[校園/愛情/勵志]中六個年 我鍾意左叫我起身個女仔(重修版)

澄、晴（十五）
佢喺雪櫃後面拎咗袋麵包，然後跟住我行出去。

我坐低擺低碟蛋，而佢就坐咗喺我隔離。

我一邊切蛋，而佢就一直望住我，仲好似忍緊笑咁。

「做咩啊？」我問佢。

佢指住我下面：「你搞咩？」

我望落去，我見到我下面好似啪咗偉哥咁，支嘢喺我褲浪裡面撐咗個喜馬拉雅山出嚟。

「食嘢先啦，唔好望喇。」我有啲尷尬，唔夠膽直視佢。

「你搞唔掂喎老細。」佢Gut個頭埋嚟我面前。

我推開佢：「食嘢啦，你真係。」

「咩你好餓咩？」佢Gut返個頭埋嚟，扁曬嘴咁：「一間先食唔得咩？」

我擰歪面：「唔係咁好嘅。」

我拎咗塊包出嚟，拎住把刀準備擺隻蛋上去，然後…

我比佢公主抱起咗，把刀同包就跌咗落隻碟到。

「喂咩事？」我有少少驚慌咁望住佢。

「唔話你知。」佢伸咗伸脷。

佢抱住我行咗入房，然後一嘢掟咗我上床。

我諗住起身，點知比佢一嘢坐住咗。

「真係唔係咁好嘅。」我捉住自己條褲。

啱啱先一齊，真係唔係咁好嘅。

「又唔係未搞過。」佢扯甩我條褲帶：「唔見你之前兩次咁講？」

好似又係，駁唔到。

等陣…兩次？

點解佢會知？

「點解你會知？」我有啲愕然。

「唔好問住先啦。」佢扯低我條褲。

我呆咗咁攤喺到，而佢就喺褲袋拎咗個Condom出嚟笠落我支巨棒到，然後直接除褲坐咗上嚟。

唔知係我急住想知答案，定係我真係有早洩問題，佢䟴咗幾嘢我已經準備射。

「我想射。」我有啲唔好意思咁講。

佢落返嚟諗住除套含，點知佢隻手未掂到個套，我就已經射咗。

「咁渣架你。」佢用手彈咗下我條嘢。

比人咁樣彈一彈，我應該要爽到淫叫，但係呢一刻我個腦比另一樣嘢填滿咗，上埋手銬都唔會有反應。

澄、晴（十六）
我除套着返褲，然後同佢一齊行返出廳。

「我去洗手。」佢伸出嗰隻全部都係KY嘅手比我睇。

講完，佢就轉身行去廁所，而我就坐喺飯枱前面諗緊一間應該要點問佢。

佢返到嚟坐喺我身邊默默咁擺隻蛋上塊包到食，而我都翹埋雙手保持沈默咁喺到醞釀緊。

差唔多，係時候開聲。

「我想問你一樣嘢。」

「你係咪有嘢想問？」

「係咪嗰日飲醉酒？」

「我想問嗰日飲醉。」

「你講啦。」

「你講啦。」

連續三次，喺同一時間講同一樣嘅嘢，我決定回復沉默。

「你講啦。」佢咬咗啖塊包。

「我想問你，嗰日發生嘅事，其實你係咪知？」我問佢。

「你望住我。」佢挨近我：「再問多次。」

「我想問你，嗰日發生嘅事，其實你係咪知？」我眼都唔眨咁望住佢再問一次。

佢錫埋嚟，然後將佢口裡面啲包吐落我個嘴到。

「做咩？」我問佢。

「你吞咗佢先。」佢舔咗舔脷。

我完全唔知咩事，但我都係吞咗落去。

「你可以講喇嘛？」我問佢。

「食咗口水尾，就要聽我講嘢架喇。」

「你想講咩？」

「其實嗰件事，真係咁重要咩？」

其實打爛沙盆問到篤對我無任何好處，甚至只會令我哋關係破裂，但我真係好想知道個真相，就算個真相係點都好。

「唔係好重要，但我想知。」

佢攬住我：「聽我話好冇？」

「嗯，你講。」

「唔好再問呢件事啦，好冇？」

「好。」

我Feel到佢唔想講，所以我都冇再問，況且再問都唔會得到答案。

