發覺而家增值自己最高CP值係哩2樣

而家哩個低欲望社會
個個都躺平
其實我覺得
係因為諗唔到做啲咩去增值自己
因為社會一大堆增值自己嘅方法
無論係學英文學日文考牌都好
最終都係for賺錢
但錢係工具唔會係最終目標

而我增值自己prefer嘅係
for探索個世界 (擴大世界觀)
for人生意義 (擴大人生觀)
for生活體驗 (擴大價值觀)

所以為咗哩3點
我覺得最核心要提升嘅能力有2樣
哩2樣就好似樹根再放射形狀咁
射出去表面
改變緊我哋好多生活上嘅事情
例如待人接物/生活習慣
例如愛情/人際關係/工作
都會圍繞哩2樣嘢

心理質素+思維能力

心理質素係咩
我哋成日睇人ig fb caption講
咩要有堅強嘅心 咩內心強大...etc
其實都泛指一個人
面對好多負面嘅事情
例如失業失戀被背叛運氣差..etc
佢嘅身體同情緒都可以好快恢復

哩樣嘢有人話經歷得多就會咁叫做成熟
泰山崩於前而色不變係因為見過
嵩山冧完 又見過華山冧 又見過衡山冧 又見過恆山冧
咁見到泰山崩都色不變啦

而我覺得咁樣其實幾危
就好似你直接去考DSE嚟練DSE咁
效率低
同埋你冇一個心理預備就去承受
結果係咩
有人因為工作壓力而苦悶失眠幾年時間
有人因為暗戀失戀而憂愁寡歡幾年時間
有人因為親人離別而悲傷幾年時間
更甚有人抑鬱而離開世界

其實唔應該透過考DSE嚟練DSE
我哋要事前練習
有一個term叫"心理韌性"
好似肌肉咁要練返嚟
同gym一樣有訓練量 要去練 keep住練
練完你遇事就識得點去做心理調節
降底負面事件對你造成嘅傷害
就好似你練完肌肉有人打你
大隻佬有肌肉擋住唔會傷得去邊

我推薦大家練3樣
第一叫做心理防衛機制
第二叫做自尊五感
第三叫做思考方式

第一 心理防衛機制

首先其實傳統社會
一直要你用唔成熟嘅心理防衛機制

例如男兒有淚不輕彈
令到男人唔會輕易表達情緒
會覺得好羞恥
例如女人要矜持
令到女人唔識點主動表達內心真正想法

另外仲有啲係日常會遇到
例如男仔通常嬲會
突然静落嚟唔講嘢/唔覆/覺得好煩/冷暴力
例如女仔通常嬲會
放負/情緒失控又喊又衝出馬路

亦有啲特殊案例
例如女仔比人姦完會不斷放飛自我不斷搵SP(其實係想搵返自主權)

仲有嘅就係

否定
例如:連登仔發現女神有男朋友 連登仔會覺得朋友/阿哥嚟姐

反向
例如:你愈憎一個人憎到極點,行為上對佢反而係好好 or 調反轉 鍾意一個人但反而表面上冷嘲熱諷

轉移
例如:連登仔喺屋企比老母鬧完,好嬲好嬲,不斷喺網上鬧人,轉移情緒

潛抑
例如:受情傷嘅連登仔,一有人提起佢ex,立即轉移話題,更甚就一有人提起女仔,佢就立即轉移話題

推卸
例如:連登仔返工做錯野後稱,「哩樣唔係我負責」

仿同
例如:連登仔鍾意女神,所以女神鍾意跳舞,佢又去學跳舞 女神鍾意mirror佢又去睇mirror

退行
例如:有時喺鍾意嘅人面前會變到好幼稚,會變到好任性

幻想
例如: 字面意思 FF自己有錢有女高學歷 喺連登吹水

心理防衛機制分四級
愈低級愈唔成熟

一級(自戀):否定、歪曲、投射
二級(不成熟):推卸、仿同、退化、幻想
三級(神經性):反向、轉移、潛抑

我哋要練習嘅第一步
觀察人哋嘅第1,2,3級行為(連登大把)

第二步
觀察自己嘅第1,2,3級行為(自我觀察好重要)

第三步
然後嘗試用第四級應對

第四級:

昇華
例如:悲傷/嬲嘅時候用不限於健身/跳舞/繪畫/寫詩等等興趣去代表本能衝動嘅發洩(冷暴力/鬧人/打人)

幽默
例如:將自己經歷過嘅事當成笑話講出嚟/用幽默角度睇自己經歷緊嘅事

壓制
例如:當你想本能衝動去發洩(冷暴力/鬧人/打人),觀察到自己情緒並理性壓制行為

預期
例如:有個term叫premortem(事前驗屍)即未發生時就以失敗去預期

理智化
例如:知道哩條女溝唔到就停 唔死纏爛打 move on

以上拋磚出嚟俾大家有個認知先
大家可以就住每個心理防衛機制
去google深入理解 睇埋書就最好
*第四級唔一定係最好嘅應對方式
*自己有認知後判斷最理智嘅方式最好

第二 自尊五感

直接用例子
有一個女神去收一堆連登仔做兵
女神喺ig放一放負
連登仔留言我會保護你(女神獲得安全感)
然後有個連登仔學pua技巧聽返嚟
話稱讚女仔要讚得特別啲
dm個女神
「你著衫嘅style好夾好襯」
「其他人都唔識著亂咁襯」
(女神獲得獨特感)
女神喺ig話自己肥
連登仔留言你都唔肥..(女神獲得聯繫感)
女神喺ig話我究竟有咩喺做到...
連登仔留言你跳舞好過唔少人(女神獲得能力感)
你可以做跳舞老師(女神獲得方向感)

