9 Like
2 Dislike
白卡佬A.K.A叛龍
2022-11-25 17:03:26
不解
佢走咗之後,我冇返屋企,反而坐咗喺巴士站嘅長櫈到。
我唔明,到底放唔低係咩意思?
佢應該知我哋個問題出喺邊,但係…
佢選擇唔解決。
明明簡單講返咩事就得,但佢選擇逃避。
照咁計,佢應該係唔想繼續落去,但而家又話放唔低。
定係…
佢等緊我開口?
根據慣性,女人係唔會認錯,亦唔會做主動。
霸氣啲由佢走,定係認衰仔?
我覺得…
霸氣從來都冇喺我身上存在過。
另外就係,我最鍾意搵真相。
我拎電話出嚟Send咗個Whatsapp比佢。
「如果我講咗嗰日發生咩事,你係咪都會講點解你要扮醉?」我問佢。
「關我咩事?」
「咁我講架喇喎?」
「你咪講嚟聽下。」
然後,單剔。
喂,咩料啊?
又叫人講,然後又Block咗人。
唔得,我決定要召喚小巴大師。
我打咗個電話比龍哥,一響佢就聽咗。
「做咩啊武仔?」佢問我。
「你今日得唔得閒?」我估佢唔得閒。
「你問得真係好合時,我今日唔打算開工。」佢繼續講:「想點啊武仔?」
「想搵你傾啲嘢。」
「老地方等。」
Cut線之後,我嚟到佢朋友開嘅酒吧出面,過咗無耐龍哥都到步。
「洗唔洗急到衫都唔換就嚟啊?」
「Sor,心急得滯。」我拍咗拍佢手臂。
「唔緊要。」佢推門:「有冇房啊老細?」
「依家有啊,不過晏啲要讓返出嚟架喎。」佢朋友喺裡面嗌出嚟。
「行啦武仔。」
我跟住龍哥嚟到酒吧最裡面嘅一間房,佢朋友過咗陣都拎咗一壺Mix好咗嘅Black Label入嚟。
「咁耐冇見,我請大家飲少少啦。」
講完,佢朋友就行咗返出去。
龍哥拎包煙出嚟,自己拎咗一枝:「你要唔要?」
我拎咗一枝之後,佢就收返埋包煙。
我幫佢點火,然後再幫自己點。
「煙酒齊備,可以開始講。」佢望住我:「你呼啲煙都有形狀架喎。」
「咩形狀?」我唔知佢想講咩。
「大大個問號喺到。」
「係呀。」我苦笑。
香江第一淫棍
2022-11-26 01:52:03
找尋中。
白卡佬A.K.A叛龍
2022-11-26 05:08:55
我嘅都希望就係大家都帶再啲喇走( 飲醉酒大錯字唔好介意)
白卡佬A.K.A叛龍
2022-11-26 18:08:01
小巴界解答之人
「飲返杯先開始講。」佢斟酒。
「Cheers。」
我兩個碰杯,然後一飲而盡。
龍哥望住我,好似有啲嘢想講。
「做咩?」我問佢。
「平時你都養魚架喎,今日做咩飲曬?」
「冇呀,想飲啫。」
「你都係冇變過。」
「咩呀?」
「你都係咁口不對心。」
「邊有啊…」
我諗住解釋,但係比佢打斷咗。
「唔好解釋喇,講下你發生咩事啦。」佢已經睇穿咗我。
「我估你都收到風我溝到女架喇。」
「的確,咁而家咩進展先?」
「分咗手喇。」
佢聽到呢句,隻手即刻震咗震,差啲成壺酒跌落地下。
我伸手過去扶住:「唔洗咁大反應啊嘛?」
「以後要叫你武哥,咁快就識中出即飛。」
「件事唔係你諗咁架。」我反咗個白眼:「聽我講埋先。」
「願聞其詳。」
「之前我以為佢醉咗,咁就上咗佢。」
