業就做得😂