安全感、獨特感、聯繫感(認同、接納)、能力感、方向感

加埋就自尊五感

所以女仔收兵點解會上癮
就係因為一次可以收獲哂自尊五感
而男仔就請你自己去發掘下點樣提升啦...
我嘅建議就一樣一樣提升
例如能力感你就睇吓點樣做一番成就出嚟

咁有啲人問,唔係喎
我女神會收兵但都好自卑
其實有個Term叫「自卑情結」

有錢到李嘉誠咁
你同佢比頭髮多 佢都係自卑
靚仔到郭富城咁
你同佢比身高 佢都係自卑

一個人無論如何點都會有自卑情結
總之一個人遇到一種深信自己無法解決嘅比較
就會有自卑情結係好正常

咁點解我見到啲人個個都好自信嘅？
因為佢哋有一樣嘢作為骨氣
哩樣嘢可以係物質「錢、樣、身高」
其實亦可以係精神
而精神層面上又有個term叫
「無條件自尊」
咩嚟？
細個成日聽到耶撚話
每個人生而為人都係獨特無法取代

你係肥
一樣有靚女鍾意肥人 覺得有肚腩好得意
你係矮
一樣有靚女鍾意矮人 覺得好可愛小正太

而哩種自尊
就建基於你生而為人嘅獨特性
你係你，
無人取代到，於是你為此而自尊
無需同他人比較 無需同自己比較
從而無條件自尊

不過哩樣都幾難做到
所以都係推薦專攻一個成就先
然後以此作為骨氣
例如識個fd剪頭髮好叻
個個都搵佢剪 無咗佢唔得咁
又例如之前有個人鍾意幪面超人
鍾意到狂熱地步
做變身pose上埋日本熱門
哩種都可以係
唔需要一定話要去賺好多錢又盛
有時一門技能 一門興趣 你用咗長時間去做
哩樣嘢就可以作為骨氣令你自信

第三 思考方式

以前po文都有提及過
一、好奇vs焦慮
二、自我安慰vs自我責罵
三、自我接納vs自我肯定+貶底人地
哩度比多個例子
去英國移民
如果你係好奇嘅思考方式
你就會覺得充滿期待
「唔知過到去英國會有咩新嘢玩呢」
「好想去英國周圍行」
「睇展覽睇英國歷史嘢追英國明星」
如果你係焦慮嘅思考方式
「唉過到去點搵工」
「搵唔搵到食」
「啲外國人會唔會歧視」
「啲英文廢點算」

而思考方式唔主張否定焦慮
而係"主張兩全"
因為人類想整部飛機出嚟
好奇嘅人會諗點樣整到部飛機飛快啲
但都要有焦慮嘅人諗點整降落傘

思考方式要好好訓練
好壞要控制住五五波

思維能力下次講 tldr

以上全部都係拋個term出嚟比個認知同方向你哋
同做gym一樣配合飲食去訓練
飲食唔止對生理對心理都有影響
所以都要控制埋飲食
熱量平衡之類
碳水 蛋白質 脂肪 比例啱之類

最後 提升哩2個能力後 再更好地生活
慢慢去達到自己最終目標
探索個世界
搵人生意義
增加生活實感/體驗

希望以上對你有用

lm

2longcantread

TFLDR

哩樣其實係好正規嘅心理學嚟
比班傳銷撚拎嚟用爛哂
聽過唔代表識用
就好似哲學成日話「娛樂至死」
個個都跟住用
但又用錯

0尊 學術台千字文起跳

無計
要盡量多例子先易睇

估唔到冬b唔玩膠咁有料

認真po！！！

認真po！！！！！

睇哂都唔知你up乜7, 重作啦

事實就係 分哂段 又有例子

太長 決定負評

點解可以碌極都仲有

Lm

tldr
增值下點樣長話短說

因為要不斷用例子加強啲Point
例子最易明

樓主睇住, 好易中招, 比老千呃錢
諗咁多大道理, 可惜卻欠缺最基本, 最搵到錢嘅技能.

老細請你返黎. 一味見你同佢講大道理, 佢會以為你痴9線

睇曬，覺得太長嘅人其實可以返去碌抖音

先唔理你講嘅細節有冇科學根據，我覺得呢個世界絕大部分人心理質素的確都好差，好多人唔會客觀咁去審視自己嘅情緒反應同思考方式究竟對自己有冇益

而家增值自己最高CP值嘅有2樣
心理質素+思維能力
練好心理就應對到負面事件
點練
第一叫做心理防衛機制
第二叫做自尊五感
第三叫做思考方式
練嚟做咩
有能力先更好咁達到自己最終目標
探索個世界/搵人生意義/增加生活實感

哩樣係人文學科嘅人例如哲學家都會遇到嘅事
而通常哩類人都會做選擇做老師/大學研究工作
雖然搵唔到錢 但可以研究自己一門學科 夠食三餐就得

因為思考自己大腦嘅行為
Metacognition(思考自己嘅思考方式)
本身就難
情緒同理

有本書叫象與騎象人
象就係情緒
騎象人係大腦
象要失控騎象人好難阻止到
人一有情緒就好難用理智去控制
所以你所講嘅審視自己嘅情緒(了解隻大象)
因為佢有情緒時就冇理智
有理智時就無需顧及情緒
咁就難了

所以我先會提倡有理智時就要開始顧及情緒

D 留言MEAN到
幾可有個PO係言之有物
雖然明白係網上有自由講乜都得
但認真當假膠,嘩眾取寵,PR,冷嘲熱諷 泛濫
仲有幾可有人會用心出PO,講真誠既說話
只少呢個PO值得大家既少許尊重

認同樓主講既野
係大環境越差先自己既心理質素先顯得越重要