[校園/愛情/勵志]中六個年 我鍾意左叫我起身個女仔(重修版)

無論係比個世界M，定係比人喺床上M，總之一定要M。
因為…

是誰
我返到最後一排坐低之後，突然諗起一樣嘢。

呢幾日啊晴都冇搵過我，而我都以為佢已經Block咗我，但如果…

唔係呢？

講多無謂，試一試佢最實際。

我拎部電話出嚟，喺Whatsapp打咗個問號，然後望去前面。

中間隔住好多人，完全望唔到佢，我唯有望返自己個Mon。

我深呼吸一口氣，然後撳咗落個傳送制到。

單灰色剔，然後…

雙灰色剔！

佢收到我個Message，證明佢冇Block我。

我將部電話擺去隔離，然後雙手托頭，揞住口鼻不停上下捽。

呢刻嘅我有啲興奮、有啲緊張，但同時又驚唔知點答佢覆嘅嘢。

「叮！」

我拎開兩隻手望過去，佢覆咗我。

「做咩？」

我應該點講呢？直接問？直接兜個圈引佢講？

「想講咩就快啦。」

咁就直接啲啦。

「你係咪有嘢想講？」

「冇，但睇嚟你有嘢想講。」

我諗咗一諗，其實都唔係冇。

「我都叫做有嘢想講，但唔知你想唔想聽啫。」

「請講，願聞其詳。」

我決定將所有疑問，一次過講曬出嚟。

「我想問點解前台會同你講好耐冇見？點解嗰日你要扮醉？」

「你問呢啲嘢有咩目的？」

其實，就算佢答咗我又點？

「我想知。」

但我就係想知，因為我覺得佢有嘢想講。

「咁不如你講下點解會同啊澄去飲酒，你講完我咪講。」

「我冇約佢，係佢水我去。」

「乜佢揸枝槍逼你去咩？」

「都係…」

駁唔到。

「Testing Testing。」

身後嘅喇叭傳嚟體育老師把聲，應該係有宣佈。

「聽宣佈啦，你答到我再講。」啊晴覆我。

「嗯。」

我睇咗睇時間，已經差唔多放學，個宣佈應該關三千米事。

「甲組三千米賽事開始召集，參賽者請到看台正對面嘅帳篷報到。」

果然。

我綁實條鞋帶，然後就行咗落去。

是誰（二）
我嚟到看台正對面嘅帳篷，呢邊個報到處由一個女體育老師負責。

「啊武，好耐冇見啊！」佢向住我揮手。

「係啊，好耐冇跑喇。」我扤頭以示禮貌。

「今年做咩又返嚟跑啊？」

不如你問下點解今年一定要報一個項目？

「冇呀，最後一年想留返個回憶啊嘛。」我決定比一個公廁答案佢。

「好啦，咁你加油喇！」佢都還一個公廁答案比我：「你等我一陣，揀個靚號碼比你。」

「好啊。」

佢喺堆好似垃圾咁嘅號碼衫到搵咗一陣，然後拎咗其中一件出嚟。

佢揚開件號碼衫：「就呢件啦！」

我望住件號碼衫，有少少無奈。

點解…

又係「67」

「我想問…」

我諗住問佢可唔可以換過件，但佢已經將件號碼衫塞咗落我到。

「唔好問喇。」佢拍咗拍我膊頭：「加油啊！」

我加你老…

唉，算。

我死死地氣著上件號碼衣，然後摸咗摸佢，唔知點解感覺好熟悉。

係喎，我都未睇過今年三千米有咩人參加。

「我想問有冇參加者名單？」我問佢。

「有啊。」佢喺堆號碼衫底到拎咗本簿出嚟：「喺最後嗰頁啊。」

我接住本簿，然後直接揭去最後一頁。

「得五個嘅？」

除咗我，另外四個都係中五。

得四個都唔係重點，重點係佢哋我全部都唔識，以往跑得唔錯嗰啲都冇喺名單上面。

「我都唔知點解今年特別少，以往都有七至八個。」

你問我我都唔知架。

「唔該曬。」我比返本簿佢。

我都唔知呢件係好事定壞事。

跑過兩個就頭三，但係佢哋我全部都唔識，都唔知勁定廢，一間我跑第尾就柒到核爆。