佢摸咗摸我個頭，含情默默咁望住我：「你快啲食嘢啦，我返去瞓陣，一間起身一齊去跑步。」

講完，佢就轉身行咗返我間房。

「吓，跑步？」我完全唔知咩事。

「禮拜一就運動會啦。」

佢唔講我都唔記得，既然係咁就瞓醒去跑下啦。

澄、晴（十七）
我食埋淨低嘅包同蛋，然後就行咗返床。

我攤喺到眼光光望住天花板，完全瞓唔着。

「你唔瞓啊？」佢Lur住咁講：「你轉過嚟啊。」

「做咩呀？我瞓唔着。」我同佢講。

「你轉過嚟先啦。」

「哦。」

講完，我就轉身望住佢。

佢撳我個頭落去，將我個頭埋落佢心口到。

第一下有少少窒息感，但郁咗郁校返個位之後就Fit曬。

佢一手比我當枕頭，一手攬住我同拍我背脊：「小寶寶，食蛋糕…」

「多咗喇大佬。」我有啲無奈。

我係鍾意比人當小朋友，但係呢個位又好似真係多咗少少。

「得啦。」佢撳返我落去。

然後，佢就開始繼續唱「小寶寶，食蛋糕」。

我好似比人當咗係弱智，但我搵唔到證據。

雖然講係咁講，但佢拍拍下唱唱下，我好似又真係開始有啲眼瞓。

我眼皮開始冇力，慢慢咁跌落嚟，直到眼前得返漆黑一片。

當我再擘大眼嘅時候，啊晴已經唔喺我身邊，而廁所就傳嚟水聲。

我起身行過去，敲咗敲門：「啊晴你沖緊涼啊？」

「係啊，你可唔可以幫我搵套衫？」佢喺廁所嗌出嚟。

「吓，我邊有女仔衫啊？」

「是但啦，你求其搵套比我着啦。」

「哦。」我有啲無奈。

我行返房打開衣櫃，然後翹埋雙手。

我掃咗個衣櫃幾十次，完全搵唔到一件似係女仔會着嘅嘢。

「快啲啦！」佢喺廁所大嗌出嚟。

咁我真係搵唔到啊嘛大佬，比多幾秒嚟啦。

「得未啊！」佢再催我。

我急起上嚟求其拎咗件白Tee同灰色嘅Adidas運動短褲，然後就即刻跑去廁所。

佢開咗條門罅，我將套衫遞咗比佢。

佢接咗套衫，半分鐘後又開咗條門罅出嚟。

「你有冇第二件？」佢問我。

「做咩？件衫唔好睇？」我問佢。

佢打開門，身上面件白Tee正面有個背脊寫咗字嘅裸女，係松島安嘅Tee。

「痴女同床，精盡人亡，唔錯啊。」我揞住個嘴喺到忍笑。

「有冇第二件啊？」佢問我。

「唔係啊，幾好睇啊。」

「咁你着返我嗰套。」

「唔好啦。」

「着，定唔着？」佢個眼神好似想殺咗我咁。

我拎起佢換落嚟套衫，然後行入廁所：「着。」

佢行出去：「好啦，我喺廳等你。」

澄、晴（十八）
我屋企用嘅係儲水式熱水爐，但我就好鍾意沖熱水涼。

我一路沖，啲水就一路變凍，到最後凍到好似喺冰川遊緊水咁，但我都冇諗住閂水着衫，因為我全身都抗拒緊佢套衫。

我知我到最後都一定要着佢套衫上身，因為我唔着嘅話佢一定唔會放過我，但係呢一刻我只係想拖多一秒得一秒。

「沖快啲啦！等到變望夫石喇！」啊晴喺到拍我道門。

大佬啊，吊頸都要唞吓氣啦，而家要我着女裝咁大件事，比啲時間我做少少心理準備都情有可原啩？

「比多一陣得唔得啊？」我問佢。

「你一分鐘內再唔出嚟，我就開門入嚟切你Jer jer。」佢講完，出面就傳嚟兩下菜刀剁落砧板嘅聲。

答案顯而易見，我必須要喺一分鐘內着好佢套衫，如果唔係就疊埋心水斷後都得。

「收到！」我閂水。

我拎起佢套衫索咗一啖，上面充斥住啊晴嘅體味，真係好撚正。

