第一屆避孕藥討論大會（3）

想問下避孕藥係咪唔可以同維他命C supplement一齊食？

如果唔係喺嚟m嘅時候食第一粒嘅話
會唔會之後食哂成個週期都冇用

有冇絲打係因為皮膚先食避孕丸而又真係好左？

空肚食嘅話正常
一定要食多少少野墊底

好左 本身額頭經常生暗瘡 食左之後皮膚好左 少生左

絲打食咗幾耐先好

開頭都唔覺有咩用 食左半年開始就好似覺得真係生少左瘡 得返啲印

停左藥之後，遲左10日先黎m，但量好少好少，而且黎m日子都長啲，而家7日仲有少少啡
以前食藥: 量多，黎4-5日，會痛

臨訓前食？

攞藥唔係都要book㗎咩
之前去開青少年保健中心配Yaz，但打極電話都唔通，book唔到
有冇人知除咗家計會邊度有平d既避孕藥配
萬寧屈氏二百幾蚊盒真係好貴

母嬰健康院最平每次1蚊
係頭幾次煩啲，第一次配要見醫生要等比較耐
同埋開頭唔會畀咁多藥你，要你食夠幾個月都冇副作用先肯一次開半年藥
捱過頭幾次就好方便，一年去兩轉夾埋兩蚊搞掂

但母嬰健康院淨係得Microgynon?
聽人講食完會水腫
食開Yaz 又唔想特別轉
係咪冇其他方法

中出，中出，中出

仲有另外兩隻，不過都係啲舊藥
想繼續食Yaz就都係家計會啦，應該一開門就打過去會易book啲

知唔知另外嗰2隻牌子係咩？

試過好多次都係一開門就打過去 打咗4，5次都唔通
有次經過開旺角親身上去就預約到 不過係2個禮拜後既期
但冇理由次次都走兩轉...
好苦惱

Marvelon同埋tri-regol
你試下用佢嗰個e服務？留低電話之後會有人打返畀你

應該難d有地方平得過家計會
不過太子有間樂善堂藥房賣緊$188盒 平過出面少少
同埋佢哋有藥劑師比你問嘢 雖然要收諮詢費 不過都解釋得幾詳細
如果你真係book唔到家計會可以試下呢間

你講個間樂善堂藥房諮詢費幾錢？洗唔洗book?

上次佢收咗我$50 除返開唔使$200盒

我上次冇book 直接walk-in
呢間藥房都幾多人 你可能打電話問下先會穩陣d

有冇人試過食yaz食左個半月都唔黎m 係咪應該唔食

同埋如果想唔食 可唔可以直接停 定要食埋淨低個d?

你本身經期幾耐嚟一次？
同埋食得啱唔啱？係咪食完24粒粉紅再食4粒白色？
初期食頭幾個月係有機會唔準
但keep住食多幾盒經期會慢慢變返做28日一個cycle