9 Like
2 Dislike
深夜甜品
2022-10-31 01:06:02
我都係P牌仔,不過都支持下先
白卡佬A.K.A叛龍
2022-10-31 02:23:06
係友台
寫殘酷暗戀物語三部曲嘅大佬啊!
深夜甜品
2022-10-31 10:18:54
我係一個徹頭徹尾嘅新人
btw 你同個女仔嘅互動真係寫得好生動,好好睇
只可惜我P緊俾唔到正評
白卡佬A.K.A叛龍
2022-10-31 10:23:33
P牌無所謂啦,一齊努力💪
生動嘅原因好有可能係真事(我冇認過)
深夜甜品
2022-10-31 10:32:39
同埋我學咗好多新詞彙,例如係零反同XX (e.g可愛) 嘅天花板
白卡佬A.K.A叛龍
2022-10-31 10:36:05
恭喜你成功被荼毒🤣
深夜甜品
2022-10-31 10:57:33
中文博大精深
白卡佬A.K.A叛龍
2022-10-31 10:59:20
遲下見到有啲查極都查唔到,嗰啲好有可能係我自創,嗰啲就最好唔好記得。
深夜甜品
2022-10-31 12:08:08
期待啊
白卡佬A.K.A叛龍
2022-10-31 20:47:37
澄、晴(二)
喺我喺夢裡面發掘緊新題材嘅時候,有人亂入我個夢敲咗我個頭兩下。
仆你個街,佢打MMA架?咁撚痛嘅。
我就咁痛醒咗,抬頭就見到啊晴企咗喺我左邊枱角前面敲緊我張枱。
佢冇笑,唔係…
佢黑緊面。
「做咩呀?」我企返直個人。
好似有嘢喺我背脊跣咗落嚟?
擰轉頭一睇,係運動服嗰件風褸。
「件褸邊個架?」佢用一個邪惡嘅眼神對住我。
我下意識褪後咗張櫈;「我…我唔知啊。」
「係咩?」
佢挨埋嚟,我以為佢想打我,於是我就即刻反方向閃避,然後…
佢拎走咗件褸。
佢睇住後領寫名個位:「向澄。」
「咁咪即係你架囉!」我望住佢件校服講咗句完全唔合理嘅嘢。
「我今日冇着體育服,唔着得風褸。」佢扯返我張櫈返去,成塊面貼埋嚟:「你唔知咩?」
「我…我一間去還返佢。」我成個人僵曬。
「一間?」
佢再一次挨近,我上半身直接跌咗落佢張櫈到。
佢將右腳膝頭擺喺我張櫈到,個人就挨咗落嚟,隻手撐住張枱,成個動作好似準備上我咁。
扯咗,但我而家驚撚到仆街。
我係好鍾意比人騎,但係你可唔可以上返去先?
「係咪一間去?」佢用右手輕輕扣住我條頸。
我吞咗啖口水,雙手擺喺頭上面捉住佢張櫈:「唔…唔係,依家即刻去!」
「咁咪乖囉。」佢用右手輕輕拍咗我塊面兩下:「快啲去啦。」
講完,佢就企返起身,而我就拎住件褸衝咗出班房。
然後我即刻發現咗一個問題…
我知係向澄,但我都唔知佢邊班。
喺我諗緊要問邊個嘅時候,我聽到二號梯嗰邊有人嗌我。
「喂,啊武!」
我望過去,係啊澄,佢企咗喺殘廁門口。
你嚟得好啱,我就係想搵你。
我拎住件褸跑過去,停喺佢面前。
「見到你就啱喇,件褸比返你。」我雙手捧住件褸。
「你唔係凍咩,見你啱啱瞓嘅時候打咗幾個乞嗤。」佢捉住我左手。
好似有啲唔對路…
佢拉開殘廁道門,一嘢揈咗我入去。
佢用左手鎖門,右手璧咚我。
我呆咗咁企喺牆角:「殘廁唔係長鎖嘅咩?」
佢一嘢鍚咗埋嚟,我完全反應唔切。
佢褪後一步,挨住牆企喺我對面,然後喺褲袋抽咗枝煙同火機出嚟。
「可以爆架嘛傻仔。」佢點煙:「要唔要?」
「有咪要。」我仲未消化到啱啱發生嘅嘢。
講完,佢就吸咗啖煙,然後扯我埋去…
將啖煙灌落我個嘴到。
白卡佬A.K.A叛龍
2022-10-31 21:01:10
澄、晴(三)
「點呀,咁樣食煙正唔正先?」佢問我。
「正係正,但唔建議。」我褪後兩步:「第一日識,唔好咁癡線。」
「一次生,兩次熟,三次大結局。」佢將煙頭彈向牆角,然後再一次璧咚我:「咁我同你就一日生,兩日含,三日床上䟴。點睇?」
「你話點就點啦。」
我講咩根本唔係重點,重點係我隻手喺暗中伸緊過去個門鎖到。
佢繼續璧咚,而我隻手已經掂到個門鎖。
我喺內心吶喊:機會嚟啦,飛雲!