着住佢就可以一直享受佢浸味，但諗起一間要着埋佢出街跑步，我就即刻興致大減。

「三十秒！」佢再催我。

喂，你唔好恰我無錶喎！半分鐘邊有咁快過？

我唔理三七廿一，一嘢將套衫笠落去，然後開門。

佢企喺門口望住我，一手揞住個嘴，好似喺到忍緊笑咁。

「着女裝，係搞笑啲架喇。」我好無奈咁講。

「唔係…」

佢未講完，就已經跪咗喺到撳住個肚大笑。

「有冇咁好笑啊？」

我都知好好笑，但都未去到呢個程度啩？

佢企返起身，深呼吸咗幾下：「你去照下鏡先啦。」

我同佢行去門口鞋櫃塊全身鏡到照咗下，然後…

我都笑埋一份。

上身就成個公園啊伯咁，下身就成隻猩猩咁多毛。

呢個都唔係重點，重點係咁着搞到我好似Gay佬咁。

我絕對唔歧視同性戀，但係…

我唔係啊！

我已經預想到一間出門口唔止會比人圍觀，我仲有機會比人搭訕…

比男人搭訕。

「我想問…可唔可以換第二套？」我喺度垂死掙扎緊。

「你話呢？」佢用手輕輕扣住我條頸。

「好，我哋出門口。」我輕輕推開佢隻手。

「咁先係架嘛。」佢錫咗我塊面一下。

澄、晴（十九）
我哋落到樓下拉咗下筋，綁好鞋帶就開始向碼頭進發。

其實自從填完張報名表之後，我每一日都有去跑。

絕對唔係因為我想拖稿，而係我真係唔想到時咁柒。

我知到時柒就一定架喇，只不過唔想咁柒啫。

我同佢粒聲都唔出，就咁平排跑。

其實我好想撩佢講嘢，但我唔知撩佢講咩好。

嚟到上次個涼亭，我哋照舊跑咗入去休息。

佢坐喺其中一個角落，而我就坐喺佢嘅對角。

「做咩唔坐埋嚟？」佢問我。

「冇啊，我個身好熱，費事黐埋你到啦。」我用兩隻手喺到撥涼。

「嗯。」佢好似有啲不滿。

我有不滿，你有不滿，我唔會讓呢步。

但不滿還不滿，我都係想諗埋你嗰份。

我企起身：「你去買水，你要唔要？」

佢扤咗扤頭，然後拎咗部電話出嚟撳。

我行出去買咗兩枝水，然後見到遠處有個熟悉嘅身影。

為免世界大戰，我加快步伐行返入涼亭。

我喺佢身邊擺低枝水，然後坐返去佢對角。

我一邊飲水，一邊哨住出面。

飲飲下，我就見到着住灰色Sport Bra同真理褲嘅啊澄喺涼亭外面停低咗。

佢依家背住涼亭，而我都希望佢一直背住個涼亭，然後…

佢擰轉身。

佢向我揮咗揮手，然後行咗入嚟，坐喺啊晴對面。

而家涼亭裡面有一個標準嘅直角三角形，左上角係啊澄，左下角係啊晴，而右上角就係我。

啊澄望住我，我尷尬而不失禮貌地向佢扤咗扤頭示好。

同一時間，我眼尾哨到啊晴睥住我。

涼亭裡面充斥住火藥味，只要一有人點火，世界大戰就會開始。

大家都知咩事，只係等緊其中一個人開聲，但唔包括我。

因為喺呢一刻、呢一個處境，我冇權利發言。

喺呢一場大戰裡面，我係被動嗰個，淨係負責接波、卸波同傳波。

澄、晴（二十）
啊晴望住啊澄，啊澄望住我，我望住佢兩個。

「喂啊武，你琴晚搞唔掂喎。」啊澄決定做先手。

「哈哈，係呀。」我決定傳比啊晴：「好彩有啊晴送我返去，如果唔係我真係瞓街。」

「你囉，飲酒都唔叫我。」啊晴扁曬嘴咁。

「我有…」

我諗住講話我有叫，但比佢睥咗一眼之後即刻收聲。

啊澄嘴角揚起一絲笑意：「係囉，都唔叫人嘅。」

「唔想佢飲酒啊嘛。」我望住啊晴。

