。我喺香港睇醫生，只要見到個醫生係hku/cu grad嘅都會好放心。其實醫生嘅質素真係好重要，只係香港醫生嘅水平太高，令大家都覺得醫生唔會醫死人係好基本嘅事。但你睇吓牆內幾多醫療事故
，再諗吓佢哋啲醫學院點樣收人，dse得十分都有得上去讀醫
。醫療係大家都絕對享受到嘅服務，我唔知大家會期望、要求依班讀書比較叻嘅中學雞去達到啲咩成就或者對人生未來4、50年有咩長遠規劃同埋抱負，但係我好肯定佢哋投身醫療絕對係會好穩定咁造福到大家又可以保障到佢哋自己利益。
當然你問我係咪應該用一個咁嘅考試就決定到少部份人終身嘅利益依點我都係有保留，但dse嘅機制係相對公平，大家都係跟住遊戲規則玩，佢哋咁努力贏咗個遊戲就值得有獎勵。如果努力讀完書係冇乜回報，畢業出嚟幾年啲藍色衫起薪都係高過你，邊個會肯讀得咁辛苦？
好多人鬧班狀元係為咗錢先讀醫，喺我嘅角度睇真係好酸。你哋自己搵工轉工何嘗唔係揀package最高嗰份offer?有邊個返工唔係為咗錢
。何況嗰啲都係辛苦錢嚟，班狀元中學嗰陣日讀夜讀，去到大學又係日讀夜讀，到畢業出嚟要肩負人命嘅壓力，又要oncall 36，然後仲要繼續讀書進修。有幾多人做得到？大把人大學畢業之後書都無睇過。點解你哋對於肯堅持咁樣毅行嘅人係會劣評多過鼓勵？最搞笑嘅係佢哋唔怪政府令到產業咁單一，令到啲人讀書唔讀神科、搵食科淨係可以乞食，反而走去怪人為咗錢讀醫。喺香港依啲咁嘅地方生活可以點樣唔諗錢？
最後想同各位就嚟讀medic、讀緊medic同埋讀完medic嘅你講：我真係好敬佩你哋咁努力，好多謝你哋肯服務我哋，香港有你哋依班咁高汁嘅醫生係香港人嘅榮幸