「上跑道拉下筋先啦，差唔多開始啦。」女體育老師用大聲公講。

我行去起點，呢個時候我都終於知另外嗰四位咩樣。

高我成個頭呢啲就唔講啦，畢竟我得嗰米六。

我拉筋嘅同時順便摸下自己對腳，後腿啲肉鬆拋拋咁，似肥肉多啲。

再望下另外四位對腳，後腿個肌肉線條幾咁明顯。

睇嚟今次…兇多吉少。

三千米我以前都跑過，我跑親都跑長跑。
呢啲劇情，夠晒校園，寫到香港學生生活。

被強迫的生活

是誰（三）
「大家揀好位喇，準備開始喇。」跑道側邊嘅工作人員有大聲公講。

另外四個已經一早霸曬四條內線，我唯有去第五條起跑。

雖然起跑之後都會切返入內線，但係多個動作都係麻煩咗。

「各就位。」

「Ready。」

「Set。」

「咇！」

槍聲嗚起，另外四位即刻爆衝咗出去，而我就喺後面慢慢切返入內線先。

呢個可能係佢哋嘅均速，不過因為快過我，所以我覺得佢係爆衝。

佢哋繼續喺前面爆衝，而我就繼續保持住我自己嘅均速，成件事頗有一種「眾人皆醉我獨醒」嘅感覺，當然都有可能係「眾人皆醒我獨醉」

跑成七圈半，我就唔信你哋可以Keep住呢個速度跑到尾。

經過三圈，我依然同佢哋保持住一樣嘅距離，大概二十米左右。

佢哋冇降速，當然我都冇，情況可以話係樂觀，但如果呢個情況持續到最後，我就會包尾。

如果我格硬喺呢個時候發力追上去，雖然我而家追平，但後段我一定會冇力又冇氣。

呢個世界有一招係好賤，但又好有效，叫做「趁你病攞你命」

經過五圈半，前面四位開始有輕微減速。

「機會嚟啦飛雲。」我深吸一口氣，細聲同自己講：「上佢。」

我開始稍微加快步距同步速，慢慢收窄同前面四位嘅距離。

嚟到最後一圈半，我同佢哋嘅距離都收窄到五米左右，但係…

仲未夠。

「爆衝四百米」，呢個係我嘅諗法。

我交叉腳跳咗一下，呢我係我準備爆衝嘅招牌動作。

咁耐未型過，係時候型返次！

我喺佢哋身邊跑過，佢哋見我爆氣都即刻爆氣。

原本講求耐力嘅三千米賽跑，瞬間比我變咗做講求爆發力嘅六百米短跑。

嚟到最後一百米，我哋五個人近乎平排，而我略略落後少少。

Holy fucking shit 飲醉酒出曬事（而加加返）

相信（二）
我拎出耳機，然後用電話開咗個聽歌App。

因為個App會自己播返上一次聽到嗰首歌，所以我連歌都唔洗揀…

「愛像一陣風 吹完他就走~」

當我冇講過，Skip咗佢唔該。

我拍咗拍個耳機，Skip咗首歌佢。

「曾約定 哪天於彼此婚禮中~」

陳蕾嘅《我想和你好好的》，就呢首啦，因為…

我都想和你好好的，但係我哋好唔到，因為你呃鳩我。

我彈走個煙頭企起身，開始慢慢行返去。

行咗冇幾步，我就見到啊澄迎面而來。

路得一條，佢擺到明就係過嚟笑鳩我。

佢停喺我面前：「喂，啊晴呢？」

「走咗啦。」我反咗個白眼。

「搞咩走咗啊？」

咪你囉撚樣，賊喊捉賊啊而家？不過唔緊要，我都唔想見到佢。

「唔知啊，我激嬲佢啩。」真相自己知就得。

「哦，咁你快啲打電話比人啦。」

我先唔會打，佢呃鳩我。

「會架喇。」

講完，我就行走咗。

行行下，我部電話響咗下。

我拎出嚟睇，係啊澄Send嘢過嚟。

「星期一一齊食早餐？」

「你想點？」

啱啱拆散咗人，而家又嚟搵我食早餐，你都幾撚癲。

「冇呀，想搵你食下早餐啫。」

「都得，你撞到我咪同你食。」

「你話架，到時唔好反口啊。」

「我反口嘅話切埋賓周比你拎返屋企煲湯又點話？」

「一言為定。」

「一言為定。」

…

..

.