「我咁唔飲得，費事落去獻世啦。」啊晴飲曬枝水。

「關咩事啫，唔比面就講聲啦，啊武請飲酒都唔嚟。」啊澄發起攻擊。

「小事啦，我又唔係咩大人物，邊有啲咩比唔比面嘅問題。」我將個波彈返去。

「關咩事啫，請得都唔嚟即係當你冇到，擺到明零尊啦。」啊澄無視咗我，直接再攻擊多一次。

「唔係呀，佢琴日都唔得閒。」我決定再傳返去。

「下次再約嘅話我飲到武哥破產呀！」啊晴再補一刀。

「哦，驚你兩個飲到胃穿窿我都仲坐緊喺到啫。」啊澄直接揭我瘡疤：「話時話你知唔知自己琴晚做咗咩架？」

仆街，我斷曬片咩都唔記得，完全駁唔到。

「佢會做過啲咩？唔通佢屌過你？」啊晴幫我接咗。

「屌就冇屌過嘅，摸下、打下茄輪都有嘅。」啊澄摸咗摸自己對波：「我唔知佢摸得開唔開心啫，茄輪就打到嘴都損架喇。」

啊晴睥住我，我無助咁望住佢，塊面大大字隻寫住「我唔知」。

啊澄發起連續攻擊：「你哋我就唔知啦，換曬衫咁。」

「大家落去玩，飲大兩杯係咁架啦，咪諗咁多啦。」啊晴決定硬接第一擊，無視第二擊。

「係囉，咪諗咁多啦。」我決定幫口。

「原來你哋咁架，貴圈真亂。」啊澄一次打兩個。

「我哋個圈係咁亂架啦，你吹咩。」啊晴自殘式接波：「不過有得亂好過你係圈外人。」

「係咩，我都想入圈玩下。」啊澄企起身：「行先啦掰掰，返到去仲有嘢做。」

講完，佢就昂首闊步咁行咗出去。

「唔送。」啊晴將空樽一手揸扁，掟落垃圾桶。

呢一場仗，無疑係啊澄贏曬咁濟。

相信
啊晴望住我，嘆咗啖氣：「行啦，跑出碼頭先。」

我扤咗扤頭，然後同佢一齊行出涼亭。

一路上我哋一句嘢都冇講。

我唔夠膽講，而佢冇嘢好講。

我同佢嚟到碼頭，坐咗喺岸邊。

我望住個海默默咁點煙，諗緊要點樣開口。

「我…」我諗住開聲，但係比佢打斷咗。

「你仲有冇煙？」佢問我。

我將煙盒最後一枝煙拎咗出嚟，然後塞落佢個嘴到。

「火。」佢轉向我呢邊。

我一手擋風，一手點火。

有啲難點，但都點到。

佢呼出一啖煙，成個動作都好自然又冇咳，我估佢私底下有自己食過。

「你係咪有自己食過？」我問佢。

「嗯，然後呢？」佢再吸一啖。

「做咩要食？」

「關你咩事？」

「咁你咁多嘢瞞住我，我點同你一齊？」

「不如咁講，你係咪都有好多嘢瞞住我？」

「我有咩瞞住你？」

「你琴晚喺我到之前做過咩，得你自己知。」

我有少少忟：「黐撚線，我醉咗佢老屈我中出埋佢都得啦，咁有冇證據先？」

「咁唔講呢樣，你有同我講過你同佢去飲咩？」佢轉移攻擊點。

駁唔到，我決定收嗲食煙。

「駁唔到啦嘛？」佢繼續補刀：「證據我就冇，但我有嘢可以證明你會咁做。」

「有咩證明到？你講啊！」我大鳩佢。

佢將枝煙擺落嘴到，然後指住自己：「我。」

「咁即係你呃鳩完我，而家仲要秋後算賬係咪？」

「你要咁諗，我可以點？」

「你都唔信我，我要點信你？」

「我講過嗰件事你知道咗真相係唔會開心架。」

「你就可以逃避，我就一定要講？」

「你覺得係點就係點。」

「咁你而家想點？」

「你講下你琴日發生過咩事。」

「我乜撚嘢都冇做過啊，你信我啦！」

「憑咩要我信你？」

「我有呃過你咩？」

「咁天台嗰啲算係咩？」

「咁你都呃咗我，你根本無醉。」