「似係你會做嘅嘢,跟住呢?」
我知佢抽緊我水,但我而家懶得屌佢。
「原來佢當時只係扮醉。」
「都唔出奇,咁重點係咩?」
「我問佢點解要扮醉,佢死都唔肯答我。」
「所以你就因為佢呃鳩你而分手?」
「Kind of啦,但事實上係不歡而散,因為分手之前嗰日我落咗Bar同女飲酒,仲飲到斷曬片,之後比條女屈我摸佢。」
「所以係你嬲佢唔講點解要扮醉,然後佢嬲你同女飲酒。」
「就係咁。」我拎枝哮喘藥出嚟:「但今日佢幫我買飯,又借藥比我。」
「咁你想點?」
「我都冇話想復合架喇,我淨係想知真相啫。」
「真係?」佢奸笑一聲,然後指住門嗰邊:「啊晴啊!」
我下意識擰轉頭望,但外面一個人都冇。
「都冇人。」
「可能睇錯啩。」佢企起身:「你等我一陣。」
講完,佢就行咗出去。
幾分鐘後,佢拎住封信行咗返嚟。
佢將封信擺喺枱面:「呢封信唔好拆,袋住。」
我有啲不明所以,但都係將佢摺埋放咗落褲袋。
「聖誕聯歡會會玩交換禮物架嘛?係盲抽架嘛?」
「係啊,做咩?」
「佢就係你拎去交換嘅禮物。」
「吓?」
拎封信去交換?
「唔好問,總之到時你就會知道真相。」
白卡佬A.K.A叛龍
2022-11-26 18:14:24
龍哥的安排
「哦,好啦。」
「做人,一定要有耐性,冇耐性係唔會得到自己想要嘅嘢。」佢用長輩說教嘅語氣同我講。
件事好唔對路。
雖然佢平時講嘢都好有教育意義,但唔會用呢種語氣。
「你做咩?」
「武仔,你聽我講。」佢再飲一杯:「愛情就好似打飛機一樣。」
又係呢啲比喻,我鍾意。
「願聞其詳。」
「你自己打嘅時候,鍾意點就點,因為冇人理你。」佢拍咗拍我膊頭:「但係有人幫你食咗佢嘅時候,你就要捉實碌鳩、撳實佢個頭,唔好錯過,因為你一錯過,未必有下次。」
「你意思係…」
我想Confirm我嘅諗法啱唔啱,但未講到就比佢揞住咗把口。
「唔好問我,你自己諗到咩就係咩。」佢睇咗睇電話:「我有事要走先,你自己慢慢參透啦。」
講完,佢就咁行咗出去,得返我一個坐喺房裡面沉思。
不如…
打開封信睇下?
我拎封信出嚟諗住打開,然後…
「呯!」
道門比人用力推開,然後龍哥個頭喺門邊突咗出嚟。
「你做咩返嚟嘅?」我將封信收喺背後。
「知你咩料啦。」佢比咗隻中指我:「咪撚開封信啊!」
「知啦。」我擺低封信喺後面,然後舉高雙手:「冇搞封信啊。」
「真係冇搞先好。」
講完,佢就咁走咗。
果然,知我者乃龍哥也。
我望住封信,真係好想開,不過龍哥做嘢一向都有佢原因,而且唔會有錯,加上佢都冇呃過我,所以就…
算啦。
還掂而家距離聖誕聯歡會都只係剩返個零月,應該早知同遲知都冇咩分別。
雖然講係咁講,但我返到屋企之後都係好好奇信封裡面有啲咩。
龍哥話唔拆得啫,冇話唔睇得架。
我用電筒照住個信封,可以睇到裡面有張白紙,但上面完全冇字。
我照下個信封嘅其他位置,然後見到有枝筆,筆頭有個應該係燈仔嘅嘢。
龍哥預判咗我,佢知我點都會諗方法睇,所以佢用咗隱形筆嚟寫。
香江第一淫棍
2022-11-26 19:00:29
封信係條女畀佢嘅?