一扭,然後用盡全身嘅力挨落道門到。
道門就咁比我推開咗,跟住我就跌咗落地下,而佢都反應唔切就咁跌埋落嚟。
跌落嚟都算,仲要壓住我,真係同TVB啲膠劇一撚樣。
我瞓喺地下嘆咗啖氣:「小姐你起身未?」
佢慢慢爬咗起身:「你唔偷走,我咪唔會壓住你囉。」
「你唔搞埋啲咁嘅嘢,我咪唔洗偷走囉。」我都爬返起身。
「你好似有道理。」
「梗係啦屌你,我哋第一日識咋,真係就嚟比你嚇撚死!」
「Sor鳩,蒲慣咗。」
「邊間Club有木枱木櫈?」
「好似又係。」
我哋望住對方…
然後笑咗出嚟。
「叮噹!」
「喂!」
響鐘嘅同時,有人向我呢邊嗌咗聲。
我望過去,見到啊晴企咗喺班房門口。
我向住班房行過去,而啊澄就向住二號梯行。
我嚟到啊晴面前:「件褸還咗喇。」
「我知啊。」佢語氣聽落唔太開心。
「做咩呀?」
「你唔止還咗件褸。」
「咩呀?」我喺到扮冇事發生過。
「無嘢。」
講完,佢就轉身行返入班房。
佢應該咩都睇到曬,我點兜都冇用。
我由窗口望入去,見到佢執緊嘢準備調位。
如無意外,佢會坐去課室最後面近走廓嗰個冇人嘅位。
我行入班房,佢即刻加快動作,一嘢衝過去冇人嗰個位,然後坐低
白卡佬A.K.A叛龍
2022-11-01 19:29:33
澄、晴(四)
「喂,趕時間啊咁多位,即刻開始喇。」Miss插咪坐低:「啊晴去咗邊啊?」
「做咩?」啊晴舉手。
「你做咩坐咁後?坐返嚟啊武隔離啦。」
「我…」
Miss完全冇比機會佢講嘢:「快啲過返去啦,唔好蹝我時間。」
「Okay…」
佢擺到明係嬲緊我,完全唔想坐我隔離,但係Miss收到風我哋今朝前後腳返學校,佢都冇Expect我哋咁快就鬧交。
嚴格嚟講係佢單方面嬲咗我,因為我冇反擊過。
佢執好書,行到嚟我身邊:「比個位我。」
我拉前張櫈,佢喺我後面攝咗過去。
「喂。」我嘗試撩佢講嘢。
佢睥咗我一眼,然後繼續寫筆記。
「喂。」我再嗌一次。
「想點啊?」佢有少少唔耐煩:「專心啲上堂得唔得?」
「你唔好嬲啦。」我借啲意挨埋去。
佢一掌拍落我背脊:「同我躝返去。」
我即刻坐返直個人,懷疑連個靈魂都比佢拍埋出嚟。
見唔對路,我都冇再講落去,拎咗本書出嚟睇。
睇完書,我哋都啱啱好落堂。
啊晴最後三堂都喺地下上,上完就可以直接走,所以佢會拎埋袋落去。
佢將啲書擺曬落櫃桶,然後就拎袋諗住衝出門口。
我褪後張櫈擋住佢:「唔好走住先。」
佢反咗個白眼:「講真,我憑咩嬲你?」
講完,佢就爬過自己張櫈,然後衝咗出去。
我嘆咗啖氣,攤喺張櫈上面。
Miss拎住疊書行咗嚟我身邊:「啊武。」
我企起身:「我去廁所。」
「想講兩句啫,洗唔洗走佬啊?」佢攤開雙手,成條走廊比佢擋住曬。
「咁你都擋曬成條路啦,唔通我推冧你咩?」我有啲無奈:「有咩想講就快啲講啦,我真係急尿。」
佢輕輕搭住我膊頭:「唔係個個都唔介意你廢架,你氹返人啦。」
「嗯,然後呢?」
「為人師表嘅,唔講咁多啦。」
「我同佢唔係你哋諗咁樣。」
「我唔知你哋啦。」
講完,佢就走咗出去。
香江第一淫棍
2022-11-02 14:08:01
白卡佬A.K.A叛龍
2022-11-02 19:07:41