「你話點就點。」

講完，佢就起身自己跑走咗。

走啦走啦，我唔想同一個呃鳩我嘅人一齊。

又係呢種呃來呃去而嘈

諗唔到點拆佢兩個，唯有用舊橋

相信（三）
我踎喺枱底，諗住搏佢睇唔到。

「你睇唔到……」我喺到自言自語。

然後…

佢直接坐咗喺我對面。

「喂，你變態架？上返嚟啦。」佢踢咗我一腳。

我知佢冇瞄準過，但佢嗰腳準確命中我條嘢。

我痛到忍唔住嗌咗聲，撳住下面趴咗喺到。

「快啲起身啦，你再唔起身我報警架喇。」佢再踢一腳。

仆你個街，咁準嘅？連續命中同一個點兩次，香港足球界欠你一個交代。

我諗住慢慢爬起身坐返上櫈，然後…

仆你個街，甴曱啊！

「我屌！」我忍唔住鬧出聲。

我嚇到成個人彈起，隻甴曱都比我嚇到衝咗出去。

「呯！」

我個頭一嘢撞咗落張木枱到，嗰一下撞擊聲同打樁機有得揮，差少少就腦震盪。

我慢慢爬返上張櫈到，一手撳住後腦，一手撳住下面。

「你搞咩啊？」佢用力合埋個嘴：「運動會要Cosplay咩？」

「你講咩啊？」我喺到捽個頭。

「一隻手擺後腦，一隻手擺下面，咪MJ囉。」

「你踢咗我弱點兩下，我都未同你計。」我望住佢，眼神已死。

諗住一餐飯就當咩事都冇發生過？可以，我最鍾意人哋請我食飯。

「咁呢餐我請，當補數。」佢拎個餐牌出嚟。

但係請食飯食埋啲咁嘅嘢，會唔會有少少…

「你不如請我食屎？」我喺到自言自語。

「你講咩啊？」

「冇啊，我話嗌得咋嘛。」

點解連餐牌都未睇就嗌得？睇嚟都冇用，因為除咗白粥同白飯原則上唔會炒之外，我估計其他嘢佢都係拎碟屎出嚟。

「咁嗌啦。」佢揮咗揮手。

紋身佬行咗出嚟：「食咩啊？」

「Lady first。」我微笑點頭。

「乾炒牛河，凍奶茶。」啊澄擺返好張餐牌。

勇猛，留名等睇你一間痾爆個廁所。

「白粥，豆漿。」我嗌咗兩個唔會炒車嘅嘢。

豆漿通常都係枝裝嗰啲，應該都唔會出事。​​​​​​​

相信（四）
我同佢坐喺到你眼望我眼，大家一齊喺到等死。

過咗一陣，紋身佬就推住架餐車出嚟，好似好Pro咁。

佢將我哋啲嘢擺上枱，過程中我有一下幻覺見到隻碟裝住嘅係老鼠藥。

「開鋪無耐，食完可以比啲意見。」佢望住我兩個講。

講完，佢就行咗返廚房，然後就傳嚟斬嘢嘅聲。

事實上我唔知佢斬緊咩，因為…都冇人。

我望一望枱面上面嘅嘢食，我開始懷疑人生，而對面嘅啊澄都眼神已死。

豆漿的確係枝裝，但裡面起曬一塊塊嘢，好似豆腐花咁，而白粥就黃色嘅。

我諗住望下啊澄啲嘢食會唔會好少少，點知佢嗰邊都唔弱。

乾炒牛河冇牛，啲河就黑色嘅，而杯凍奶茶就白色嘅。

我喺櫃桶拎咗對筷子出嚟比啊澄，兩對筷子上面都有黑色一點點嘢，唔知係設計定真係污糟，但我選擇相信係前者。

既然都係要痛苦，不如就快快手食完佢算數。

我係咁諗，啊澄都係咁諗。

我哋兩個唔洗十分鐘就食曬所有嘢，暫時未有生命危險。

食完早餐先八點半，運動場就喺隔離，但係九點先可以返去，仲有成半個鐘。

「你有冇嘢要問我？」啊澄問我。

「梗係有。」我揮咗揮手：「老細要杯水啊唔該！」

我決定飲啖水慢慢講，因為我要問嘅嘢實在太多。

「收到！」紋身佬喺廚房嗌返出嚟。

佢將兩杯水擺上枱，驟眼睇應該冇寄生蟲。

