油卡/入油折扣討論區(35)窮撚/新手專區

上一個post:
https://lih.kg/3135745


利申先：並非任何油卡agent，資料唔係100%完整。

現時香港有5大油公司，基本上油價都係一樣，一般都只係靠油卡同油券提供優惠。以下為小弟已知嘅油卡資料：

Shell:
現金卡：普通Shell Bonus Card (黃色)每L -$0.9
更新1：而家逢星期一四-$3.6(個別油站-$4.5)
港島區宵夜油(10pm-6am)-$3.6 分都冇得儲 不可配合油券使用
更新2：現有新的bonus card (深灰)可經agent申請，每L -$4.2，可儲分，不可用券。因agent聲稱資料要4個月內未曾使用黃卡。建議如未申請黃卡，可直接申請深灰bonus card，收卡後可再到油站取黃卡開新戶口。
更新3: AE白金卡450回65配合灰卡 利用 V-Power 星期六三倍分 可以減到$9以上（以平油價計），普通卡配合券同星期六同貴油平入油站可以減$7以上（以平油價計）
更新4:
有巴打拎到時光機搵到申請黃special嘅方法(油券/信用卡優惠可以二擇其一+可以儲分)
由於已流入公海 太過熱門 已死
明就明 唔明即係你都冇呢張咭啦
Esso:
現金卡：基本Smiles卡-$1.6,可以配油劵用，逢星期二同星期五減-$3.6(不可以配油劵)重點係儲積分可以直接用嚟入正價油。但要注意優惠呢兩日一般較多車去入，所以有機會要排隊。
開張/執笠卡: -$4.0不等, 平時無得申請, 有油站開張/就快執笠關門大吉時先接受現場申請. 基本上係一張團體Smiles卡, 有得儲分
Esso App:每個月都會畀呢d券 (減~$5以上)



加得快(成撚日帶頭加價):
現金卡(JoyFuel Card)： -$0.9。Walk-in就拎到或者銀行信用卡減九毫。可以配搭油劵用。
星期三、六-$3.6、不可配合油券使用
金泡泡(JoyFuel VIP Card): -$3.6
私人能源卡(紅卡)：-$3.6，與agent 卡唔同，紅卡係油公司自己出，較為有保障，另外佢最特別係可以配合油券用。我見過有入$400 送$50/$55/$60/$65/$70油。結合紅卡優惠，每L-$6蚊以上
貴油用$500送$80券可以減$5蚊以上（以平油價計）
喺油站拎form或網上申請 要copy牌簿(張卡跟車牌no.) 收入文件 住址證明 同銀行戶口no.做DDA (填錯戶口no.過唔到數會lock戶口 要畀按金解bam)
可以自己畀油站職員收集 可以自己寄 最後都係去返雪佛龍office處理
一般需要超過一個月處理先會寄卡返去你地址 每個月中過數前可以揀用信用卡找數
經caltex網站申請嗰張能源卡垃圾嚟 唔好中伏
教協(已執笠) 會計師工會嗰d有特別紅卡 可以減多d
不過一般人申請唔到

雙支多數玩快閃優惠，要日日mon實佢哋限時限站先會有減，而且佢哋成日攞個貴油價折扣出來講，扮減好多，實際快閃都無能源大法減咁多，可以skip

FAQ:

Q:現金卡有咩好/壞處？
A:現金卡一般折扣較低。但由於每次用現金/信用卡結，可以免除被收多錢風險，亦可以儲信用卡積分。而大部份現金卡都可以儲分

Q: Agent 卡點解折扣特別高？申請好唔好
A: 一般Agent 同油公司簽咗合約，Agent 每月要包銷一定數量油，所以佢透過其他車幫手消費，再賺中間差額。

雖然折扣額高，但有唔少潛在風險，例如申請時需要提交大量個人資料，例如銀行戶口號碼/信用卡號碼，曾經有Agent 非法盜用卡資料同個人資料。另外佢個折扣額可以隨時更改，可能到你收到月結單，畀人收咗費先發現折扣額變咗或者收咗手續費。

Q: 入貴油好唔好，分別喺邊？
A: 貴油同平油主要係添加劑不同，兩者辛烷值都係一樣98。有研究話貴油平油里數個表現都一樣。小弟用過貴油，感覺上轉數上得快少少，機頭又好似靜少少但我分唔到係咪心理反應。總之貴油的確好過平油，值唔值就見仁見智。

Q:有啲巴打話佢張卡減到3蚊甚至4蚊，點申請？
A: 的確有啲油卡折扣特別高，但唔係一般人可以申請，佢地多數係公司卡，例如地鐵卡，Uber Card 等。

Q:優惠日唔比用油券，咁比唔比用信用卡優惠？
A:要睇個信用卡優惠係咩，例如信用卡優惠係400送65油，其實即係油券，所以九成九同油券條款一樣，唔用得；如果信用卡優惠係回饋金錢，例如450回饋65蚊，條款就會唔同，一般都可以同優惠日共存

Q:其他優惠可唔可以同貴油平入共用，積分又點計？
A:除非佢條款有另外說明，一般所有優惠都可以同貴油平入共用，例折扣卡貴油減多D，貴油平入就會計貴油折扣（啟德卡例外，所以其實都要睇條款），但入平油價，即係變相直減多佐，積分都係計貴油；油券就睇條款，間間油公司唔同，例如ESSO同SHELL都可以貴油油券去貴油平入用，但唔知支硬化定支油就唔得

Q:油券同信用卡送既油可唔可以跟油卡折扣？
A:正常大部分送既油都係無分同計牌價，例如400送65既券就送果65蚊要跟牌價，400可以用折扣卡；200蚊現金卷就200蚊全部跟牌價，但詳細都要睇條款，有例外，例如shell今期恒生優惠送果100就有分同計埋折扣

以上資料由Post 34抄出黎，配合油價調整同睇心情update