澄、晴(五)
上完最後三堂,我揹起背囊就衝咗出班房。
「借開啊屌你老母!」我一邊跑一邊大嗌。
我已經唔理我聽日會唔會比人捉去青山,總之我而家要盡快跑到落去地下。
落到嚟地下,我即刻跑去佢上堂間房門。
仆街,燈都閂埋,應該都走咗好耐。
我衝出去校門外面條天橋,然後我就離遠見到佢企喺天橋另一邊嘅垃圾桶隔離傾緊電話。
我跑過去,然後…
「喂!去邊啊?」
啊澄喺側邊條樓梯到彈咗上嚟,擋喺我前面。
「唔好阻住先。」我諗住喺佢隔離行過去。
佢繼續阻住我:「咁急做咩?趕住投胎啊?」
我再趌個頭出去望,啊晴已經走咗。
我嘆咗啖氣:「想點啊?」
「係咪諗住當冇事發生過先?」
「你想點啊?」
「比個補償方案嚟聽下。」
「明明個茄輪係你打落我到架喎,關我咩事?」
「你咪理,總之你要補償返。」
「你飲唔飲酒架?」我問佢。
「梗係飲啦,你講笑啊?」佢雙眼發曬光咁望住我:「係咪你請先?」
「都得,邊間?」
呢一刻嘅我唔想理咁多,請就請啦,因為我淨係想快啲搞掂,然後跑過去搵啊晴。
「成個區得嗰一間,仲有第二間咩?」
「Duel,咁我走得未?」
「Why not?」佢行埋一邊。
「咁禮拜五見,你知我IG架啦。」
「Bye~」
佢肯定知我IG,因為我PoPo個簡介到有我IG名。
我向住天橋另一邊跑過去,但係已經見唔到啊晴。
我即刻打電話比佢,然後…
佢Cut咗線。
我可以肯定係Cut線,因為熄機或者Block咗會係「暫時未能接通」,而傾緊就係「正在使用中」,而佢係咩都冇講就Cut咗,所以唔會有錯。
我再打多次,今次係「暫時未能接通」。
希望只係佢熄咗機,而唔係Block咗我。
我收埋電話,嘆咗啖氣:「佢睇到啲咁激嘅嘢,真係要啲時間消化下。」
講就咁講,但係我返到屋企之後都一直用唔同方法去試下搵佢,雖然到最後都係搵唔到佢。
白卡佬A.K.A叛龍
2022-11-02 21:02:59
澄、晴(六)
第二日返到去,坐喺我隔離嘅已經唔係啊晴。
「你邊位?」我擺低袋,然後坐低:「啊晴呢?」
「調咗位。」
「邊個調?」我問佢:「你好想叫我起身咩?」
「唔係,我唔會叫你起身。」
「咁點解會調咗呢?」
「利益。」佢望住調咗去最後排近窗台嗰個位嘅啊晴。
「咪玩啦,有咩利益啊?」我以為佢講緊笑。
佢喺銀包拎咗廿蚊出嚟:「佢每日廿蚊買我同佢調位。」
「咁一個月咪有成四百?」
「差唔多啦,冇四百都唔想坐過嚟。」
「洗唔洗講到我咁恐怖啊?」我有啲想打佢。
「你單嘢成間學校都知喇。」
「你講我同啊晴一齊?」
「其一,仲有另外一樣嘢。」
「廁所門口…」我唔係好想講出口。
「殘廁跌出嚟然後攬埋一舊瞓喺地下啊嘛!」
嗯,多謝你幫我講咗出嚟。
原本廢物爬上雲層已經好有討論度,再加多單「殘廁大戰」,我諗我已經做咗校內嘅KOL,但我嘅形象已經直插落谷底。
之後幾日,無論我係喺Whatsapp定學校搵佢,佢都無視我,而我都無再搵佢。
我係谷底嘅人,佢係飄喺雲層嘅人,我哋以前、而家同未來都唔會係同一個世界嘅人。
我只係一個飛行器都未裝好就想飛上去搵佢嘅傻仔,一堆雀仔撞埋嚟我就收皮。