我飲咗啖水：「你講你做咩要拆散我兩個？」

佢冷笑一聲：「第一件事，你兩個根本都唔夾。第二件事，你哋兩個自己都呃大家。」

「咁關你咩事？呢啲我哋會自己搞掂。」

「仲有第三件事。」

「請講。」

「我想溝你。」

我有啲意外，但又唔係好意外，因為我都估到。

有條女無啦啦過嚟拆散人哋，唔係想搶仔唔通屎忽痕搵嘢拆咩。

「點解？」

但我更想知嘅唔係佢想做咩，而係有咩原因。

相信（五）
佢飲啖水，然後挨前：「其實唔係所有嘢都有原因。」

「咩意思？」我問佢。

其實，不如直接啲。

「呢個世界唔係所有嘢都要有原因。」

算啦，我知你唔會。

「你想講，好多嘢都係冇原因？」

「係。」

「例如？」

「例如我鍾意你。」

「點解？」

知道你會咁講，但我唔接受呢個說法。

「如果鍾意一個人要原因，咁我唔會鍾意你。」

好Hurt、好直接，但事實嚟。

「但係你唔係啱啱轉過嚟咋咩，你應該唔識我架？」

你都唔識我，點會鍾意我？

「我記唔記得我同你講過咩？」

Sor，真係唔記得。

「請講。」

我淨係記得你過嚟拆散咗我哋。

「我有睇你寫嘢架嘛。」

Okay，咁都叫識我嘅。

「咁睇到我本人之後，有冇幻想破滅？」

我估你都Expect我係靚仔架啦，點都唔會Expect我係毒、矮、柒。

「其實冇。」

我收返啱啱嘅諗法，聽下你又有咩講法。

「願聞其詳。」

「鍾意你本人。」

「啫係點？」

「我鍾意你呢個人。」

算，都唔知佢講緊咩。

「直接啲，你想點？」

「我想你做我條仔。」

黐撚線，你當我咩人？

「依家唔會得。」

「咁我繼續溝你得唔得先？」

「你可以試下。」

你話點就點啦，我都唔知自己會唔會受，因為我都唔識你咁濟。

「時間差唔多，行未啊？」

「Sure。」

我哋起身行去收銀台，紋身佬都喺廚房行咗出嚟。

「兩個都識嘅，象徵式一人收一蚊得喇。」

嗱，你自己講架，唔係我唔想比錢你架。

我喺褲袋拎咗個兩蚊銀出嚟比佢，然後就同啊澄行咗出門口。

「下次再嚟啊！」紋身佬同我哋講。

「好啊！」我哋兩個應完佢就即刻加快腳步走。

客套說話嚟嘅啫，唔通真係下次再嚟咩？搏食物中毒啊？

我哋好快就嚟到運動場外面，就嚟行到正門嘅時候，我離遠見到啊晴喺前面個巴士站到行緊過嚟。

我知唔對路，跟住就直接加快腳步行入去，然後…

啊澄唔見咗。

我擰轉頭一望，就見到啊澄企咗喺啊晴隔離。

黐撚線，佢真係癲狗嚟。

相信（六）
「你仲有咩解釋？」啊晴問我。

「上咗去先講啦。」我都唔知點算好。

「講清楚先。」佢指住佢身後個石壆：「坐喺到。」

我望咗望守門口個老師，佢擰咗擰頭。

我將視線轉去啊澄到，佢向我打咗個眼色。

既然佢都肯留低，咁我都冇唔留低嘅理由。

我行過去石壆到坐低：「講啦，做咩？」

「你仲話你冇呃我，咁而家係咩事？」啊晴翹埋雙手。

「無論我有冇呃你，而家都唔重要啦。」我長嘆一口氣：「更何況…你啲演技都呃咗我。」

「係囉，其實佢依家點關你咩事啫？」啊澄補刀。

「你係咪已經冇諗過再傾落去？」啊晴耷低頭。

我依稀聽到佢喺到啜泣，搞到我都有少少心痛。

「問你最後一次，係咪冇嘢想講？」佢用手抹咗抹眼。