白卡佬A.K.A叛龍
2022-11-26 20:01:58
Good guess but wrong
白卡佬A.K.A叛龍
2022-11-27 17:44:48
我不想知道太多
之後我都冇再搵啊晴,除左因為佢Block咗我,仲有係因為龍哥都已經幫我安排好,我都冇必要咁心急。
今日啊澄約咗我飲酒,原本我都冇諗住去,直到佢講咗句咁嘅嘢…
「有啲關於啊晴嘅嘢你唔知,但我知。」
「咁你想點?」我問佢。
「你知架。」
「得,我嚟。」
「即到唔該。」
我換咗套見得人嘅衫就即刻衝咗出去,而佢同上次一樣都係MK妹標配。
「行啦。」我叫佢。
「今日係咪你請先?」佢問我。
「係咪有嘢我唔知?」
「係。」
「如果嗰樣嘢我知,我就唔請。」
「一定為定。」
行入酒吧,我就直衝去搵枱,而啊澄就唔知做咩停咗喺吧台前面。
「老細有冇房?」啊澄問坐喺吧台嘅老細。
「有啊,不過有低消。」佢突個頭出嚟望住我:「不過見係熟客,又第一次開房,唔洗低消啦。」
「多謝老細!」啊澄比咗兩個Like。
「行到最盡有間空房,你哋就用嗰間啦。」
唔洗低消又有房用,何樂而不為?
但我總係覺件事冇咁簡單,因為又唔係咩特別日子,無啦啦開房有啲古怪。
不過嚟到呢個位,老細都打埋人情牌,我冇可能Say no。
啊姐行咗入嚟:「飲咩啊?」
「同上次一樣兩枝?」我問啊澄。
「一枝得啦,驚你冇心情飲曬兩枝咁多。」啊澄同啊姐講:「一枝要Mix啊唔該。」
「OK。」啊姐用手機Mark低。
講完,啊姐就行返出去,房裡面得返我同啊澄。
「得返我同你。」我點煙:「可以開始講喇。」
「比枝煙嚟。」
「Sure。」
我拎咗枝煙比佢,佢咬住枝煙挨過嚟。
「做咩啊?」我有啲錯愕。
佢冇應我,直接用我枝煙嘅火光點著佢嗰枝。
佢呼出一口煙,然後將部電話擺喺枱面。
電話顯示緊一張相,係一個個樣同我有幾分相似嘅男仔。
「比我睇嚟做咩?」我問佢。
「唔知呢。」
佢碌去下一張相,而我諗…
我知點解佢要比我睇呢個人。
白卡佬A.K.A叛龍
2022-11-27 17:48:56
我不想知道太多(二)
呢個係一張合照,啊晴同啱啱個男仔嘅合照。
「同Ex嘅合照啫,有咩特別?我而家都摷到幾張出嚟啦!」我自己覺得唔在意,但語氣不受控制地有啲激動。
「唔特別咩?」佢放大個男仔個樣:「佢個樣幾似你喎。」
「人有相似,物有相同。」我繼續扮冷靜。
「咁都啱嘅。」佢再碌去下一張相:「咁呢張你又有咩睇法?」
呢個係一個TG群Chatroom嘅Cap圖,正中間有一張啊晴嘅自拍相,而個群名係…
「出租情人/兼職女友」
「可能係人哋覺得佢靚女,純粹Po上嚟分享下呢。」我作咗個連我自己都唔信嘅大話。
「下面仲有價錢表,不過唔比你睇啦。」佢收埋電話:「你應該唔知呢單嘢啩?」