毒撚想溝女神,要經過身邊所有人嘅洗禮,洗到最後唔爛皮先有得一齊。
唔好諗咁多喇,今日係Happy Friday,仲約咗啊澄,應該要開心啲。
我踏出門口,然後企喺門口諗咗陣,之後就開咗電話。
「我去飲酒,上次嗰間。」我Send咗個Whatsapp比啊晴。
「嗯。」佢秒覆咗我,然後又Offline。
心情冇咩起伏,因為都預咗。
白卡佬A.K.A叛龍
2022-11-03 12:06:20
澄、晴(七)
嗰日之後啊澄喺IG搵我約咗時間,不過就冇叫我搵人,所以我估今日除咗佢,應該全部都係佢啲Friend。
我嚟到酒吧門口,佢已經喺門口對出個石壆食住煙等緊我。
係佢,唔係佢哋。
我自轉三百六望咗望周圍,真係得佢一個。
佢今日嘅衣着完全就係MK妹標配,唔接受任何反駁。
Nike大剔褸、Thrasher黑Tee、真理褲、YSL𠝹波袋再加對McQween,再加埋佢個樣同身高都同嘉盈有九成相似。
駁唔到啦?不過靚女就係靚女,着到幾MK都係有料。
雖然我冇話對佢有啲咩諗法,但係對眼要不時滋潤下呢單嘢我相信大家都認同。
佢彈走煙頭,行到我面前:「你做乜鳩?」
「得你一個?」我問佢。
「係呀,多幾個你請得起咩?」
好似又係,我都冇咁多錢。
「咁行啦。」
我哋揀咗張細枱,面對面咁坐。
「開住一枝Black Label先?」佢問我。
「兩枝啦。」
唔係話咩,還掂我都冇咩機會飲。
「都得。」佢挨前:「既然係咁,不如一枝Straight咗佢。」
「認真咩。」我扮曬冷靜咁上下掃視佢。
我已經流曬冷汗,一枝Straight真係好撚癲。
「都得。」我嗰個唔服輸嘅心驅使我講咗句咁嘅嘢。
「啊姐兩枝Black Label,一枝Straight咗佢啊唔該。」佢向住整緊酒個啊姐大嗌。
「收到!」啊姐拎咗兩枝Black Label出嚟:「你哋枝Straight先上定後上?」
「後上。」
我預判佢,伸手過去諗住揜住佢把口,然後…
佢預判咗我嘅預判。
佢都伸手埋嚟,仲要快過我。
佢揜住我把口:「Straight先上啊唔該。」
我終於推開到佢隻手,但一切已經嚟得太遲,原枝Black Label已經擺咗上枱。
「洗啊洗Shot杯?」啊姐問我哋。
「唔洗喇唔該。」啊澄擰個頭過嚟望咗我一眼:「佢要。」
我向佢比出咗一個禮拜而不失尷尬嘅微笑,心諗:咁撚串,一間就飲撚死你!
白卡佬A.K.A叛龍
2022-11-03 14:02:42
澄、晴(八)
啊姐啱啱擺低Shot杯,啊澄就即刻斟滿咗佢,然後擺低枝嘢喺我面前。
「點,想玩咩?」我問佢。
「你揀啦。」佢翹埋雙手。
「你斟酒先啦。」我將枝嘢推去佢面前:「冇酒冇得玩。」
「我要飲先算啦。」佢擰返埋個樽蓋。
「都得。」我伸出雙手:「明啦?」
「明。」佢都伸出雙手:「開得波。」
讓下你,猜返個枚先。
「Lady first。」
「Sure。」佢啪咗啪手指:「聽枚。」
「請。」我攤咗攤右手,以示禮貌。
「五。」
中。
「十五。」
再中。
佢比返同一個手勢我:「請。」
無事嘅,技術性調整嚟架啫。
至少我係咁樣相信,直到…
「到我嗌。」我唞曬大氣:「五。」
中。
「開曬!」
中啊!