做人可以心痛，但唔可以心軟。

呃你一次嘅人，一定會呃你第二次。

我敲起勇氣，將我哋嘅關係撇得一乾二淨。

「係，我冇嘢想講，你都唔好再搵我。」

叫佢唔好再搵我嘅同時，都係叫緊我自己唔好再諗起佢。

「咁你走啦。」

「嗯，記得要準時上去，唔好遲到。」

我轉身同啊澄一齊行入去，而啊晴就坐咗喺石壆上面。

唔知係唔捨得，定係我純粹想提佢，我上樓梯上到一半嘅時候停低咗。

「你上去先啦啊澄。」

「嗯。」

我望住佢行，直到我同佢相隔半個看台咁遠。

見佢消失喺人群之中，我決定要講我想講嘅嘢。

我挨住欄杆，向坐喺門口對出石壆嘅啊晴大嗌：「喂，記住準時入嚟啊！」

成個人捲埋一舊，個頭埋起咗嘅佢伸隻手出嚟比咗個「OK」我。

明明我只係推開一個呃我嘅人，但唔知點解我都係好想喊。

唔通真係「有愛過，就點都要流返幾滴馬尿」？

唔好啦，好似有啲MK。

忍住先，好快冇事。

相信（七）
我返到我嗰班個區域，點完名就行咗上最後排坐。

我拎咗份日程表嚟睇，三千米要等到晏晝先有，仲要係最後一個項目。

既然係咁，我決定要睇書。

今日帶返嚟嘅書係《推銷員之死》嘅中文翻譯版。

點解會睇呢本書？因為聽完周國賢首《推銷員之死》，所以有興趣去了解首歌嘅靈感來源。

講就講得好聽，但《推銷員之死》係一本文學作品嚟。

咁大多數文學作品有咩共通點？一字記之曰：悶。

《推銷員之死》更加可以話係悶到核爆，因為嚴格嚟講佢唔係一本小說，而係一個劇本，所以係更加悶。

即係點？佢同教科書一樣有極強催眠作用。

我睇呢本書嘅時候冇試過連續睇十頁，因為我會悶到瞓着。

不過我已經冇嘢可以做，所以我決定今日要睇曬佢。

我揭返去上次睇到嗰頁，然後開始睇。

唔知點解，我越睇越慢，然後…

我瞓着咗。

我瞓醒之後，成個看台得返幾個人。

我唔撚係瞓到完場啊？

我睇咗睇電話，十二點十。

原來係放飯，仲以為我一瞓醒就走得咁瞓得。

我摸咗摸個肚，都有少少肚餓，但係…

得返十分鐘。

就算係買外賣都唔夠時間，因為要由運動場行到有賣人類食物嘅地方至少要行十分鐘。

唉，算啦，繼續瞓，瞓著咗就唔洗消耗咁多體力。

還掂最後一排都冇人坐，我決定佔用四個位嚟攤平個人。

我將本書冚喺塊面上面阻擋住晏晝猛烈嘅陽光，然後喺個腦裡面一直重覆「我唔肚餓」呢句嘢，好快就瞓著咗。

唔知瞓咗幾耐，結果我都係餓醒咗。

我望咗望小食部入口，圍曬板。

今次仆街了，一間跑跑下暈低都有可能。

我望咗望周圍，見到腳邊有個膠袋，裡面仲有個疑似係飯盒嘅物體。

我拎上嚟打開，係我最唔鍾意嘅叉油雞飯，但我已經唔理得咁多，我依家最緊要係填飽個肚先。

我三兩下就食曬成盒飯，雖然個味我一啲都唔鍾意，但至少我一間唔會跑跑下暈低先。

相信（八）
食完盒飯，我突然諗起一個問題。

「邊個無啦啦擺盒飯喺到？」

除咗啊晴同啊澄，我真係諗唔到仲有邊個。

但係有咩方法可以知道到底係邊個？

叉油雞飯？

我望多次個盒，上面咩字都冇，質地睇落都好劣，一定唔係大X樂或者大X活之類嗰啲。

一係燒味鋪，一係茶記。

但呢個範圍都係好大，所以我決定去收集更多情報。

我決定第一時間問咗啊澄先，因為以佢依家呢個身份嚟講，佢一定會答我。