話咁快嚟到星期一，啊晴跑走之後完全冇搵過我，我都完全冇搵過佢。

我原本諗住去M記方便，但係諗起唔可以撞到啊澄，我決定去我親戚喺運動場附近一條冷巷開嗰間早餐鋪。

我一推開門，我就知我老母一定係想撚鳩我先同我講有親戚喺到開鋪。

喺我諗住轉身走嘅時候，一個左龍右虎，個樣生到館長咁惡嘅男人喺廚房行咗出嚟。

「武仔，第一次嚟想食咩啊？我請你！」佢搭住我膊頭。

如果我話我想走得唔得？

我望咗望佢廚房排刀，有開山刀，然後我再望望佢個樣。

簡稱：唔得。

我死死地氣行入去搵位坐低，然後…

啊澄行咗入嚟。

唔撚係啊，咁你都搵到？

置頂咗相信（二）啦

是誰（四）
五十米，十米。

都係差少少啊！

我腦中閃過我以前睇過嘅memes圖，係一個田徑選手飛撲出去衝線，然後因為隻手快過前面嗰個掂到終點線而當咗係前面嗰個嘅名次。

雖然聽落好唔合理，但係人一世物一世，咩都試下啦！

我喺準備衝線嘅時候，一嘢用力起跳，飛撲出去！

我跳過咗終點線，然後趴咗喺到。

負責旁述嘅體育老師宣讀緊名次：「嚟到第三名…係未有架，因為要睇返慢鏡。」

過咗幾秒，佢再一次開咪：「第三名係Form 6嘅啊武啊！佢終於重出江湖啦！」

黐撚線，真係Work架！

我企返起身，慢慢離開賽道範圍。

我諗住行返上看台，點知行行下個肚抽曬筋，完全行唔郁。

我撳住身邊個欄杆，深呼吸咗幾下，然後…

開始狂咳。

絕對唔係因為中咗肺炎，純粹係我個肺差啫。

咳咳下，有人隊咗枝哮喘藥過嚟。

「吸啖會好啲。」

我拎走枝哮喘藥吸咗啖，好似又真係好返啲。

我調整咗一下個呼吸，然後終於冇再咳。

喺我諗住轉身還返枝藥比人嘅時候，我身邊一個人都冇，所有人都離我好遠，唔似係借哮喘藥比我嘅人。

我將枝藥放落褲袋，然後行返上看台。

啊晴睥咗我一眼，然後又擰返轉頭同啲Fd傾計。

我行返上最後一排，托住個頭，視線喺啊澄同啊晴之間來回跳動。

學校唔會提供呢啲個人藥物，所以今次又係邊個？

唔似係啊澄，因為佢有食煙。

但調返轉嚟睇，都唔會係啊晴，因為我上次見佢食煙食得好順口。

但係咁講的話，即係唔係佢兩個。

但冇可能唔係佢兩個其中一個，所以等陣一定要再搵線索。​​​​​​​

撻死你。

腰都斷換個第三

是誰（五）
拎完獎搞完一輪，天都黑曬，而運動會都差唔多嚟到尾聲，等大遊行完等體育老師宣佈咗就可以走。

點解運動會要搞到夜晚而唔係搞多一日？好簡單，因為間學校窮啊！

我身後傳嚟兩下拍咪聲，應該係宣佈大遊行開始。

「大遊行準備開始，請有興趣嘅同學落嚟三千米項目嘅起跑線集合。」

果然。

我都唔知大遊行有咩魅力，可以令到幾乎全校落曬去行。

雖然我對大遊行呢單嘢完全冇興趣，但以往我都會比班主任強逼落去行一圈。

不過，今日佢點逼我都唔會落去，因為我有更重要嘅嘢要做。

班主任行緊上嚟，喺佢上到一半嘅時候我已經開口：「唔去。」

講完，我就即使攤低扮瞓，但雙眼留返一條線。

佢黑曬面咁轉身落返去，一轉入離開看台嗰條樓梯嘅時候我就即刻彈返起身。

我望住啊澄同啊晴，心諗：你兩個一定要落去。

過咗一陣，啊澄同佢啲朋友就跟班主任一齊落咗去，而啊晴就拉咗兩個姊妹陪佢。

我即刻衝落去，第一時間摷咗啊澄個袋先。

佢今日帶嘅係細袋，一開就見到裡面有一枝哮喘藥喺到。

咁證明啊澄有哮喘，但都唔可以肯定係佢。

我再行落幾行摷埋啊晴個袋，喺暗格搵到一枝哮喘藥。

吓，即係佢兩個都有哮喘？

我望落去，喺人海之中搵到啊澄同啊晴。

佢兩個應該都已經行咗一圈，應該行到埋我呢邊就會上返嚟看台。

我而家諗到嘅辦法就係賭佢哋其中一個，將我手頭上枝藥擺落其中一個個袋到，然後一間再睇佢哋反應。

我覺得唔會一直都係啊晴，所以今次我決定賭啊澄。

過咗一陣佢哋就上返嚟，我第一時間𥄫實啊澄。

佢個袋好細，但佢打開之後望咗好耐先閂返埋。

感覺上有啲古怪，但又冇明顯證據指明啲咩。

你有試過一日完成運動會? 有冇可能？會好急好忙。