「飲啦屌你!」我推枝酒過去。
佢將枝酒枝反轉,然後…
半滴都冇。
九一開,我開始有少少Wing wing地。
「冇酒,咁我去個廁所先。」我起身。
佢起身過嚟扶住我:「你睇住啊。」
我揈開佢:「我掂啊,你定啦。」
佢「噗」一聲笑咗出嚟,然後坐返低:「咁你自便啦。」
「梗係啦,唔通叫你幫我逗住咩!」我扶住張櫈,死淨把口。
我扶住啲櫈,用咗一陣終於去到距離我個位五步遠嘅廁所。
痾個尿再洗個面,然後滿血復活。
行返出去,已經見到枱面有一壺Mix好咗嘅。
「喂啊仔!」老細叫我。
「咩事?」我問佢。
「上次臨收鋪,你嗌酒唔記得截住你,有枝你比咗錢但係未開。」
「有啲咁嘅事?」
「有啊,上次張單有落到,我收埋你錢架喇。」
「我想問…」
佢打斷咗我,唔比我問。
「唔好問,啊姐幫你mix曬架喇。」佢指住擺酒嗰張枱:「我驚下次唔記得。」
我望過去,六壺Mix好咗嘅酒已經喺枱上面擺好曬陣。
多謝你啊老細,你真係一個好有道德嘅生意人,酒吧業真係欠你一個交代。
「又有得玩,開心仔!」啊澄拍曬手。
「係呀,哈哈。」我失去靈魂咁苦笑。
香江第一淫棍
2022-11-03 21:44:13
白卡佬A.K.A叛龍
2022-11-04 12:03:02
澄、晴(九)
我已經唔知我到底飲咗幾多,亦都唔知到底淨返幾多,我淨係知我幾乎每分每秒都飲緊。
我已經進入半沉睡狀態,耍曬手擰曬頭。
「冇啦,飲曬喇。」啊澄拍咗拍我。
聽到呢句,我眼前即刻憑空出現咗隻天使同我講「醒喇柒頭,走得喇。」
「喂老細,埋單。」我舉手。
「嚟緊!」老細拎住張單行過嚟:「千八。」
我擺低錢,然後就S字形咁行出門口。
係新鮮嘅空氣,我終於知咩叫死過翻生。
「我走先喇。」佢轉身就走
「喂!」
「做咩?」
我諗住叫佢送我返去,但又好似好柒咁,都係算啦。
「無嘢喇,掰掰。」我坐喺石壆上面點煙。
食食下煙,我對腳前面多咗個影,有人企咗喺我左邊。
我望過去,視線只係淨返一條線,咩都睇唔到。
好攰,對眼完全擘唔大。
「你認唔認到我?」佢對住我講。
係女人聲,但把聲有啲沉,好似啱啱喊完咁,同佢原本把聲應該好唔同,我認唔出係邊個。
我擰咗擰頭:「你邊個?」
「啊晴呀。」
啊澄?唔係走咗喇咩?
