發覺而家增值自己最高CP值係哩2樣

點樣真正面對、跨過同共存？

你如果有能力去承受其他人嘅情緒當然最好
但係每個人都冇責任去為其他人嘅情緒負責
最驚係當你以為自己有能力去幫人分擔 但係其實自己都不停壓抑緊 去到某個點當不能再承受時反而會傷害咗自己

不過都好欣賞你呢種諗法 但係唔係人人都有能力做到

有道理咁我唔屌你啦







不過我講既野有道理，你上網查下就知

That’s why佛學會提倡緣起 即係一切都有因緣 有原因既講法 當你用左呢套諗法 好多時你會順氣好多 因為你知道佢有佢既原因
就好似個套闔家辣咁 Edan老豆同老母都有對佢做啲佢覺得錯既事 但最後點解佢選擇左原諒係因為佢知道左佢地咁做既原因同因緣去選擇咁樣對待自己個仔 同時將其詮釋為愛
有時你好難知道對方係個點既人 同佢處於咩環境下 可能佢屋企發生意外 可能佢比女飛 你唔會知架 佢咁對你係事實 但當你明白左佢咁做有佢既原因 而你係控制唔到既 你就會舒服啲 即謂放低你對佢 覺得佢要友善對你既執着
當然我打咁多而你呢刻選擇同我討論 都因為你係一個會咁做既人 instead of唔去思考就反駁我 呢個都係緣起既例子

講到幾好

做到你講嘅野 溝女就冇乜問題

呢種心理防衛機制本身就係為咗避免我地受到傷害而存在
而而家嘅問題係社會規範強制熄咗我地嘅防衛機制 例如要所謂理性 要對人有禮 不出惡言 要任勞任怨 要訓練自己嘅心理能力去面對各種壓力等
但係咁樣其實我地係不停咁承受緊心理傷害 只係我地唔察覺
冇嘢嘅時候就冇嘢 但當一去到臨界點嘅時候往往就易會崩潰
去到呢個時候就更難回復正常 但係一般人往往係喺呢啲時候先會去尋求幫助

而所謂理性與否 定係咪反社會 其實好難下判斷
現代社會嘅因果關係其實係好模糊 亦都好少人會重視心理上嘅因果關係
有人可能無啦啦鬧你 但係可能件事係與你完全無關 咁你就無啦啦要承受其他人嘅惡果
呢種事係經常會發生 但係好明顯係唔合理
而你將情緒再發洩落其他人度 其實只係為咗平衡自己 而唔係平衡整個社會上嘅因果 而作為個體我地都冇能力去平衡社會上嘅善惡

Cognitive Behavioral Therapy

防衛機制唔代表你應該跟住做
只係面對事情時你會作出既反應

適量可以保護自己情緒
過量會影響自己心身發展

壓制［好］
會係壓制自己既衝動
例如 侍應送錯餐 你想大聲鬧佢發洩
但你知道鬧佢都幫唔到件事
就正常語氣陳述俾錯左 叫佢換返岩
好啲仲可以提點佢下次小心啲

壓制［唔好］
過度壓制自己既情緒
同樣例子 侍應送錯餐 你覺得好嬲
但你唔同侍應提出 屈住係個心
自己覺得唔開心 無解決問題
慢慢就會積累更多負面情緒

昇華係你用好既方法over come hard time 而唔係借酒消愁 不過唔代表你已經面對左個問題 當中都可能係潛抑 姐係你表面忽視個問題 內心依然好在意 只係唔去諗起佢/刻意迴避佢

真正面對一個問題 係當你見到或者人地提起 而你已經唔再在意

唔洗客氣
認識自我係一條好長既路
好多人唔想做「探索」呢一步
情願跟隨他人多於思考自我

希望你可以透過心理防衛機制探索到自己既弱點同恐懼

但係佛學講因緣都係一種開解 並唔係解釋
當然有可能好似你咁講 有啲人係因為本身唔開心先要發洩 我地需要體諒佢地
但係亦都有啲人係會無緣無故屌人 可能係因為佢極度自我中心 又或者有好大支配欲 而呢種人係的而且確係存在喺我地社會
當承認有呢種人存在嘅時候 就無辦法接受因果係一套合理嘅解釋嚟喎

每個人既思路都唔同
唔會有一份統一指南
所以我地要多觀察 思考 探索
閱讀可以幫到你思路方向
只要你願意細味 放棄急功近利
自我思考同雞精摘要係兩回事黎

未睇過抖音

樓主講得好！我撐你

你會覺得無緣無故係因為佢有啲原因你忽略左 除左緣起仲有性空 成句就係緣起性空 所有嘢都係一連串既因緣所組成 包括你同我呢刻係度討論緊 同埋有條痴線佬係街度亂9咁斬人 後者都有佢既原因 唔淨止係呢刻而係講埋佢過去發生過既事 簡單一句就係人渣都是需要煉成的
有句叫無人自願為惡 個意思就係所有人做既嘢都係有用既(useful) 稱之為善 而唔做啲冇用(useless)既事 即為惡 佢就係表達緊每個人做既嘢對佢而言都係有原因 有意義既 而人地既因緣你捉唔住 就應該放低 唔去執着他人既行為
屌變左講經笑死

多謝樓主分享

唉 但係現實生活中好多野都係錢字行先
如果連三餐都有問題
仲點探索世界

留明再睇

請問樓主MBTI & 九型人格係咩type