我行落去，嚟到啊澄後面。

「喂。」我拍咗拍佢膊頭。

「屌！」佢成個人彈咗一下：「嚇撚死咩！做咩呀？」

「冇呀，想問你啱啱食咩啫。」

「燒味囉，做咩啊？」

「無，問下啫。」

「啊晴啱啱食車仔麵喎。」佢補咗句。

「嗯。」

雖然佢話自己食燒味，可以話係認咗一半，但同樣地以佢嘅身份嚟講，佢好有可能講大話。

我行返落去我嗰班到問曬所有女仔，一係就話唔知，一係就話啊晴食譚仔，佢哋內部好明顯夾過曬。

有可能真係啊澄買，但都有可能係啊澄講大話，而啊晴夾埋其他女仔水我。

我返到最後一排，托住下巴，進入思考模式。

「凡走過必留下痕跡」

痕跡如果用五感嚟分，即係視、聽、嗅、味同觸。

撇除冇可能用到嘅聽、味同觸，就淨返視同嗅。

視覺同嗅覺？車仔麵同譚仔會留下嘅痕跡？

兩個都係屬於粉麵類，但佢哋有咩共通點？

我沉思咗一陣，諗起細個食粉麵嘅畫面。

…

..

.

「嘩，啊媽你整啲餐蛋麵好正！」我喺到讚我啊媽。

「知喇！」佢拎住張包紙巾行過嚟：「小心啲食啦，食到成身都係。」

「係咩？」

我耷低頭望，原來啲湯彈曬落我件衫到。

當時我著住白色背心，所以可以好明顯見到件衫上面有一點點嘅肉色湯跡。

…

..

.

相信（九）
我知啦！

粉麵係一定有湯，而且食嘅時候一定會彈湯，除非真係食得好小心。

而喺白色嘅運動衫上面，呢啲湯跡會明顯到不得了。

我即刻起身落去行咗個圈，明顯見到啊澄件衫上面有一點紅色嘅湯跡，而啊晴件衫咩都冇。

另一樣嘢就係燒味鋪通常有浸燒味味，食完件衫一定會吸到少少。

我喺啊澄後面扮行過，經過佢嘅時候彎低腰。

完完全全一啲燒味味都冇，肯撚定冇去過燒味鋪。

我對住啊晴用返同一招，可以隱約聞到有叉燒嘅氣味。

答案已經呼之欲出，但…

點解？

以依家呢個情況嚟講，佢應該好憎我，而相反地啊澄對我嘅好感度應該會高少少，所以比較大機會買飯比我嘅都應該係啊澄。

仲有一樣好重要嘅嘢就係理論上啊晴唔會特登行上嚟睇我，因為我同佢相隔至少十排，所以都唔會知我喺上面瞓著咗。

仲有一樣好重要嘅嘢。

「佢無啦啦幫我買飯係想點？」

佢係純粹唔捨得我，想默默照顧我？感覺唔似係。

佢係想諗辦法同我講返嘢？應該都唔係，因為如果係嘅話佢一直會直接認。

我思考咗一陣，然後諗起「人心隔肚皮」呢句嘢，之後就決定放棄思考呢件事。

放棄思考唔代表唔理，因為我決定要直接去問啊晴。

我行落去，嚟到啊晴面前。

我深吸一口氣，鼓起勇氣：「啊晴。」

「做咩？」

「你係咪有嘢要同我講？」

「冇，做咩？」

「咁我返去啦。」

講完，我就行返去側邊嘅樓梯，準備行返上去。

「你係咪冇嘢要同我講？」我再問一次。

我聽唔到佢講嘢，淨係見到佢扤咗扤頭。

我轉身行咗兩步，我就聽到啊晴叫緊我個名。

我再一次轉身面向啊晴：「做咩啊？」

「都係…冇嘢啦。」

唔知點解，我好想佢有嘢要同我講。

主角同上一個夜場真愛故事，又係鐘意書

今次一定係巧合，一定係，除非唔係。
冇第二個可能性。

有啲作者會一直沿用同一個角色，喺唔同嘅作品到。
亦有作者會唔同故事，完全唔同性格，咩性格都有。

我嘅男主角點變都好，佢一定要係M底

點解? 你自己嚟。