但又唔會係啊澄,佢嬲緊我。
仲有第三個叫啊晴?但除咗佢兩個,我冇識人叫啊晴。
「行啦。」佢踎低。
是但啦,都一樣,我估應該都唔會有男人扮女聲執我屍。
我一手搭落佢膊頭,同佢一齊踎咗喺到。
「起身喇喎。」佢一手攬住我條腰,一手捉住我隻手。
「嗯。」我扤咗扤頭。
我慢慢用力起身,然後失平衡坐咗落地下,佢都比我拉埋落嚟坐低。
「坐定。」
講完,我成個人就比佢抽起咗。
「企定未?」佢攬得更實、捉得更實。
我原地踏咗兩步,然後扤咗扤頭。
「咁行喇。」佢拍咗拍我搭住佢隻手。
我扤咗扤頭,然後佢就開始慢慢向前行,我一步佢一步咁。
白卡佬A.K.A叛龍
2022-11-05 14:00:29
澄、晴(十)
我搭住佢一步一步咁慢慢行,用咗唔知幾耐終於返到屋企樓下。
「喂,密碼,樓層。」佢拍咗拍我背脊。
「7542,17。」慣性嚟,醉咗都記得。
「嘟、嘟、嘟、嘟。」佢撳密碼。
「行喇。」
我跟住佢一步一步咁行入𨋢大堂,然後入𨋢。
我挨住扶手,然後就順勢坐低。
坐低未夠半分鐘,佢就抽起咗我。
「行喇。」佢拍咗拍我手臂。
我扤咗扤頭,然後跟住佢行。
我Feel到燈光暗咗好多,應該出咗𨋢。
我跪低,然後佢又抽起我。
「差幾步咋,頂住。」佢好大力咁捉住我。
「嗯。」我扤咗下頭。
我跟住佢行咗縛步,然後就停低咗。
「鎖匙。」
我喺褲袋摷咗摷,摸到啲似係鐵嘅嘢就拎咗出嚟:「呢條係咪?」
佢拎走條鎖匙:「等我一陣。」
三秒後,佢將條鎖匙塞返落我隻手到:「唔識開,你嚟。」
我拎住條鎖匙,對咗幾秒終於對啱位。
「咔噠!」
門開咗,佢更用力咁捉實我:「睇門檻。」
我跨咗一大步,無Kick親。
我喺呢個漆黑嘅環境裡面隱約見到熟悉嘅肉色梳化,就直接攤咗落去。
我攬住張被,諗住合埋眼就可以瞓,點知一合埋眼,我個頭就即刻轉到都嘔。
我擘大眼彈返起身,然後用力咁呼吸,成個人即刻醒曬。
我望咗望周圍,佢跪咗喺我隔離。
間屋好黑,我只能夠見到佢個輪廓。
佢係…啊晴?
我捽咗捽眼,然後用盡所有精神望住佢。
「望完未啊?」佢撳低我:「瞓低,但唔好合埋眼。」
過咗陣,佢好似拎咗啲嘢返嚟,然後又跪返喺我身邊。
「啊晴你拎咩嚟?」我問佢。
佢冇答我,我只係聽到有水聲同擰毛巾嘅聲,然後就有啲嘢冚咗喺我額頭上面。
好暖,好舒服。
「有冇好啲?」佢問我。
「嗯。」我扤咗扤頭。
「我走喇。」佢企起身。
我拉住佢衫角:「唔好。」
「我知你未得。」
佢拎開我隻手,然後就開門出咗去,而我都好快就瞓着咗。
香江第一淫棍
2022-11-05 17:13:49
白卡佬A.K.A叛龍
2022-11-06 13:13:50
澄、晴(十一)
喺我再次擘大眼嘅時候,我身邊一個人都冇。
個頭仲係有少少痛,不過應該飲杯水就無咩事。
我坐起身,睇咗睇錶。
十點,應該所有人都返曬工。
我起身飲咗杯水,然後就去老竇同老母間房睇咗睇,冇人。
我行返去我間房到,點知我一開門,就見到啊晴瞓咗喺到。
佢着住白背心、真理褲,一般嘅居家衣著。
仆街,我個頭又開始痛。
到底我琴日做過咩?
