點樣可以學識同人相處

其實我會 我都試過咁問
但feel到一問人地就唔係好好反應
唔知係咪因為太personal?
所以我想學下點樣令人願意同我分享佢嘅諗法

你之前係點問法

首先你要分享左自己先

我之所以有咁嘅反應係因為有時我講完d嘢對方明顯唔知點應 又會諗我話我凍/熱關佢地咩事 佢地都唔會想俾屎
所以心型上好相信人地會覺得我怪

其實書真係睇過好多道理上都明唔應該咁尋求大家認同同討好人 但情感上好自然會咁做

我有時係到諗可能真係要有辦法突破呢個心理障礙先諗到講咩

好多人都係咁講 但我發覺好多時候大家都唔點講
我唔講就會dead/認識唔到落去
如果遇到多嘢講嘅人我都俾到合理嘅回應

巴打 我都係咁
對住熟人相處好自然 好多嘢講
但對住啲新識嘅人就好少嘢講
太少主動撩人講嘢搞到社交圈子好細

就咁當開新topic咁問？例如你之前讀咩/做咩工架？

我觀察到好多人都唔問呢d嘢 直接講下生活無聊嘢 講下講下先問 好似人地會無咁有戒心肯分享多d?

但我就唔知3唔識7點樣分享生活小事

你試下對對方既嘢 抱有好奇心

然後再加小小分享，同時觀察仔細啲

同埋讚人多啲 人地又會鍾意講多啲

大家高興

無拿拿就咁講一堆嘢好kam好似好自來熟咁

一齊諗下點樣脫毒啦！我相信係有辦法架

如果你真係純粹咁講話我好凍/熱嘅話 我都唔知俾咩反應你啦 凍就著多件熱就除多件啦
同人相處唔關討好人地事 兩樣嘢係冇衝突

抱有好奇心同觀察仔細d有無例子點做

我會讚呀但人地唔係好受落 可能真係要熟d真心咁讚先work?

咁點為之分享當刻感受/心情？

我會因為想討好人而講嘢無咁真心 其實係死罪嚟

樓主應該係想問點樣加入新圈子同交新朋友。我覺得你可以先聽下你想識的人講d 乜野，學下身邊的人對住 d 唔識的人會講d 咩，之後學返佢地，一開始照抄，抄下抄下就會發現有左自己的思路，就唔洗跟人講。不過如果無野講的話就唔好夾硬搵野講，由佢 dead air 就得。另外可以練下保持微笑。

諗到就講 諗唔到刻意去講仲尷尬
同埋我覺得大家都習慣dead air架啦 有咩所謂 你同你班好熟嘅朋友就算出街食飯我諗都一定有dead air嘅moment 你問心會唔會介意？
唔洗諗咁多 想講d 咩就講 諗唔到咪靜靜地繼續食飯/繼續玩
同人相處呢件事係所有人都要keep住去練習架啦 共勉之

其實你分享自己凍同熱都係屬於分享自己當刻心情
但個問題出喺人地冇嘢接到落去 換著係你聽到人地咁分享 你問吓自己可以俾到啲乜response
所以你講每一句之前 都要問吓自己 如果換著係我聽到呢句 我會有咩感受/response 冇問題嘅話先好講出口

但我明白你就係卡喺唔知道講乜先好 所以先話你要對其他人嘅生活抱有好奇心 而呢樣嘢就可以帶到落去興趣 究竟你平時鍾意做啲乜 係過住點樣多姿多彩嘅生活 等等等等

其實我都唔明點解可以由佢dead一dead就好尷尬唔知點算 大家識新人都會咁架？

做返自己 dead air 就 dead air
表現唔符合自己嘅特質
一嚟老尷
二嚟辛苦
三嚟注定失敗

我有時都會分享下興趣/問下人興趣 但大家都seems唔想講令我r曬頭

但我真心想知點樣嘅心情先可以俾到人有嘢接

早 食左 幾好

如果你可以provide到例子/圖佢地係點樣唔想講 我地先有討論落去嘅空間

接唔接到落去唔關你心情事架 睇你講咩架姐

樓主
其實你只關注你自己
你驚人哋觀察你
你驚人哋評價你
你驚人哋拒絕你
所有野睇落係對外
其實都係關你自己事
有冇試過好專注做一件事嘅時候冇哂緊張嘅感覺
因為專注緊嘅時候 你冇留意自己 只留意件事
多啲向外關注 唔諗自己 會慢慢改善

每個人都有自己鍾意既嘢，你同佢傾佢鍾意既嘢就自然會好傾啲

例如 人地鍾意影相，你都啱咁就最好，如果你唔識 你咪當學多樣嘢問下

通常會去開邊道影？ 佢答完你 你又講少少相關既經歷

然後又問下佢細節啲 又讚下對方

留名

同佢地講下今日忙唔忙 我今日做咗咩佢地多數都無reply 其實分享係咪俾d具體事例會好d?