劇情需要 唔想拖（其實九成都要兩日）

是誰（六）
轉眼就嚟到放學時間，我帶住一大堆疑問離開運動場。

我諗住急急腳行走就冇人見到我，因為我想一個人靜落嚟思考下。

可惜，女人呢種恐怖嘅生物并不允許我咁做。

「喂，啊武！」

有人喺後面嗌上嚟，我認得出係啊晴把聲，但我決定扮聽唔到，然後加快腳步。

行行下，我件衫比人扯住咗，我都冇再做任何無謂嘅掙扎，乖乖地擰轉身。

果然係佢。

「做咩啊？」我問佢。

「你…」佢好似有啲嘢想講。

「冇嘢講我走先，好攰。」我拎開佢隻手。

你想講係你嘅事，我有權唔聽，而家亦都真係冇心情聽。

我諗住行，點知件衫又比佢扯住咗，仲要係雙手扯住。

「想點啫你？」我開始有啲唔耐煩。

「你有冇發現啲嘢？」佢問我。

「冇呀。」

其實有，但我唔想再煩。

「咁…你有冇嘢要同我講？」佢再問。

「冇。」我直接出大技：「不如你講你想點？」

「我…冇呀。」

「咁我走啦。」

我拎開佢雙手，轉身就走。

嚟到巴士站，今次撞到嘅係啊澄。

佢排喺我前面，希望佢唔好見到我。

佢擰轉頭望，我即刻踎低匿埋，用前面條友擋住自己。

「唔洗匿喇，見到你喇！」佢直接大嗌。

講完，佢就已經嚟到我身邊。

「勁喎武哥。」佢望住我條頸：「做咩唔戴住個獎牌啊？」

「黐線咩，咁撚柒。」我懷疑佢傻咗：「你又搭呢架車？」

「架車得你一個搭得咩？」佢反咗個白眼。

「問下啫，唔洗反曬白眼嘅。」

「咁你返邊？」

「問嚟做咩啫？」

「問下啫，我就返廣福嘅。」

「你講到咁，我都冇得唔講啦。」

「你喜啦。」

「鹿茵山莊。」

早知唔問，原來唔同Level，真係崩口人忌崩口碗。

我哋上車嚟到上層，得返最後靠左邊窗嘅兩個位。

因為我行先過佢，所以我坐咗喺靠窗位，而佢就坐咗喺靠走廊位。

鹿茵山莊，幾千尺豪宅

公屋與豪宅的距離

是誰（七）
巴士離站，喺呢十分鐘車程面，我決定要試探下佢。

「你食咩煙架？」我問佢。

「紅雙喜囉，做咩？」佢偷偷地拎咗包煙出嚟：「你要啊？拎去囉。」

「唔係啊，問下啫。」

「屌你曬鳩我時間。」佢收返埋包煙。

「咁你幾時開始食架？」我直接轉移話題。

「冇呀，十二、三歲就食到而家。」

「咁細個食唔會咳咩？」

「有少少哮喘，不過冇咩事。」

呢個我知。

「咁你帶幾多藥出街？」

「跟身一枝，袋裡面一枝。」佢搲咗搲頭：「但唔知點解今日個袋多咗枝，可能係出門口嗰陣唔小心擺多咗枝落去。」

「可能係啦。」我擰轉面，避免露出破綻。

我得到我想要嘅線索，而架車就就到站。

車停低，我再見都冇講就急急腳衝落車，然後即刻打比啊晴。

一響，佢就即刻聽咗。

「喂，做咩？」佢把聲有啲頹。

「你喺邊？」

「喺大埔中心準備上車。」

「唔好上住！」我有啲激動咁講：「我而家過嚟，你等我。」

我Cut線，然後向住大中狂奔。

唔知係我啱啱嗰句講得太大聲定係無啦啦有條友喺到狂奔，成條街嘅人都停喺到注視住我。

尷尬就的確係尷尬嘅，但係唔理咁多喇…

照跑啦！

因為，我今日一定要問到點解。

我跑到差啲斷氣咁濟，終於嚟到大埔中心巴士站。

啊晴坐喺巴士站嘅長櫈上面一手撳電話，一手拎住哮喘藥喺到吸。

我嚟到佢面前：「你做咩唔同我講？」

「講咩？」佢繼續耷低頭撳電話。

佢啲演技，果然係有返咁上下。

「我咩都知道曬。」我踎低。

佢擰轉面：「知道咩？」

「叉油雞飯、哮喘藥。」

「係我做嘅又點，唔係我做嘅又點？」

「咁點解？」

「冇咩點解，純粹放唔低。」

「咁…」我想問落去。

「唔講，我走先。」但佢唔允許。

講完，佢就行去另一邊上咗去太和嘅巴士。

我個心想追上去，但係我雙腳阻止咗我。

變咗偵探追兇咁

每一樣嘢細心去諗，就會發現睇呢個故好似查案咁
基本上所有行為都有佢原因同埋心理情況，要估到佢心理狀態係點，先會完全理解到點解佢會有嗰個行為
有好多線索係出現喺你覺得好平常嘅位置、好平常嘅句子裡面。
(希望可以Have fun啦喺呢個推理過程裡面)