我將我個腦裡面零碎嘅片段重新組織,再加上我眼前嘅畫面,我諗我大概估到發生咗咩事。
我揈咗揈頭,然後爬上床背住佢瞓低。
佢拍咗拍我背脊,然後我擰轉身:「做咩?」
佢都擰轉咗身,我哋兩個喺床上面你眼望我眼。
我張床好細,我哋兩個塊面嘅距離連十CM都冇。
「做咩起咗身都唔叫我。」佢摸住我塊面。
我摸住佢隻手:「我唔知你喺到啊嘛。」
「傻仔,唔係我送你返嚟,仲有邊個會送你返嚟?」
「好似係,條仆街就走撚咗。」
「你都識講啦,咁琴日扶你返嚟嗰個咪我囉。」
「但係…你唔係嬲緊我咩?」
「咩我有話嬲你成世咩?」
「好似係。」我傻笑。
「喂。」
「做咩?」
「你信唔信十秒定律?」
「信啊,做咩?」
佢冇覆我,而我都冇再講嘢,只係專心咁望住佢雙眼。
十。
九。
八。
七。
六。
五。
四。
三。
二…
我個身突然好似比人控制咗咁,塊面不受控制咁貼過去,而佢…
都一樣。
我哋就咁蜻蜓點水咗一下,就好似有條羽毛掃過我個嘴咁。
只係一瞬間,但係錫呢樣嘢有時就好似畫公仔咁,唔洗畫出腸。
佢攬住我,而我思索咗幾秒之後,都攬住咗佢。
「你有冇諗過一樣嘢?」
「咩?」我更用力咁攬實佢。
「有時人真係唔洗做到好曬先搵另一半。」佢輕力咁拍我背脊,好似氹BB咁。
白卡佬A.K.A叛龍
2022-11-06 14:04:30
澄、晴(十二)
「你想講咩?」佢好似暗示緊我,但我唔肯定。
「就算你未係最好,我都鍾意你。」佢塊面返到我面前,距離又近咗。
「但係我咩都比唔到你,我讀書差、冇錢,然後又矮、毒、柒。」我講出咗我一直都唔夠膽講嘅嘢。
「男人三十而立,你而家冇啫,十二年後嘅事邊個知。」
十二年後會點的確係連算命佬都未必知,但我對自己真係冇信心…
一啲都冇。
我覺得,我成世都會係咁。
我係咁諗,但我從來唔夠膽講出口。
我將重點擺落基本上變唔到嘅三樣嘢到:「咁矮、毒同柒呢?」
「毒?」佢指住我痴喺牆上面嗰張啊源嘅「我覺得自己係零」貼紙:「啊源當年都毒到計都傾唔到半句,而家又咪娶老婆生埋仔。」
好似又係,啊源都可以,點解我唔得?
一語道破,但我…
真係襯得上你咩?
「咁…」
我未開始講,佢就錫咗落嚟。
佢褪後,得返我呆咗喺到。
「我都唔係完美,咁我哋咪一齊進步。」佢雙手摸住我兩邊面:「你唔要你覺得,我要我覺得。我覺得你好撚靚。」
佢嘆咗啖氣:「你知唔知重點係咩?」
我擰咗擰頭,然後…
佢再一次錫埋嚟。
輕輕嘅一吻,但我感受到佢有幾愛我。
「重點係你。」佢眼都唔眨咁望住我。
唔知係咪我仲宿醉緊,個人仲好敏感,聽完佢幾句之後啲眼淚就湧曬出嚟,喺個眼框到𠺘𠺘下。
「做咩喊啊?」佢唔係好反應到。
我攬住佢,佢將我個頭埋咗落佢心口到,然後我啲就好似失堤咁湧出嚟。
「無事無事,唔喊唔喊。」佢一手溫柔咁摸我個頭,一手輕力咁拍我背脊。
我聽住佢嘅心跳聲,而我嘅心跳都好似慢慢同佢同步。
佢溫暖嘅體溫包圍住我,加上佢一直輕力咁拍我背脊,我都慢慢平伏返。
佢耷低頭望住我:「好返啲未啊?」
我抬高頭:「嗯,好好多啦。」
「咁我要問你嘢喇喎。」
「你講啦。」我知佢要問咩,但我想佢講。
「你可唔可以同我一齊。」
「嗯。」我扤咗扤頭。
我將個頭埋落去佢心口到,佢都攬實我,然後輕輕咁、慢慢咁掃我背脊。
白卡佬A.K.A叛龍
2022-11-07 12:13:42
澄、晴(十三)
「你洗唔洗瞓多陣?」佢問我。
我輕輕扤咗扤頭,然後個肚「咕」咗一聲。
「係咪肚仔餓啊?」佢當我小朋友咁同我講嘢,但我好鍾意咁。
「嗯。」我有啲尷尬咁搲咗搲頭。
「我都有啲餓同眼瞓,一間食完嘢一齊瞓啦。」佢坐咗起身:「你屋企有冇嘢可以煮啊?」
「做咩啊?你想煮?」我問佢。
佢扤咗扤頭:「我得架,你信我啦。」
「唔係啊,我諗緊有咩可以煮。」
我唔係質疑緊佢,我真係諗緊,因為我好耐冇出過手煮嘢食。
我醒起琴日我啊媽有講過雞蛋同麵包呢四個字:「你睇下雪櫃係咪有雞蛋,然後再睇下雪櫃後面張枱有冇麵包。」
「好啦,咁你瞓陣先啦。」
講完,佢就爬咗落床,而我就合埋眼諗住繼續瞓。
我都仲未瞓返着,就聞到有浸淡淡嘅…
燶味。
燶味?