「的確係,咁又點?」
我其實想問多啲,但又唔想顯得自己好犯賤。
「總之,我知道嘅嘢好多,而且有好多都冇講出嚟。」
呢個時候,啊姐拎住酒同杯行咗入嚟。
平時啊姐都會搵我吹兩句,但我估佢都Feel到唔對路,擺低啲嘢就即刻衝返出去。
「咁關我咩事?」
佢斟好兩杯酒:「你想問嘅,絕對可以,不過一題一杯。」
「猜枚啦,我唔會問。」我伸出雙手。
「其實你都行到嚟呢步,你覺得你真係咩都唔想知?」佢拎起酒杯:「你諗下我今日係點叫你出嚟?」
無錯係,我係因為有啊晴嘅消息先出嚟,但我純粹想搵到真相。
而家都已經搵到真相,我冇必要再問落去。
「一杯一個問題,唔問就今日成日都冇得問,我出咗呢個門口都唔會再答你任何嘢。」佢拎起我嗰杯:「三。」
「二。」
真相已經出咗嚟,但…
只係一部分。
我接過酒杯,碰咗佢隻杯一嘢就一啖飲曬佢。
「請講。」佢笑一笑,然後都一啖飲曬。
「我想知,個男仔係邊個嚟?」我問佢。
我真係好犯賤,過咗去都係死都要問到底。
但真相重要過件事本身,至少我係咁樣諗。
香江第一淫棍
2022-11-27 20:25:56
幾正,呢幾章好有懸疑感。停得恰到好處。
白卡佬A.K.A叛龍
2022-11-28 05:41:57
接下來好多都係爆真相,表面嘅真相。
白卡佬A.K.A叛龍
2022-11-28 05:56:25
好人(三)呢個位有重大更改,我當時打錯字。
呀爸應該係呀媽先啱。
白卡佬A.K.A叛龍
2022-11-28 12:18:33
我不想知道太多(三)
「呢個係佢個客嚟。」啊澄淨係講咗簡單一句。
「淨係咁?」我有啲懷疑自己係咪比人撚。
「我有答到你條問題,想再問你咪再飲。」佢捉我問題嘅漏洞。
嚟到呢個位,我淨係想知到底件事係點,唯有肉隨砧板上。
我斟酒,然後一啖清:「佢係咪啊晴嘅大金主同前仔?」
呢個係一個是非題,佢冇可能走得甩。
「係。」佢幫我斟酒:「你都幾醒,識問是非題。」
「見人講人話,見鬼講鬼話,純粹見招拆招啫。」我再飲一杯。
「仲有嘢問?」佢有啲驚訝:「仲有問落去嘅必要咩?」
「有,一定可以問落去。」
「咁…你問啦。」佢好似有啲怯。
只要我想,我問足一日一夜都得。
粗略係有極限,但詳細係近乎無極限。
只要一直都唔滿足,知道嘅嘢就會越多。
知道嘅嘢越多可能會越傷心,但至少唔會係嗰個蒙在鼓裡嘅戇鳩仔。
「我想知佢點解要做呢份工?」我專注咁望住啊澄。
唔係缺錢到一個地步,冇人會主動做埋啲咁嘅嘢,除非真係好貪錢。
「佢貪錢,就係咁簡單。」佢眼神有啲閃縮。
佢根本唔肯定,我唯有喺另一個位鑽落去。
「佢幾時開始同個金主一齊?」我再飲一杯。
點樣由客變做男朋友,呢個都係重點。
係因為錢,定係情?