仆街,佢煮燶嘢!
我起身跳落床,然後直衝去廚房,一手就熄咗個火,而佢就拎住個鑊鏟企喺我後面。
「你搞咩煮燶嘢啊?」我有少少大聲咁問佢。
「你咁惡做咩喎…人哋屋企用易潔鑊架嘛,點知你嗰隻唔係。」佢扁住嘴咁講。
佢唔講我都唔記得有易潔鑊呢樣嘢,易潔鑊煮嘢的確係可以唔洗落油。
「對唔住啊,啱啱語氣重咗。」我行返去佢後面,從後攬住佢:「你唔好嬲嬲啦好冇?」
佢擰個頭過嚟,個嘴對住我耳仔。
等陣,點解要對住我耳仔?
當我意識到唔對路嘅時候,一切都已經嚟得太遲喇。
佢撳住我塊面,個嘴貼住我耳仔慢慢咁向裡面「呵」咗啖氣。
我即刻打曬冷陣,仲升埋半旗。
我推開佢:「我煮啦,你出去等陣。」
佢從後攬住我:「唔要,我要陪你煮。」
我摸咗摸佢個頭:「好啦好啦,咁你企我後面啦,驚一間彈油。」
白卡佬A.K.A叛龍
2022-11-08 12:04:48
澄、晴(十四)
我拎起個平底鑊將嗰舊蛋焦刮落垃圾桶,然後拎去洗,而佢就企喺我後面一直攬住我,成隻樹熊咁。
我洗好個鑊,抹乾水擺返低,然後就去雪櫃拎咗兩隻蛋。
我拎住兩隻蛋:「想點整?」
佢將個頭擺喺我膊頭上面:「你識唔識整好似朵花咁嗰啲架?」
「都…識嘅。」
之前都有整過,但好耐冇整過真係驚炒車,不過佢想我整就試試佢啦。
「好嘢,有花花蛋食!」佢錫咗我塊面一啖:「咁我行埋一邊睇你整得唔得架?」
「都好,驚一間太大動作整到你。」
「你夠膽先算啦,你整到我就騎撚死你。」佢喺我耳邊用氣聲講。
又嚟一鑊,今次起撚曬。
講完,佢就行咗去我後面拎咗張櫈仔坐低,然後雙手托住個頭,好似啲小朋友等緊老逗老母煮飯咁。
我轉身背住佢,扮無事咁喺到打蛋。
蛋打好曬,大戰而家先正式開始。
熱鑊,落油,然後落蛋。
冇記錯係等二十秒,然後插兩隻筷子落去轉個鑊。
我拎住對筷子,扎好曬馬。
三。
二。
一。
我一嘢將對筷子插落去,嗰個力道差啲可以隊穿個鑊。
我另一隻手即刻揸住個鑊柄轉咗個圈,然後…
得咗!
我熄火將隻花花蛋上碟,然後擺去隔離張枱到:「啊晴,過嚟睇下。」
佢跳下跳下咁行咗過嚟:「嘩,好靚啊,你好叻叻啊!」
「梗係啦!」我好得戚咁講。
佢一嘢攬埋嚟,仲錫咗我一啖。
我未反應得切,呆咗咁企喺到。
「點解有嘢哽住嘅?」佢望住下面。
「唔知啊。」我攬實佢,唔比機會佢望落去。
然後…佢伸咗隻手落去摸咗下。
「死賤狗,你好鹹濕啊!」佢好奸咁望住我:「我咩都未做你就咁架。」
咪吹啦,咁叫咩都未做?
「對唔住。」我都唔知點解我要講對唔住。
「傻豬嚟嘅,講咩對唔住呢?」佢摸咗摸我個頭:「你都冇做錯嘢。」
「嗯。」
「係喎,你自己嗰份呢?」
「咩呀?」
「你拎咗兩隻蛋,但係整埋一齊變咗一隻花花蛋。」
「好似喺喎。」我忍唔住喺到傻笑:「咁點啊?」
「唔緊要啦,拎出去先,我切一半比你。」
「好啦。」
講完,我就將把刀仔放落碟蛋到行咗出去。