「佢接完第一次金主單之後,就冇做過其他人。」佢答得有啲隱晦。
可以係第一次之後就比人包起,亦可以係佢第一次之後就沉咗船。
我唔相信係前者,但就現有資料嚟講,我都排除唔到前者嘅可能性。
我再飲一杯:「佢幾時開始做,同埋幾時開始唔做?」
我無可能完全掌握到佢對嗰個人係點,但我可以大概掌握到佢對我係點。
「三年前開始,兩年前開始冇出現。」
兩年前開始冇出現,即係中四之後佢就淨係接金主單。
「由金主轉做男朋友之後幾時分手?」我再飲一杯。
幾時一齊冇人知,但幾時分手都係重點。
香江第一淫棍
2022-11-29 00:43:27
恩,呢度你都幾有經驗。我都遇過。
尚下左友
2022-11-29 00:52:27
新人lm
尚下左友
2022-11-29 00:52:42
樓主加油 繼續寫落去
白卡佬A.K.A叛龍
2022-11-29 02:39:28
愛上你
(就嚟結局喇)
尚下左友
2022-11-29 11:04:45
我啱啱先睇 咁快就結局
白卡佬A.K.A叛龍
2022-11-29 11:08:10
急起直追起來
(慢慢嚟啦)
白卡佬A.K.A叛龍
2022-11-29 11:35:34
結局希望唔好令大家失望啦
白卡佬A.K.A叛龍
2022-11-29 12:03:57
我不想知道太多(四)
「半年前。」
如果係咁的話,佢有可能當咗我係替代品。
諗返轉頭,嗰一次去完酒吧之後佢有同我講過佢當咗我係佢前仔。
「冇嘢問啦嘛?冇就猜枚架喇喎。」佢伸出雙手。
「Sure。」我都伸出雙手。
同上次一樣,我都係冇咩進步。
講就講話猜輸飲,但事實上基本上都係我飲,不過今日得一枝,好快就飲淨少少,大概係一杯嘅量。
「猜埋佢?」我問佢。
「呢杯留比我啦。」佢將淨低嘅酒斟落隻杯到。
「咁我走先啦。」我起身。
我行到門口嘅時候,佢叫停咗我。
「啊武!」
「做咩?」我轉身望住佢:「唔想我請?」
佢嘴唇不斷郁,但係冇發出半粒聲,似係有嘢想講,不過講唔出口。
「你冇嘢講我走架喇。」我拉開門。
我喺到逼緊佢講,因為每一條線索都好重要。
佢終於開口:「我飲一杯,問你一條問題得唔得?」
「你想問咩?」
「你答唔答先?」
講完,佢就豪邁咁一啖清咗最後一杯酒。
「你都飲咗,問啦。」
你都做到咁,我有得唔比你問咩?
「其實你死都要知道個真相,係咪因為你仲鍾意佢?」佢好認真咁望住我。
「唔係,純粹係我覺得棘親都有舊石,所以想搵返呢一舊石返嚟。」
「真係?」
「係,就係咁簡單。」我毫不猶豫咁答佢。
講完,我出去埋咗張單就清醒咁行咗返屋企。
我開咗一份文件,將啱啱聽返嚟嘅所有嘢打返曬入去,整咗張線索表出嚟。
「點解要呃鳩我?
線索表
1.佢以前做過PTGF(原因未知)
2.佢同其中一個金主拍過拖(半年前分手)
3.個金主同我好似樣」
呢三個都算係比較重要嘅線索,但都係無助我推理點解佢要扮醉、點解要呃我。
而家唯一可以肯定嘅係酒店前台會講得出「好耐冇見」呢句嘢,好可能係因為佢以前做過PTGF。
我冇話PTGF一定係同需要上房做嘅嘢有關,但唔排除呢個可能性啫。
啊澄知道嘅嘢應該已經講曬出嚟,而啊晴本人同佢身邊嘅人都唔會透露任何嘢比我。
我望住擺喺枱頭嗰一封龍哥比我嘅信,基本上佢係我嘅最後希望。
白卡佬A.K.A叛龍
2022-11-29 16:38:15
人類係情感嘅動物,由客轉男朋友。
完全唔出奇。
利申:未試過
白卡佬A.K.A叛龍
2022-11-29 16:38:44
揼緊下個故
白卡佬A.K.A叛龍
2022-11-29 20:03:42
聽日可能會直踩結局,睇下IG投票結果如何。
敬請留意。